Fréttablaðið - 21.06.2007, Page 6
Miklar endurbætur
standa yfir á húsnæði Vísis hf. á
Þingeyri og hugbúnaður og vinnslu-
kerfi fyrirtækisins hafa verið end-
urnýjuð síðastliðin tvö ár. Mikil
bjartsýni er á meðal starfsfólksins
sem sér vart fram úr verkefnum.
Framkvæmdastjóri fyrirtækisins
segir pólitískan óróleika í kringum
sjávarútveginn að undanförnu
valda meiri ólgu innan greinarinn-
ar en fréttir af þorskstofninum.
Pétur H. Pálsson, framkvæmda-
stjóri Vísis, segir að uppbyggingin
á Þingeyri sé hluti af endurnýjun
allra starfsstöðva fyrirtækisins. „Á
Þingeyri erum við að laga húsnæð-
ið að breyttum aðstæðum og nýjum
framleiðsluháttum. Við stefndum
að því að vinna þrjú til fjögur þús-
und tonn fyrir vestan en svo bíða
menn bara með krosslagða fingur
eftir því sem gerist í júlí.“ Pétur
segir engar ákvarðanir hafa verið
teknar um að hætta uppbygging-
unni sem áformuð er á næstunni.
„Ákvörðun um uppbyggingu var
tekin áður en veiðiráðgjöf Hafrann-
sóknastofnunar barst. Við bíðum
bara eftir stóra dómi eins og aðrir
en við erum bundnir af samningum
og iðnaðarmennirnir eru byrjaðir.“
Pétur segir að íslenskur sjávar-
útvegur hafi þurft að þola sveiflur í
áratugi af mörgum ástæðum. Nið-
urskurður aflaheimilda núna falli
einfaldlega undir það og við því sé
hægt að bregðast. „Ef við vitum að
við fáum aukninguna eftir fimm ár
þá hægjum við á og bíðum rólegir.
En það sem ruglar menn í greininni
meira núna en nokkuð annað er pól-
itískur óstöðugleiki. Stjórnmála-
menn eru farnir að gæla við það að
ákveða hvar fiskvinnsla verður og
hvar ekki auk þess að niðurskurð-
urinn skili sér ekki til baka. Þetta
tal ruglar menn meira en niður-
skurður, aflabrestur eða hvað
annað. Ég man aldrei eftir svona
dimmum tóni í reynslumiklum
mönnum og það er komið til vegna
pólitískrar umræðu frekar en
vondra frétta af þorski.“
Arngrímur Friðgeirsson, verk-
stjóri hjá Vísi á Þingeyri, segir
ríkja mikla bjartsýni meðal starfs-
fólksins, sem er rúmlega fimmtíu
talsins. „Við trúum því að fréttir af
niðurskurði hafi ekki neikvæð áhrif
á fyrirtækið hérna. Við vinnum á
vöktum, svo mikið hráefni berst
okkur hingað.“ Arngrímur segir að
Vísir sé burðarstólpinn á Þingeyri í
atvinnulegu tilliti. „Hér er bullandi
uppsveifla og við erum bjartsýn á
framhaldið vegna þess að það hefur
verið svo mikill kraftur í atvinnu-
lífinu.“
Ég man aldrei eftir
svona dimmum tóni í
reynslumiklum mönnum og það
er komið til vegna pólitískrar
umræðu frekar en vondra frétta
af þorski.“
Mikill uppgangur
hjá Vísi á Þingeyri
Uppbygging fiskvinnslu á Þingeyri hefur verið mikil að undanförnu. Starfsfólk-
ið er bjartsýnt þrátt fyrir óvissu í sjávarútvegi. Framkvæmdastjóri segir um-
ræðu stjórnmálamanna valda meiri áhyggjum en niðurskurður á þorskkvóta.
NÝJAR OG BETRI JÚMBÓ
HYRNUR Í NÆSTU VERSLUN
Íbúafundur í Vogum á
Vatnsleysuströnd samþykkti með
miklum meirihluta atkvæða að
veita bæjarstjórninni umboð til að
ganga til viðræðna við Alcan um
byggingu álvers á Keilisnesi.
„Það voru skiptar skoðanir en
meirihlutinn var á því að við
ættum að ræða við þá um upp-
byggingu á Keilisnesi,“ segir
Róbert Ragnarsson, bæjarstjóri
Voga. Hann telur að um 140 manns
hafi komið og um þrjátíu farið í
pontu. Róbert býst við að ræða við
Alcan á næstu dögum.
Í Hafnarfirði er annað hljóð í
strokknum. „Við lítum svo á að
málinu sé lokið og gerum ekki
ráð fyrir að fjallað verði
meira um þetta,“ segir
Pétur Óskarsson, tals-
maður Sólar í Straumi.
Pétur hitti Lúðvík Geirs-
son, bæjarstjóra í Hafnar-
firði, í gær og túlkar orð
hans þannig að Lúðvík sé
sömu skoðunar. „Bæjar-
stjórinn hefur sagt að
þetta verði ekki tekið upp
á kjörtímabilinu og við
göngum út frá því að hann standi
við það. Hins vegar sagði hann að
ef Alcan kæmi með nýja tillögu þá
gæti fjórðungur íbúa krafist að
afstaða verði tekin til þess. En
hann mun ekki taka það upp að
eigin frumkvæði að gengið
verði til kosninga.“
Fulltrúar Alcan funduðu
með Lúðvík bæjarstjóra
um þetta á þriðjudaginn. Í
gær fóru þeir svo á fund
iðnaðarráðherra og ræddu
hugsanlega stækkun
álversins í Straumsvík eða
tilfærslu þess til Voga eða
Þorlákshafnar.
Einnig ræddu erindrek-
ar Alcan við forsvarsmenn Lands-
virkjunar í gær. Til umræðu var
viljayfirlýsing fyrirtækjanna um
raforkusölu Landsvirkjunar til
Alcan. Sú yfirlýsing fellur úr gildi
hinn 30. júní.
Forsvarsmenn Alcan funda
í dag með bæjarstjóra Þorláks-
hafnar, Ólafi Áka Ragnarssyni.
Ræddar verða hugmyndir um
að allt að 460 til 480 þúsunda
tonna álver rísi í sveitarfélaginu.
Ólafur segir málið á frumstigi
og hefur engar fastmótaðar
hugmyndir um staðsetningu
hugsanlegs álvers.
Ólafur segir að álverið yrði
rekið með áður lofaðri orku af
Þjórsár- og Hengilssvæðunum.
Ekki séu fyrirhugaðar nýjar
virkjanir í Ölfusi vegna þessa.
„Við komum ekkert að því, við
erum bara með landið,“ segir
hann.
Fundar með
Ölfusingum
Ættu framhaldsskólakennarar
að fá hærri laun?
Finnst þér úrskurður siðanefnd-
ar Blaðamannafélags Íslands í
Jónínumálinu sanngjarn?
Ísraelsher skaut
flugskeytum á tvo eldflauga-
skotpalla á Gaza í gær í fyrstu
loftárásinni frá því að Hamas-
samtökin lögðu undir sig Gaza í
síðustu viku. Engar fréttir bár-
ust af mannfalli eða meiðslum í
árásinni sem var svar við eld-
flaugaárás á Ísrael.
Fyrr um daginn fóru ísraelsk-
ir skriðdrekar inn á Gaza og fjór-
ir létu lífið í skothríð.
Margir íbúar Gaza-strandar-
innar eru fullir ótta um að yfir-
taka Hamas-samtakanna á Gaza
muni hafa í för með sér aukið
ofbeldi á svæðinu. Mahmoud
Abbas, forseti Palestínumanna,
gagnrýndi Hamas harkalega í
sjónvarpsávarpi til þjóðarinnar í
gær. Sakaði hann samtökin um
að vilja stofna eigin ríki á Gaza.
Hundruð Gaza-búa bíða við
Erez-landamærastöðina að Ísra-
el eftir að verða hleypt í gegn.
Varnarmálaráðherra Ísraels fyr-
irskipaði hernum í gær að hleypa
í gegn þeim flóttamönnum sem
þyrftu nauðsynlega á læknisað-
stoð að halda.
Abbas fordæmir Hamas