Morgunblaðið - 23.12.2006, Qupperneq 57
MORGUNBLAÐIÐ LAUGARDAGUR 23. DESEMBER 2006 57
ÞORLÁKSMESSU
m öllum gleðilegra jóla
annan í jólum
i
i
i
i i
i i
Laugavegi 54
sími 552 5201
Jakkar 9.900 kr.
Hlý jólagjöf
Hrútur
(21. mars - 19. apríl)
Í dag er fyrsti dagur það sem eftir
er … eftirleikurinn er undir þér kominn.
Hrúturinn hefur hugleitt breytingar og
nú er tækifæri til þess að gera þær. Orka
þín er sterk, beindu henni að verðugu
markmiði.
Naut
(20. apríl - 20. maí)
Önuglyndið kemur fyrir. Auðvitað getur
maður alltaf hresst sig við ef maður er
staðráðinn í því, en stundum virðist það
rétt að njóta þess að vera hvefsinn og sjá
til hvort eitthvað hlægilegt gerist.
Tvíburar
(21. maí - 20. júní)
Tvíburinn notar frítímann skynsamlega –
þess vegna er hann öfundaður af félögum
sínum. Hvernig fer hann eiginlega að því
að finna tíma, hugsa þeir með sér. En þú
ert ekki að reyna að ganga í augun á
neinum. Þú gerir þetta, af því að þetta er
það sem þú gerir.
Krabbi
(21. júní - 22. júlí)
Hver segir að þokki sé ekki dyggð? Hann
gerir svo sannarlega sitt til þess að vinna
hugi og hjörtu samstarfsfólksins, þess
vegna áttu að skrúfa frá honum. Þú þarft
að fást við aðdrætti seinna í dag. Einhver
í hrútsmerki reynist sérlega móttækileg-
ur.
Ljón
(23. júlí - 22. ágúst)
Dugnaður er ekki það sama og árásar-
hneigð. Ljónið finnur leiðir til þess að
beina ástríðu sinni þannig að aðrir hörfi
ekki óttaslegnir. Þótt þú sért að reyna að
vinna, viltu að aðrir vinni líka.
Meyja
(23. ágúst - 22. sept.)
Þú kemst hraðar þangað sem þú ætlar
þér ef þú leggur á þig að lesa þér til um
viðfangsefnið. Kannski hljómar það
gamaldags, en bækur eru gagnlegar og
ekki bara til þess að styðja við aðrar
bækur uppi í hillu.
Vog
(23. sept. - 22. okt.)
Fjarlægðu orðið „venjulegur“ úr þinni
huglægu orðabók og settu „uppfinninga-
samur“,„vandfýsinn“ og „djarfur“ í stað-
inn. Einhver í nautsmerki sýnir þínu
óvenjulega viðhorfi áhuga. Mjólkaðu
þetta tækifæri.
Sporðdreki
(23. okt. - 21. nóv.)
Sporðdrekinn er framsýnn og heims-
vanur. Kannski hefur hann velt því fyrir
sér í seinni tíð hvers vegna hann sé ekki
orðinn milljarðamæringur. Farðu aftur
yfir áætlanirnar. Safnaðu saman flink-
ustu liðsmönnum þínum og spurðu:
hvernig förum við að því að græða meira?
Bogmaður
(22. nóv. - 21. des.)
Bogmaðurinn á auðvelt með að koma
auga á sannleikann en erfitt með að miðla
honum. Og þar sem hann er ekki sérlega
góður lygari lætur hann freistast til að
forðast tilteknar aðstæður alfarið í dag.
Steingeit
(22. des. - 19. janúar)
Steingeitin lifir eftir hugsjónum sínum,
líkt og heilög manneskja sem skeytir
ekkert um afleiðingarnar. Sannfæring
þín gerir þig heillandi. Þú og bogmaður
náið sambandi á sérlega snöggan máta.
Vatnsberi
(20. jan. - 18. febr.)
Samkeppni er góð fyrir hugarástandið,
það er ef hún grefur ekki undan tak-
markinu – að bæta heiminn. Þótt ein-
hverjum öðrum hafi tekist vel upp, er
ekki þar með sagt að þú getir ekki gert
betur.
Fiskar
(19. feb. - 20. mars)
Svörun er lykilatriði í ferlinu, en hvað þú
gerir með hana ræður úrslitum um það
hvort þú nærð árangri. Dragðu úr vægi
athugasemda sem ekki eru uppbyggi-
legar og gerðu sem mest úr fjársjóði
hvatningar og lofs.
Dagurinn í dag gæti hæg-
lega orðið eftirminnileg-
asti dagur ársins. Tungl í
vatnsbera og sól í steingeit
lofa klikkuðum hefðum,
skrýtnum hátíðahöldum og
kaldheitum veðrabrigðum. Smávegis fág-
un og hópvinna gerir hátíðaráætlanir að
veruleika og markmiðin sem áttu að
nást í árslok eru enn innan seilingar fyr-
ir þá sem treysta sér í smávegis enda-
sprett.
stjörnuspá
Holiday Mathis
HEIMSPEKI snýst um rökræður
og rökræður fela í sér að allir
geta tekið þátt í þeim sem eru til-
búnir til að beita rökum og taka
rökum. Hafi heimspekin einhverja
hugsjón, þá felst hún í því að rök-
ræður séu í senn opnar öllum
skynsemi gæddum einstaklingum
og að það sé með rökræðum frek-
ar en til dæmis frekju eða yf-
irgangi sem einstaklingar komast
að sameiginlegum niðurstöðum.
Í bókinni Hversdagsheimspeki
gefur Róbert Jack áhugavert yf-
irlit yfir þá viðleitni nokkurra
samtímaheimspekinga að færa
heimspekilegar samræður inn í
hugsun fólks og yfirvegun um
sjálft sig, stöðu sína gagnvart
öðru fólki, markmið sín, gildi og
jafnvel sjálfsmynd. Lesandanum
verður fljótt ljóst að fyrir Róbert
er hversdagsheimspeki annað og
meira en áhugaverð leið til að
nota heimspeki og hafa gaman af
henni. Eins og undirtitill bók-
arinnar gefur í raun í skyn telur
Róbert hversdagslífið hin eig-
inlegu heimkynni heimspekinnar.
Hann vitnar í franska fornfræð-
inginn Pierre Hadot til að undir-
strika þetta en Hadot heldur því
fram að grundvallarviðleitni heim-
spekinnar „í það minnsta frá Só-
kratesi hafi verið lífsmáti heim-
spekinganna og viðleitni þeirra til
að lifa góðu lífi“ (16).
Bókin er byggð á meist-
araritgerð höfundar frá heim-
spekiskor HÍ og ber umfjöllunin
þess nokkur merki að bókin er
upphaflega námsritgerð. Róbert
byrjar á að gera grein fyrir marg-
víslegum leiðum til að setja heim-
spekiiðkun í samband við þær
spurningar og vandamál sem hver
hugsandi maður þarf að glíma við
í daglegu lífi. Hann rekur eigin
reynslu af heimspeki og hvernig
sér virtist þau fræði sem í háskól-
um eru nefnd þessu nafni hafa lít-
ið að gera með líf einstaklinganna
sem þau stunduðu, þó að í orði
kveðnu ættu þau að gera það.
Hann gaf því heimspekina upp á
bátinn þar til hann komst í kynni
við heimspekinga sem honum virt-
ist að væru að færa heimspekina
nær upprunalegu viðfangsefni
sínu: Daglegu lífi fólks.
Mestur hluti bókarinnar fer í að
gera grein fyrir hugmyndum,
kenningum og störfum þessara
heimspekinga, en þeir eru þekktir
fyrir heimspeki með börnum,
heimspekilega meðferð, aðferðir
sem kenndar eru við frjálsa sam-
ræðu og aðferð sem Róbert kallar
heimspekikaffihús. Allt eru þetta
tilraunir til að gera yfirvegun og
rökræðu heimspekinnar að aðferð
sem hentar fólki við að takast á
við hversdagvanda. Róbert fjallar
þó mest um þýskan heimspeking,
Wilhelm Schmid, sem virðist hafa
fjallað um hversdagsheimspeki af
hvað mestri dýpt, en hann hefur
skrifað um heimspeki út frá hug-
mynd sinni um lífslist. Heim-
spekileg lífslist er að áliti Schmid
viðleitnin til að hugsa um og ná
tökum á lífinu í heild sinni, ekki
aðeins finna sér hentuga eða far-
sæla leið til að lifa lífinu. Mun-
urinn á heimspekipraktík sem Ró-
bert kallar svo, og lífslistarspeki
sem ættuð er frá Schmid og
Pierre Hadot lýsir í hnotskurn
þeim vanda sem heimspekingar
standa iðulega frammi fyrir þegar
þeir vilja „færa heimspekina til
fólksins“ eða með öðrum orðum
sýna fram á að allir geti – og eigi
– að tala um heimspeki, ekki bara
þeir sem hafa sérstaklega lært
heimspeki. Vandinn er að finna
milliveginn milli hreinnar sjálfs-
hjálpar annarsvegar og óhlutbund-
innar yfirvegunar hinsvegar.
Hrein sjálfshjálparfræði hafa ekki
annað markmið en að hjálpa fólki
að finna hentugar eða ásætt-
anlegar lausnir á allskyns vanda-
málum. Óhlutbundin yfirvegun
virðist á hinn bóginn fjarlæg dag-
legu lífi og hversdagslegum við-
fangsefnum og fælir því marga frá
heimspeki.
Hversdagsheimspeki er prýði-
legt yfirlit yfir tilraunir síðustu
ára til að nota heimspekina og þó
Róbert svari ekki þeirri spurningu
hvar mörkin á milli heimspeki og
sjálfshjálpar liggi, þá tekst honum
að gera ágætlega að grein fyrir
þeirri skoðun sinni að heimspekin
sé lítils virði ef ekkert gagn er að
henni í hversdagslífinu.
Er heimspekin leið sjálfshjálpar?
Bækur
Heimspeki
Eftir Róbert Jack, Háskólaútgáfan,
2006, 160 bls.
Hversdagsheimspeki. Upphaf og end-
urvakning
Jón Ólafsson
Ljósmynd/Kristinn Ingvarsson
Róbert Jack
Í gær kom í ljós hvað sjöunda bók-in um galdrastrákinn vinsæla
Harry Potter mun heita. Harry Pot-
ter and the Deathly Hallows mun
titillinn vera á ensku og verður þetta
síðasta bókin sem J.K. Rowling
skrifar um ævintýri Potters og fé-
laga hans. Þetta kemur fram á vef-
síðu Bloomsbury, forlagsins sem
gefur út bókina. Þrátt fyrir að ekki
sé búið að ákveða hvenær bókin
kemur í bókaverslanir er talið mjög
líklegt að hún seljist í bílförmum líkt
og hinar fyrri hafa gert.
Mikið hefur verið ritað og rætt um
söguþráð bókarinnar eftir að Rowl-
ing greindi frá því að tveir persónur
í bókinni mundu deyja. Sumir eru á
því að sjálfur Harry Potter gæti ver-
ið önnur þeirra.
Fyrstu fjórar skáldsögurnar hafa
nú verið kvikmyndaðar og er von á
þeirri fimmtu, þ.e. Harry Potter og
Fönixreglan, í júlí í næsta ári.
Breska leikkonan Helena Bonham
Carter mun leika hinna illgjörnu
Bellatrix Lestrange og Imelda
Staunton mun leika kennara hinna
myrku fræða Dolores Umbridge.
Fólk folk@mbl.is