Fréttablaðið - 28.11.2008, Blaðsíða 72
48 28. nóvember 2008 FÖSTUDAGUR
sport@frettabladid.is
FÓTBOLTI Harðjaxlinn Heiðar
Helguson er glaður með að vera
loksins kominn til QPR eftir
skrautlega atburðarás síðustu
vikur og segist í viðtali við opin-
bera heimasíðu Lundúnafélagsins
hlakka til þess að byrja að spila
með liðinu.
„Þetta er frábært tækifæri fyrir
mig og þegar ég heyrði af áhuga
QPR þá hikaði ég ekki. Ég þarf að
spila reglulega og vonandi fæ ég
tækifæri til þess að gera það hjá
QPR. Það tekur náttúrulega alltaf
smá tíma að venjast nýju félagi en
ég var fenginn hingað til þess að
skora mörk og ég er sannfærður
um að ég geti það,“ segir Heiðar.
Heiðar er vel þekktur fyrir
markaskorunarhæfileika sína í
Coca Cola Championship-deildinni
en hann lék þar í fimm keppnis-
tímabil með Watford við góðan
orðstír. - óþ
Heiðar Helguson fór eftir allt saman til QPR:
Kominn til að skora
MARKASKORARI Heiðar Helguson getur
ekki beðið eftir því að spila með og
skora mörk fyrir QPR. NORDIC PHOTOS/GETTY
> Kúba ekki dregið sig úr keppni
Óvissa er um hvort Ísland fái þátttökurétt á HM í hand-
bolta sem fram fer í Króatíu í janúar fari
svo að Kúba dragi lið sitt úr keppni
líkt og sögusagnir eru um. IHF hefur
ekki fengið nein boð frá Kúbu um að
þeir ætli sér ekki að taka þátt í mótinu.
„Meðan staðan er þannig er ekkert sem
við getum gert. Það virðist samt vera að
við séum fyrsta varaþjóð samkvæmt
gögnum IHF en EHF er með okkur sem
varaþjóð númer tvö á eftir Slóvenum,“
sagði Einar Þorvarðarson, fram-
kvæmdastjóri HSÍ, sem býst
við að þekkjast boðið fari svo á
endanum að Ísland fái óvænt sæti.
FÓTBOLTI Keflvíkingurinn Guð-
mundur Steinarsson er kominn
heim eftir reynsludvöl hjá norska
liðinu Start.
Guðmundur kom ekki heim
með samningstilboð og forráða-
menn Start staðfestu í norskum
fjölmiðlum í gær að ekki væri í
myndinni að bjóða íslenska
landsliðsmanninum samning að
svo stöddu.
Þeir sögðu að sama skapi kæmi
vel til greina að taka þráðinn upp
síðar. - hbg
Guðmundur Steinarsson:
Fær ekki samn-
ing hjá Start
GUÐMUNDUR STEINARSSON Fékk stopp
hjá Start. FRÉTTABLAÐIÐ/AUÐUNN
KÖRFUBOLTI María Ben Erlings-
dóttir átti góðan leik með Texas-
Pan American háskólanum þegar
liðið vann sinn þriðja leik í röð í
bandaríska háskólaboltanum.
María Ben var stigahæst með
17 stig í 53-41 sigri á Air Force-
háskólanum en hún hitti úr 4 af 8
þriggja stiga skotum sínum í
leiknum. María lék í alls í 31
mínútu í leiknum og var einnig
með 4 fráköst og 2 stolna bolta.
María hefur verið í byrjunarlið-
inu í öllum fjórum leikjum liðsins
en UTPA er búið að vinna þrjá
síðustu leiki sína og hefur María
skorað 29 stig í síðustu tveimur
leikjum. - óój
Bandaríska háskólakarfan:
María Ben var
stigahæst í sigri
Tvö efstu lið í 1. deild karla í körfubolta Hamar og Haukar, mætast í
Hveragerði í kvöld. Pétur Ingvarsson, núverandi þjálfari Hauka, verður
í sérstakri aðstöðu því hann stjórnar þá liði í fyrsta sinn á
móti Hamri sem hann byggði upp og þjálfaði frá 1998
til 2007.
„Það eru tólf leikmenn í hvoru liði og þeim er
alveg sama hvað ég hef verið að gera. Hamar er
vegastika sem maður er búinn að fara framhjá og sá
tími er að baki,” segir Pétur sem vill ekki eigna sér
allan heiðurinn af gullaldartíma Hamars. „Við skul-
um ekki vera taka neitt af Lárusi formanni því hann
er límið sem heldur þessu saman,“ segir Pétur og
það verða örugglega fagnaðarfundir þegar þeir
félagar hittast aftur í kvöld.
Pétur er spenntur fyrir kvöldinu. „Það er gaman af
svona leikjum sama í hvaða deild þeir eru hvort sem
það er NBA-deildin eða 1. deildin á Íslandi. Topp-
leikir eru alltaf skemmtilegir,” segir Pétur en Haukar
hafa líkt og Hamar unnið alla sex deildarleiki sína í
vetur. Haukar slógu líka úrvalsdeildarlið Breiðabliks út úr bikarnum á
dögunum.
„Þessir sigrar að undanförnu fara ekki með okkur inn í þennan leik
og þetta verður bara hörkuleikur á heimavelli Hamars sem ég veit
frá fyrstu hendi að er einn sterkasti heimavöllurinn á landinu. Þeir
eru gríðarlega vel mannaðir og örugglega með næstbesta kanann
á landinu í liðinu hjá sér. Þetta verður hörkubarátta,“ segir Pétur.
Pétur segir að það verði jafnlangt að fara í leikinn fyrir hann eins
og leikmennina þrátt fyrir að hann búi enn í Hveragerði. „Ég
vinn reyndar í Hafnarfirði þannig að ég þarf að fara í Hafnar-
fjörð og svo aftur til baka,“ segir Pétur.
Pétur ætlar að koma Haukum aftur í efstu deild og
hann hefur háleit markmið fyrir liðið. „Í mínum huga
eiga Haukar að vera eitt af fjórum bestu liðunum á
landinu. Ef ég get ekki komið liðinu þangað þá eiga
Haukar bara að finna einhvern annan til þess að gera
það. Það er þannig í mínum huga en ég veit að það
eru ekki allir með sama markmið og ég,“ segir Pétur
og fyrsta skrefið gæti verið að vinna leikinn í kvöld.
PÉTUR INGVARSSON, ÞJÁLFARI HAUKA: STJÓRNAR LIÐI Í FYRSTA SINN Á MÓTI HAMRI SEM HANN ÞJÁLFAÐI Í ÁRATUG
Þekkir vel styrkleika heimavallarins í Hveragerði
HANDBOLTI Valdimar Fannar Þórs-
son, leikstjórnandi og skytta HK,
er markahæsti leikmaður N1-deild-
ar karla þegar deildin er komin í
smá landsleikjahlé. Valdimar hefur
skorað 80 mörk í 9 leikjum eða 8,9
að meðaltali í leik. Valdimar er með
sex marka forskot á FH-inginn
unga Aron Pálmarsson sem hefur
slegið svo rækilega í gegn í vetur.
Valdimar hefur skorað yfir sex
mörk í öllum níu leikjum HK í
vetur og yfir tíu mörk í þremur
leikjanna. Valdimar skoraði mest
15 mörk í einum leik en það gerði
hann í sigri á FH í Kaplakrika.
Valdimar hefur skorað 9,0 mörk að
meðaltali í þremur leikjum nóvem-
bermánaðar eftir að hafa gefið
aðeins eftir í október þar sem hann
skoraði 7,5 mörk að meðaltali í leik.
Valdimar hafði skorað 23 mörk í
fyrstu tveimur leikjum HK í sept-
ember eða 11,5 mörk að meðaltali í
leik.
Valdimar er ekki óvanur að leiða
listann yfir markahæstu menn
deildarinnar því hann var marka-
hæstur í deildinni þegar hann lék
þar síðast veturinn 2006 til 2007.
Valdimar skoraði þá 162 mörk í 21
leik eða 7,7 mörk að meðaltali í
leik. Valdimar lék sem atvinnu-
maður með Malmö í Svíþjóð á síð-
asta tímabili en snéri síðan aftur í
Digranesið í haust.
Það stefnir samt í harða baráttu
um markakóngstitilinn því FH-ing-
urinn Aron Pálmarsson og Framar-
inn Rúnar Kárason standa Valdi-
mar ekki langt að baki. Rúnar
hefur skorað átta mörkum minna
en Aron en á leik inni og hefur í
raun skorað 0,1 marki meira að
meðaltali í leik það sem af er í
vetur.
Aron er sá leikmaður deildarinn-
ar sem hefur oftast brotið tíu
marka múrinn en þessi 18 ára
strákur hefur skorað 10 mörk eða
meira í fjórum deildarleikjum í
vetur.
Rúnar Kárason er
ásamt Valdimar sá sem
hefur skorað flest mörk í einum
leik en hann skoraði 15 mörk í
leik á móti FH. Framarar eiga
flesta leikmenn sem hafa brotið
tíu marka múrinn í vetur því bæði
Andri Berg Haraldsson og Magn-
ús Stefánsson hafa líka náð því að
skora yfir tíu mörk í einum leik
það sem af er í vetur.
FH-ingar eru með frábært
sóknarlið sem sést meðal annars
á því að ekkert lið er að skora
fleiri mörk að meðaltali í
leik. FH-ingar eiga líka
tvo leikmenn meðal
fjögurra efstu manna
á listanum því auk
Arons er Ólafur
Guðmundsson einnig búinn að
skora yfir sex mörk að meðaltali í
leik. Ólafur er jafnaldri Arons og
hefur oft þurft að sitja í skuggan-
um en þessi stórefnilega skytta
er farinn að minna vel á sig og
skoraði meðal annars 13 mörk í
síðasta leik á móti HK. Það hefur
enginn skorað fleiri mörk í einum
leik fyrir FH í vetur en Aron
hefur mest skorað 12 mörk í
einum leik.
Allir fjórir markahæstu menn
deildarinar eru að spila fyrir utan
en hjá toppliði Valsmanna eru
hins vegar hornamenn í tveimur
efstu sætum. Arnór Þór Gunnars-
son er fimmti markahæsti leik-
maður deildarinnar með 6,0 mörk
að meðaltali í leik og Baldvin Þor-
steinsson er búinn að skora 5,5
mörk í leik. Arnór hefur reyndar
spilað mikið í stöðu skyttu vegna
forfalla leikmanna á hægri væng
Valsliðsins. ÝR-ingar eiga líka tvo
hornamenn á listanum í þeim
Andra Snæ Stefánssyni og Oddi
Grétarssyni en þeirra efsti
maður er skyttan Árni Þór
Sigtryggsson.
ooj@frettabladid.is
8,3 MÖRK Í LEIK Rúnar Kárason í Fram.
FRÉTTABLAÐIÐ/STEFÁN
6,3 MÖRK Í LEIK Ólafur Guðmundsson í
FH. FRÉTTABLAÐIÐ/ANTON
8,2 MÖRK Í LEIK Aron Pálmarsson í FH.
FRÉTTABLAÐIÐ/ANTON
Valdimar hefur skorað mest allra
FH-táningarnir Aron Pálmarsson og Ólafur Guðmundsson eru báðir meðal fjögurra markahæstu leik-
manna N1-deildar karla í handbolta en það stefnir í harða baráttu um markakóngstitilinn í vetur.
8,9 MÖRK Í
LEIK Valdimar
Fannar Þórs-
son hefur
spilað vel
með HK í
vetur.
FRÉTTABLAÐIÐ/
STEFÁN
MARKAHÆSTU MENN
Valdimar Þórsson, HK 80 (8,9 í leik)
Aron Pálmarsson, FH 74 (8,2)
Rúnar Kárason, Fram 66 (8,3)
Ólafur Guðmundsson, FH 57 (6,3)
Arnór Gunnarsson, Val 54 (6,0)
Árni Þór Sigtryggsson, Akure. 54 (6,0)
Sigurbergur Sveinsson, Hauk. 52 (6,5)
Andri Berg Haraldsson, Fram 48 (6,0)
Sverrir Hermannsson, Víkingi 48 (6,0)
Fannar Friðgeirsson, Stjörn. 45 (5,6)
Baldvin Þorsteinsson, Val 44 (5,5)
Andri Snær Stefáns., Akureyri 42 (4,7)
Jónatan Þór Magnúss., Akure. 41 (4,6)
Ásbjörn Friðriksson, FH 36 (4,0)
Elvar Friðriksson, Val 34 (3,8)
Guðmundur Pedersen, FH 34 (4,3)
Oddur Grétarsson, Akureyri 33 (3,7)
Flestir tíu marka leikir:
Aron Pálmarsson, FH 4
Valdimar Þórsson, HK 3
Rúnar Kárason, Fram 2
Ólafur Guðmundsson, FH 2
Árni Þór Sigtryggsson, Akureyri 2
Föstudaginn 28. nóvember kl. 13:00 – 16:00
Íþrótta- og sýningarhöllinni í Laugardal – Salur 1
F
já
rm
ál
ar
áð
st
ef
n
a
ÍS
Í
-
2
0
0
8
Fjármálaráðstefna ÍSÍ - 2008
Dagskrá
Setning – Ólafur Rafnsson, forseti ÍSÍ
Ávarp – Þorgerður Katrín Gunnarsdóttir, menntamálaráðherra
Rekstur íþróttahreyfingarinnar – Gunnar Bragason, formaður Fjármálaráðs ÍSÍ
Áhrif efnahagsástandsins á íþróttahreyfinguna – Lárus Blöndal, varaforseti ÍSÍ
Réttur allra til íþróttaiðkunar, sveitarfélög – Gunnar Einarsson, bæjarstjóri Garðabæjar
Sjónarmið sérsambanda – Hörður Þorsteinsson, framkvæmdastjóri GSÍ
Sjónarmið íþróttafélaga – Guðjón Guðmundsson, formaður KR
Íþróttir og atvinnulífið – Hrund Rudolfsdóttir, framkvæmdastjóri og stjórnarmaður í SA
Ný tækifæri – umræður
Samantekt – Stefán Konráðsson, framkvæmdastjóri Íslenskrar Getspár
Ráðstefnuslit – Ólafur Rafnsson, forseti ÍSÍ
Upplýsingar á www.isi.is
Allir velkomnir !
Ráðstefnustjórn: Stefán Konráðsson, framkv.stj. Íslenskrar Getspár