Morgunblaðið - 23.12.2006, Page 23
aðventan
MORGUNBLAÐIÐ LAUGARDAGUR 23. DESEMBER 2006 23
Síðumúla 3, sími 553 7355. Næg bílastæði
Opið í dag kl. 11-23, aðfangadag kl. 10-13.
Gjöfin hennar
• Undirföt
• Náttföt
• Náttkjólar
• Sloppar
• Gjafakort
Á
lakvísl er um margt bjartari en
flestar götur í Reykjavík, um
þessar mundir að minnsta kosti.
Þar býr Magnús Einarsson sem
leggur sig sérstaklega fram við
ljósaskreytingar á aðventunni enda mikið jóla-
barn að eigin sögn.
„Ég er búinn að skreyta húsið í mörg ár og
bæti alltaf einhverju við á hverju ári,“ segir
hann. „Núna skreytti ég húsbílinn líka.“
Hann viðurkennir fúslega að vera mikið
jólabarn. „Það er konan mín reyndar líka,“
bætir hann við. „Við erum bæði úr sveit þar
sem ekki var hægt að skreyta svona mikið. Svo
þegar ég komst upp á bragðið með skreyting-
arnar fór ég fljótt á fullt skrið.“
Seríurnar kaupir Magnús allar á Íslandi
enda „allt of mikið fyrirtæki að fara til út-
landa“ og úrvalið þar að auki prýðilegt hér
heima að hans sögn.
Ljósagleðin smitar
Hann þverneitar því að uppsetningin á
skrautinu sé tímafrek, jafnvel þótt hann sé
einn við hana. „Ég geri þetta á þremur, fjórum
dögum og er kannski tvo, þrjá tíma að í einu.
Yfirleitt geri ég þetta þegar fer að skyggja því
þá er betra að sjá hvernig ljósin njóta sín til
fulls. Ég set þau oftast upp í byrjun aðventu en
þjófstartaði reyndar í ár og fór að vinna við
þetta tveimur dögum fyrir desember. Veðrið
var svo gott að ég mátti til að nota tímann.“
Ekki stendur á viðbrögðum þeirra sem leið
eiga hjá húsi Magnúsar og sumir gera sér sér-
staka ferð til hans til að berja ljósadýrðina
augum. „Það er mikið stoppað hér fyrir utan,“
segir hann. „Þegar ég var að skreyta húsbílinn
sá ég til dæmis fólk sem stoppaði til að skoða
og fór en kom strax aftur til að skoða meira.
Grannarnir eru líka mjög ánægðir með þetta.“
Aðspurður segir hann ljósagleðina smita
nokkuð út frá sér. „Skreytingarnar eru alltaf
að aukast hér í kring og meðal annars smíðaði
maðurinn við hliðina á mér sjálfur jólasvein
sem hann setur alltaf upp á grindverkið fyrir
utan. Og vonandi endar þetta með því að gatan
okkar verði sú fallegasta í borginni.“
Stefnir á fallegustu götuna í borginni
Morgunblaðið/Brynjar Gauti
Jólabarn Magnús Einarsson leggur ævinlega mikið í jólaskreytingar innanhúss og utan.
Bílajól Magnús skreytir líka húsbílinn líkt og
þessir skemmtilegu sveinar er til vitnis um.
Grænt Greni og jólaljós prýða innganginn á heimili Magn-
úsar, enda er húsið skreytt í bak og fyrir.
Bjöllur Hafa lengi tilheyrt jólunum.
Hó hó Jólasveinar eru að sjálf-
sögðu áberandi í skreytingunum.