Fréttablaðið - 28.11.2008, Blaðsíða 36
4 föstudagur 28. nóvember
núna
✽ fötin skapa manninn
Leikarinn James Lafferty og leikkonan Sophia Bush úr þáttunum One
Tree Hill mættu í nýopnaða herrafataverslun Andersen & Lauth á
Laugavegi 7 á þriðjudaginn. James Lafferty kunni svo sannarlega að
meta hönnun Gunnars Hilmarssonar og Kolbrúnar Petreu Gunnars-
dóttur því Föstudagur hefur heimildir fyrir því að hann hafi keypt
sér jakkaföt, skyrtu, leðurjakka, peysu og trefil. Í ofanálag hafi hann
pantað jakka sem verður sérsaumaður á hann. Þegar James Laffer-
ty var búinn að dressa sig upp fóru þau upp Laugaveginn í kven-
fataverslun Andersen & Lauth þar sem hún keypti sér silkiskyrtu,
boli og slá. Á meðan þau dvöldu í versluninni hópaðist fólk í kring-
um þau til að fá eiginhandaráritanir en þau tóku því létt og voru al-
þýðleg að sögn strákanna í Andersen & Lauth. Hafði
James orð á því að hann vildi óska þess að versl-
unin væri fataskápurinn hans. Þetta eru líklega
bestu meðmæli sem nokkur
verslun getur fengið. James
og Sophia eru í fríi á Íslandi
um þessar mundir en sagan
segir að þau hafi skipulagt
það fyrir hálfu ári. Nú verð-
ur spennandi að sjá hvort ís-
lensk hönnun rati á rauða
dregilinn en James er
að leika í mynd-
inni S. Darko
sem frum-
sýnd verð-
ur á næsta
ári. -mmj
James Lafferty og Sophia Bush elska íslensk föt
Keyptu hálfa búðina
SKYLDULESNING Þeir sem eru ekki búnir að lesa Myrká eftir Arnald Indriðason
ættu að drífa sig í það. Plottið er flott og sagan skemmtileg og ekki skemmir að fá smá
innsýn inn í líf Elínborgar. Loksins fékk hún að blómstra!
É
g var ofvirkur með athyglisbrest sem barn
sem fylgdi mér yfir á fullorðinsár. Þegar
ég breytti um mataræði hurfu þessi ein-
kenni,“ segir Óli Solimann sem hefur
opnað skyndibitastaðinn Solimanns í Kringlunni þar
sem hann býður upp á skyndimat án aukaefna. Fyrir
fimm árum fór hann að verða meðvitaður um eigin
mataræði og hætti að setja ofan í sig aukaefni. Hann
sleppti öllum hvítum sykri, hvítu hveiti og annarri
óhollustu. „Eftir að ég hætti að neyta hvíta sykurs-
ins hvarf hausverkurinn fyrir fullt og allt en ég hafði
verið að berjast við mígreni um margra ára skeið.“
Með breyttu mataræði segist hann geta borðað mun
meira en áður. „Hér áður fyrr var ég alltaf að ham-
ast í ræktinni en nú þarf ég þess ekki því mataræð-
ið skiptir öllu máli þegar kemur að holdafari.“ Hann
segist jafnframt hafa hætt að borða ger og þar með
hafi sveppasýkingin sem hann var með á fótunum
horfið. „Ég var líka með gigt um tíma en hún hvarf
um leið og ég hætti að borða aukaefni. Ef ég fer út af
sporinu poppar hún hins vegar upp aftur.“
Óli er mikill ævintýramaður og þar sem hann er
lærður matreiðslumaður ákvað hann að þróa þetta
matarverkefni og er nú búinn að opna eigin veit-
ingastað. Staðurinn er sérstakur að því leytinu til að
hann býr til allt frá grunni, notar engin aukefni og
setur eigið skyr í brauðin til að gera þau próteinrík-
ari. „Ég er búinn að vinna í þessu í þrjú ár, þetta er
komið úr því að vera einn skyrdrykkur upp í 50 rétti.
Áherslan á bak við vörumerkið Solimanns á að vera
traust. Það er alltaf verið að blekkja kúnnann en við
pössum okkur á því að það sé ekki eitt efni í vörunni
sem er hægt að negla mig á,“ segir hann.
Óli Solimann býr til eigið skyr sem hann notar í brauð
LÆKNAÐIST MEÐ
BREYTTU MATARÆÐI
Dreifingaraðili:
Fæst í verslunum um land allt
NÝTT Á ÍSLANDI
Hin geysivinsæla Disney útgáfa er komin í verslanir:
Opnaðu töfraheim Disney og
spilaðu Trivial Pursuit með
allri Fjölskyldunni.
Allt pottþétt Óli Solimann býr til allt frá grunni og er nú að búa
til skyr úr byggi, sitt eigið sojaskyr og svo mætti lengi telja.