NT - 27.09.1985, Blaðsíða 11
m? Föstudagur 27. september 1985 11
s' ii i LUL Umsögn
Stjömumaður
í Stjörnubíói
- þar sem stjörnurnar skína " v
■ Jenny og Starman eru á stöðugum flótta. Þau koma til Las Vegas og þá uppgötvar Jenny að
þau eru peningalaus. Starman bregður sér inn í spilavíti og er ekki lengi að bjarga málunum.
Stjórn: John Carpenter.
Handrit: Bruce A. Evans og
Reynold Gideon.
Kvikmyndataka: Donald M.
Morgan A.S.C.
Helstu hlutverk: Jeff Bridges
(Starman), Karen Allen (Jenny
Hayden), Charles Martin
Smith, Richard Jaekel.
* *
■ Kvikmyndastjórinn John
Carpenter sem á heiðurinn að
þessari mynd hefur áður gert
kvikmyndirnar The Fog, The
Thing, Halloween I og II og
Christine og hefur hingað til
aðallega fengist við hryllings-
og spennumyndir. Nú sýnir
hann á sér nýja hlið og myndin
ku vera önnur vinsælasta kvik-
myndin í Bandaríkjunum á
þessu ári.
Starman er Hollywoodmynd
þar sem- ást, flótti, hræðsla og
grimmd fá sinn skammt. Ég hef
séð þessa kvikmynd nokkrum
sinnum áður því að beinagrind-
in og söguþráðurinn í grófum
dráttum er alveg samkvæmt for-
múlunni um svona myndir.
Vera frá fjarlægum hnetti kem-
ur með geimskipi til jarðar,
lendir inni á einhverri mann-
eskju, geimferðastofnunin
kemst á snoðir um geimskipið,
menn forsetans fara í viðbragðs-
og árásarstöðu (sem betur fer er
þó forsetanum gefið frí að sinni,
það eru hvimleiðar myndirnar
þegar maður þarf að fylgjast
með einhverjum taugaveikluð-
um forseta í Hvíta húsinu) sterk
tilfinningatengsl myndast milli
geirverunnar og fylgdarmanns
hennar, geimveran kemur upp
um sig vegna árekstra við Homo
sapiens, sem eru frábrugðnir
henni í háttum og iögreglan og
menn forsetans frétta því af
henni og um síðir næst hann. Þið
kannist við þetta, ekki satt?
E.T. eftir Spielberg gekk út á
það sama, the Man Who Fell to
Earth eftir Nicholas Roeg (þótt
efnistök þeirrar kvikmyndar
hafi ekki beinlínis verið í stíl
Hollywoodglansmyndanna)
o.fl. o.fl. En það sem gefur
Starman öðru fremur sæmilega
andlitslyftingu er samleikur
Karen Allen og Jeff Bridges.
Þau eru bæði óskaplega sjarm-
erandi og ástarsamband þeirra
einlægt og fallegt. Og annar
plús: Myndin er alveg laus við
væmni - þetta er ekki svona
kvikmynd þar sem ætlast er til
að maður gráti síðasta hálftím-
ann.
Karen Allen er góð leikkona
og á sjálfsagt eftir að fá mörg
tækifæri í framtíðinni. Þið mun-
ið sjálfsagt eftir henni úr Ra-
iders of the Lost Ark eftir
Spielberg þar sem hún lék gassa-
legu konuna sem fór létt með að
drekka gassalegustu karlmenni
undir borðið. Jeff Bridges sem
oft hefur leikið áhyggjulausa
töffrara sýnir hér á sér nýja hlið
en var oft óþarflega kauðskur og
í sumum atriðum var leikur hans
helst til viðvaningslegur að
mínu mati.
Ég gat ekki séð neitt af-
spyrnumerkilegt við kvik-
myndatökuna - nema kannski
tæknibrellurnar í upphafi mynd-
arinnar þegar geimveran klýfur
mannshár í smæstu örcindir og
barnið breytist í fullorðinn
mann bara si sona á stofugólfinu
hjá Jenny Hayden.
Starman hefur notið mikilla
vinsælda og jú, jú hún er ágætis
afþreying. Gef henni tvær
stjörnur.
Margrét Rún
Að gera það - eða gera það ekki
■ Alþýðuleikhúsið: Þvílíkt
ástand eftir Graham Swannell.
Þýðing: Sverrir Hólmarsson.
Leikstjóri: Kristbjörg Kjeld.
Leikmynd og búningar: Guðný
Björk Richard.
Æ, er þetta enn einn kyniífs-
húmoristinn? hugsar maður
framan af fyrsta þætti sýningar
Alþýðuleikhússins á Hótel
Borg. Teddi rekur raunir sínar
sem af því stafa að Lína vill sí
og æ láta hann vera að gera það,
og aumingja karlinn löngu upp-
gefinn á þessu. Lengi vel er rætt
um þetta og hann reynir að
herða huginn til að tala um það
við eiginkonuna. En þegar hún
kemur og hefur heyrt það lækn-
isráðsem Tedda var gefið, að
hann verði sér úti um gott
framhjáhald, bregst hún auðvit-
að við á þann hátt að eggja
mann sinn þvf fastar til blíðu-
bragða. - Sannast að segja þótti
mér fyrsti hlutinn í langdregn-
asta lagi, en þegar á leið varð
sýningin áhugaverðari, ogýmsir
einstakir hlutar hennar voru
skemmtileg leikatriði.
Verk þetta er glænýtt, eftir
hálffertugan Breta, og er fyrsta
leikhúsverk hans. Það skiptist í
fjögur sjálfstæð atriði sem þó
eru nátengd. f leikskrá er efninu
lýst svo: „Leikritið er súr/sæt
kómedía um nútíma líf og fólk
á 9. áratugnum, samskipti þess
og reynslu er sterkasti bjarmi
yngri áranna fer hratt dvínandi
og það stendur andspænis nýrri
ábyrgð. í meðferð höfundar
endurspeglast þetta aðallega í
kynsamskiptum innan og utan
hjónabandsins."
Ég nefndi kynlífskómedíu.
Það kemur reyndar fljótt í Ijós
að þetta 'er ósköp venjulegur
samlífsrealismi. í öðrum þætti
er lýst afleiðingum framhjá-
halds: Viðhaldið festir ást á
eiginmanninum og spillir öllu
með því að kjafta í eiginmann
sinn og hann fer með tíðindin í
konu elskhugans. Hún hótar
karli sínum auðvitað að halda
nú ekki lengur aftur af sjálfri
sér.
Þriðji þáttur segir frá eymd
karls sem eiginkonan stóð að
framhjáhaldi, gerist á veitinga-
húsi þar sem tveir vinir hans,
lausir og liðugir, manga til við
gleðikonur. - Síðasti þáttur seg-
ir svo frá ungum hjónum sem
ekkert komast frá barni sínu og
horfa fram á dauflega tilveru -
einkum karlinn - en komast svo
að því að ekki er allt sem sýnist
hjá öðrum heldur þótt ekki
bindi börnin.
Sem sagt: Þetta var ekki nýst-
árlegt leikrit og sýnist satt að
segja ekkert rakið viðfangsefni
fyrir framsækið „alternatift'1
leikhús eins og Alþýðuleikhúsið
kallar sig. Höfundurinn kann
auðheyrilega vel að semja sam-
töl og get ég því trúað að
viðfangsefnið sé þakklátt fyrir
leikhúsfólkið sjálft. Sýningin
var enda liðug þótt löng væri, og
textinn lipur og léttur í íslenskri
gerð Sverris Hólmarssonar.
Sá sem bar uppi sýninguna
var Arnar Jónsson sem lék hlut-
verk hins hrjáða og leiða cigin-
manns í öllum þáttunum,
Mæddi mikið á Arnari, en hann
er svo léttvígur leikari að hon-
um tókst að bregða upp sann-
færandi mynd af þessum mann-
gerðum öllum. Mikið væri gam-
an að fara að sjá Arnar fást við
veigameiri viðfangsefni.
Helga Jónsdóttir og Margrét
Ákadóttir fóru með veigamikil
hlutverk eiginkvenna og ást-
kvenna, og Bjarni Steingríms-
son og Sigurður Skúlason léku
smáhlutverk í einum þætti. Allt
var það slétt og fellt.
Alþýðuleikhúsið hefur engan
samastað. Hótel Borg leggur til
húsnæðið að þessu sinni og fer
reyndar ekkert illa á því. Sitt-
hvað mun á döfinni í vetur þótt
aðstöðuleysið hamli. Vel má
vera að þetta samlífsverk falli í
góðan jarðveg, en ég vona að
leikhúsið veröi framsæknara
næst. Gunnar Stefánsson
PÓST- OG SiMAMÁLASTOFNUNIN
óskar að ráða
Póstafgreiðslumenn
til starfa við póstmiðstöðina, Ármúla 25.
Nánari upplýsingar verða veittar á skrifstofu
póstmiðstöðvarinnar að Ármúla 25.
Atvinna í boði
Ráðskonaóskast að Klúkuskóla í Bjarnafirði.
Þarf að geta hafið störf 15. október. Skólinn
verður bæði heimanaksturs og heimavistar-
skóli. Þann tíma sem heimavistin er, er um
hlutastarf að ræða, annars fulla stöðu.
Húsnæði er fyrir hendi á staðnum. Upplýs-
ingar veita skólanefndarformaður í síma
95-3376 og skólastjóri í síma 91-50350 og
95-3379. Umsóknir sendist til Klúkuskóla,
510 Hólmavík.
Tannlæknir
Tannlæknir óskast til starfa við Heilsugæslu-
stöð Hornbrekku, Ólafsfirði. Fyrsta flokks
aðstaða og aðbúnaður. Upplýsingar veittar í
síma 96-62482.
Forstöðumaður Hornbrekku.
Á mölinni mætumst með
bros á vör — ef bensíngjöfin
Effco
n gerir ekki við
biláða bíla
En hún hjólpar þér óneitanlega að halda bílnum
þínum hreinum og fínum, bæði að innan og utan
Pað ím- meira að segja svolítið
gaman að þrífa með Effco þurrk-
unni. Því árangurinn lætur ekki a
sér standa. Rykið og óhreinindin
leggja bókstaflega a flotta. Þu getur
tekið hana með i ferðalagið eða
sumarbústaðinn. Pað er aldrei að
vita hverju maður getur átt von a.
Oft er svigrum lítið i tjaldi eöa
sumarbustað, ma þvi ekki mikið ut
af bera til þess að allt fari a flot, ef
einhver sullar eða hellir niður. En
það gerir ekkert til þegar Effco
þurrkan er við hendina.
Ja, það er fatt sem reynist Effco
þurrkunni ofraun.
Effco-þurrkan fæst á betri bensínstöðvum
og varahlutaverslunum.
t
Innilegar þakkir til allra þeirra sem sýndu okkur vinarhug við
andlát og útför
Valbergs Sigurmundssonar
Hraunbæ 44
Jóhanna Gísladóttir
Jóna S. Valbergsdóttir Sigfús M. Karlsson
Valberg Sigfússon
Karl Sigfússon
Hjalti Sigfússon