24 stundir - 20.06.2008, Qupperneq 20
20 FÖSTUDAGUR 20. JÚNÍ 2008 24stundir
Eftir Maríu Ólafsdóttur
maria@24stundir.is
„Haft var að markmiði að hanna
og byggja húsnæði fyrir eldra fólk,
það er að segja 60 ára og eldra, þar
sem lagt væri upp með gæði og
munað. Til að slíkar íbúðir seljist á
markaði skiptir máli, auk þess að
vera með vandað hús, að hafa réttu
blönduna af íbúðastærðum fyrir
misstórar fjölskyldueiningar og
fjárhag,“ segir Baldur Ólafur Svav-
arsson hjá arkitektastofunni Úti
inni sem hannaði húsið. Baldur
Ólafur segir að við hönnun slíkra
íbúða þurfi að hafa í huga að
fólk á þessum aldri vilji gjarnan
taka sem mest með sér af því sem
það hefur safnað að sér. Stofur
þurfi því að vera rúmgóðar og
huga þurfi að góðu veggplássi fyrir
myndir og málverk.
Lyftur og svalir lykilatriði
„Lykilatriði í byggingu húsnæðis
fyrir eldra fólk er að þar sé um við-
haldslitlar eignir að ræða. Þá er
mikilvægt að eigninni fylgi jafn-
framt bílageymsla, helst í kjallara
með góðri lyftu að íbúðargangi,
góðar geymslur, bæði í kjallara og
íbúð og svalir. Velheppnaðar íbúð-
ir af þessari gerð geta dregið úr
þörfinni á elli- og þjónustuíbúðum
ef aðgengi og aðbúnaður er góður
sem þýðir að fólk getur verið leng-
ur heima við,“ segir Baldur Ólafur.
Sameign í stað séreignar
Við hönnun hússins í Suðurhlíð
38 hafa ofangreindir þættir verið
hafðir að leiðarljósi, en gott að-
gengi er að húsinu og rúmgóð bíla-
stæði við það. Auk þess eru eitt til
tvö stæði fyrir hverja íbúð í bíla-
kjallara undir húsinu og auka-
geymsla. Sunnan við húsið er rúm-
góð sameiginleg skjólgóð lóð þar
sem njóta má útiveru í nánum
tengslum við aðliggjandi útivist-
arsvæði við Fossvoginn, göngu-
stíga og fjöruborð.
Velheppnaðar íbúðir fyrir eldri borgara í Suðurhlíð
Gerir fólki kleift að
vera lengur heima við
➤ Í hönnun íbúðanna lögðuarkitektar mikið upp úr því að
hafa þær opnar og bjartar
með rúmgóðum stofum og
myndarlegum svefn-
herbergjum.
➤ Í flestum tilfellum voru íbúð-irnar fullbúnar en hægt að
velja um efni og áferð á inn-
réttingum sem lagðar voru
til.
SUÐURHLÍÐÞegar komið er á efri ár
vilja margir minnka við
sig eða flytja í aðgengi-
legra húsnæði. Við bygg-
ingu á íbúðum í Suð-
urhlíð voru munaður og
þægindi höfð að leið-
arljósi.
Staðsetning Stutt er í úti-
vist í Fossvoginum.
Þægilegt Aðgengi að
húsinu er mjög gott.
Alls eru 50 íbúðir í fjölbýlishús-
inu við Suðurhlíð og undir því er
bílakjallari með tveimur stæðum
fyrir hverja íbúð og aukageymslu.
Íbúðirnar eru frá 75 upp í 150 til
200 fermetrar en það einkennir
stærstu íbúðirnar að við þær eru
allt upp í 150 fm stórar verandir.
Lengra ævikvöld
„Þó svo að íbúðirnar séu mið-
aðar við aldraða þá er ekki þar
með sagt að þetta séu eins konar
elliheimili. Fólk vinnur mun leng-
ur fram eftir ævikvöldinu og er
auk þess mun betur á sig komið í
dag en fyrir nokkrum áratugum,“
segir Baldur Ólafur Svavarsson
arkitekt.
Hann segir íbúa hússins við
Suðurhlíð vera atorkusama og þeir
hafi gjarnan samband vegna við-
bótarhugmynda eða óska um
breytingar og eða betrumbætur.
Helstu viðbrigðin fyrir íbúa séu oft
þau að nú búi þeir í sameign í stað
séreignar. Því geti fólk ekki gert
hvað sem er við sína eign heldur
verður að ráðfæra sig við og eða fá
leyfi hjá húsfélaginu fyrir breyting-
unum, auk þess að ræða við arki-
tekta hússins.
Rennur í Fossvogslækinn
Á Vísindavefnum segir að Foss-
vogsdalur sé dalurinn inn af Foss-
vogi, en vogurinn er kenndur við
foss sem var í Fossvogslæknum þar
sem hann rennur í sjó. Lækurinn
hefur aðrennsli úr Faxakeldu og
lægðum Fossvogs og rennur til
sjávar sunnan við Votaberg.
Íbúar atorkusamir í framkvæmdum
Samráð mikilvægt
Fallegt Útsýnið yfir
Fossvoginn er gott.
Ármúla 36 • 108 Rvk
S. 581 4070 • www.jabohus.is
SUMARHÚS HEILSÁRSHÚS GESTAHÚS
Finnsk og sænsk gæðahús
Koma tilbúin til uppsetningar
Góð reynsla og hagstætt verð
Vinnulyftur ehf.
Smiðsbúð 12 • 210 Garðabæ
Sími: 544 8444 • Fax: 544 8440
www.vinnulyftur.is
Vinnulyftur og
jarðvegstæki
til leigu og sölu
Erum með fjölbreytt úrval af vönduðum vinnulyftum
og jarðvegstækjum til leigu og sölu. Ef þig vantar
innilyftur eða stórar útilyftur þá höfum við lausnina.
Hafið samband og fáið verðtilboð!