Morgunblaðið - 12.09.2002, Blaðsíða 41

FRÉTTIR
MORGUNBLAÐIÐ FIMMTUDAGUR 12. SEPTEMBER 2002 41
Vegna mikils áhuga boða Landsteinar enn á ný til 140 stunda forritunar-
námskeiðs í Navision Financials/Attain. Á námskeiðinu öðlast þátttakendur
djúpan skilning á virkni og uppbyggingu þessa vinsæla upplýsingakerfis og
að námskeiði loknu verða þeir gjarnan umsjónarmenn kerfisins sem eiga
auðvelt með að koma auga á möguleika þess og aðstoða samstarfsfólk.
Námskeiðið hefst þann 2.október 2002 og því lýkur 11. desember 2002.
Kennt verður í húsakynnum Landsteina að Grjóthálsi 5 á mánudögum og
miðvikudögum milli kl 18 og 21 og á laugardögum frá kl. 9 til 12. Verð
námskeiðsins er 156.000 kr. Nánari upplýsingar er að finna á vef Landsteina
www.landsteinar.is.
Umsóknir sendist á tölvupóstfangið namskeid@landsteinar.is.
Umsóknarfrestur er til 25. september nk.
Skapaðu þér tækifæri í atvinnulífinu !
- Nám í hönnun og notkun í Navision Attain
Sími 570 7000
DR. Sigurbjörn Einarsson, Guðrún
Dóra Guðmannsdóttir hjúkr-
unarfræðingur og sr. Magnús Björn
Björnsson veita leiðsögn á kyrrð-
ardögum hjóna sem verða núna um
helgina í Skálholti. Á kyrrð-
ardögum gefst tækifæri til þess að
draga sig í hlé, fara í hvarf frá hinu
daglega amstri og önn, njóta friðar
og hvíldar, láta uppbyggjast og
endurnærast á sál og líkama.
Kyrrðardagarnir hefjast á föstu-
dagskvöld. Fyrst verður stað-
arskoðun þar sem sérstök áhersla
verður á kynningu á listaverkum
kirkjunnar og trúarlegum táknum
þeirra og veitt verður leiðsögn
hvernig best megi njóta kyrrð-
ardaganna. Síðan er gengið inn í
hina hlýju þögn, þar sem ytra áreiti
og spenna eru fjarri
Á laugardagsmorgun munu þau
Guðrún Dóra og sr. Magnús Björn
fjalla um stefnumótun hjónabands-
ins og hjónin vinna verkefni því
tengt í einrúmi og síðan heldur
þögnin áfram. Síðdegis mun Sig-
urbjörn biskup flytja hugleiðingu
og fólki gefst kostur á að njóta
kyrrðarinnar í kirkjunni og á
göngu í umhverfi Skálholts. Boðið
er upp á trúnaðarsamtöl og per-
sónulega leiðsögn.
Þögninni verður aflétt á sunnu-
dag að lokinni messu í Skálholts-
kirkju og heimferð er að loknum
hádegisverði. Húsakynni Skálholts-
skóla eru hlýleg og allur viðurgern-
ingur notalegur. Upplýsingar og
skráning á Kyrrðardagana er í
Skálholtsskóla, sími 486 8870, net-
fang skoli@skalholt.is
Kyrrðardagar
hjóna í Skálholti
um helgina
Morgunblaðið/Jim Smart
Skálholtskirkja
Áskirkja. Opið hús fyrir alla aldurshópa
kl. 14–17 í neðri safnaðarsal.
Hallgrímskirkja. Kyrrðarstund í hádegi
kl. 12. Léttur málsverður í safnaðar-
heimili að stundinni lokinni.
Háteigskirkja. Taizé-messa kl. 20.
Laugarneskirkja. Kyrrðarstund í hádegi
kl. 12. Gunnar Gunnarsson leikur á org-
el milli kl. 12 og 12.10. Að bænastund
og altarisgöngu lokinni er léttur hádeg-
isverður í safnaðarheimilinu. Einfalt,
fljótlegt og innihaldsríkt. (Sjá síðu 650 í
Textavarpi).
Breiðholtskirkja. Mömmumorgunn
föstudag kl. 10–12.
Fella- og Hólakirkja. Helgistund í
Gerðubergi kl. 10.30.
Grafarvogskirkja. Foreldramorgnar kl.
10–12. Fræðandi og skemmtilegar
samverustundir ýmiss konar fyrirlestr-
ar. Alltaf heitt á könnunni, djús og
brauð fyrir börnin.
Hjallakirkja. Kirkjuprakkarar kl. 16.30.
Vídalínskirkja. Bæna- og kyrrðarstund
kl. 22. Ath. breyttan tíma. Gott er að
ljúka deginum í kyrrð kirkjunnar og bera
þar fram áhyggjur sínar og gleði. Bæn-
arefnum má koma til presta kirkjunnar
og djákna. Hressing í safnaðarheim-
ilinu eftir stundina.
Hafnarfjarðarkirkja. Opið hús fyrir ung
börn og foreldra þeirra í Vonarhöfn,
safnaðarheimili Strandbergs, kl. 10–
12. Opið hús fyrir 8–9 ára börn í safn-
aðarheimilinu Strandbergi, Vonarhöfn,
frá kl. 17–18.30.
Víðistaðakirkja. Foreldrastund kl. 13–
15. Kjörið tækifæri fyrir heimavinnandi
foreldra með ung börn að koma saman
og eiga skemmtilega samveru í safn-
aðarheimili kirkjunnar.
Þorlákskirkja. Biblíupælingar í kvöld
kl. 20.
Landakirkja í Vestmannaeyjum. Kl. 10
mömmumorgunn. Fyrsta samvera. Sr.
Kristján Björnsson. Kl. 16 æfing hjá
Litlum lærisveinum, yngri hóp 6–9 ára.
Kl. 17 æfing hjá Litlum lærisveinum,
eldri hóp 10–13 ára. Guðrún Helga
Bjarnadóttir, kórstjóri.
Kletturinn. Kl. 19, alfanámskeið. Allir
velkomnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á
vægu verði í Safnaðarheimili eftir
stundina.
Safnaðarstarf
NÝ námskrá er komin út hjá Grein-
ingar- og ráðgjafarstöð ríkisins, með
kynningu þeirra fræðslunámskeiða
sem verða í boði á haustmisseri.
Námskeiðin eru ætluð starfsfólki
sem vinna með börnum og ungmenn-
um með þroskafrávik og fatlanir, s.s
í leik- og grunnskólum, á sambýlum,
vistheimilum, eða hvar sem börn
með fötlun búa og starfa og eru jafn-
framt opin foreldrum og öðrum að-
standendum.
Í bæklingnum eru kynnt 20 nám-
skeið, 10 þeirra eru opin námskeið
en hin eru haldin eftir óskum og/eða
verða síðar á dagskrá. Flest þessara
námskeiða er hægt að panta „heim í
hérað“ og er einnig möguleiki á fjar-
kennslu. Opnu námskeiðin eru hald-
in í menningarmiðstöðinni Gerðu-
bergi og er skráning á þau þegar
hafin.
Að þessu sinni eru kynnt þrjú ný
námskeið, eða grunnnámskeið um
þroskahömlun barna, námskeið um
tauga- og vöðvasjúkdóma barna og
nýtt námskeið um snemmtæka íhlut-
un. Grunnnámskeiði um þroska-
hömlun fylgir íslenskt fræðslurit
sem Greiningarstöð hefur gefið út.
Flestir leiðbeinendur á námskeið-
unum eru starfandi sérfræðingar á
Greiningarstöð, en þar starfa sér-
fræðingar á hinum ýmsu sviðum sem
koma að þverfaglegri greiningu og
ráðgjöf vegna barna með þroskafrá-
vik og fatlanir.
Efni námskeiðanna tengist fötlun-
um barna með einum eða öðrum
hætti. Til dæmis má nefna námskeið
um eðli og umfang sérstakra þroska-
raskana, s.s. um einhverfu og skyld-
ar þroskaraskanir og þroskahömlun
barna, námskeið um ýmsar óhefð-
bundnar tjáskiptaleiðir og um sér-
hæfðar meðferðarleiðir.
Á síðustu misserum hefur fram-
boð námskeiða af þessu tagi aukist
mikið og eftirspurnin að sama skapi.
Árið 2001 stóð Greiningarstöð fyrir
tæpum 50 námskeiðum sem 1.300
þátttakendur af öllu landinu sóttu og
voru mörg þeirra haldin á lands-
byggðinni, segir í fréttatilkynningu.
Upplýsingar og skráning á nám-
skeiðin er á www.greining.is.
Námskrá fyrir haustmisseri
komin út hjá Greiningarstöð
KIRKJUSTARF
ÁRLEGUR haustmarkaður Sam-
bands íslenskra kristniboðsfélaga
verður haldinn laugardaginn 14.
september í húsi KFUM og K,
Holtavegi 28 í Reykjavík. Mark-
aðurinn hefst kl. 14.
„Konur í Kristniboðsfélagi
kvenna standa fyrir markaðinum.
Þarna verður selt ýmiss konar
grænmeti, ávextir og ber, o.s.frv.
eftir því hvað kristniboðsvinir og
aðrir velunnarar vilja leggja fram
af uppskeru sumarsins. Allt er vel
þegið, kál, kartöflur, gulrætur,
sultur, pakkamatur, kökur og hvað
sem er matarkyns, einnig blóm,“
segir m.a. í frétt frá SÍK.
Tekið er á móti framlögum
föstudaginn 13. september kl. 17–
19.
Ágóðinn af markaðinum rennur
til kristniboðsstarfsins í Eþíópíu,
Kenýju og Kína. Í Afríku eru nú
fimm íslenskir kristniboðar að
störfum á vegum Kristniboðssam-
bandsins. „Fyrir nokkru hóf
Kristniboðssambandið þátttöku í
samstarfsverkefni um kristilegar
sjónvarpssendingar til Mið-Aust-
urlanda og Norður-Afríku. Enn
fremur tekur það þátt í útvarps-
sendingum til Kína. Um fjórar til
fimm milljónir manna hlusta dag-
lega á kristilegan barnaþátt en Ís-
lendingar kosta einnig hálftíma
langan útvarpsþátt fyrir fullorðna.
Í ár þarf að safna um 27 millj-
ónum króna til að standa straum af
kostnaði við starf Kristniboðssam-
bandsins innanlands og utan.“
Haustmarkaður
Kristniboðs-
sambandsins
LÝST er eftir vitnum að umferðar-
óhappi er varð á bifreiðaplani við
verslunarmiðstöðina í Hverafold
1–3, þriðjudaginn 10.september á
milli kl. 8:55 og 10.
Þarna var ekið utan í mannlausa
Daiwoo Nubira-fólksbifreið, gráa að
lit, sem lagt var í bifreiðastæði og fór
tjónvaldur af vettvangi. Þeir sem
upplýsingar geta veitt um mál þetta
eru beðnir um að hafa samband við
lögregluna í Reykjavík.
Lýst er eftir
vitnum
UFFE Balslev verður með námskeið
í haustskreytingum sunnudaginn 15.
sept. frá kl. 19-18. Meðal annars
verður kennt: Haustkrans, karfa/
skreyting, skreyting í glugga og
frjálst val.
Námskeið í
haustskreytingum
FÖSTUDAGINN 13. september,
verður haldin ráðstefna um alþjóð-
lega gerðardóma á Grand Hótel
Reykjavík.
Valgerður Sverrisdóttir, við-
skiptaráðherra, opnar ráðstefnuna
og meðal frummælenda verða dr.
Robert Briner, forseti Gerðardóms
Alþjóða verslunarráðsins í París og
Claus Bennetsen lögmaður frá Dan-
mörku. Fjallað verður m.a. um full-
gildingu Íslands á New York sátt-
málanum um viðurkenningu alþjóð-
legra gerðardóma.
Rætt um alþjóð-
lega gerðardóma