Fréttablaðið - 21.06.2007, Qupperneq 10

Af rúmlega fjögur
hundruð liðum á fjárlögum ríkisins
fóru 135 framúr áætlun á fyrstu
þremur mánuðum ársins. Það er
svipað hlutfall og á síðasta ári.
Fjárlaganefnd hefur fjallað um
málið og óskað skýringa.
Gunnar Svavarsson, formaður
fjárlaganefndar, segir ýmsar skýr-
ingar geta legið að baki framúr-
keyrslunni og vill, að svo stöddu,
ekki úrskurða ástandið óviðunandi.
„Það geta verið ýmsar skýringar á
að menn haldi sig ekki innan ramm-
ans. Hugsanlega eru einhverjar
sveiflur í rekstrinum sem ekki var
tekið tillit til í áætlanagerðinni. Það
er þá eðlilegt. Hafi hins vegar orðið
miklar breytingar á rekstri ein-
stakra stofnana eða einstaka reikni-
líkön eru röng er mikilvægt að fara
yfir það strax,“ segir Gunnar.
Fyrstu þrír mánuðir árs gefa
ekki endilega fyrirheit um árs-
rekstur enda geta útgjöld verið
misjöfn eftir árstíma.
Ríkisrekstur fyrsta ársfjórðungs
var kynntur fjárlaganefnd Alþingis
fyrr í vikunni og á fundi nefndar-
innar var ákveðið að óska eftir
skýringum á framúrkeyrslunni.
„Við biðjum fjármálaráðuneytið að
óska eftir skýringum frá fagráðu-
neytum sem aftur byggja væntan-
lega sínar skýringar á svörum ein-
stakra stofnana,“ segir Gunnar.
Jafnframt óskaði nefndin eftir að
hálfs árs uppgjör liggi fyrir sem
fyrst svo sem gleggstar upplýsing-
ar liggi fyrir þegar vinna við fjár-
aukalög hefst.
Gunnar, sem varð formaður fjár-
laganefndar eftir kosningarnar í
vor, boðar aukið aðhald og eftirlit
með ríkisrekstrinum. „Nýjum
mönnum fylgja nýir siðir og ég legg
ríka áherslu á aga og festu í rekstri
ríkisstofnana,“ segir hann en kveðst
jafnframt ekki ætla að fella dóm
yfir fyrri fjárlaganefndum. Hins
vegar hafi nefndin í gegnum tíðina
varið miklum kröftum í fjárlaga-
gerðina en minni í framkvæmd
fjárlaga. „Ég vil að það verði annað
meginhlutverk nefndarinnar að
fylgjast með framkvæmdinni og
legg mikið uppúr að hún sé með
eðlilegum hætti.“
Þingið krefst aga í
rekstri ríkisstofnana
Þriðjungur fjárlagaliða fór fram úr áætlun á fyrstu þremur mánuðum ársins.
Formaður fjárlaganefndar óskar skýringa og leggur áherslu á aga og festu í
rekstri ríkisstofnana. Ýmsar skýringar kunna að liggja að baki framúrkeyrslu.
ÞÚ ÁTT
AÐ BORÐA
ÞAÐ HÆGT!
Ekki borða annars hugar
– njóttu bragðsins.
McVitie´s Digestives er nefnilega
súkkulaðikex sem verðskuldar
alla athygli þína.
ÍS
L
E
N
S
K
A
/S
IA
.I
S
/N
A
T
3
76
44
0
6/
07
ÓMISSANDI
Á SS PYLSUNA
Mannréttindastofa Íslands hvetur
stjórnvöld til að styðja við alþjóðlega sáttmála
gegn ríkisfangsleysi. Tilkynning þess efnis var
send út í gær, á alþjóðadegi flóttamanna.
Ísland er aðili að Flóttamannasamningi Samein-
uðu þjóðanna, en er eina Norðurlandið sem hvorki
hefur gerst aðili að samningi SÞ um ríkisfangs-
leysi né samningi um réttarstöðu ríkisfangs-
lausra.
Alþjóðadagur flóttamanna er haldinn 20. júní
árlega. Dagurinn er notaður til að vekja athygli á
stöðu flóttamanna og allra þeirra sem þurfa að
yfirgefa heimili sín vegna ofsókna eða ofbeldis.
Íslensk stjórnvöld hafa frá 1956 boðið 451
flóttamanni vernd í samvinnu við Flóttamanna-
stofnun, Rauða krossinn og sveitarfélög landsins.
247 flóttamannanna hafa komið hingað eftir 1996.
Í haust verður tekið á móti hópi þrjátíu flótta-
manna frá Kólumbíu, en þetta er í annað sinn sem
stjórnvöld taka við flóttamönnum þaðan.
Verja þarf rétt ríkisfangslausra
Tæplega tuttugu
þúsund erlendir ríkisborgarar
voru búsettir á Íslandi um síðustu
áramót. Það eru um sex prósent
af heildarfjölda landsmanna.
Í hópi erlendra ríkisborgara
eru Pólverjar lang fjölmennastir,
tæplega sex þúsund eða tæplega
tvö prósent landsmanna, um
þriðjungur af erlendum ríkis-
borgurum. Næst fjölmennastir
aðfluttra voru Litháar sem voru
um eitt þúsund. Heildarfjöldi
aðfluttra frá Eystrasaltslöndun-
um var um 1.400 manns. Til
samanburðar voru um 1.700
manns frá hinum Norðurlöndun-
um.
Útlendingar
um sex prósent