Fréttablaðið - 28.11.2008, Blaðsíða 6
6 28. nóvember 2008 FÖSTUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Mér berast margar rosalegar sögur af
hækkunum. Gengi krónunnar er auðvitað í
ruglinu, en seljendur vöru og þjónustu
verða að athuga að fólk er enn þá með
sömu launin og þegar dollarinn var á 60
kall. Það þýðir því lítið að hækka bara og
hækka og búast við að einhver kaupi. Að
minnsta kosti er ég persónulega ekkert á
leiðinni á Pizza Hut til að kaupa stóra
Super Supreme-pitsu með ostfylltum kanti
á 6.120 krónur. Sem dæmi.
Þótt ótrúlegt megi virðast reyna
sumir að ströggla með fólkinu
í landinu. Mexikóski
veitingastaðnum Santa
María hefur ekki
hækkað verðið hjá
sér um eina einustu
krónu síðan
staðurinn var
opnaður í vor. Þar
kostar enginn
réttur meira en
þúsund kall. Tikk Takk á Akureyri hefur
heldur ekki hækkað verðið hjá sér.
Brauðstangirnar hafa meira að segja
lækkað hjá þeim.
Og meira jákvætt. Undir5000.is er
nýopnuð vefsíða með hagkvæmum
jólagjafahugmyndum sem eiga það
sameiginlegt að kosta ekki meira en 5.000
krónur. Gjafirnar skiptast í flokka eftir
aldri og kyni. Í Jólagjafasmiðju Skólavefs-
ins (skolavefurinn.is) er að finna hug-
myndir að fjölmörgum jólagjöfum, sem
fólk getur útbúið með litlum sem
engum tilkostnaði.
Geisladiskar, bækur og
dagatöl eru meðal þess
sem boðið er upp á.
Neytendur: Jákvæðar kreppufréttir
Veitingastaðir sem hækka ekki
STRÖGGLA MEÐ FÓLK-
INU Santa María hefur
ekki hækkað verð á
matseðlinum enn þá.
ÍSLENSKU
TÓNLISTARVERÐLAUNIN
verða afhent í 15. skipti í janúar 2009
Óskað er eftir tillögum að tilnefningum
Skilafrestur til 28. nóvember 2008
Nánari upplýsingar á www.iston.is
ATVINNUMÁL Nærri 7.000 einstakl-
ingar eru nú skráðir atvinnulaus-
ir á Íslandi en þeir voru um 4.000
í lok október. Hátt í 150 manns
skrá sig atvinnulausa á degi
hverjum. Karl Sigurðsson, for-
stöðumaður vinnumálasviðs
Vinnumálastofnunar, segir að
fyrstu dagana í október hafi talan
nálgast 200 manns á dag en það
tengist uppsögnum fyrir síðustu
mánaðamót. Hann býst ekki við
eins miklum uppsögnum um
næstu mánaðamót.
„Í október og fram í nóvember
var þetta fyrst og fremst bundið
við höfuðborgarsvæðið og Suður-
nesin en síðan hefur atvinnuleysi
verið að aukast nánast alls staðar
annars staðar,“ segir Karl. Hann
segir þó minna um atvinnuleysis-
skráningar á Vestfjörðum og
Norð-vesturlandi.
„Atvinnuleysi er mest á Suður-
nesjum. Þar var meira undirliggj-
andi atvinnuleysi áður en þessi
kollsteypa kom en síðan jókst það
mjög hratt, meðal annars vegna
samdráttar í flugrekstri og bygg-
ingariðnaði,“ segir Karl.
Hann segir karla í byggingar-
iðnaði langmest áberandi hópinn
meðal þeirra sem skrá sig
atvinnulausa. Þá segir hann fólki
með stúdentspróf hafa fjölgað
mikið á atvinnuleysisskrá. Það sé
meðal annars fólk sem vann ýmis
konar skrifstofu- og bakvinnslu-
störf.
Karl segir meira um að ungt
fólk skrái sig atvinnulaust. Þeir
sem tilheyri hópnum 16 tl 29 ára
leiti í mun meira mæli til Vinnu-
málastofnunar en þeir sem eldri
eru. Þá segir hann starfsreynslu
vega þungt.
„Í október og framan af nóvem-
ber fjölgaði útlendingum á atvinnu-
leysisskrá langt umfram íslenska
ríkisborgar en það hefur hægt
mjög mikið á því,“ segir Karl. Hann
telur það tengjast miklum upp-
sögnum í byggingariðnaði í október
þar sem margir útlendingar störf-
uðu. Þegar uppsagnir fóru að auk-
ast í öðrum greinum hafi Íslend-
ingum einnig fjölgað á
atvinnuleysisskrá. „Á heildina litið,
ef við horfum á tölurnar frá sept-
emberlokum, er aukningin þó mun
meiri meðal útlendinga,“ segir
Karl. olav@frettabladid.is
Sjö þúsund manns
skráðir án atvinnu
Á einum mánuði hafa nærri þrjú þúsund einstaklingar skráð sig atvinnulausa.
Atvinnuleysi er mest á Suðurnesjum og höfuðborgarsvæðinu. Meirihluti at-
vinnulausra er ungt fólk. Aukningin er meiri meðal útlendinga en Íslendinga.
BYGGINGAFRAMKVÆMDIR Mesta hlutfallslega fjölgun atvinnulausra er meðal
karlmanna í atvinnugreinum tengdum byggingariðnaði. FRÉTTABLAÐIÐ/GVA
Bótaréttur miðast við vinnu og
starfshlutfall síðastliðna 12 mánuði.
Atvinnuleysisbætur eru tekju-
tengdar í þrjá mánuði eftir 10
daga frá umsókn. Miðað er við 70
prósent af meðaltali heildarlauna
sex mánaða tímabils sem hefst
tveimur mánuðum fyrir umsókn.
Hámark bóta er 220.729 kr. miðað
við óskerta atvinnuleysistryggingu.
Eftir þriggja mánaða tekjutengingu
greiðast grunnatvinnuleysisbætur.
Fullar grunnatvinnuleysisbætur
nema 6.277 kr. á dag eða 136.023
kr. að jafnaði á mánuði miðað við
1. feb. 2008. Atvinnuleysisbætur
eru hlutfallslega lægri sé um lægra
starfshlutfall en 100 prósent að
ræða.
HEIMILD: VINNUMÁLASTOFNUN
ATVINNULEYSISBÆTUR
SAMFÉLAGSMÁL Reykjavíkurborg
ætlar að ganga til samninga við
Alþjóðahús um eins árs þjónustu-
samning. Mannréttindaskrifstofu
hefur verið falið að sjá um
samningsgerðina af hálfu
Reykjavíkurborgar.
Gert er ráð fyrir að þjónustu-
samningurinn taki við af núgild-
andi samningi um næstu áramót.
„Með samningnum vill Reykjavík-
urborg styðja við öfluga starfsemi
Alþjóðahúss og stuðla að því að
íbúar nýti kosti fjölmenningarlegs
samfélags þar sem jafnrétti og
gagnkvæm virðing einkenna
samskipti fólks af ólíkum
uppruna,“ segir í tilkynningu frá
Reykjavíkurborg. - hhs
Alþjóðahúsið í örugga höfn:
Reykjavík semur
við Alþjóðahús
ALÞJÓÐAHÚSIÐ Reykjavíkurborg hefur
endurnýjað þjónustusamning við
Alþjóðahúsið. FRÉTTABLAÐIÐ/ARNÞÓR
VIÐSKIPTI Samkeppniseftirlitið
hefur birt drög að skýrslu um
uppbyggingu og opnun markaða.
Drögin voru kynnt á blaða-
mannafundi í
gær. Þar er
meðal annars
fjallað um
uppbyggingu
atvinnulífsins,
opnun markaða
og eflingu
atvinnustarf-
semi og
samkeppni. Þá
eru greindir
fimmtán markaðir og dregnar
fram hindranir sem ný eða smá
fyrirtæki standa frammi fyrir.
Þá er bent á að tryggja verði
fagmennsku og gagnsæi í
ákvörðunum nýju ríkis-
bankanna.
Drög að skýrslunni liggja
fyrir og eru birt á vef eftirlits-
ins. Óskað er umsagna og
hugmynda.
Þá vinnur Samkeppniseftirlitið
að skýrslu um eignatengsl í
íslensku atvinnulífi, lærdóm sem
draga má af þeim og leiðir til
úrbóta. - ikh
Samkeppniseftirlitið:
Ákvarðanir
verði gagnsæjar
PÁLL GUNNAR
PÁLSSON
ALÞINGI Ekki kemur til greina að
fara út í tíu prósenta flatan niður-
skurð í velferðarkerfinu, sagði
Jóhanna Sigurðardóttir félags-
málaráðherra á Alþingi í gær. Fjár-
málaráðuneytið hefur sent ráðu-
neytum bréf þar sem farið er fram
á að þau komi með tillögur að tíu
prósenta niðurskurði.
„Ég hef ekki vitað til þess að það
sé boðaður neins staðar tíu pró-
senta flatur niðurskurður,“ sagði
Jóhanna. „Það hefur ekki verið
fallist á það í ríkisstjórn, eða sam-
þykkt þar.“
Þetta kom fram í svari Jóhönnu
við fyrirspurn Jóns Bjarnasonar,
þingmanns Vinstri grænna. Hann
spurði til hvaða aðgerða ráðuneyt-
ið muni grípa vegna aðgerða á
vinnumarkaði. Hann vísaði til
frétta af flötum niðurskurði.
Jóhanna benti á að lög um upp-
sagnir og hópuppsagnir séu í fullu
gildi, og allir flokkar séu sammála
um að tryggja lög sem tryggi að
þeir sem þurfa að minnka starfs-
hlutfall fái hlutfallslegar atvinnu-
leysisbætur.
Jóhanna sagði það verða tryggt
að ekki verði gengið á félagsleg
réttindi fólks. Þá ítrekaði hún að
bráðlega verði kynntar öflugar
aðgerðir fyrir fyrirtækin í landinu,
og enn frekari aðgerðir til að
tryggja hag heimilanna. - bj
Jóhanna Sigurðardóttir segir flatan tíu prósenta niðurskurð ekki koma til greina:
Ekki verður gengið á réttindi
NIÐURSKURÐUR Ríkisisstjórnin hefur
ekki samþykkt að grípa til tíu prósenta
flats niðurskurðar, segir Jóhanna.
FRÉTTABLAÐIÐ/STEFÁN
ÍSRAEL, AP Tzipi Livni, utanríkis-
ráðherra Ísraels, skoraði í gær á
Ehud Olmert, fráfarandi forsætis-
ráðherra, að segja af sér hið
snarasta í ljósi þess að allt stefnir
í að honum verði brátt stefnt fyrir
rétt fyrir meinta spillingu.
Olmert hefur þegar sagt að
hann hyggist hætta eftir kosning-
ar sem áformaðar eru í febrúar.
En á fundi í Kadima-flokknum í
gær lagði Livni á það áherslu að
hann viki fyrr. Hún tæki þá við
sem starfandi forsætisráðherra
fram að kosningum.
Daginn áður hafði ríkissak-
sóknari sagst vera að íhuga að
ákæra Olmert fyrir fjárdrátt. - aa
Ísraelsk stjórnmál:
Livni þrýstir á
Olmert að víkja
Finnur þú fyrir vöruskorti?
Já 27,7%
Nei 72,3%
SPURNING DAGSINS Í DAG:
Er reykskynjari á þínu heimili?
Segðu skoðun þína á vísir.is
KJÖRKASSINN