Fréttablaðið - 01.11.2007, Blaðsíða 12

Markmið sjóðsins er að styðja við bakið á menningar- og
listalífi, auk þess að hlúa að mannréttinda- og líknarmálum.
Það verður m.a. gert með framlögum til stofnana, samtaka
og félaga á Íslandi, sem hafa framangreind málefni sem
aðaltilgang sinn.
Áhugasamir aðilar sem uppfylla ofangreind skilyrði eru
hvattir til að senda inn umsókn. Lengd umsóknar skal
takmarkast við eina vélritaða síðu (A4).
Umsóknareyðublöð má finna á heimasíðu Baugs Group hf.,
www.baugurgroup.com
Úthlutun fer fram í janúar.
STYRKTARSJÓÐUR BAUGS GROUP HF.
AUGLÝSIR EFTIR UMSÓKNUM UM STYRKI ÚR SJÓÐNUM
Einnig má skila umsóknum til:
Styrktarsjóður Baugs Group hf., Túngötu 6, 101 Reykjavík.
Umsóknum skal skilað fyrir 11. nóvember á:
styrktarsjodur@baugurgroup.com
Formaður stjórnar sjóðsins er Jóhannes Jónsson
en aðrir stjórnarmenn eru Hreinn Loftsson og
Ingibjörg St. Pálmadóttir.
Ritari stjórnar er Kristín Þorsteinsdóttir.
Þrír meginsakborning-
arnir í réttarhöldunum vegna
hryðjuverkaárásarinnar í Madrid
á Spáni í mars árið 2004 voru í
gær fundnir sekir um morð á
fjölda manns og dæmdir í tugþús-
unda ára fangelsi. Fjórir aðrir
meginsakborningar sluppu hins
vegar með vægari dóma og grun-
aður leiðtogi hópsins var sýknað-
ur. Allir sakborningarnir hafa
haldið fram sakleysi sínu.
Fórnarlömb árásarinnar, sem
varð 191 manni að bana og meira
en 1.800 særðust í, sögðust vera
miður sín með ákvörðun réttarins.
„Úrskurðurinn virðist vægur í
okkar augum,“ sagði Pilar Man-
jon, leiðtogi samtaka fórnarlamba
árásarinnar. Hann missti tvítugan
son sinn í árásinni. „Mér líkar ekki
að morðingjar gangi burt frjálsir
menn.“
Marokkómennirnir Jamal
Zougam, Othman Gnaoui og Spán-
verjinn Emilio Suarez Trashorras
voru sakfelldir fyrir morð og
morðtilraunir. Fengu þeir dóma á
bilinu 34.000 til 43.000 ár í fang-
elsi þótt samkvæmt spænskum
lögum sé hámarks fangelsisdóm-
ur 40 ár. Engir dauðadómar né
lífstíðardómar eru á Spáni.
Eitt það óvæntasta við réttar-
höldin var sýknun Egyptans Rabei
Osman sem hafði gortað af því í
símtölum að vera hugsuðurinn á
bak við árásina að sögn ítölsku
lögreglunnar. Þýðendur samtals-
ins, sem var á arabísku, sögðu það
þó ekki það afgerandi að það gæti
verið túlkað sem játning.
Youssef Belhadj, Hassan el
Haski, Abdulmajid Bouchar og
Rafa Zouhier voru sýknaðir af
morðákærum en sakfelldir fyrir
minni brot eins og að tilheyra
hryðjuverkasamtökum. Þeir
fengu dóma á bilinu tíu til átján
ár.
Fjórtán aðrir voru sakfelldir
fyrir minni ákærur og sex sýknað-
ir.
Sjömenningarnir sem talið er að
hafi verið aðalskipuleggjendur
árásarinnar og hinir sönnu leið-
togar hópsins sprengdu sig í loft
upp í húsi í úthverfi Madrid þrem-
ur vikum eftir árásina þegar lög-
regla hafði fundið þá. Þrír grunað-
ir eru enn ófundnir þó að talið sé
að tveir af þeim hafi dáið í sjálfs-
morðssprengingum í Írak.
Spænsk yfirvöld höfðu verið á
slóð hryðjuverkamannanna mán-
uðina fyrir árásina en tókst ekki
að átta sig á fyrirætlan þeirra.
Tugþúsunda
ára fangelsi
Dómur var í gær kveðinn upp yfir 28 sakborningum
vegna hryðjuverkaárásarinnar í Madrid árið 2004.
Fórnarlömb árásarinnar segja úrskurðinn vægan.
Umsækjendur um störf
geta krafið atvinnurekanda um rök-
stuðning fái manneskja af gagn-
stæðu kyni starfið, verði frumvarp
félagsmálaráðherra um jafna stöðu
og jafnan rétt karla og kvenna að
lögum.
Jóhanna Sigurðardóttir félags-
málaráðherra hefur kynnt málið í
ríkisstjórn og hafa þingflokkar
stjórnarflokkanna lagt blessun sína
yfir það.
Ýmsar nýjungar má finna í frum-
varpinu. Til dæmis mun launaleynd
heyra sögunni til, verði það að
lögum, enda fólki tryggður réttur
til að skýra frá launakjörum sínum
ef það kýs.
Lagt er til að óheimilt verði að
birta auglýsingar í fjölmiðlum og á
öðrum opinberum vettvangi séu
þær „öðru kyninu til minnkunar,
lítilsvirðingar eða stríði gegn jafnri
stöðu og jafnrétti kynjanna á nokk-
urn hátt“, eins og segir í greinar-
gerð með frumvarpinu.
Frumvarpið gerir ráð fyrir að
eftirlitshlutverk Jafnréttisstofu
verði gert skýrara. Þannig fær
stofnunin heimildir til að afla gagna
hjá fyrirtækjum, stofnunum og
félagasamtökum þegar rökstuddur
grunur er um brot á lögum um jafn-
réttismál.
Fyrirtæki og stofnanir með 25
eða fleiri starfsmenn þurfa að setja
sér jafnréttisáætlun samkvæmt
frumvarpinu, og mun Jafnréttis-
stofa fylgjast með því að það sé
gert. Fær stofan heimild til að
leggja 50 þúsund króna dagsektir á
fyrirtæki sem þráast við.
Banna lítilsvirðandi auglýsingar
Verkalýðsfélög
lestastarfsmanna tilkynntu í gær
nýtt verkfall gegn
áætlunum Nicolas
Sarkozy Frakk-
landsforseta um
að afnema sérstök
eftirlaunaréttindi.
Verkfallið hefst 13.
nóvember.
Fyrr í okt-
óber lömuðust
samgöngur þegar boðað var til
stærsta verkfalls í Frakklandi
síðustu tólf ár. Var það fyrsta
stóra áskorun Sarkozys í fimm
mánaða valdatíð hans. Í yfirlýs-
ingu sem verkalýðsfélögin sendu
frá sér í gær saka þau Sarkozy
um að neita að „hlusta á skilaboð“
verkfallsins í október.
Verkfallshótanir hafa borist úr
fleiri atvinnugeirum.
Verkalýðsfélög
gegn Sarkozy
Viðskiptaráð Íslands
fagnar framtaki viðskiptaráð-
herra um afnám vörugjalda og
stimpilgjalda og telur það vera
stórt skref í átt að einfaldara og
skilvirkara hagkerfi. Viðskipta-
ráð leggst hins vegar gegn hug-
myndum ráðherrans um beitingu
lagasetningar á sviði gjaldtöku
fjármála- og innheimtufyrirtækja
og hvetur ráðherrann til að draga
úr vægi sjálfskuldarábyrgða.
Finnur Oddsson, framkvæmda-
stjóri Viðskiptaráðs, segir að
gæði lánasafns bankanna versni
þegar lán séu greidd upp. „Bank-
arnir fjármagna sig í útlöndum á
ákveðnum kjörum og gera ráð
fyrir að við borgum lánið til baka
á ákveðnum tíma. Um leið og lán
er greitt óvænt upp þá þurfa þeir
að koma þessum peningum í
vinnu aftur á betri kjörum, ann-
ars tapa þeir peningum. Því fylg-
ir ákveðin áhætta. Þess vegna er
þessi kostnaður til kominn,“ segir
hann.
„Við höfum ítrekað krafist þess
að það verði annað hvort afnumið
eða tekið sannvirði fyrir upp-
greiðslu. Í dag er þetta tekjulind
fyrir bankana og verst að þetta
kemur í veg fyrir meiri hreyfan-
leika neytenda á bankanum. Það
kostar of mikið að fara úr við-
skiptum úr einkum banka í annan
og því er þetta gjald í eðli sínu
samkeppnishamlandi,“ segir
Jóhannes Gunnarsson, formaður
Neytendasamtakanna.
Bankarnir reikna með
að lánstíminn haldist
Í septembermánuði
voru fluttar út vörur fyrir 18,1
milljarð króna og inn fyrir 28
milljarða. Vöruskiptin í sept-
ember voru því óhagstæð um
9,9 milljarða. Í september 2006
voru vöruskiptin óhagstæð um
7,2 milljarða króna á sama gengi.
Þetta kemur fram á vef Hagstof-
unnar.
Fyrstu níu mánuði ársins voru
fluttar út vörur fyrir 194,6 millj-
arða en inn fyrir 272,2 milljarða.
Halli á vöruskiptunum við útlönd
var því 77,6 milljarðar en á sama
tíma í fyrra voru þau óhagstæð
um tæpa 111 milljarða á sama
gengi.
Talsvert meira
flutt inn en út
Neðri deild spænska þingsins
samþykkti í gær lög þar sem valdarán
Franciscos Franco herforingja og nærri
40 ára einræðistími hans er fordæmdur.
Meirihlutinn hunsaði gagnrýni íhalds-
manna sem sögðu lögin ýfa upp gömul sár
og kljúfa samfélagið.
Í lögunum er fasistastjórn Francos for-
dæmd með formlegum hætti og skipað
svo fyrir að fjarlægja skuli öll opinber
tákn um Franco-tímann, svo sem styttur
og götuheiti, auk þess sem veitt er fé til að
grafa upp fjöldagrafir frá tímum borgara-
stríðsins 1936 til 1939.
Franco-tíminn
fordæmdur