Fréttablaðið - 21.06.2007, Qupperneq 83
Knattspyrnumaður-
inn Kolbeinn Sigþórsson skrif-
aði í gærmorgun undir þriggja
ára samning við hollenska úrvals-
deildarliðið AZ Alkmaar. Fyrir
leika þeir Grétar Rafn Steinsson
og Aron Einar Gunnarsson með
liðinu.
„Mér líst afar vel á þetta,“ sagði
Kolbeinn við Fréttablaðið í gær
skömmu eftir að hann kom heim
með flugi frá Amsterdam. Hann
fer aftur út til Hollands hinn 5. júlí
og hefur þá æfingar með liðinu.
Kolbeinn fór í vetur til æfinga
hjá félaginu og hreifst þá af því og
aðstöðu þess. „Ég hitti bæði Grét-
ar Rafn og Aron Gunnar og líst
mér vel á að þeir séu fyrir hjá fé-
laginu.“
Að minnsta kosti tíu félög í Evr-
ópu voru á höttunum eftir Kol-
beini en hann var samningslaus
hér á landi eftir að hann ákvað að
framlengja ekki samning sinn við
HK. Í stað þess að spila hér á landi
í sumar ákvað hann að fara fyrr út
og taka þátt í undirbúningstíma-
bilinu frá upphafi.
„Ég tel mig vera orðinn tilbúinn
fyrir atvinnumennskuna,“ sagði
Kolbeinn sem varð sautján ára
í vetur. „Ég ákvað að velja AZ á
endanum því mér líst vel á félag-
ið og tel að hollenska úrvalsdeild-
in sé góður staður til að byrja á.“
Aðspurður segist hann stefna á
að vinna sér sæti í aðalliðinu sem
allra fyrst. „Ég ætla að æfa vel og
þá er aldrei að vita hvað gerist.
Ég hef mikinn metnað sjálfur og
stefni því að því að spila sem allra
mest.“
Stefni á að komast í aðalliðið sem fyrst
Meirihluti stuðnings-
manna Manchester City vilja ekki
sjá Sven-Göran Eriksson sem
stjóra hjá félaginu. Könnun meðal
þeirra sýndi fram á þetta í gær en
talið er að Eriksson fái fund með
Thaksin Shinawatra, sem er á
góðri leið með að eignast City.
„Stuðningsmennirnir eru 70-30
á móti Eriksson. Hann hefur stað-
ið sig ágætlega með félagsliðum
en það er ekki hægt að hunsa mis-
tökin sem hann gerði með enska
landsliðinu,“ sagði Heidi Pickup
hjá samtökum stuðningsmanna
City.
Vilja ekki sjá
Sven-Göran
Kjartan Henry Finn-
bogason kom í gær til Noregs og
mun æfa með úrvalsdeildarliðinu
Brann fram á sunnudag.
„Ég fékk nú bara símtal í gær
og mér boðið að fara til Brann,“
sagði Kjartan við Fréttablað-
ið í gær. „Ég fer svo á sunnudag-
inn til Svíþjóðar og æfi með IFK
Gautaborg.“
Hinn 10. júlí fer Kjartan svo til
Englands og fer í æfingaferð með
Bristol City til Lettlands. Hann
hefur undanfarin ár verið samn-
ingsbundinn Celtic í Skotlandi en
mun væntanlega söðla um fyrir
næsta tímabil.
Æfir með Brann
Obafemi Martins slapp
ómeiddur úr skotárás í Níger-
íu á mánudaginn. Skotið var á bíl
Martins sem meiddist ekki en fé-
lagi hans fékk aftur á móti kúlu
í sig en lifði af. „Ég hélt að ég
myndi deyja þar sem þeir héldu
bara áfram að skjóta,“ sagði
Martins.
„Þessir menn vildu drepa mig,
þeir skutu ítrekað á bílinn. Þeir
voru ekki ræningjar þar sem
þeir skutu bara en stálu engu. Ég
þakka Guði að ég er enn á lífi til
að segja frá þessu,“ sagði Mart-
ins sem var að taka bensín þegar
skotið var að honum.
Þessir menn
vildu drepa mig
Þungar ásakanir eru
bornar á Ítalíumeistara Inter
Milan. Verið er að rannsaka skjöl
félagsins vegna mögulegra svika
fyrir tímabilið 2005/2006. Inter
hefur áður verið til skoðunar hjá
skattayfirvöldum, þá ásamt erki-
fjendunum í AC Milan, á árunum
2003-2005.
Inter er ásakað um að falsa
verðmæti leikmanna sinna til að
sýna betri fjárhagsstöðu á reikn-
ingum sínum. COVISOC, fjár-
málayfirvald ítölsku deildarinnar,
sagði í gær að Inter ætti ekki að
keppa ef reikningar þeirra væru í
ólagi.
Viðriðið annan
Ítalíuskandal?
Ertu klár fyrir sumarfríið?
Gutenberg
Suðurlandsbraut 24
108 Reykjavík
Sími 545 4400
Fax 545 4401
www.gutenberg.is
Hafðu samband við söluráðgjafa í síma 545 4400
Þarftu að láta prenta:
nafnspjöld
bréfsefni
umslög
reikninga