Fréttablaðið - 21.06.2007, Page 47

FIMMTUDAGUR 21. JÚNÍ 2007 9gott á grillið fréttablaðið
Eitt af því sem gott er af
grillinu er nýbakað brauð.
Því hefur Hadda Björk
Gísladóttir fyrir löngu áttað
sig á. Fyrir utan að skella
degi á grillið heima í garði
hefur hún gjarnan hveiti-
lúku og ger með sér í útileg-
ur. „Það er einfalt að baka
brauð á ferðalögum,“ segir
hún. „Ég blanda bara í það
að morgni, set það í plast og
leyfi deiginu að hefast í far-
teskinu yfir daginn. Þá er
það tilbúið þegar að kvöld-
máltíðinni kemur. Ég passa
að hnoða ekki alla lyfting-
una úr deginu þegar ég móta
brauðin í litlar kökur. Síðan
bregð ég þeim á grillið og
sjaldan bragðast þau betur
en í útilegum.“
Hadda kveðst gera brauð-
in eftir hendinni en hér
er samt uppskrift sem má
styðjast við.
3 dl mjólk
2 dl vatn
1 bréf þurrger
1 tsk. salt
1 tsk. sykur
1/2 dl olía
500 g hveiti
3 tsk. piparblanda
Mjólk og vatn er yljað
aðeins, gerið og sykurinn
sett út í áður en öllu hinu er
blandað saman við.
Glóðað piparbrauð
Hadda þarf ekki rándýrt gasgrill til að búa til góðan mat. Hér
hefur hún útbúið ágætis hlóðir milli steina og stundar þar
brauðbakstur. MYND/GUN
Stærsta grillhátíð heims var
haldin í Kansas City í Banda-
ríkjunum árið 1975. Risastór
hola var grafin sérstaklega
fyrir viðburðinn en fimm
naut voru grilluð. Grillhátíð-
in tók þrjá daga og þrjú lið
grillmeistara vöktuðu grillið
öllum stundum.
Grill var upprunalega notað
í eyjum Karíbahafinu þar
sem indjánar notuðu trékurl
á litlum eldi til að elda kjöt-
ræmur.
Bandaríkjamenn elska grill
sérstaklega mikið. Grill er
til á þremur af fjórum am-
erískum heimilum og eru
þau notuð að meðaltali fimm
sinnum í mánuði.
Alþjóðlegt orð yfir grill er
„barbecue“ en enginn veit
uppruna orðsins. Spán-
verjar kalla það barbacoa,
Frakkarnir tala um barbe à
queue og Rúmenar hafa búið
til orðið barbec.
Stærsta grillpartíið var hald-
ið í New Orleans árið 1997
þegar um það bil átján þús-
und manns komu saman í til-
efni fimmtugsafmælis. Ekki
hafði öllum sem komu í af-
mælið verið boðið og sumir
vissu ekki einu sinni hvert
afmælisbarnið var.
Grillstaðreyndir
FJALLAKRYDDLÖGUR
Hrærið saman dijonsinnepi,
olíu, balsamediki og smá
hunangi. Smyrjið þessu á
lambalæri sem bíður þess að
fara á grillið, eða ofan í holu
með kolum í botninn. Dreif-
ið íslenskum kryddjurtum
yfir lærið, til dæmis birki-
laufi, kúmeni og blóðbergi.
SALT Á VATNAFISK
Eigin veiði bragðast einkar
vel af glóðum. Ekki þarf að
krydda silung eða lax mikið
enda best að hið náttúrulega
bragð njóti sín. Saltið er
samt nauðsynlegt á vatna-
fisk.
BAKAÐ ÚTI
Hægt er að baka brauð á
dauðum greinum yfir eldi
og það er einkar vinsælt hjá
börnum að leita að þeim.
Deigi úr mjöli, salti, geri,
bræddri smjörklípu og vatni
er vafið um greinina sem
snúið er yfir eldinum eftir
þörfum. Fjallabrauð bragð-
ast vel með öllum mat.
ÚR VILLTRI NÁTTÚRU
Villisveppir geta verið
mesta lostæti, ekki síst ef
þeir eru borðaðir úti í nátt-
úrunni. Gott er að fylla þá
með smurosti og bregða á
hlóðirnar.
Útileguráð