24 stundir - 20.06.2008, Page 22
Sláttufíkn eða ofvirkni er tals-
vert útbreidd og klögumál sem af
því spretta nokkuð tíð. Menn
verða að gæta hófs og sýna tillits-
semi í garðslætti eins og öðrum at-
höfnum, sem geta plagað ná-
granna. En sumir vaxa aldrei úr
grasi í því efni.
Tækjadella. Pissukeppni
Vont er þegar saman fara sláttu-
ofurkapp og della fyrir tækjum og
tólum. Margir karlmenn virðast fá
kikk út úr því að djöflast á sak-
lausu grasi með kraftmiklum og
afkastamiklum sláttutólum. Þegar
fleiri sláttuberserkir eru í námunda
hver við annan leysist úr læðingi
metingur og samkeppni um það
hver sé með flottustu, kraftmestu
og háværustu tólin og þá er ekki
vært fyrir saklausa nágranna.
Mengun
Menn horfa fram hjá því að ein
skaðræðis sláttuvél mengar á við
tugi eða jafnvel hundruð bíla. Eit-
urframleiðslan er ótrúleg. Tækja-
gleðin ber skynsemina algjörlega
ofurliði. Ljúf og sæl kvöldstund
með fínu vélina sem drynur ljúft
og karlmannlega spúir eitri, sem
bitnar á sláttumanninum, um-
hverfi hans, fjölskyldu og nágrönn-
um í formi hávaða og eiturs.
Reglur í útlöndum
Í sumum löndum hafa verið
settar reglur sem takmarka þann
tíma sem menn mega slá garðinn
sinn og um þau tól sem nota má.
Er full þörf á að setja reglur hér á
landi um garðslátt til að fyrirbyggja
deilur og leiðindi. Hér á landi gilda
um garðslátt óskráðar reglur
grenndarréttar þar sem umburð-
arlyndi og tillitssemi leikast á. Það
er oft erfitt að henda reiður á tilvist
og efni slíkra reglna sem eru nokk-
uð í lausu lofti og skrifaðar í skýin.
Tillitssemi
Menn verða og eiga vitaskuld að
slá garðinn sinn á skikkanlegum
tíma sólarhringsins og án óþarfa
tilþrifa og djöfulgangs og kosta
kapps um að valda nágrönnum
sínum sem minnstu ónæði. Og
menn mega alls ekki fara hamför-
um við slátt á þeim tímum þegar
nætur- og svefnró fólks í grennd-
inni er raskað. Og menn hafa held-
ur ekki frítt spil til að láta illum lát-
um við slátt á öðrum tímum.
Menn verða að gæta hófs og sýna
sanngjarna og eðlilega tillitssemi á
öllum tímum.
Skráðar reglur skortir
Það eru engar settar reglur um
slátt í þéttbýli. Menn þurfa hins
vegar ekki að una því að nágranna-
eignir séu hagnýttar þannig að
þeim sé óhæfilegur bagi af. Það er
hins vegar matsatriði hvað er óvið-
unandi bagi. Menn verða óhjá-
kvæmilega að sætta sig við ónæði
að vissu marki í þéttbýli frá ná-
grannaeign.
Hagsmunamat
Hagsmunamat er rauði þráð-
urinn. Mörkin milli athafna og
friðar eru hárfín. Smæstu mál geta
á augabragði blossað upp í ófrið-
arbál þar sem deilt er um allt. Flest
grenndarmál eru sprottin af þeim
réttarvafa sem leiðir af vöntun á
skráðum og skýrum reglum.
Skjótvirk úrræði vantar
Það er svo að yfirgangsseggir
gefa oft óskráðum reglum langt
nef. Þótt réttleysi þeirra sé augljóst
þá er gjarnan erfitt að ná lagalega í
skottið á þeim með nægilega afger-
andi og skjótum hætti. Almenn
lagaleg úrræði eru þung í vöfum og
kostnaðarsöm. Í svona málum
vantar bagalega einföld, ódýr og
skilvirk úrræði til að binda enda á
þrætur og leiðrétta misskilning áð-
ur en í óefni er komið og smámál
verða stór og illvíg. Má horfa um
fyrirmynd til kærunefndar fjöl-
eignarhúsamála.
Sláttugenin. Kvenhylli
Því hefur verið haldið fram og
stutt sterkum rökum að sláttufíkn
íslenskra sláttumanna sé geirnegld
í gen þeirra með þeim hætti að
þeim sé ekki sjálfrátt. Þeir séu
þrælar gamalla sláttugena sem séu
öllu yfirsterkari. Þegar sláttur sé á
mönnum séu það skilaboð frá
gömlum genum. Í gamla daga
þótti það mikið manndómsmerki
að vera fimur og afkastamikill
sláttumaður. Miklir sláttumenn
voru settir á stall og áttu vísa
ómælda aðdáun og hylli kvenna.
Þeir sváfu aldrei einir og konur
gerðu þeim gott úti á engjum líka.
Þetta hefur prentast inn í gen
manna og lengi lifir í gömlum
glæðum.
Gömul gen, breyttir tímar
En nú er öldin önnur, Snorra-
búð stekkur og allt það. Sláttuber-
serkir eiga ekki lengur vísa leið að
hjarta kvenna. Önnur gildi hafa
tekið yfir í því efni. En frumstæð
karlgen hafa ekki náð að tileinka
sér nýjar aðferðir í takt við tímann,
nýja siði og ný viðhorf. Vesalings
sláttumönnunum er ekki sjálfrátt.
Þeir eru þrælar gena sinna, hlýða
kalli þeirra og rjúka út að slá í tíma
og ótíma. Öllum til leiðinda og
kvenhylli þeirra er nálægt alkuli.
Sláttugenin eru hjá sumum öllu yf-
irsterkari og buga gjörsamlega hin
veiku og vanþróuðu gen sem
geyma og stýra tillitssemi og
náungakærleik.
Orf og ljár
Það er spurning hvort ekki eigi
að banna ónæðisvaldandi og
mengandi sláttutól og löghelga
gamla orfið og ljáinn. Þá yrði frið-
sælt og þjóðlegt í görðum þessa
lands. Það myndi vera góð líkams-
rækt og gamlar og nýjar sláttu-
hetjur myndu fá tilgang og öðlast
nýtt líf án þess að gera allt vitlaust.
Kvenhylli þeirra myndi örugglega
ná nýjum hæðum.
Geitur
Önnur hugmynd hefur líka
komið upp, þ.e. að hver garðeig-
andi fái sér geit sem tjóðruð yrði á
mismunandi stöðum. Tjóðrið væri
færanlegt. Þegar hún klárar ákveð-
ið svæði yrði tjóðrið fært. Hún er
sjálfala, étur grasið og sér um
áburðinn líka. Þetta myndi vera
mjög sjálfbært, vist- og umhverf-
isvænt. Engin mengun og enginn
hávaði, allt voða vinstrigrænt og
fallegt. Svona fara Færeyingar að
og er þetta örugglega eftirbreytni-
vert.
24stundir/Þorkell
Sláttufíkn eða ofvirkni er talsvert útbreidd
Ofvirkir sláttumenn
fara hamförum
HÚSHORNIÐ
Ein af plágum sumars og
nábýlis eru garðsláttu-
menn sem ekki mega
grænt strá sjá án þess að
ráðast til atlögu við það
með stórvirkum gereyð-
ingartólum.
Hægt og hljótt Það er spurning
hvort ekki eigi að banna ónæð-
isvaldandi og mengandi sláttutól og
löghelga gamla orfið og ljáinn.
Sigurður Helgi
Guðjónsson,
formaður Hús-
eigendafélagsins
skrifar
22 FÖSTUDAGUR 20. JÚNÍ 2008 24stundir
Laugavegi 29 • Sími 552 4320
www.brynja.is • brynja@brynja.is
Trésmíðavélar
frá Scheppach
Byggingasagir
Öflugar og
endingagóðar
Rennibekkir
Spónsagir
Bútasagir.
PL 01 Svart PL 45 Silfur-
metallic
PL 20 Dökk Grá PL 22 Dökk Rauð PL 56 Dökk brún PL 42 Rauðbrún PL 80 Hvítt PL 55 Kopar -
metallic
Aluzink Kopar
BLIKKÁS –
Smiðjuvegi 74 – 200 Kópavogi – Sími 515 8700
www.funi.is – www.blikkas.is
Fr
um
ÞAKRENNUKERFI
á öll hús – allsstaðar
Litir í miklu úrvali
Það er engin ástæða til að horfa á heiminn
í svarthvítu. SIBA–ÞAKRENNUKERFI í fjölda lita