Fréttablaðið - 21.06.2007, Blaðsíða 44
21. JÚNÍ 2007 FIMMTUDAGUR6 fréttablaðið gott á grillið
Erna Kaaber grillar fisk og gerir
lífræna gosdrykki.
„Það er auðvelt að elda nánast
hvað sem er í álumslagi á grilli
en fiskurinn er þó líklega eitt það
allra auðveldasta,“ segir Erna
Kaaber á veitingahúsinu Icelandic
Fish & Chips, sem jafnframt því
að vera sérlega góður kokkur
er áhugakona um lífræna fram-
leiðslu og næringargildi matvæla.
„Í álumslaginu fara engin næring-
arefni til spillis heldur umfaðma
ólíkar bragðtegundir hver aðra og
þannig má smella nánast hverju
sem er í umslagið með fiskinum,“
bætir hún við.
Erna féllst á að grilla fiskrétt
fyrir Fréttablaðið og gefa líka
uppskrift að einstaklega ferskum
og góðum gosdrykkjum sem hún
blandar sjálf en hún segir gos-
drykkjaneyslu landans vera fram
úr hófi. „Gosdrykkjaneysla Ís-
lendinga hefur náð nýjum hæðum
og það er áhyggjuefni, enda
fjöldaframleiddir gosdrykkir yf-
irleitt fullir af alls kyns ófögnuði
eins og kornsírópi og gervisykri
sem hefur vafasöm áhrif á manns-
líkamann.“
RAUÐSPRETTA MEÐ KÓRÍANDER OG
MYNTU
1/2 búnt kóríander
1/2 búnt mynta
1 þumlungur engifer
4 hvítlauksrif
1 chili
2 lime
1 sítróna
300 ml ólívuolía
1/2 dl hvítvínsedik
Maldon-salt
sesamfræ
Kóríander- og myntublöðin eru
slitin af stilkunum og sett til hlið-
ar. Engiferrótin er afhýdd og chili-
ið fræhreinsað. Lime-ávextirn-
ir eru skafnir með rifjárni og saf-
inn kreistur úr þeim báðum sem og
sítrónunni.
Svolítið af olíunni er sett í bland-
ara og engifer og hvítlauk bætt við.
Best er að nota Vita Mix því hann
tætir niður hvítlauksrifin og engi-
ferbútana án vandræða og skil-
ur ekki eftir sig hálftætta stubba.
Vita Mix-blandarinn er stilltur á
minnsta hraða en gott er að gefa
aðeins í öðru hverju í um 30 sek.
Þegar engifer og hvítlaukur hefur
saxast vel er chili-inu bætt saman
við, berkinum af báðum lime-
ávöxtunum og safanum af sítru-
sávöxtunum. Hafið stillt á lægsta
hraða og gætið þess að chili-pip-
arinn maukist ekki. Því sem eftir
er af olíunni er nú bætt saman við
ásamt hvítvínsedikinu. Best er
að láta blönduna standa í svolitla
stund áður en hún er notuð.
Álpappír er lagður á borð og fyrir
miðju eru settar tvær matskeið-
ar af olíublöndunni og svo búnt af
myntu og kóríanderblöðum. Ofan
á þau eru lagðir rauðsprettubitar
u.þ.b. 150 gr. í hvert umslag. Stráið
yfir Maldon-salti og sesamfræjum.
Gætið þess að brjóta vel upp á um-
slögin svo ekki leki úr þeim niður í
grillið. Umslögin eru sett á grillið á
meðalhita. Eftir að þau bólgna upp
er best að taka þau af eftir um 3-
4 mínútur. Þau eru svo opnuð með
hníf og borin fram með kartöflum
eða salati.
Olían geymist í kæli í nokkra
daga svo hún er tilvalin til að
pensla kjúklingaspjótin með dag-
inn eftir.
HEIMALAGAÐ GOS
Erna segir það auðveldara en
margur heldur að blanda eigin gos-
drykki. „Það eina sem til þarf í gos-
drykkjaframleiðsluna er góð safa-
pressa. Fyrir berjadrykki er best
að nota þessar gömlu handsnúnu
en fyrir aðra ávexti er betra að
nota nýju rafknúnu gerðina“.
HINDBERJA OG MYNTUGOS:
1/2 kg. hindber
1 búnt mynta
slatti af agave-sírópi (fer eftir sætu-
smekk hvers og eins)
sódavatn
Fyrst er berjunum rennt í gegn-
um safapressuna. Það er ágætt að
gera það nokkrum sinnum því það
tekur nokkrar umferðir áður en
allur safinn er úr þeim kreistur. Þá
er myntunni rennt í gegnum press-
una. Bæði mynta og ber gefa frá sér
sterkan lit sem erfitt getur reynst
að ná úr fötum svo best er að vera
með góða svuntu við verkið. Þá er
agave-sírópi bætt út í blönduna þar
til hún hefur náð réttu sætumagni.
Blandan er svo hrist vel saman. Í
350 ml glas er ágætt að nota tvö-
faldan skammt úr sjússamæli og
fylla svo upp með sódavatni.
Berjablandan geymist vel í kæli
í viku. -mhg
Fiskur í áli á bálið
Erna Kaaber segir auðveldara en margan grunar að gera heimatilbúna gosdrykki.
Girnileg rauðspretta, grillaðar kartöflur og heimagert gos.
Á vefsíðu Skeljungs, skeljung-
ur.is, er að finna ýmsar ráðlegg-
ingar í sambandi við grill og
gaskúta, þar á meðal nokkur ör-
yggisatriði.
Á síðunni kemur fram að gas-
kúta skuli alltaf geyma á köld-
um stað, þar sem loftræsting er
jafnframt góð.
Hins vegar er mælt gegn
því að kútar þyngri en 11 kíló
séu hafðir inni eða geymdir í
kjöllurum eða niðurgröfnum
geymslum.
Þá er ráðlagt að hafa gaskúta
vel skorðaða og upprétta þegar
þeir eru fluttir á milli staða,
til dæmis með bílum. Auðvitað
þarf að hafa skrúfað fyrir og ör-
yggistappa í skrúfgangi. -rve
Loftræsting og
kæling áríðandi
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is