Fréttablaðið - 28.11.2008, Blaðsíða 16
16 28. nóvember 2008 FÖSTUDAGUR
EFNAHAGSMÁL Staða tryggingar-
félaganna er ágæt að mati Fjár-
málaeftirlitsins. Þetta kom fram
í máli fulltrúa eftirlitsins þegar
þeir mættu á fund viðskipta-
nefndar Alþingis í gær.
„Það er ástæða til að fylgjast
vel með tryggingamarkaðnum.
Hann er ekki eins og hver annar
markaður,“ segir Ágúst Ólafur
Ágústsson, formaður viðskipta-
nefndar Alþingis. „Þarna á
almenningur mikla hagsmuni,
ekki síst í bótasjóðnum eða
vátryggingaskuldunum. Það þarf
að vera öruggt að tryggingarfélög
geti mætt þeim skuldbindingum
sem á þeim hvíla. Fulltrúar Fjár-
málaeftirlitsins sögðu að þeir
teldu að svo væri.“
Ágúst bætir við að Fjármála-
eftirlitið hefði sagt að trygging-
arfélögin væru í sífelldri skoðun
og að staða félaganna væri ágæt.
„Við heyrðum þetta svo sem líka
með bankana þar til daginn að
þeir féllu þannig að þessi mál
þarf stöðugt að vakta,“ bendir
Ágúst á.
Aðspurður hvort rannsóknir
Fjármálaeftirlitsins á bankakerf-
inu hefði borið á góma á fundi
viðskiptanefndarinnar í gær
segir Ágúst svo ekki hafa verið.
„Þetta voru ekki þeir embættis-
menn sem sjá um það en við fáum
þá hins vegar reglulega á fundi
nefndarinnar til að gefa upplýs-
ingar. Við erum allaf að kalla
eftir auknu gegnsæi og að jafn-
ræði sé tryggt.“
- gar
NEYTENDUR Viðskiptavinum
Hagkaups gefst nú kostur á að
borga fyrir jólainnkaupin með
vaxtalausum lánum. Þjónustuna
nefna forsvarsmenn verslunar-
innar Jólalán Hagkaups. Lánin
bera þriggja prósenta lántöku-
gjald en viðskiptavinum gefst
kostur á allt að sex mánaða
greiðsludreifingu og að borga
fyrstu afborgunina í mars á
næsta ári. Samkvæmt tilkynningu
frá Hagkaupum þurfa viðskipta-
vinir sem hyggjast nýta sér
jólalán að eiga greiðslukort og
uppfylla skilyrði um raðgreiðslu-
lán samkvæmt almennum venjum
og heimildum. - ovd
Sex mánaða greiðsludreifing:
Bjóða lán fyrir
jólainnkaupum
EFNAHAGSMÁL Íbúðalánasjóður
hefur fengið heimild til að yfirtaka
íbúðaveðlán fjármálafyrirtækja.
Jóhanna Sigurðardóttir félags-
málaráðherra undirritaði reglu-
gerð þessa efnis í vikunni.
Í tilkynningu frá ráðuneytinu
segir að Íbúðalánasjóði sé heimilt
að kaupa skuldabréf fjármálafyrir-
tækja sem tryggð eru með veði í
íbúðarhúsnæði hér á landi að því
tilskildu að kaupin séu til þess
fallin að tryggja öryggi lána á
íbúðalánamarkaði og hagsmuni
lántakenda. Þá segir að heimildin
eigi jafnt við um lán í íslenskum
krónum og erlendri mynt. Hvorki
Íbúðalánasjóður né einstaklingar
geta haft frumkvæði að því að lán
flytjist til sjóðsins heldur þurfa
fjármálastofnanir sjálfar að óska
eftir að sjóðurinn yfirtaki veðlán á
þeirra vegum. - ovd
Íbúðalánasjóður yfirtekur lán:
Ráðherra heim-
ilar yfirtökur
SAMFÉLAGSMÁL Dauðaslysum og alvarlegum slysum í
umferðinni í Reykjavík fækkaði um 46 prósent á
árunum 2005 til 2007 miðað við árabilið 1992 til 1996.
Í umferðaröryggisáætlun Reykjavíkurborgar var
stefnt að fimmtíu prósenta fækkun slíkra slysa á
tímabilinu.
Dauðaslys í Reykjavík hafa að meðaltali verið tvö á
ári, á árunum 2002 til 2007. Það er umtalsverð
fækkun frá árinu 1992 en það ár urðu sjö dauðaslys í
Reykjavík. Þá hefur minni háttar slysum einnig
fækkað. Þau voru á tímabilinu 2006 til 2007 að
meðaltali 325 en 525 á árinu 1996.
Ekki náðist tilætlaður árangur í öllum tilfellum.
Stefnt var að fækkun umferðaróhappa þar sem börn
og unglingar áttu í hlut. Það tókst ekki því 57 börn, 15
ára og yngri, slösuðust í umferðarslysum á árinu 2007
miðað við 51 árið 1992.
Bifhjólaslysum hefur einnig fjölgað enda hefur
slíkum farartækjum fjölgað verulega á götum
Reykjavíkur. Bifhjólaslys voru fjörutíu árið 2007,
miðað við 18,7 að meðaltali á þriggja ára tímabili,
1996 til 1998. Eitt af markmiðum næstu umferðarör-
yggisáætlunar er að rannsaka þau slys og leggja á
ráðin um mótvægis aðgerðir. - hhs
Dregið hefur úr umferðarslysum í Reykjavík á undanförnum árum:
Dauðaslysum hefur fækkað
UMFERÐARSLYS Dauðaslysum og öðrum alvarlegum slysum
hefur fækkað í Reykjavík. FRÉTTABLAÐIÐ / TEITUR
Það er ástæða til að
fylgj ast vel með trygginga-
markaðnum. Hann
er ekki eins og hver annar
markaður.
ÁGÚST ÓLAFUR ÁGÚSTSSON
FORMAÐUR VIÐSKIPTANEFNDAR ALÞINGIS
KJARAMÁL Fundur forsvarsmanna
allra stærstu samtaka á vinnu-
markaði og fulltrúa ríkis og
sveitarfélaga var haldinn í gær.
Stefnt er að mótun sameiginlegr-
ar kjarastefnu til næstu missera.
Vonir eru bundnar við samstarf-
ið og gæti það markað þáttaskil í
baráttunni gegn efnahagsvanda
þjóðarinnar. Um það eru forsvars-
menn samtakanna sammála.
Geir H. Haarde forsætis-
ráðherra tekur undir mikilvægi
þessa samstarfs og bindur vonir
við að það skili árangri með
stöðugleika í kjaramálum. Mörg
verkefni séu framundan sem
nauðsynlegt sé að hafa samstarf
um jafnframt því sem nauðsyn-
legt sé að horfa til lengri tíma.
Fundur stjórnvalda ásamt ASÍ,
Samtökum atvinnulífsins og
BSRB er áætlaður í dag. - shá
Samtök funda um kjaramál:
Lofandi undir-
búningsfundur
Fjármálaeftirlitið sem vaktar tryggingamarkaðinn gaf Alþingi skýrslu í gær:
Staða tryggingafélaga ágæt
ÁGÚST ÓLAFUR ÁGÚSTSSON Formaður
viðskiptanefndar Alþingis segir miklvægt
að tryggingafélögin geti ávalt mætt
skuldbindingum sínum til að greiða
bætur. FRÉTTABLAÐIÐ/HEIÐA
LEIÐINDADAGUR Í DÝRAGARÐI Hann
geispaði alveg ógurlega í gær þessi
myndarlegi api í dýragarðinum í
Búdapest. Ætli honum hafi ekki leiðst
letilífið. FRÉTTABLAÐIÐ/AP