24 stundir - 20.06.2008, Blaðsíða 10
Eftir Andrés Inga Jónsson
andresingi@24stundir.is
Á síðasta ári voru 67 milljónir
manna á hrakhólum vegna stríðs,
fátæktar eða náttúruhamfara. Þetta
kemur fram í nýrri skýrslu Flótta-
mannastofnunar Sameinuðu þjóð-
anna, en hún hafði 11,4 milljónir
flóttamanna á sínum snærum á
síðasta ári. Alþjóðadagur flótta-
manna er haldinn í dag.
Munar um Afganistan og Írak
Stærstu hópar flóttamanna
koma frá Írak og Afganistan. Til
þessara tveggja ríkja á um helm-
ingur flóttamanna heimsins rætur
að rekja, og þar versnaði ástandið á
síðasta ári.
„Í Írak urðu auknar deilur trúar-
hópa og óstöðugt stjórnmála-
ástand til þess að fjöldi þeirra sem
eru landflótta óx úr 1,8 milljónum í
byrjun árs í nærri 2,4 milljónir fyrir
lok árs 2007,“ segir í skýrslunni.
Antonio Guterres, flóttamanna-
fulltrúi SÞ, segir stofnunina þurfa
aukið fé til að geta tekist á við vax-
andi vanda. „Sjáið hvað er að ger-
ast í Írak, Líbanon, Afganistan og á
landamærum Pakistans, í Darfúr,
Tsjad, Kongó og Sómalíu. Þetta er
virkilega erfitt. Flóttamönnum
fjölgar bara stöðugt.“
Innri flótti mikill vandi
„Þetta hlýtur að teljast ákaflega
slæm þróun,“ segir Sólveig Ólafs-
dóttir, sviðsstjóri útbreiðslusviðs
Rauða kross Íslands. „Á sama tíma
fjölgar líka fólki sem vegna átaka er
á vergangi innan eigin landamæra.
Þeirra aðstæður eru sérstaklega
slæmar.“
Sólveig nefnir hóp flóttamanna
sem von er á til landsins í haust
sem dæmi um slíkt.
„Það má einmitt líta á þessa pal-
estínsku flóttamenn sem von er á
frá Írak. Þeir eru reyndar komnir í
einskismannsland, en komast þar
hvorki lönd né strönd, því landa-
mæri eru þeim öll lokuð. Það er
gífurlega erfitt að aðstoða fólk sem
svona er statt. Þar er eina leiðin að
veita hæli, eins og Ísland er að gera,
en það er leið sem er farin þegar
allar aðrar leiðir eru lokaðar.“
Ólíkar viðtökur
Guterres telur þær misjöfnu
móttökur sem flóttamenn frá Írak
fá í Evrópu senda grannríkjum
Íraks röng skilaboð. Í Svíþjóð, þar
sem 40.000 Írakar hafast við, hefur
hlutfall þeirra sem hljóta landvist
til dæmis lækkað úr 80% á síðasta
ári í nær 25%.
„Það er mjög neikvætt þegar
Sýrland og Jórdanía sjá Evrópuríki
vísa flóttamönnum frá, þar sem
þau hafa þegar nokkur þúsund í
landinu, á meðan þessi ríki hýsa
hundruð þúsunda.“
Allt fullt af
flóttamönnum
Flóttamönnum og fólki á vergangi hefur fjölgað talsvert á síðustu
tveimur árum Vesturlönd gangi fram með góðu fordæmi
➤ Í skýrslunni eru 11,4 millj-ónir manna sagðar á könnu
Flóttamannastofnunar SÞ
og 4,6 milljónir í verkahring
Palestínuflóttamanna-
aðstoðar SÞ.
➤ Samtals 16 milljónir flótta-manna.
➤ 26 milljónir eru sagðar ávergangi innan eigin lands
vegna átaka. 25 milljónir
vegna náttúruhamfara.
➤ Samtals 51 milljón á ver-gangi í eigin landi.
FLÓTTAMENN HEIMSINS
NordicPhotos/AFP
Skráning Flóttamenn frá Írak leita sér aðstoðar Rauða hálfmánans í Sýrlandi.
FLÓTTAMENN Í HEIMINUM ÁRIÐ 2007
Pakistan 2.033.000
Sýrland 1.503.000
Íran 963.000
Þýskaland 963.000
Jórdanía 500.000
Tansanía 435.000
Kína 301.000
3.100.000 Afganistan
2.300.000 Írak
552.000 Kólumbía
523.000 Súdan
457.000 Sómalía
376.000 Búrúndí
370.000 Austur-Kongó
Flóttamönnum undir umsjón Flóttamannahjálpar Sameinuðu þjóðanna
fjölgaði úr 9,9 milljónum árið 2006 í 11,4 milljónir árið 2007
Stærstu hópar flóttamanna
eftir gistilandi
ÚTLEGÐ
STRÍÐ
KÚGUN
ÁNAUÐ
FRELSI
24stundir/BMS
Algengustu upprunalönd
flóttamanna
10 FÖSTUDAGUR 20. JÚNÍ 2008 24stundir
Lögreglan í Bresku-Kólumbíu
hefur í vörslu sinni sjötta fótinn
sem skolað hefur
á land á innan
við ári. Sá fimmti
fannst fyrr í vik-
unni. Fæturnir
hafa allir fundist
við Georgíusund,
skammt frá Van-
couver í Kanada.
Sá sjötti var, líkt
og flestir hinna, hægri fótur og
klæddur í hlaupaskó.
Lögregla gerir því skóna að fæt-
urnir tilheyri horfnum sjómön-
um eða fórnarlömbum flugslysa.
aij
Ráðgáta í Kanada
Sjötta fætinum
skolar á land
Sameinað herlið Afgana og Nató
hefur blásið til stórsóknar gegn
talibönum í nágrenni Kandahar, í
suðurhluta Afganistans. Segja
talsmenn herliðsins að talibanar
hafi hreiðrað um sig á svæðinu og
stýrt árásum þaðan. Afganskur
héraðsstjóri segir hundruð víga-
manna fallin eða særð, en tals-
menn Nató hafa ekki staðfest þær
tölur. aij
Nató í Afganistan
Blásið til sóknar
Evrópuþingið hefur samþykkt
nýjar reglur um meðhöndlun
ólöglegra innflytjenda innan Evr-
ópusambandsins.
Meðal þess sem
reglurnar leyfa er
varðhald í allt að
18 mánuði og
fimm ára end-
urkomubann.
Áætlað er að allt
að átta milljónir
ólöglegra inn-
flytjenda séu í ríkjum ESB.
Mannréttindasamtökin Amnesty
International mótmæltu nýju
reglunum, sem þau segja ekki
tryggja þeim sem vísað er burt
nægjanlega mannvirðingu og
örugga heimferð. aij
Evrópusambandið
Innflutningshöft
Það er meira
í Mogganum
Í LAUSASÖLU 200 ÁSKRIFT 2950 HELGARÁSKRIFT 1800 PDF Á MBL.IS 1800
í dag
Föstudagur 20. júní 2008
Fótboltalandsliðið
ætlar alla leið á morgun
» Meira í Morgunblaðinu
Fylla völlinn
Dísa í hárgreiðslustof-
unni Hárný fékk „Óskarinn“
»Meira í Morgunblaðinu
Á rauða dreglinum
Óðinn er lögmaður og
refaskytta af ástríðu
» Meira í Morgunblaðinu
Lifi fyrir veiðarnar
Ágústa Eva og Jörundur í
stuttmyndinni Góða ferð
» Meira í Morgunblaðinu
Ferðalag Davíðs
Heimsótti flóttamenn
sem fá hæli hérlendis
» Meira í Morgunblaðinu
Örvænting í Írak