Fréttablaðið - 21.06.2007, Qupperneq 2
„Ferðaskrifstofurnar
segja okkur bara það sem við vilj-
um heyra. Síðan þegar við mætum
á staðinn er raunin önnur. Allar
ferðaskrifstofurnar koma jafn illa
fram við okkur,“ segir Vilmundur
Sveinsson, fyrrverandi forseti
Nemendafélags Verzlunarskóla
Íslands.
Tvö hundruð og fjörutíu manna
útskriftarhópur frá skólanum fór
á vegum Heimsferða til Fuerte-
ventura á Kanaríeyjum í tveggja
vikna ferð í lok maí. „Þetta er ekki
besti staðurinn fyrir útskriftar-
hóp vegna þess að þarna er mikið
af fjölskyldufólki og ellilífeyris-
þegum og ekkert að gera fyrir
ungt fólk fyrir utan litla verslun-
armiðstöð sem hægt var að fara í,“
segir Vilmundur. Hann bætir við
að þeim hafi verið lofað að
skemmtistaðir yrðu opnir fram
eftir nóttu. Það reyndist ekki rétt
og þegar þeir lokuðu klukkan tvö
var farið á hótelið. „Okkur var
sagt að við yrðum ein á hótelinu en
það var heldur ekki satt. Gestir
hótelsins, sem var breskt fjöl-
skyldufólk, kvartaði undan látun-
um í okkur,“ segir Vilmundur.
Jónína Guðný Bogadóttir
útskriftarnemi segir þau hafa
verið send út á fölskum forsend-
um. „Okkur var lofað fjörugu næt-
urlífi sem reyndist ekki vera.
Seinni vikuna var torgið sem við
héldum til á vaktað af herlög-
reglu,“ segir Jónína Guðný. Hún
segir neyðarfund hafa verið hald-
inn á hótelinu eftir að skemmdar-
verk voru unnin á sólbekkjum og
tæmt hafði verið úr sex slökkvi-
tækjum. „Á fundinn mættu fimmt-
án herlögreglumenn með alvæpni
og mér fannst okkur ógnað,“ segir
Jónína Guðný.
Bjarni Hrafn Ingólfsson, mark-
aðsstjóri Heimsferða, segir að
reynt sé í lengstu lög að hafa
útskriftarhópa eina á hótelum enda
sé skemmtanamunstur útskriftar-
hópa og fjölskyldufólks mjög ólíkt.
Hann segist þekkja Fuerteventura
vel og þarna sé hægt að gera flest
það sem er í boði í öðrum sólar-
löndum. „Útskriftarhópar hafa
farið áður á þennan sama stað án
þess að kvarta enda eru hópar allt-
af ólíkir.“
Bjarni Hrafn segir ferðanefnd á
vegum skólans hafa farið til Fuert-
eventura og tekið út aðstæður og
þeim hafi litist vel á staðinn. „Ég
fullyrði að við hjá Heimsferðum
gerðum allt sem við gátum til að
ferðin heppnaðist sem best,“ segir
Bjarni Hrafn.
Okkur var lofað fjörugu
næturlífi sem reyndist
ekki vera. Seinni vikuna var torg-
ið sem við héldum til á vaktað af
herlögreglu
Herlögregla vaktaði
drukkna Verslinga
Verslunarskólanemar voru vaktaðir af herlögreglu á Kanaríeyjum eftir óspekt-
ir, næturbrölt og skemmdarverk. Ferðanefnd skólans skoðaði staðinn í vetur en
nemarnir voru þrátt fyrir það ósáttir við aðstæður. Áttu að fá hótel út af fyrir sig.
Arnbjörg Sveinsdóttir,
formaður sjávarútvegs- og land-
búnaðarnefndar Alþingis, telur
ekki tilefni til að endurskoða fisk-
veiðistjórnunarkerfið, hvorki í
heild né einstaka þætti þess.
„Ég hef ekki fundið nein rök
fyrir því enn þá satt að segja. Þótt
kerfið hafi marga galla held ég að
þetta sé skásta stýring sem við
höfum komist í tæri við,“ segir
Arnbjörg.
Fulltrúar Hafrannsóknastofn-
unarinnar kynntu nefndarmönn-
um forsendur veiðiráðgjafar sinn-
ar í gær.
Arnbjörg vill ekki skera úr um
hve mikið eigi að veiða á næsta
fiskveiðiári en Hafró ráðleggur
130 þúsund þorskígildistonn.
„Fræðimenn færa töluvert sann-
færandi rök fyrir sínum tillögum
og við verðum allavega að taka
töluvert tillit til þeirra,“ segir Arn-
björg. Spurð hvort óþarft sé að
ganga jafn langt í niðurskurði
aflaheimilda og Hafró leggur til,
svarar Arnbjörg: „Ég er ekki búin
að taka afstöðu til þess en ég held
að við verðum nú eitthvað að nálg-
ast þá.“
Arnbjörg segir að þótt þjóðfé-
lagið sé almennt ágætlega í stakk
búið til að takast á við niðurskurð
aflaheimilda sé ljóst að áhrif þess
geti verið afar slæm á einstaka
byggðir. Finna þurfi leiðir til að
mæta þeim áhrifum. Hún efast þó
um að aukinn byggðakvóti leysi
vandann.
Óþarfi að endurskoða kerfið
Ökumaður vélhjóls liggur
alvarlega slasaður á gjörgæslu-
deild Landspítala eftir slys á
Höfðavegi í Vestmannaeyjum
laust fyrir miðnætti á þriðjudag.
Maðurinn, sem var aftastur í
hópi vélhjólamanna, missti
stjórn á hjólinu og lenti á
vegriði.
Vegfarandi gerði lögreglu
viðvart og eftir athugun í
Vestmannaeyjum var hann
fluttur með sjúkraflugi til
Reykjavíkur.
Hámarkshraði á þessum
vegkafla er 50 km/klst, en ekki
er vitað hvort maðurinn keyrði
of hratt.
Ökumaður slas-
aðist alvarlega
Guðbjartur, er verið að leggja
bleikan stein í götu ykkar?
Elliðaárnar opnuðu í
gærmorgun. Hefð er fyrir því að
borgarstjórinn í Reykjavík renni
fyrstur fyrir lax í ánni og var
Vilhjálmur Vilhjálmsson mættur
snemma um morguninn. Hann
þurfti að bíða fram að hádegi til að
geta landað fyrsta laxinum. Það
var þó fyrsti laxinn sem veiddur
var. Var það fjögurra punda hrygna
og var hún veidd á maðk. Áður
höfðu veiðst nokkrir urriðar.
Borgarstjórinn
veiddi fyrsta lax
sumarsins
Aðalmeðferð fór fram í
Danmörku á þriðjudag yfir
Jonatan Falk, 26 ára Dana, sem
hrinti heimilislausum Íslendingi,
Haraldi Sigurðssyni, fyrir lest í
Kaupmannahöfn í ágúst í fyrra.
Falk er ákærður fyrir tilraun til
manndráps. Ekstra Bladet segir
frá því að Falk játi að hafa hrint
Haraldi, en neiti að hafa ætlað að
ráða honum bana. Falk flúði af
vettvangi og upp í leigubíl sem í
voru farþegar. Hann bauð þeim
hass í skiptum fyrir farið. Þá
tjáði hann sig á ensku um
atburðinn og sagði að hann
vonaðist til að Haraldur dæi.
Lest ók yfir Harald og þótti
með ólíkindum að hann skyldi lifa
atvikið af.
Sagðist vona að
Haraldur dæi
Hætta er á því að börn
fái bakverki ef þau beita ekki
líkamanum rétt þegar þau hoppa
á trampólíni. Einnig er mjög
algengt að börn slasist ef fleiri en
einn eru að hoppa í einu. „Ef tveir
hoppa í einu gerist það gjarnan að
annar missir kraftinnog hinn fer
tvöfalt hærra með þeim afleiðing-
um að hann missir stjórnina í
loftinu. Þannig lenda krakkar
stundum fyrir utan trampólínið
og beinbrotna,“ segir Ása Inga
Þorsteinsdóttir, þjálfari hjá
Gerplu. Hún telur mikilvægt að
leiðbeina börnunum og heldur nú
námskeið um öryggi á trampólíni.
Slysalaust hopp
Guðjón Ingi Eiríksson
lenti í vopnuðu ráni á hóteli í Kaup-
mannahöfn í fyrradag. Maður með
leikfangabyssu að vopni ruddist inn
í anddyri Hótel Ansgard, sem Guð-
jón gisti á, og
heimtaði pen-
inga af hótel-
starfsmanni.
„Ég var þarna
eitthvað að skoða
bæklinga þegar
grímuklæddur
maður hjólaði
upp að húsinu,
stökk inn, beindi
byssu að höfði
starfsmannsins og bað um peninga.
Síðan beindi hann byssunni að mínu
höfði og skipaði mér að leggjast á
gólfið, sem ég gerði,“ segir Guðjón.
„Hótelstarfsmaðurinn náði svo
að afvopna manninn og hringja á
lögregluna. Maður áttaði sig eigin-
lega ekkert á því hvað var að ger-
ast, ég hafði engan tíma til að hugsa
þegar hann beindi byssunni að
mér.“
Hann segir lögregluna hafa marg-
boðið sér áfallahjálp eftir að hann
hafi gefið skýrslu, en síðan neitað
að skutla honum heim á eftir. „Mér
fannst það alveg hreint merkilegt
að þeir hafi látið mig labba heim af
lögreglustöðinni rétt eftir að hafa
lent í vopnuðu ráni. Annars er ég nú
alveg nokkuð hress eftir allt þetta.“
Hótel Ansgard stendur við Col-
bjørnsensgade, rétt hjá Ráðhús-
torginu.
Löggan lét mig labba heim
Ingibjörg Sólrún
Gísladóttir utanríkisráðherra hóf
í gær tveggja daga opinbera
heimsókn til Noregs. Hún hitti
Harald Noregskonung, átti
hádegisverðarfund með varnar-
málaráðherra Noregs, Anne-
Grete Strøm-Erichsen, og ræddi
við Jonas Gahr Støre utanríkis-
ráðherra um samskipti landanna.
Í fréttum Stöðvar 2 í gær sagði
Ingibjörg mikilvægt að þjóðirnar
tvær hafi áhrif á stefnumótun
sem fram fer innan Evrópusam-
bandsins. Á fundi hennar með
Støre hafi verið rætt hvernig
hægt sé að kynna þá stefnumótun
betur í þjóðþingunum.
Vilja hafa áhrif
á stefnumótun