Fréttablaðið - 28.11.2008, Blaðsíða 12
12 28. nóvember 2008 FÖSTUDAGUR
GAGNRÝNDI STJÓRNARANDSTÖÐU
Kristinn H. Gunnarsson, þingmaður Frjálslynda flokksins,
gagnrýndi formenn stjórnarandstöðuflokkanna harðlega í
umræðum um rannsóknarnefnd vegna bankahrunsins á
Alþingi í gær.
Kristinn sagði að svo virtist sem formenn stjórnarand-
stöðuflokkanna, sem eru meðflutningsmenn frumvarps
um rannsóknarnefndina, hafi ekki viljað fá frumvarpið í
gegnum þingið. Það hafi komið í ljós þegar þeir hafi lagt
vantrauststillögu á stjórnina fram í þinginu fyrr í vikunni.
Nauðsynlegt er að rannsókn sem þessi fari fram áður en
kosið er, til að almenningur hafi upplýsingar um atburða-
rásina og þá sem að henni komu, sagði Kristinn. Hann
fagnaði því að nú virtist sem formenn stjórnarandstöðu-
flokkanna væru komnir á þá skoðun líka.
KRISTINN H.
GUNNARSSON
Hefur þú upplýsingar um bankana eða fjármálahrunið sem þú vilt koma
á framfæri? Sendu okkur línu á abending@frettabladid.is
HELSTU ATRIÐI
Rannsóknarnefndinni er ætlað að:
■ Varpa ljósi á aðdraganda og
orsakir hruns efnahagskerfisins.
■ Gera úttekt á lögum um fjár-
málamarkaðinn.
■ Leggja mat á starf eftirlitsstofn-
ana.
■ Koma með tillögur að breyt-
ingum.
■ Tilkynna yfirvöldum um refsi-
verða háttsemi.
SKÁLHOLTSÚTGÁFAN
SPAUGILEGAR BÆKUR Í FÚLUSTU ALVÖRU
www.skalholtsutgafan.is
DÓMSTÓLAR Fertugur karlmaður
hefur í Hæstirétti verið dæmdur í
tveggja mánaða skilorðsbundið
fangelsi fyrir að slá ellefu ára
fósturson sinn í andlitið. Héraðs-
dómur Suðurlands hafði dæmt
manninn í eins mánaðar fangelsi
en Hæstiréttur þyngdi dóminn.
Fósturfeðgarnir voru staddir á
tjaldsvæði við Þrastarlund í
Grímsnes- og Grafningshreppi í
júní árið 2007 þegar maðurinn sló
drenginn hnefahöggi í andlitið
með þeim afleiðingum að hann
hlaut mar yfir nefbeininu bæði
hægra og vinstra megin auk
blóðnasa.
- jss
Hæstiréttur þyngdi dóm:
Sló fósturson
sinn í andlitið
SAMGÖNGUMÁL Hætt hefur verið
tímabundið við útboð á smíði nýrr-
ar Vestmannaeyjaferju og Flug-
félag Vestmannaeyja er hætt að
fljúga á milli lands og Eyja. Bæjar-
ráð Vestmannaeyja lýsir yfir mikl-
um vonbrigðum með stöðu mála.
Skorað er á samgönguráðherra
að leita leiða til að bjóða út smíði
skipsins og í ljósi kreppu að allra
leiða verði leitað til að auðvelda
íslenskum fyrirtækjum að bjóða í
nýsmíðina. Ráðið leggur þunga
áherslu á að haldið verði áfram
með framkvæmdir við Landeyja-
höfn og tryggt verði að hægt sé að
nýta höfnina eigi síðar en sumarið
2010 með leigu á skipi eða
breytingum á núverandi Herjólfi.
Fyrir liggur að Flugfélag Vest-
mannaeyja getur ekki haldið úti
flugi á Bakka nema til komi ríkis-
styrkur. Bæjarráð hvetur sam-
gönguráðherra til að beita sér
fyrir slíkum styrk til félagsins.
- shá
Bæjarráð Vestmannaeyja lýsir yfir vonbrigðum:
Samgöngur til Eyja
í algjöru uppnámi
HERJÓLFUR Eyjamenn óttast afturför í
samgöngum.
STJÓRNMÁL Davíð Oddsson,
formaður bankastjórnar Seðla-
bankans, sem boðaður var á fund
viðskiptanefndar Alþingis í gær
boðaði forföll. Samkvæmt
upplýsingum úr Seðlabankanum
var Davíð upptekinn á regluleg-
um fundum þar innanhúss sem
ekki reyndist unnt að hliðra til.
Seðlabankastjórinn geti hins
vegar mætt á næsta fund
nefndarinnar eftir viku. Ágúst
Ólafur Ágústsson, formaður
viðskiptanefndar, kveðst enga
ástæðu hafa til að tortryggja
forföll Davíðs. „Menn komast
einfaldlega ekki alltaf. Þar sem
hann komst ekki í þetta skipti þá
kemur hann næsta fimmtudag.“
Fyrir viðskiptanefndinni á
Davíð að skýra ummæli sem hann
lét falla varðandi bankana í ræðu
hjá Viðskiptaráði. - gar
Seðlabankastjóri upptekinn:
Mætti ekki hjá
viðskiptanefnd
ALÞINGI „Hér er um einkavina-
væðingu að ræða í utanríkisráðu-
neytinu,“ sagði Birkir Jón
Jónsson, þingmaður Framsóknar-
flokks á Alþingi í gær. Hann sagði
utanríkisráðherra ekki hafa
gengið í takt við þjóðina þegar
hún skipaði pólitískan samstarfs-
mann til margra ára í embætti
sendiherra.
Tilkynnt var um niðurskurð á
útgjöldum utanríkisráðuneytis-
ins á dögunum. Samhliða því var
tilkynnt að sex sendiherrar láti
af störfum um áramót, eða á
næsta ári, sökum aldurs. Á sama
tíma tilkynnti Ingibjörg Sólrún
Gísladóttir utanríkisráðherra að
hún hafi skipað Kristínu Árna-
dóttur í stöðu sendiherra, sagði
Birkir Jón.
Hann benti á að Kristín hafi
verið pólitískur samstarfsmaður
Ingibjargar um árabil. Augljóst
sé að pólitískar stöðuveitingar
séu ekki hluti af fortíðinni í utan-
ríkisráðuneytinu. Ingibjörg hafi
skipað fjóra sendiherra frá því
hún tók við ráðuneytinu, þar á
meðal fyrrverandi þingmann
Sjálfstæðisflokksins.
Ingibjörg Sólrún sagði að Krist-
ín hafi tekið við starfi skrifstofu-
stjóra yfirstjórnar ráðuneytisins,
og sem slík beri hún titil sendi-
herra. Hún varði skipan Kristín-
ar í embætti sendiherra. Of marg-
ir sendiherrar hafi verið í eldri
kantinum, og að fjölga þyrfti
konum í æðstu stöðum í ráðu-
neytinu.
- bj
Þingmaður Framsóknarflokks gagnrýnir pólitískar stöðuveitingar utanríkisráðherra:
Einkavinavæðing í ráðuneyti
BIRKIR JÓN
JÓNSSON
INGIBJÖRG SÓL-
RÚN GÍSLADÓTTIR
HEPPINN KALKÚNN
Ætli hann verði ekki að teljast hepp-
inn, þessi kalkúnn sem Bush Banda-
ríkjaforseti allramildilegast náðaði
á miðvikudag, daginn fyrir þakkar-
gjörðarhátíð Bandaríkjamanna. Þann
dag eru jafnan étnir margir kalkúnar í
Bandaríkjunum, en þessi fugl lifði af
þann hildarleik.
FRÉTTABLAÐIÐ/AP
Stóðu vaktina
fyrir fyrirtæki
Þingmaður VG segir rannsókn fjármálakreppu
verða að ná til einkavæðingar bankanna. Verður
hluti af sátt í samfélaginu, segir forseti Alþingis.
ALÞINGI Fullyrða má að stjórnvöld
hafi í sumum tilvikum ekki sofið á
verðinum í aðdraganda fjármála-
kreppunnar, heldur staðið vaktina
fyrir fjármálaöflin í landinu.
Þetta sagði Ögmundur Jónas-
son, þingmaður Vinstri grænna, í
umræðum um frumvarp um rann-
sókn á aðdraganda bankahrunsins
á Alþingi í gær.
Allir flokkar standa að frum-
varpinu, sem lagt er fram af
Sturlu Böðvarssyni, forseta
Alþingis. Hann mælti fyrir frum-
varpinu á Alþingi í gær. Að
umræðum loknum var málinu
vísað til allsherjarnefndar þings-
ins.
Í frumvarpinu er lagt til að
þriggja manna nefnd, skipuð
óháðum sérfræðingum, fari yfir
aðdraganda og orsök falls íslensku
bankanna, eins og fram hefur
komið í Fréttablaðinu. Skýrsla
nefndarinnar á að liggja fyrir
ekki síðar en 1. nóvember 2009.
„Við Íslendingar höfum orðið
fyrir miklum áföllum. Við þær
aðstæður er mikilvægt að okkur
takist að snúa bökum saman og
endurreisa efnahag okkar og
tryggja hag heimilanna og
atvinnulífsins. Til þess að það
takist verður að nást sátt í
samfélaginu. Mjög mikilvægur
þáttur þess er ítarleg rannsókn á
því hvað gerðist og leiddi til
hruns bankanna með öllum þeim
alvarlegu afleiðingum sem því
hafa fylgt,“ sagði Sturla.
Hann sagði það fremur fátítt
að Alþingi hafi frumkvæði af því
að setja á laggirnar slíkar rann-
sóknarnefndir, en mikilvægt sé
að eftirlitshlutverk Alþingis
verði eflt.
Ögmundur Jónasson lagði
áherslu á að rannsóknin verði að
ná aftur til þess tíma þegar bank-
arnir voru einkavæddir. Fjalla
verði um aðkomu stjórnmála, og
samspil þeirra við viðskiptalífið.
Þá sagði hann mikilvægt að
skoða sérstaklega flutning fjár-
magns úr landi, og það hvort
bankarnir hafi veitt einstakling-
um og fyrirtækjum aðstoð við að
flytja fé til erlendra skatta-
paradísa, hvort sem það hafi
verið beinlínis ólöglegt, eða bara
siðlaust.
Árni Páll Árnason, þingmaður
Samfylkingarinnar, fagnaði því
að frumvarpið hafi loks litið
dagsins ljós, marga hafi verið
farið að lengja eftir því. Hann
lagði áherslu á mikilvægi ákvæð-
is í frumvarpinu um vernd þeirra
sem komi fram með upplýsingar
um það sem aflaga hafi farið.
Allir verði að treysta sér til að
koma fram með upplýsingar.
brjann@frettabladid.is
AFGREITT Sturla Böðvarsson, forseti
Alþingis, mælti fyrir frumvarpinu á
Alþingi í gær. FRÉTTABLAÐIÐ/GVA