Morgunblaðið - 12.09.2002, Blaðsíða 44
44 FIMMTUDAGUR 12. SEPTEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í TILEFNI af alþjóðlegum kynning-
ardögum ITC-þjálfunarsamtakanna,
International Training in Comm-
unication, sl. vor
útnefndu samtök-
in hér á landi frú
Vigdísi Finn-
bogadóttur, fyrr-
verandi forseta
Íslands, sem:
Samskiptajöfur
ársins 2002 sem
hún veitti form-
lega viðtöku á
Landsþingi ITC-
samtakanna sem
haldið var í maí sl.
Frú Vigdís hefur leikni í fallegri
framkomu og að tjá sig af öryggi,
hvort sem er í minni hópum eða á al-
þjóðlegum vettvangi, svo að eftir er
tekið. Íslendingar eru stoltir af henni
sem málsvara okkar víða um heim,
enda er hún eftirsótt sem fyrirlesari.
En það eiga reyndir ITC-aðilar sam-
nefnt með henni, þeir eru víða eft-
irsóttir sem fyrirlesarar og fundar-
stjórnendur.
ITC-þjálfunin byggist á þjálfun til
forystu starfa. Stjórnunar-, sam-
skipta- og skipulagsþjálfun og sjálf-
styrkingu aðila. Undirstaðan er að
byggja upp einstaklinginn, þannig að
hann sé betur undir það búinn að tak-
ast á við verkefni í starfi og einkalífi.
Margar umræður hafa farið fram
um af hverju konur eru sjaldnar í for-
ystu og stjórnunarstörfum en karlar.
Getur verið að ein skýringin sé að
konur leggi minni rækt við að öðlast
færni á áðurnefndum sviðum en karl-
ar?
Þær konur sem vilja vera sam-
keppnisfærar í forystustörfum þurfa
að leggja áherslu á að hafa þessa
leikni sér til framdráttar og hún fæst
með þjálfun – þjálfun í þína þágu! Út
á það gengur þjálfun ITC. Í kaup-
bæti er frábært tengslanet á alþjóða-
sviði.
Okkur gefst kostur á gera okkur
öruggari í hver við erum, hvað við
getum og hvað við viljum. ITC hefur
dregið fram í dagsljósið leynda hæfi-
leika margra félaga. Það er aldrei of
seint að takast á við sjálfan sig. Þjálf-
unarsamtökin eru opin öllum og í
þeim eru bæði karlar og konur á
ýmsum aldri engin aldurs takmörk,
ekkert kynslóðabil.
Margir stjórnmálamenn hafa
fengið sína þjálfun hjá ITC. Einnig
fjöldi fólks á vinnumarkaði. Framfar-
ir aðila eru miklar, kjarkur og áræði
eykst. Fáum góða ávöxtun og breyt-
um áhyggjum í uppbyggjandi orku.
Getur ITC verið hjálpartæki að
markmiði þínu ?
Heimasíða Landssamtaka ITC
www.simnet.is/itc.
GUÐRÚN S. VIGGÓSDÓTTIR,
fyrrv. útbreiðslustjóri
Landssamtaka ITC.
Hvert er mark-
mið „þitt“?
Frá Guðrúnu S. Viggósdóttur:
Guðrún S.
Viggósdóttir
VINKONA mín sem er leikkona
lenti í því fyrir nokkru að bjarga
mannslífi þegar hún varð vitni að því
ásamt nokkrum hópi fólks að maður
hné niður úti á götu. Það gerði hún
með því að sýna hárrétt viðbrögð við
hjartaáfalli. Nokkrum dögum síðar
hringdi í hana lágróma fjölskyldu-
faðir um fertugt og þakkaði henni líf-
gjöfina. Um áramótin það sama ár
voru nokkrir þjóðþekktir einstak-
lingar fengnir til að stíga á svið og tí-
unda afrek og eftirminnilega atburði
liðins árs. Þar á meðal var þessi vin-
kona mín. Í stað sigra á leiksviðinu
og barnsfæðingar nefndi hún þá
gæfu að hafa þó auðnast að bjarga
einu mannslífi á árinu.
Í Morgunblaðinu laugardaginn 7.
september birtist kynning á nýju
átaki landlæknisembættis o.fl. sem
stuðla skal að réttum viðbrögðum al-
mennings við endurlífgun. Í viðtali í
greininni segir landlæknir orðrétt að
„nauðsynlegt væri að almenningur
kynni skil á viðbrögðum við hjarta-
stoppi, slík almenn þekking væri
jafnnauðsynleg og að kunna að
kaupa og selja verðbréf“.
Nú er það víst svo að til að kaupa
og selja verðbréf þarf aðeins eitt
símtal. Með yfirlýsingu sinni um það
að jafn mikilvægt sé að kunna að
kaupa og selja verðbréf og að sýna
rétt viðbrögð við endurlífgun stillir
landlæknir almenningi þessa lands
upp frammi fyrir erfiðri siðferðilegri
spurningu. Tökum dæmi. Segjum
sem svo að hjartaáfallið eigi sér stað
í hádeginu, klukkan tólf tíu. Nokkr-
um mínútum áður hefur væntanleg-
ur lífgjafakandidat einmitt hlustað á
yfirlit hádegisfrétta í bílnum þar sem
sagt var frá því að miklar hræringar
væru á heimsmarkaðsverði olíu.
Þegar hann nokkrum augnablikum
síðar stendur óvænt frammi fyrir
hrúgaldi af manneskju á gangstétt-
inni, og Nóatúnspokinn með vörun-
um út um allt, hlýtur hann að tvístíga
og spyrja sjálfan sig, eftir brýningu
Landlæknisembættisins: Hvort
bjarga ég náunga minum eða sel
hlutabréfin í Olís? Hvort hringi ég í
112 og bið um hjartabíl eða í Kaup-
þing, styrktaraðila átaks um endur-
lífgun? Þar sem vinkona mín er ákaf-
lega hjartahlý manneskja og með
ríka meðlíðan með náunga sínum á
ég ekki von á því að yfirlýsing land-
læknis hefði breytt nokkru um við-
brögð hennar, þótt hún hefði verið
fyrr á ferðinni. Á hverju ári deyja
200 Íslendingar sem ekki tekst að
lífga við í tæka tíð af völdum hjarta-
áfalls. Þeir sem eru í áhættuhópi
geta þó reitt sig á það að ennþá er
ótrúlega stór hluti landsmanna sem
ekki á nein verðbréf.
AUÐUR ÓLAFSDÓTTIR,
listfræðingur.
Hjartahnoð, leiklist
og verðbréf
Frá Auði Ólafsdóttur: