Heimilistíminn - 10.04.1975, Page 12

Elton
John
Þaö er staðreynd, að þeir, sem bezt
gengur i pop-kapphlaupinu, eru þeir,
er hafa beztu tónlistarmenntunina að
baki. Unga fólkið á þessum timum læt-
ur aðeins slá ryki i augun á sér
skamma stund, þegar fúskarar eru
annars vegar.
Elton John er engin undantekning.
Hann er menntaður frá „The Royal
Academy of Music” i London, en svo
tók hann að fá áhuga á frama innan
pop-tónlistarinnar.
Sá frami hófst, þegar hann geröist
orgel- og pianóleikari hjá Bluesology
og Long John Baldry. Fljótlega fór
Elton John að skrifa sjálfur það efni,
sem hann flutti, og gott samstarf tókst
með honum og textahöfundinum
Bernie Taupin, sem hann kynntist
gegnum auglýsingu i blaði.
En það væri synd að segja, að Elton
John hafi gengið vel frá upphafi. Fólk
leit hreinlega ekki við tónsmiöum
hans, þótt blöðin skrifuðu lofsamlega
um þær og aðrir tónlistarmenn væru
hrifnir. Meðal þessara laga má nefna
„Lady Samantha”, „Skyline Pigeon”
og LP-plötuna „Empty Sky”.
En þegar önnur LP-platan kom og
hét stutt og laggott „Elton John” kom
annað hljóð i strokkinn. Nú gekk allt
eins og I sögu, og allir fengu áhuga
meöal annars útvarp og sjónvarp.
Nú notar Elton John sitt eigið plötu-
merki, Rocket Records, sem dregur
nafn af lagi háns „Rocket Man”.
Fyrirtækið tók til starfa árið 1973
Elton hefur sent frá sér margar
plötur, sem orðið hafa hver annarri
vinsælli. Má þar nefna „Good Bye
Yellow Brick Road” og „Carribou”.
Sú siðarnefnda er skirð i höfuðið á
Carribou Ranch, búgarði nokkrum,
þar sem bæði hann og margir aðrir
hljómlistarmenn taka upp plötur
sinar. A búgarði þessum er að finna
allt það nýjasta og bezta af tækjum,
sem til þeirra hluta þarf.
í lok siðasta árs kom litil plata,
„Lucy in the sky with Diamonds,” þar
sem vinur hans, John Lennon lagði
hönd á plóg. Nú á jólunum sendi BBC
út i sjónvarpinu jólahljómleika með
Elton John, og jafnframt kom út LP-
platan „Greatest Hits”. Aðdáendur
eiga meira i vændum, þvi á 28 ára af-
mælisdegi Eltons, 25. marz sl. kom út i
Bretlandi ný LP-plata „Captain
Fantastic And The Brown Dirt Cow-
boy”.
Enginn hefur komizt hjá þvi að veita
athygli öllum þeim furðulegu gleraug-
um, sem Elton John gengur með, en
ástæðan er einfaldlega sú, að hann sér
illa, og sagði eitt sinn sem svo, að fyrst
hann þyrfti að nota gleraugu, væri
alveg eins gott að þau væru nógu áber-
andi.
12