Fréttablaðið - 01.11.2007, Síða 13

Götulýsingu á
ákveðnum svæðum í Hafnarfirði
hefur verið ábótavant upp á síð-
kastið en nú er að rætast úr því, að
sögn Alberts Albertssonar, aðstoð-
arforstjóra Hitaveitu Suðurnesja.
„Í Hafnarfirði er ör vöxtur. Vegna
álags og anna hefur sá mannskap-
ur sem við höfum til umráða verið
svo ásetinn að þetta hefur dregist
örlítið en nú er búið að gera góðan
skurk í þessu þó að því sé ekki
alveg lokið,“ segir Albert.
„Við settum þetta til hliðar um
stundarsakir og söfnuðum saman í
ákveðið verk og svo hefur mann-
skapurinn verið látinn vinda ofan
af þessu á föstudögum og laugar-
dögum upp á síðkastið,“ segir
Albert og bendir á að ekki sé hlaup-
ið að því að skipta um perur í ljósa-
staurum.
„Það þarf að fara á körfubíl, opna
ljósastæðið, taka peruna úr og
setja nýja í. Þetta er svolítið veður-
háð og ekki gert í miklu roki eða
slagviðri,“ segir hann.
Rafmagnsleysi varð tvisvar um
nótt í Hafnarfirði fyrir svolitlu
síðan. Albert segir að loftlína sem
lá yfir byggingasvæðið á Völlunum
hafi verið tekin niður og kapall
lagður í jörð. Fyrst hafi orðið að
rjúfa línuna og koma á varasam-
bandi og svo hafi þurft að rjúfa
hana aftur til að tengja í jörð.
Perur vantaði í ljósastaura
Sjö hundruð ára
kirkja lauk í gær tæplega
vikulangri ferð sinni til nýrra
heimkynna sinna í austurhluta
Þýskalands til að rýma fyrir
námuvinnslu. Fyrstu rituðu
heimildirnar sem til eru um
Emmaus-kirkju eru frá 1297.
Námufyrirtækið Mibrag
borgaði tæpar 260 milljónir króna
fyrir að flytja kirkjuna tólf
kílómetra vegalengd frá Heuers-
dorf til Borna. 320 íbúar Heuers-
dorf þurfa einnig að flytja vegna
námuvinnslunnar. Þeir börðust í
mörg ár gegn þessu en töpuðu
málinu fyrir stjórnlagadómstóli
árið 2005. Flestir eru fluttir.
700 ára gömul
kirkja fær nýtt
heimilisfang
Stærsti hluthafi
Marimekko í Finnlandi, Kirsti
Paakkanen, hefur selt tíu prósent
af hlut sínum fyrir tæpar 900
milljónir króna og mun selja
önnur tíu prósent. Kaupandi er
Mika Ihamuotila sem jafnframt
því að vera stærsti hluthafinn
verður framkvæmdastjóri
fyrirtækisins. Þetta kemur fram
á fréttavef Helsingin Sanomat í
Finnlandi.
Ihamuotila hefur stórar
hugmyndir fyrir Marimekko.
„Eftir tíu ár verður Marimekko
svo miklu meira en það er í dag,“
segir hann við Helsingin Sanom-
at. „Einstæður stíll Marimekko á
einlæga aðdáendur um allan
heim. Mér finnst að Marimekko
geti orðið svo miklu, miklu
meira.“
Ihamuotila stefnir einnig að því
að kaupa hin tíu prósentin sem
Kirsti Paakkanen á.
Nýr eigandi
tekinn við
Árni Þór Sigurðsson,
þingmaður VG, hefur óskað eftir
fundi í samgöngunefnd til að
ræða fyrirhugaðan flutning
verkefna í vegamálum frá ríki til
sveitarfélaga.
Árni segir á heimasíðu sinni að
fréttir um þetta hafi komið
sveitarstjórnarfólki mjög á
óvart. Formaður samgöngu-
nefndar hafi tekið vel í erindið
og um það verði fjallað á fundi
nefndarinnar í næstu viku. Árni
segir að engin umræða hafi farið
fram um að Vegagerðin undirbúi
að flytja ábyrgð á tilteknum
þjóðvegum í þéttbýli til sveitar-
stjórna.
Nefndin ræði
flutning verka