24 stundir - 20.06.2008, Síða 16

16 FÖSTUDAGUR 20. JÚNÍ 2008 24stundir
Eftir Sigurð Elvar Þórólfsson
seth@24stundir.is
„Vissulega er tilhlökkun í okkur
fyrir landsleikina gegn Slóveníu og
Grikklandi en ég læt það ekki trufla
mig í vinnunni,“ bætir hún við en á
næstu dögum mun landslið kvenna
takast á við tvö risastór verkefni í
undankeppni Evrópumótsins. Með
sigri í þeim leikjum er íslenska
landsliðið í þeirri stöðu að vera
einu skrefi frá því að komast í úrslit
á stórmóti – í fyrsta sinn í sögunni.
Bætti landsleikjametið
Katrín bætti landsleikjamet Ást-
hildar Helgadóttur í vetur en Katr-
ín leikur sinn 75. landsleik á laug-
ardaginn og hefur hún skorað 10
mörk. „Ég man nú ekki eftir öllum
10 mörkunum. Það eru aðeins þau
nýjustu sem maður man eftir,“ seg-
ir Katrín en hún hefur stýrt varn-
arlínu Íslands úr miðvarðarstöð-
unni undanfarin ár. Katrín gæti
verið með fleiri A-landsleiki.
„Ég hætti með landsliðinu árið
2002 eftir tapleiki gegn Englend-
ingum þar sem við komumst ekki
áfram og í kjölfarið ákvað ég að
setja læknanámið í forgang. Ég lék
ekki fótbolta í tvö ár.“
Katrín gekk í raðir Vals um mitt
tímabil árið 2004 og lék með liðinu
út það tímabil. Hún fór á ný til
Noregs um haustið og lék með
Amazon Grimstad fram til vorsins
2006 þegar hún fór aftur í herbúðir
Vals. Katrín skoraði fyrsta mark Ís-
landsmótsins í ár og segir hún að
heimkoman í Val hafi verið
ánægjuleg en erfið.
„Ég fór aftur að spila 2004, fyrst
einhverja 6 leiki með Val og fór svo
aftur til Noregs til að klára kandi-
datsnám. Fann mér þá 1. deildar-
lið, Amazon, til að sparka með. Ég
var mikið meidd á þessum tíma og
það tók sinn tíma að koma sér í
stand fyrir átökin með Val í Lands-
bankadeildinni. Það hefur gengið
svona upp og ofan að sameina
krefjandi vinnu og fótboltann. Ef
það er mikið að gera í vinnunni þá
getur það haft áhrif á fótboltann.
Stundum gengur þetta allt saman
upp. Stundum er þetta erfiðara og
ég sé mig ekki halda þessu áfram í
mörg ár til viðbótar. Eitt af því sem
dregur mig áfram er að ég sé að við
eigum möguleika á að komast í úr-
slit á stórmóti og það er spennandi
að taka þátt í því verkefni.
Katrín er elsti leikmaður lands-
liðsins en hún er 31 árs og hefur
leikið 74 leiki og skorað 10 mörk.
Aldursbilið í leikmannahóp Íslands
er þónokkuð og nokkrir leikmenn
liðsins eru fæddir árið 1990 og ein
þeirra er fædd 1992.
Það er rétt, ég er elst
„Já, það er rétt, ég er elst. Það
þarf ekkert að vera blása þá stað-
reynd út. Ég yngist samt alltaf um
nokkur ár þegar ég kem inn í hóp-
inn. Það er mikill aldursmunur á
okkur sem eldri erum og þeim sem
eru stíga sín fyrstu skref í landslið-
inu. Það er samt sem áður ekki til
vandræða. Ég hef meira að segja
sama tónlistarsmekk og sumar af
þeim yngri. Ég get því ekki verið
það gömul í hettunni. Aðalatriðið
er að við náum vel saman. Okkar
hlutverk er að miðla reynslu okkar
á jákvæðan hátt til þeirra yngri.“
Landsliðið mætir Slóvenum á
laugardag kl. 14:00 á Laugardals-
velli og er markmið forráðamanna
liðsins að fylla völlinn af áhorfend-
um – og yrði það í fyrsta sinn í sögu
kvennalandsliðsins sem öll sæti á
Laugardalsvelli væru nýtt.
Katrín er ekki á þeirri skoðun að
landsliðsþjálfarinn sé búinn að
missa vitið þó að hann lýsti því yfir
að markmiðið væri að fylla Laug-
ardalsvöllinn á laugardaginn.
„Hann er vissulega smá „klikk“
en þetta er alveg raunhæft. Það er
mikil stemning fyrir þessum leik.
Við fengum 6.000 áhorfendur á
leikinn gegn Serbíu og það þarf því
ekki mikið til að bæta það met. Við
erum í þeirri stöðu að geta ráðið
okkar örlögum sjálfar í þessari
keppni. Við eigum tvo heimaleiki,
gegn Slóveníu á laugardag og
Grikklandi á fimmtudag. Með sigri
í þeim leikjum verðum við í þeirri
stöðu að leika úrslitaleik um sæti á
EM gegn Frökkum í lokaleik riðils-
ins í Frakklandi í september.“
Árangur kvennalandsliðsins hef-
ur komið mörgum á óvart. Lands-
liðsþjálfarinn, Sigurður Ragnar
Eyjólfsson, tók við liðinu án þess
að hafa fengið reynslu af þjálfun fé-
lagsliðs áður.
Allt getur gerst
„Þetta er frábær hópur og það
eru allir á þeirri skoðun að við get-
um náð árangri. Í slíku umhverfi
getur allt gerst. Sigurður Ragnar
þjálfari hafði vissulega ekki mikla
reynslu en hann er gríðarlega
áhugasamur og hefur trú á þessu
liði. Það skiptir máli.“
Sigurður Ragnar er menntaður
sálfræðingur og segir fyrirliðinn að
þjálfarinn laumi sínu sérfagi af og
til í umræðuna. „Hann er ekkert að
„krukka“ í höfðinu á okkur alla
daga. Hann kemur alltaf með góð
ráð af og til. Hins vegar er það svo
misjafnt hvernig leikmenn vilja
haga undirbúningi sínum fyrir
leiki. Það er einstaklingsbundið og
hann er flinkur í því að finna út
hvað hentar hverjum.“
Fyrirliðinn, læknirinn
og „öldungurinn“
 Katrín Jónsdóttir, fyrirliði íslenska kvennalandsliðsins, lætur sig dreyma um að komast í úrslit Evrópumótsins
➤ Katrín Jónsdóttir er fædd árið1977 og hefur hún leikið með
Val, Breiðabliki og Stjörnunni
á Íslandi.
➤ Landsliðskonan lét að sérkveða með einu sterkasta liði
Noregs, Kolbotn, og hún lék
einnig með Amazon Grimstad
í Noregi.
➤ Katrín leikur sinn 75. lands-leik á morgun gegn Slóven-
um og hefur hún skorað 10
mörk fyrir landsliðið.
KATRÍN JÓNSDÓTTIR
Met? Katrín Jónsdóttir von-
ast til þess að öll sætin verði
upptekin á Laugardalsvell-
inum á morgun.
24stundir/G.Rúnar
a
Ég hætti með lands-
liðinu árið 2002 eftir
tapleiki gegn Englend-
ingum þar sem við kom-
umst ekki áfram og í kjöl-
farið ákvað ég að setja
læknanámið í forgang. Ég
lék ekki fótbolta í tvö ár.
„Ég er ekki að hugsa um
fótbolta þegar ég skoða
eyrnabólgu hjá tveggja
ára barni í vinnunni. Mér
tekst að hafa hugann við
vinnuna. Sem betur fer,“
segir heilsugæslulæknir-
inn Katrín Jónsdóttir og
fyrirliði kvennalandsliðs-
ins í knattspyrnu.
ÍÞRÓTTIR
ithrottir@24stundir.is a
Við fengum 6.000 áhorfendur á leikinn gegn
Serbíu og það þarf því ekki mikið til að bæta það
met. Við erum í þeirri stöðu að geta ráðið okkar örlög-
um sjálfar í þessari keppni.