24 stundir - 20.06.2008, Blaðsíða 6

Eftir Þórð Snæ Júlíusson
thordur@24stundir.is
„Ef áætlanir í stofnframkvæmdum
í Reykjavík næstu árin eru taldar
saman þá fer sú upphæð að nálgast
100 milljarða króna. Ef það væri
hægt að létta á umferðinni með
öðrum aðferðum, til dæmis með
lestarkerfi, þá hugsa ég að menn
fari að skoða það í virkilegri alvöru
hvort það gæti verið ódýrara í
stofnframkvæmd,“ segir Þorleifur
Gunnlaugsson, fulltrúi Vinstri
grænna í umhverfis- og samgöngu-
nefnd Reykjavíkur, um mögulegar
léttlestarsamgöngur á höfuðborg-
arsvæðinu. „Kostnaður við að setja
Geirsgötu í stokk er áætlaður tólf
milljarðar, stokkur á Miklubraut er
annað eins og Sundagöngin eru
upp á tæplega 40 milljarða króna.
Svo eru menn líka að tala um fram-
kvæmdir eins og Hlíðarfót.“
Hann telur næsta víst að málið
verði áherslumál fyrir næstu kosn-
ingar. „Þessi umræða fylgir áform-
um um þéttingu byggðar á mið-
borgarsvæðinu þar sem er reiknað
með um fimmtán þúsund manna
byggð í Vatnsmýrinni og öðru eins
í Örfirisey. Vegakerfið þolir ekki
samsvarandi fjölda einkabíla.“
Gerbreytir samfélaginu
Í febrúar var flutt þingsályktun-
artillaga þar sem fulltrúar allra
stjórnmálaflokka á Alþingi óskuðu
eftir því að samgönguráðherra
myndi láta framkvæma hag-
kvæmnisathugun á lestarsamgöng-
um á höfuðborgarsvæðinu og til
Keflavíkur. Tilögunni var vísað til
samgöngunefndar sem mun fjalla
um hana síðar í sumar.
Steinunn Valdís Óskarsdóttir,
formaður nefndarinnar, segir um-
ræðu um lestarkerfi mjög áhuga-
verða. „Við vitum að þetta yrði
gríðarlega kostnaðarsamt. Þegar
gerð var úttekt á þessu síðast þá
strandaði þetta fyrst og fremst á
kostnaðinum. Hann hefur ekkert
breyst, en það getur verið að hið
pólitíska mat á hvað hlutirnir megi
kosta hafi gert það. Mitt mat er að
þetta yrði álíka fjárfesting og þegar
menn létu gera hita- og vatnsveitu
á sínum tíma. Þetta myndi ger-
breyta öllu samfélaginu.“
 Borgarfulltrúi Vinstri grænna segir lestir mögulega ódýrari en
fyrirhugaðar stofnframkvæmdir  Þingið vill líka láta skoða lestir
➤ Bifreiðaeign á höfuðborg-arsvæðinu er með því mesta
sem gerist í heiminum.
➤ Helmingur af landsvæði þesser í byggð. Restin er lögð
undir umferðarmannvirki.
➤ 3/4 Íslendinga búa í innan viðklukkustundar fjarlægð frá
höfuðborginni.
LESTIR EÐA EINKABÍLAR?
24stundir/Ómar
Framtíðin? Reykjavíkurborg og Alþingi vilja láta athuga hagkvæmni léttlestarkerfa.
Segir lestir verða
kosningamál
6 FÖSTUDAGUR 20. JÚNÍ 2008 24stundir
„Ég hélt alltaf að ég væri rosaleg-
ur áhugamaður um tölvur þangað
til ég áttaði mig á því að ég er
tölvufíkill,“ segir Þorsteinn K. Jó-
hannsson, meistaranemi í stærð-
fræðimenntun.
Þorsteinn hefur farið í 8.-9. og
10. bekki grunn- og menntaskóla
að ræða við foreldra og ungmenni
um tölvunotkun og tölvufíkn sem
óvirkur tölvufíkill.
Viðvörunarbjöllur
Þorsteinn nefnir að það séu
ákveðin teikn sem fólk þurfi að
vera á varðbergi fyrir. „Ef tölvu-
notkunin er farin að bitna á skóla
eða vinnu, fjölskyldu, áhugamál-
um eða heilsu, þá er viðkomandi
tölvufíkill,“ segir hann og bætir því
við að hann meti ekki unglingana
heldur sé að opna umræðuna.
Þorsteinn spjallar við ungmenn-
in og segir þeim frá rannsóknum
tölvufíknar og ber einkenni hennar
við sjálfan sig. „Það er langbest að
hitta krakkana án foreldra, því
annars eru þau ekki eins viljug til
að spyrja,“ segir hann.
Jafningjafræðsla
„Ég kem ekki til að messa yfir
þeim, grunnhugmyndin að fyrir-
lestrunum er að sá fræi og gera
ungmennum ljóst að þau eigi
mögulega við tölvufíkn að stríða,“
segir Þorsteinn.
Hann segir að úr 20 manna hópi
verði alltaf einn til tveir eftir til að
spyrja og ræða meira um hugsan-
legan vanda. „Barnaperrar hafa t.d.
tækifæri á að hafa aðgang að ung-
mennum í gegnum tölvuna og því
er ákveðið öryggisatriði að hafa
tölvuna í sameiginlegu rými,“ segir
hann og bætir við að hann sé að
reyna að koma af stað 12 spora
kerfi fyrir tölvufíkn. asab@24stundir.is
Forvarnar- og fræðslufyrirlestrar fyrir ungmenni hafa gengið vel
„Ég segi krökkum frá fíkninni“
„Þetta vekur fleiri spurningar en
það svarar,“ segir Bjarni Vestmann
um rökstuðning sem ráðneytis-
stjóri utanríkisráðuneytisins hefur
gefið honum fyrir ráðningu Ellisi-
fjar Víðisdóttur í stöðu forstjóra
Varnarmálastofnunar, sem Bjarni
sótti einnig um. Hann nefnir sem
dæmi að minnisblað sem samið er
af þremur starfsmönnum ráðu-
neytisins veki furðu. Í því segi orð-
rétt: „Í umsögnum um Bjarna úr
hópi fyrrverandi yfirmanna hans
var tilgreint, meðal annars, að
Bjarni væri síður fallinn til stjórn-
unar- og leiðtogastarfa en sérfræði-
starfa.“ Bjarni segir að síðustu níu
ár áður en staðan var auglýst hafi
hann haft fjóra yfirmenn. „Þeir
sendu allir inn meðmælabréf,“ seg-
ir hann og bætir við að hann hafi
rætt við þá í gær. „Tveir þeirra segja
að ekkert hafi verið við þá talað og
tveir segja að talað hafi verið við þá
en að þessi ákveðni punktur hafi
aldrei komið til tals,“ segir Bjarni.
elias@24stundir.is
Ráðning forstjóra Varnarmálastofnunar
Svörin vekja furðu
Umfangsmikil leit hefur verið gerð að seglskútu á hafsvæðinu milli
Bermúda og Nýfundnalands undanfarna daga. Íslendingurinn Jakob
Fenger er einn um borð í skútunni en hann hugðist sigla henni til Ís-
lands. Hann lagði af stað frá Bermúda um mánaðamótin síðustu en
ekki hefur náðst samband við hann síðan 3. júní. Engin ummerki um
skútuna hafa komið fram. Skipulagðri leit hefur verið hætt í bili, en
eftirgrennslan heldur áfram, segir í tilkynningu Landhelgisgæslunnar í
gær. áb
Íslendingur týndur á hafi úti
Manntalið 1870 hefur nú verið
sett á netið. Þetta er fyrsta mann-
talið af tíu sem Þjóðskjalasafn hef-
ur fært á stafrænt form í tengslum
við mótvægisaðgerðir vegna niður-
skurðar þorskkvóta. Fyrir voru á
vefnum manntölin 1703 og 1835.
„Ég held þetta muni verða gríð-
arleg bylting fyrir þá sem hafa
áhuga á sögunni og til dæmis ætt-
fræði. Landfræðingar sjá hvernig
byggt hefur verið og félagsfræðing-
ar geta skoðað upp á nýtt og spurt
nýrra spurninga,“ segir Eiríkur G.
Guðmundsson, sviðsstjóri útgáfu-
og upplýsingasviðs Þjóðskjalasafns.
Til stendur að búa til stafrænar
gerðir af tíu manntölum og setja á
netið og verður þeim bætt á vefinn
jafnóðum á nokkurra mánaða
fresti. Verkefnið verður unnið á
Héraðsskjalasöfnum Vestmanna-
eyja, Austfirðinga og Skagfirðinga
en stafrænar útgáfur manntala má
finna á slóðinni skjalasafn.is/
manntol. fifa@24stundir.is
Manntalið 1870 komið á netið og fleiri á leiðinni
Bylting fyrir söguáhugafólk
Opnunartími mánud. - föstud. kl. 10.00-18.00
Bonito ehf. Friendtex, Faxafen 10, 108 Reykjavík
sími 568 2870
Útsala!
www.friendtex.is
Enn meiri
verðlækkun
Mikið úrval af
fallegum fatnaði
Safnaðu
Vildarpunktum
Punktarnir upp í Ferðaávísun gildir
Afslátturinn reiknast af fargjaldi án flugvallarskatta og barnaflugvallarskattar bætast svo við.
Sölutímabil 19. júní til og með 23. júní. Ferðatímabil í ágúst–september.
Það hefur aldrei verið hagstæðara fyrir barnafjölskyldur
að ferðast til útlanda saman. Bjóðum 50% barnaafslátt
af öllum Economy og Best Price fargjöldum okkar
fyrir börn 11 ára og yngri til allra áfangastaða okkar
í Evrópu og til Minneapolis, Toronto og Halifax.
Nýtið einstakt tækifæri! Njótið þess að fljúga saman!
+ Bókaðu ferð á www.icelandair.is
50% AFSLÁTTUR
FYRIR BÖRN
SÖLUTÍMABIL 19.–23. JÚNÍ
HUGURINN BER ÞIG
AÐEINS HÁLFA LEIÐ
ÍS
L
E
N
S
K
A
S
IA
.I
S
IC
E
42
77
5
06
/0
8