Fréttablaðið - 28.11.2008, Blaðsíða 74
50 28. nóvember 2008 FÖSTUDAGUR
FÓTBOLTI Ummæli Eiðs Smára Guð-
johnsen í spænska íþróttablaðinu
Sport hafa vakið talsverða athygli.
Þar sagði Eiður Smári að hann
hefði velt því fyrir sér á stundum
hvort það væri þess virði að spila
fyrir íslenska landsliðið.
Hann sagði enn fremur að hann
myndi framvegis velja sér þá
landsleiki sem hann vilji spila.
Fréttablaðið hafði samband við
Ólaf Jóhannesson landsliðsþjálf-
ara í gær en hann hafði þá ekki séð
umrætt viðtal en var fræddur um
innihald þess af blaðamanni.
„Ég hef voða lítið um þetta að
segja. Ég get í raun lítið verið að
tjá mig um það sem er haft eftir
honum í blöðunum enda er það
ekki alltaf rétt. Til að mynda var
ekki haft rétt eftir honum í
Morgunblaðinu um daginn,“ sagði
Ólafur en hann sér enga sérstaka
ástæðu til þess að hringja í Eið
Smára og ræða málið við hann.
„Ég vel bara landsliðið í næsta
leik. Það er ekkert flóknara en það.
Ég vel alltaf sterkasta liðið nema
ég gefi annað út eins og síðast. Ég
vil ekkert ræða þessi ummæli því
ég hef ekki heyrt þetta beint frá
honum og þá get ég ekki verið að
tjá mig. Auðvitað var hann hund-
fúll að meiða sig í landsleiknum
um daginn en menn geta meiðst
líka annars staðar en með landslið-
inu,“ sagði Ólafur Jóhannes son
landsliðsþjálfari. - hbg
Landsliðsþjálfarinn vill lítið tjá sig um ummæli Eiðs:
Ekki heyrt þetta frá Eiði
MEIDDIST SÍÐAST Eiður Smári meiddist í síðasta landsleik og landsliðsþjálfarinn segir
hann hafa verið hundfúlan með það. FRÉTTABLAÐIÐ/VALLI
FÓTBOLTI Hinn 23 ára gamli Arton Baleci ætlar
í eitt ár að helga sig algjörlega markmiði sínu,
að breyta sér úr því að vera meðal góður
knattspyrnumaður í það að verða leikmaður í
úrvalsdeildarklassa á Englandi. Til þess að ná
settu marki mun hann njóta aðstoðar topp-
þjálfara, næringarfræðinga og annarra sér-
fræðinga á ýmsum sviðum tengdum íþrótta-
fræði.
BBC Sports greindi í gær frá verkefninu
„The Beautiful Aim“ eða „Fallega markmiðið“
sem maður að nafni Arton Baleci stendur að.
Markmiðið gengur út á það að Baleci, sem er
aðeins meðalgóður knattspyrnumaður, ætlar í
heilt ár að gangast undir stífar æfingar,
kennslu og rannsóknir til þess að bæta sig
það mikið að hann verði að ári loknu leik-
maður í úrvalsdeildarklassa á Englandi.
Baleci er fúlasta alvara með þessu og
hefur fulla trú á því að hann nái
markmiði sínu, en undirbúningur-
inn að verkefninu hefur tekið um
átján mánuði.
„Ég hef sett saman þjálfaralið
sem hefur hjálpað mér í undirbún-
ingnum og stendur við hlið mér alla leið.
Það er svo undir mér komið að ná árangri
og ég hef trú á því að ég geti náð mark-
miði mínu,“ segir Baleci.
Nick Grantham, fyrrum þolþjálfari hjá
breska fimleikalandsliðinu, mun sjá til
þess að Baleci komist í jafn gott líkamlegt
ásigkomulag og leikmaður í ensku úrvals-
deildinni en þjálfarinn telur raunhæft að ná
því á níu mánuðum.
Baleci mun enn fremur notast við heldur
framandi tækni við þjálfun sína eins og
hina svokölluðu Feldenkrais-aðferð
sem stuðlar að auknu valdi á líkamsbeitingu
og hefur til að mynda verið notuð til þess að
berjast gegn Parkinsonsveiki.
Þá mun hann einnig þjálfa samkvæmt NLP-
aðferðinni sem felur í sér að þátttakandinn
hermir nákvæmlega eftir viðfangsefni, í
þessu tilviki atvinnumanni í knattspyrnu,
til þess að tileinka sér hæfni og eig-
inleika þess. „Robin van Persie
hjá Arsenal er leikmaður sem ég
mun fylgjast vel með og rann-
saka í sambandi við NLP-aðferð-
ina. Hann nær til dæmis nær
undantekningarlaust að plata
andstæðinga sína með ákveðn-
um snúningi sem ég ætla að
reyna að tileinka mér,“ segir
Baleci vongóður.
Á heimasíðunni www.thebeautifulaim.
com er hægt að fylgjast með gangi mála
hjá Baleci. - óþ
Óþekktur áhugaknattspyrnumaður, Arton Baleci, mun æfa við toppaðstæður í ár til að ná markmiði sínu:
Ætlar að komst í úrvalsdeildarklassa
FYRIRMYND Robin van Persie hjá
Arsenal er einn af þeim leikmönnum
sem Arton Baleci mun rannsaka í von
um að ná að tileinka sér hæfni hans
að einhverju leyti.
NORDIC PHOTOS/GETTY
Undankeppni HM í handb.
Ísland-Sviss 40-31 (20-14)
Mörk Íslands: Hanna Guðrún Stefánsdóttir 11,
Dagný Skúladóttir 6, Rakel Dögg Bragadóttir
5, Ágústa Edda Björnsdóttir 5, Hrafnhildur
Skúladóttir 4, Arna Sif Pálsdóttir 3, Elísabet Gunn-
arsdóttir 3, Ásta Birna Gunnarsdóttir 2, Hildur
Þorgeirsdóttir 1, Sunna María Einarsdóttir 1.
Berglind Íris Hansdóttir stóð í markinu allan
leikinn og varði 24 skot.
Æfingaleikur:
Ísland-Dormagen 34-28 (19-11)
Mörk Íslands: Guðjón Valur Sigurðsson 6, Rúnar
Kárason 6, Einar Hólmgeirsson 4, Logi Geirsson
3, Bjarni Fritzson 3, Aron Pálmarsson 3, Sturla
Ásgeirsson 3, Sigurbergur Sveinsson 2, Þórir
Ólafsson 2, Vignir Svavarsson 2.
Varin skot: Björgvin Páll Gústavsson 11, Hreiðar
Levý Guðmundsson 7.
UEFA-bikarinn
Schalke-Man. City 0-2
0-1 Benjani (32.), 0-2 Stephen Ireland (66.).
NEC Nijmegen-Tottenham 0-1
0-1 Jamie O´Hara (14.).
Portsmouth-AC Milan 2-2
1-0 Younes Kaboul (62.), 2-0 Kanu (73.), 2-1
Ronaldinho (84.), 2-2 Filippo Inzaghi (90.+2).
ÚRSLIT
FULLKOMINN LEIKMAÐUR
-Í samhengi við markmið Baleci bjó BBC Sports
til hinn fullkomna leikmann úr eiginleikum nokk-
urra valinkunna stjórstjarna úr fótboltanum:
Heilinn - Dimitar Berbatov
Spyrnutækni - David Beckham
Hreyfing á velli - Thierry Henry
Snúningsgeta - Robin van Persie
Markaskorun - Ruud van Nistelrooy
Líkamsstyrkur - Didier Drogba
Sprengikraftur - Fernando Torres
Jafnvægi - Zlatan Ibrahimovic
Knattrak - Lionel Messi
Skallatækni - Cristiano Ronaldo
Knattleikni - Robinho
FÓTBOLTI Arsene Wenger, knatt-
spyrnustjóri Arsenal, vonast til
þess að sigurinn á Dynamo Kiev í
Meistaradeildinni á þriðjudaginn
verði til þess að létta andrúms-
loftið í herbúðum Lundúnafélags-
ins eftir vindasama daga undan-
farið í kjölfar harðrar gagnrýni
Williams Gallas á liðsfélaga hans.
Gallas var sem kunnugt er
sviptur fyrirliðastöðunni vegna
ummæla sinna og settur út úr hóp
fyrst um sinn en lék svo með að
nýju gegn Kiev og Wenger
hrósaði honum fyrir endur-
komuna.
„Gallas var ákveðinn í að
standa sig vel í leiknum og gerði
það og ég var ánægður með að
aðdáendur okkar hafi tekið eftir
því og veitt honum stuðning,“
segir Wenger.
Breskir fjölmiðlar greindu hins
vegar frá því í gær að hinn
franski Gallas væri sterklega
orðaður við AC Milan og að
ítalska félagið væri tilbúið að
greiða allt að því fimm milljónir
punda fyrir varnarmanninn. - óþ
Breskir fjölmiðlar í gær:
AC Milan ætlar
að kaupa Gallas
GALLAS Er nú sterklega orðaður við
félagaskipti til AC Milan í janúar.
NORDIC PHOTOS/GETTY
HANDBOLTI Kvennalandsliðið fer
vel af stað í undankeppni HM en
liðið er búið að vinna tvo fyrstu
leiki sína í undankeppninni. Fyrst
gegn Lettum og svo gegn Sviss í
gær. Íslensku stelpurnar fá frí í
dag en um helgina taka við tveir
erfiðir leikir gegn Slóvökum og
Pólverjum en aðeins eitt lið kemst
áfram upp úr riðlinum.
Íslenska liðið fékk aðeins meiri
samkeppni gegn Sviss í gær en
gegn Lettum á miðvikudag, en
sigur liðsins var þrátt fyrir það
aldrei í hættu.
„Fyrstu 20 mínúturnar voru
svolítið erfiðar en við keyrum svo
yfir þær á síðustu tíu mínútum
fyrri hálfleiks og náum þá mest
átta marka forskoti. Það gerði
verkið þægilegra fyrir í síðari
hálfleik en ég var samt ekkert í
rónni fyrr en svona fimm mínútur
voru eftir. Ég er kannski svona
slæmur á taugum,“ sagði Júlíus
Jónasson landsliðsþjálfari léttur
eftir leik en hann var ánægður
með margt í leik sinna stelpna.
„Ég var sérstaklega ánægður
með sóknarleikinn í þessum leik.
Þær byrjuðu með framliggjandi
vörn gegn okkur sem við leystum
mjög vel af hendi. Þær bökkuðu
síðan í 6/0 vörn og við leystum það
einnig vel. Vörnin hjá okkur var
skárri en gegn Lettum og við feng-
um nokkurn slatta af hraðaupp-
hlaupum,“ sagði Júlíus. Hanna
Guðrún Stefánsdóttir batt enda-
hnútinn á flest hraðaupphlaupin
en hún er búin að skora 27 mörk í
fyrstu tveim leikjunum og hefur
hreinlega farið á kostum.
„Við spiluðum 6/0 vörn og Berg-
lind Íris var frábær þar fyrir
aftan. Annars höfum við ekki verið
að spila út öllum okkar trompum
ennþá og í raun verið að spila smá
póker. Okkar besta vörn er 5/1
vörnin en við ætlum ekkert að
sýna hana fyrr en við mætum
sterkari andstæðing á laugardag,“
sagði Júlíus.
Á morgun mætir liðið einmitt
Slóvakíu og á sunnudag bíða Pól-
verjar en bæði þessi lið eru nokk-
uð sterkari en þau lið sem stelp-
urnar hafa spilað við til þessa.
„Það má í raun segja að alvaran
byrji um helgina. Það er alveg
ljóst að við þurfum að eiga topp-
leiki gegn þessum liðum og margt
að ganga upp. Hindrunin er samt
alls ekki óyfirstíganleg. Það er
búinn að vera fínn stígandi í okkar
leik og vonandi náum við að toppa
um helgina,“ sagði Júlíus að
lokum.
henry@frettabladid.is
Alvaran byrjar um helgina
Íslenska kvennalandsliðið í handbolta vann öruggan sigur á Sviss, 40-31, í öðr-
um leik liðsins í undankeppni HM. Íslenska liðið hefur unnið báða leiki sína í
riðlinum. Tveir erfiðustu leikir stelpnanna fara þó fram um helgina.
FÍNN LEIKUR Rakel Dögg Bragadóttir átti fínan leik í liði Íslands í gær og skoraði
fimm mörk í öruggum sigri á Sviss. FRÉTTABLAÐIÐ/TIHI JOVANOVIC
HANDBOLTI Íslenska landsliðið
hitaði upp fyrir vináttulandsleik-
ina tvo með því að mæta þýska
liðinu Dormagen í gær en
Guðmundur Guðmundsson
landsliðsþjálfari er fyrrum
þjálfari þess félags.
Leikurinn reyndist hin besta
upphitun fyrir strákana okkar
sem unnu öruggan sigur, 34-28, og
höfðu öll tök á leiknum frá
upphafi til enda.
Allir leikmenn íslenska liðsins
fengu að spreyta sig í leiknum og
tókst öllum útileikmönnum liðsins
að skora fyrir utan varnarbuffið
Sverre Andreas Jakobsson.
Guðjón Valur Sigurðsson og
Rúnar Kárason voru markahæstir
með sex mörk hvor. - hbg
Strákarnir okkar:
Öruggt gegn
Dormagen
RÚNAR KÁRASON Átti fínan leik gegn
Dormagen í gær. FRÉTTABLAÐIÐ/VALLI
FÓTBOLTI Filippi Inzaghi bjargaði
einu stigi fyrir AC Milan gegn
Portsmouth í gær með marki í
uppbótartíma.
Fyrri hálfleikur var tilþrifalítill
en Portsmouth var sterkara liðið í
síðari hálfleik. Kaboul kom þeim
yfir og Kanu bætti öðru marki við
ellefu mínútum síðar þegar
Zambrotta mistókst að spila
Nígeríumanninn rangstæðan.
Ronaldinho kom inn af bekkn-
um í stöðunni 2-0 og minnkaði
muninn með glæsilegu marki
beint úr aukaspyrnu sex mínútum
fyrir leikslok. Það var síðan
Inzaghi sem jafnaði í uppbótar-
tíma og tryggði Milan stig.
Hermann Hreiðarsson sat á
bekknum hjá Portsmouth líkt og
venjulega. - hbg
UEFA-bikarinn:
Inzaghi bjarg-
aði AC Milan
BARÁTTA Zambrotta og Traore berjast
hér um boltann í gær. NORDIC PHOTOS/GETTY