24 stundir - 20.06.2008, Blaðsíða 38
Eftir Trausta S. Kristjánsson
traustis@24stundir.is
Loksins, loksins, nýr sumarslagari
hefur litið dagsins ljós, en auglýst
var eftir einum slíkum í 24 stund-
um í gær. Lagið heitir því sérstaka
nafni „Hörku djöfuls fanta ást,“ en
textinn er eftir sjálfan Bjartmar
Guðlaugsson og lagið er flutt af
nýrri hljómsveit, Lifun.
Þráðu að vera í popphljómsveit
„Okkur félagana langaði að
stofna popphljómsveit og drifum í
því í febrúar síðastliðnum. Fyrstu
æfingarnar einkenndust þó af
miklum mannabreytingum, ég
held að um 10 manns hafi prófað
sig þegar allt er talið,“ segir Björg-
vin Ívar Baldursson, gítarleikari
sveitarinnar og barnabarn rokk-
kóngsins Rúnars Júlíussonar, sem
var forðum daga í ofurgrúppunni
Trúbrot, sem gaf frá sér tónverkið
Lifun. „Það var einnig tímarit sem
bara sama nafn, en þeir Bjartmar
og Rúnar sögðu okkur að nota
nafnið samt sem áður, enda flott
nafn,“ segir söngkonan Lára Rún-
arsdóttir, sem er komin um 7 mán-
uði á leið.
„Við vildum ekki gera þetta
hefðbundna sumarpopp sem
þekkist meðal sveitaballasveitanna
og ákváðum því að fara þessa leið.
Við höfðum hlustað svolítið á Villa
Vill og vorum því undir hans
áhrifum,“ segir Björgvin.
Óvenjulegur titill á lagi
Blótsyrðið í titli lagsins ætti ekki
að fæla neinn frá, enda lagið ekki
dónalegt í sjálfu sér, heldur fjallar
það um ástina, í kannski örlítið
breyttu ljósi.
„Bjartmar sagðist hafa vandað
sig mjög við að gera textann og ég
sá líka bunkann af A4 blöðum sem
sannaði það. Hann vildi koma því
á framfæri bæði hversu erfið og
yndisleg ástin er, sem tókst vel held
ég, þó svo titillinn sé svolítið eins
og úr munni togarasjómanns,“
segir Lára.
Hægt að hlusta á Netinu
Lagið er væntanlegt á öldur ljós-
vakans í vikunni, en vænta má
breiðskífu frá Lifun áður en árið er
úti. Þeir sem vilja heyra lagið strax,
geta farið á slóðina: myspace.com/
lifungerirutfrakeflavik þar sem
einnig má nálgast frekari upplýs-
ingar um hljómsveitina.
Hljómsveitin Lifun sendir frá sér sumarslagara
Gamaldags,
væmið og töff
„Hörku djöfuls fanta ást,“
er nýtt lag frá nýrri
hljómsveit sem ber hið
nostalgíska nafn, Lifun.
Forsprakkar eru Lára
Rúnarsdóttir og Björgvin
Ívar Baldursson.
Bjartmar Hefði eflaust verið ritskoðaður
fyrir textann í gamla daga.
24 stundir/RAX
Fortíðarpopp „Hörku
djöfuls fanta ást“ ber
greinilegan Hljómakeim.
38 FÖSTUDAGUR 20. JÚNÍ 2008 24stundir
w w w .nora.is Dalve
opið:m á-fö.11-18,
laugard.11-16
opið:m á-fö.11-18,lau.11-16
D alvegi16a
201 Kópavogi
w w w .nora.is
Glös, hnífapör og
borðbúnaður í úrvali.
Brúðargjafalisti.
Opið mán.-fös. 11-18, laug. 11-16
Dalvegi 16a
201 Kópavogi
ww .nora.is
Mikael Torfason bæði stígur og fellur þessa dagana.
Bók Warren Buffet, sem hann íslenskaði og gaf út á
sínu eigin forlagi, er komin í 2. sætið yfir mest seldu
bækur landsins. Sjálfur féll Mikki úr 6 metra háum
málningarstiga á laugardagskvöldið og segist enn
vera allur lurkum laminn. Læknirinn sagði ástandið
vont og að það myndi versna. Mikki segir það
hljóma eins og spá um efnahagslífið. bös
„Spurð af hverju hún haldi að
fólk hafi svo skiptar skoðanir á
sér, finnist hún annað hvort eins
nærri fullkomnun og hægt sé að
komast, eða alfarið óþolandi, seg-
ir Angelina [Jolie] það hljótast af
því að hún standi föst á sínu.“
Ásdís Rán
asdisran.blog.is
„Kommon, ef við gátum komið
bölvuðum HVAL í flugvél og flog-
ið honum frá USA til Vest-
mannaeyja, þá hljótum við að
geta sett ísbjörn í rellu og dropp-
að honum af hérna rétt hjá. Er
það ekki??“
Bobby Breiðholt
balladofbob.blogspot.com
„Hundur Tori Spelling látinn er
fyrirsögn fréttar á Vísisvefnum.
Þar kemur fram, að hundurinn
[…] hafi látist „af eðlilegum
ástæðum“. Það þýðir væntanlega
að tíkin hafi ekki verið myrt.
Sama dag andaðist hvítabirna á
Íslandi – „af óeðlilegum ástæð-
um“.“
Hlynur Þór Magnússon.
hlynur.eyjan.is.
Þorsteinn Stephensen hefur nú komið undirbún-
ingsvinnu Iceland Airwaves-hátíðarinnar á fullt
skrið og allt útlit fyrir að hún verði jafn glæsileg og
áður. Nú geta íslenskar hljómsveitir sótt um að
komast að í gegnum heimasíðu hátíðarinnar en all-
ar umsóknir verða að hafa borist inn fyrir 15. ágúst.
Áætlað er að um 40 erlendar sveitir spili á hátíðinni
í ár og rúmlega helmingi fleiri íslenskar. bös
Þrátt fyrir vinsældir gengur ekki allt sem skyldi hjá
Ingó og Veðurguðunum. Piltarnir voru nefnilega
rændir á dögunum. Brotist var inn í bíl eins liðs-
mannsins þar sem hljóðfæri sveitarinnar voru
geymd. Þjófurinn tók gítar, sneriltrommu, ýmsa
smámuni og tösku fulla af snúrum. Bílnum var lagt
fyrir utan Reykjavíkurflugvöll en svæðið á að vera
vaktað af Securitas. vij
Þóra Karítas Árnadóttir, er hlaut
tilnefningu til Grímunnar í ár, er
nýkomin heim frá Vesturbakk-
anum þar sem hún var í rannsókn-
arvinnu vegna einleiks er hún setur
upp og framleiðir í Borgarleikhús-
inu í janúar.
Hún tryggði sér réttinn á leikrit-
inu Ég heiti Rachel Corrie. Verkið
er sannsögulegt og segir sögu
bandarískrar stúlku er varð undir
jarðýtu fyrir fimm árum á Gasa-
svæðinu.
„Ég hef verið hugfangin af þess-
ari sögu frá því að ég heyrði fyrst af
henni. Yasser Arafat útnefndi hana
sem píslarvott,“ segir Þóra. „Ég
kynntist manni sem kom hingað til
lands til að tala um hvernig það er
að vera Palestínu-Arabi í Ísrael.
Hann frétti svo að ég væri að fara
setja þetta upp og mánuði síðar
spyr hann mig hvort ég vilji ekki
koma út, þar sem verið sé að fara
sýna þennan einleik í Palestínu á
fimm ára dánarafmæli Rachel Cor-
rie, að foreldrum hennar við-
stöddum. Þetta var einstakt tæki-
færi til að hitta þau og vera leiddur
um svæðið af Palestínu-Aröbum.“
Verkið er hluti af nýju leikári
Borgarleikhússins sem verður það
fyrsta undir stjórn Magnúsar Geirs
Þórðarsonar.
biggi@24stundir.is
Þóra Karítas nýkomin heim af Gasasvæðinu
Leikur einleik um
píslarvott Palestínu
Þóra við múrinn Setur
upp einleik um stúlku er
lést á Gaza-svæðinu.
Sóley, er búið að jarða berið?
Sóley Tómasdóttir, femínisti og borgarfulltrúi, er
yfirlýstur andstæðingur klámvæðingarinnar á Ís-
landi. Í gær samþykkti borgarstjórn að veita
staðnum Strawberries ekki undanþágu til að reka
nektarstað í miðborginni.
FÓLK
24@24stundir.is a
Þetta er nú ekki ber, heldur illgresi
sem við munum rífa upp hvar sem
það skýtur upp kollinum næst.
fréttir
BLOGGARINN
HEYRST HEFUR …
Su Doku þrautin snýst um að raða tölunum frá 1-9 lárétt og
lóðrétt í reitina, þannig að hver tala komi ekki nema einu sinni
fyrir í hverri línu, hvort sem er lárétt eða lóðrétt. Sömu tölu má
aukin heldur aðeins nota einu sinni innan hvers níu reita fylkis.
Unnt er að leysa þrautina út frá þeim tölum, sem upp eru gefnar.
Su doku
5 6 9 1 7 3 2 8 4
2 7 8 4 5 6 3 9 1
4 1 3 8 9 2 5 6 7
9 8 1 2 6 7 4 3 5
3 2 4 9 1 5 6 7 8
6 5 7 3 4 8 9 1 2
7 3 6 5 2 1 8 4 9
8 4 2 7 3 9 1 5 6
1 9 5 6 8 4 7 2 3
Er löggan ennþá á eftir okkur ?