NT - 27.09.1985, Blaðsíða 1
NEWS SUMMARYINENGUSH SEEP. 7
BSRB:
Sagði upp
samningum
■ Á fundi stjórnar og samn-
inganefndar BSRB í gær, var
einróma samþykkt að segja upp
samningum frá og með 31. des-
ember. Samtímis voru settar
fram meginkröfur bandalagsins
við komandi samninga en þær
eru; að launkjör verði bætt
verulega frá því sem nú er og
kaupmáttur þeirra launa sem
um semst verði tryggður. Síðar
verða settar fram kröfur um
önnur atriði og nánari útfærsla
á þeim meginatriðum sem að
framan greinir.
í gærmorgun sagði bæjar-
starfsmannaráð einnig upp sín-
um samningum og voru kröfur
þeirra mjög á sömu nótum og
kröfur BSRB.
Sakadómur í hnífstungumálinu við Hlemm:
Fékk 6 ár fyrir
manndrápstilraun
Sakadómur Reykjavíkur
hefur dæmt Hilmar Þóri
Ólafsson, 19 ára gamlan, til
sex ára fangelsisvistar fyrir
tilraun til manndráps.
Dómnum hefur verið áfrýjað
til Hæstaréttar, eins og skylt
er með dóma sem kveða á
um lengri fangelsisvist en til
fimm ára. Pétur Guðgeirsson
sakadómari kvað upp
dóminn.
Hilmar Þórir stakk sautján
ára gamlan dreng fyrir utan
skemmtistaðinn Traffík,
með hníf í kviðarholið að-
faranótt laugardagsins 13.
apríl sl. Drengurinn sem
varð fyrir stungunni var þá að
koma frá skemmtistaðnum
ásamt tveimur vinum sínum.
Hilmar veittist fyrirvaralaust
að honum og stakk hann
með fjaðrahníf í kviðarholið.
Drengurinn hlaut alvarlegan
áverka af stungunni og var
flutturr á gjörgæsludeild á
Borgarspítalanum og var
lengi í lífshættu, en hefur nú
náð sér að mestu.
Hilmar var dæmdur eftir
211. grein almennra hegning-
arlaga, með skírskotun til
20. greinarsömu laga. Jónat-
an Sveinsson saksóknari var
sækjandi í málinu, en verj-
andi Hilmars var Örn
Clausen. Hilmar var látinn
sæta geðrannsókn á meðan
lögregla rannsakaði málið og
'reyndist hann fyllilega sak-
hæfur. Hann situr nú í gæslu-
varðhaldi.
Launþegaútvarpið:
Viðræðurnar á könnunarstigi
Samstarf við launþegasamtökin útilokar ekki þátttöku SÍS í ísfilm, segir Valur Arnþórsson
■ Á stjórnarfundi SÍS í gær,
var lögð fram skýrsla um gang
viðræðna við launþegasamtök-
in, BSRB og ASÍ, um sameigin-
legan útvarpsrekstur þessara
aðila. Engin ákvörðun var tekin
á fundinum, þar sem þessar
viðræður eru enn á körinunar-
stigi. Má búast við að þessí mál
beri aftur á góma á næsta stjórn-
arfundi Sambandsins.
Valur Arnþórsson, stjórnar-
formaður Sambandsins, sagði
við NT í gær, að möguleikarnir
væru mjög margir og menn
teldu ekki tímabært að móta
framtíðarstefnu í þessum mál-
um enn. Sagði Valur að sam-
starf við launþegasamtökin úti-
lokaði ekki þátttöku SÍS í
ísfilm. Þriðji möguleikinn er
einnig fyrir hendi, að Samband-
ið og kaupfélögin komi sér upp
eigin fjölmiðlunarfyrirtæki.
Hann vildi samt leggja áherslu
á að viðræðurnar við launþega-
samtökin væru í fullri alvöru.
Samkvæmt öðrum heimildum
NT er talið mjög hæpið að
launþegasamtökin ráðist ein sér
út í útvarpsrekstur, þar sem þau
telja sig ekki hafa fjárhagslegt
bolmagn til þess. Útvarps-
reksturinn virðist því standa og
falla með afstöðu SÍS.
Undanfarnar vikur hafa þess-
ir aðilar fundað stíft. Eru menn
nú orðnir sammála um að rekst-
ur útvarpsstöðvarinnar verði
fjármagnaður með auglýsinga-i
tekjum. Þó höfuðáhersla sé lögð
á útvarpsreksturinn í þessum
viðræðum gæla menn jafnframt
við rekstur sjónvarpsstöðvar og
jafnvel útgáfumiðstöð. Á slíkt
er þó frekar litið sem framtíðar-
áform.
ísafjarðarkaupstaður:
„Þetta er
klassíska
dæmið“
■ „Þetta er klassíska dæmið,-‘
sagði lögregluþjónn sem NT
ræddi við út af árekstri sem varð
á mótum Bolholts og Laugaveg-
ar í gær. Lögregluþjónninn
sagði að bíll hefði stoppað til
þess að veita ökumanni tækifæri
til að komast inn á Laugaveginn.
Ekki tókst betur til en svo að
annar bíll kom aðvífandi og
lenti á þeim sem átti að fá
„sénsinn". Einn farþegi var
fluttur á slysadeild. Eins og sjá
má eru bílarnir mikið
Skemmdir. NT-mvnd: Jón s.
Sýknaður á grundvelli
200 ára tilskipunar!
-af kröfu lóðaeigenda um eignarrétt á uppfyllingu
■ Eigendur lóða við Hafnar-
stræti á ísafirði kærðu kaup-
staðinn og Kaupfélagið á ísa-
firði í sumar, vegna uppfylling-
ar sem var gerð fyrir framan
lóðir þeirra án þeirra sam-
þykkis. Kröfur lóðaeigenda
hljóðuðu uppá eignarrétt á
uppfyllingunni og einnig var
krafist réttar til netlagna og
fjörunnar sem myndaðist. Þá
var þess krafist að úthlutun
lóða til kaupfélagsins yrði
ógilt.
ið er að miðað við þessar
reglur hefðu þáverandi lóðahaf-
ar ekki getað vænst þess að fá
aukin réttindi frekar en núver-
andi. Dómnum hefur ekki ver-
ið áfrýjað.
Málið var tekið fyrir í bæjar-
þingi ísafjarðar, og féll dómur
í málinu 31. ágúst. Dómur féll
á þá leið að kaupstaðurinn og
kaupfélagið voru sýknuð af
kröfum lóðaeigenda. Dómari
var Pétur Kr. Hafstein bæjar-
fógeti á ísafirði. Meðdómend-
ur voru þeir Garðar Gíslason
borgardómari og dr. Gaukur
Jörundsson prófessor.
Sýknan var reist á grundvelli
þeirra reglna sem talið var að
hefðu verið í gildi þegar lóðun-
um var úthlutað um aldamót-
in. Því þá hefðu þáverandi
lóðahafar ekki getað búist við
því að þeir fengju rétt til
fjöijuinar, heldur hefði þeim
eingöngu verið úthlutað af-
markaðri byggingarlóð, til
þess að reisa á hús, og engin
frekari réttindi hefðu fylgt
slíkri lóðaúthlutun.
Þessi rök eru byggð á tilskip-
un frá 1786 og opnu bréfi frá
26. janúar 1866 um að stofna
byggingarnefnd á ísafirði. Tal-
■ í gær boðaði menntamálaráðherra til hófs í ráðherrabústaðnum,
þar sem heiðraðir voru 4 skákmenn sem hafa náð merkisáföngum
í íþrótt sinni á árinu. Það voru þeir Helgi Ólafsson og Jóhann
Hjartarson sem báðir voru útnefndir stórmeistarar í skák á síðasta
þingi FIDE, og Karl Þorsteins og Sævar Bjarnason sem voru
útnefndir alþjóðlegir skákmeistarar við sama tækifæri. Hér sést
Þorsteinn Þorsteinsson forseti Skáksambands íslands afhenda þeim
gripi góða, en skákmennirnir eru frá vinstri Karl, Sævar, Jóhann
og Helgi.
Þrátt fyrir hátíðlegheitin gaf Helgi sér tíma til að semja skýringar
við 9. einvígisskák þeirra Kasparovs og Karpovs, sem tefld var í
Moskvu í gær.
NT-mynd: Árni Bjarna.
- Sjá bls. 12.
Til
lesenda
■ Á morgun fylgir NT
Helgarblað með nýju
sniði. Tveir ungir blaða-
menn, Arnaldur Sigurðs-
son og Gunnar Smári Eg-
ilsson hafa nú umsjón með
blaðinu og fylgja því úr
hlaði á morgun.
Þá hefur verið ákveðið
að dreifa blaði okkar, Inn-
an húss og utan, sem fyrr
í sextíu þúsund eintaka
upplagi, en ekki sérstak-
lega til áskrifenda blaðsins
á Reykjavíkursvæðinu.
Þeir fá blað sitt með sér-
stöku dreifingarkerfi Inn-
an húss og utan nú um
helgina og við viljum biðja
áskrifendur okkar að láta
afgreiðslu okkar vita, ef
vanhöld verða á því að
þeir fái blaðið.
Þá þökkum við mjög
góðar undirtektir fólks við
áskrifendasöfnun okkar
undanfarnar vikur. Nöfn
þeirra, sem ákveðið hafa
að gerast áskrifendur,
hafa nú verið færð inn á
tölvukerfi blaðsins og
blöðin komin í dreifingu.
Með kveðju, ritstj.