Fréttablaðið - 20.05.2011, Síða 2
20. maí 2011 FÖSTUDAGUR2
UMFERÐARMÁL Ökumenn í Reykja-
vík valda miklu tjóni með því
að aka á umferðarljós og ljósa-
staura. Stundum reynist erf-
itt og jafnvel ómögulegt fyrir
gatnadeild borgarinnar að ná til
þeirra.
Dagbjartur Sigurbrandsson
hjá gatnadeild segir að þegar
ekið sé á eignir borgarinnar og
þær skemmdar þá sé óskað eftir
því við lögreglu að fá gefið upp
bílnúmer og tryggingafélag svo
unnt sé að fá tjónið greitt. Það
sé ekkert vandamál að fá tjóna-
skýrslur þegar ökumenn hafi
verið allsgáðir.
„En ef menn eru drukknir eða
undir öðrum áhrifum og keyra á
staur fáum við ekkert um þá og
skýrslan er í salti. Það er verið að
hlífa þeim sem síst skyldi,“ segir
Dagbjartur og útskýrir að borgin
fái ekki aðgang að málum þess-
ara manna fyrr en þeim sé lokið.
Oft líði langur tími. Á meðan
þurfi borgin að bera kostnaðinn.
„Svo kemur fyrir að menn eru
tryggingalausir. Það er gríðar-
lega alvarlegt að menn skuli voga
sér að keyra án trygginga,“ segir
Dagbjartur sem kveður trygging-
ar þó bæta slík tjón. Kostnaður-
inn sé síðan innheimtur hjá öku-
manninum.
Dagbjartur, sem hefur verið
yfir fjóra áratugi hjá gatnadeild-
inni, segist oft hafa komið að
þar sem drukknir ökumenn hafi
verið á ferð. „Ein kona fór með
framendann á bílnum svo langt
upp eftir staurnum að bílinn
stóð upp á endann. Hún var svo
drukkin að hún vissi hvorki hvað
hún hét né hvar hún var. En við
fengum þó upp úr henni að hún
væri að koma af hestamanna-
móti,“ segir hann og bætir við að
stundum reyni menn að stinga af.
„Sumir eru reyndar svo kurteisir
að þeir skilja bílnúmerið og jafn-
vel brettið eftir.“
Að sögn Dagbjarts hefur heild-
artjónið vegna skemmda á staur-
um ekki verið tekið saman. Hann
nefnir nýlegt dæmi af ljósastaur
sem ekinn var niður. Reikning-
urinn þar hljóðaði upp á tæpar
409 þúsund krónur. Og stundum
hverfi ljósin hreinlega:
„Fyrir nokkrum árum var
keyrður niður staur á mótum
Listabrautar og Kringlunnar. Á
honum var einn stór haus sem
var horfinn og fannst ekki þrátt
fyrir eftirgrennslan. Tveim-
ur árum síðar var gerð húsleit
vegna fíkniefna. Þá fannst haus-
inn tengdur inni í einu herberg-
inu. Þar var hann notaður sem
diskóljós. Og þetta var stærri
gerðin.“ gar@frettabladid.is
Hún var svo drukkin
að hún vissi hvorki
hvað hún hét né hvar hún
var. En við fengum þó upp úr
henni að hún væri að koma
af hestamannamóti.
DAGBJARTUR SIGURBRANDSSON
HJÁ GATNADEILD REYKJAVÍKURBORGAR.
KÍNA, AP Kínversk stjórnvöld hafa
viðurkennt að mistök hafi átt
sér stað við hönnun og byggingu
þriggja gljúfra stíflu í Yangtze-
fljóti.
Um er að ræða stærstu vatns-
aflsvirkjun heims, en henni hafa
fylgt margs konar neikvæðar
afleiðingar, bæði umhverfislegar
og félagslegar.
Í skýrslu sem gefin var út í gær
lofa stjórnvöld úrbótum og hafa
sett fram áætlun þar sem áhersla
er lögð á mengunarvarnir, öryggi
og sjálfbærni.
Virkjunin kostaði um 2.600
milljarða í byggingu og uppistöðu-
lónið er 660 kílómetra langt. - þj
Kínversk stjórnvöld:
Viðurkenna
galla í risastíflu
Magnús, verður þetta ekki
bara Peaceful Easy Feeling?
„Lengi vel stóð á gítartöskunni
minni „Easy does it“. Ætli það verði
ekki bara svoleiðis.“
Magnús Þór Sigmundsson og félagi hans,
Jóhann Helgason, munu hita upp fyrir
stórsveitina Eagles á tónleikum.
Skýrslur í salt þegar
ölvaðir aka á staura
Seint gengur hjá gatnadeild borgarinnar að fá upplýsingar um nöfn og trygg-
ingafélög þeirra sem aka á ljósastaura og umferðarljós ef ökumennirnir eru
drukknir eða dópaðir. Sumir eru ótryggðir að sögn starfsmanns gatnadeildar.
DAGBJARTUR SIGURBRANDSSON Gríðarlega alvarlegt að menn vogi sér að aka um á
ótryggðum bílum, segir starfsmaður hjá gatnadeild Reykjavíkurborgar. FRÉTTABLAÐIÐ/GVA
HESTAFÓLKI HEILSAÐ Bretadrottningu
var vel tekið á hestabúgarði í Kildare í
gær. NORDICPHOTOS/AFP
DÓMSMÁL Hæstiréttur hefur mild-
að dóm yfir karlmanni sem í fyrra
hlaut átján mánaða fangelsisdóm í
Héraðsdómi Reykjaness fyrir sér-
staklega hættulega líkamsárás.
Maðurinn var dæmdur fyrir
að hafa, ásamt fjórum öðrum
mönnum, ráðist á mann í Vogum á
Vatnsleysuströnd og meðal annars
kastað honum fram af fjögurra
metra háum svölum niður á hellu-
lagða stétt. Maðurinn neitaði því
að hafa átt þátt í að kasta mann-
inum fram af svölunum og vegna
eindreginnar neitunar og skorts á
sönnunargögnum sýknaði Hæsti-
réttur hann af þeim lið. Dómur-
inn var því mildaður niður í fimm
mánaða fangelsi, þar af eru þrír
mánuðir skilorðsbundnir. - sh
Fimm mánaða fangelsi:
Dómur fyrir
árás mildaður
ÍRLAND, AP Elísabet Bretadrottn-
ing sneri sér að léttari málum
í Írlandsheimsókn sinni í gær,
nefnilega hestum, daginn eftir að
hún heimsótti minnismerki um
grimmdarverk Breta gegn Írum.
Í ræðu baðst hún ekki afsökunar
fyrir hönd Bretlands, en lýsti þess
í stað yfir djúpri samúð sinni með
þeim sem hafa átt um sárt að binda
vegna langvarandi fjandskapar Íra
og Breta.
Heimsókninni lýkur í dag, en
þetta er fyrsta heimsókn bresks
þjóðhöfðingja til Írlands frá því
landið sagði skilið við Bretland. - gb
Írlandsheimsókn drottningar:
Lýsti yfir djúpri
samúð sinni
UMHVERFISMÁL „Ég harma þau
vinnubrögð sem viðhöfð eru í svona
veigamiklu máli,“ segir Kristín
Soffía Jónsdóttir, formaður Heil-
brigðisnefndar
Reykjavíkur,
í tilkynningu
sem send var
út í gær eftir
að Fréttablaðið
sagði frá harðri
gagnrýni Heil-
brigðiseftirlits
Reykjavíkur
á frummats-
skýrslu vegna
jarðhitavinnslu við Gráuhnúka.
Heilsu íbúa á höfuðborgarsvæð-
inu er sögð kunna að stafa hætta af
brennisteinsvetni frá vinnslunni.
„Neikvæð áhrif á umhverfi
borgarbúa ber að taka mjög alvar-
lega og Heilbrigðisnefnd Reykja-
víkur ber að tryggja öruggt og
heilnæmt umhverfi og það ætlar
nefndin að gera,“ segir Kristín.
Heilbrigðisnefndin hefur bókað
að mikilvægt sé að framkvæmdin
verði tekin „til rækilegrar endur-
skoðunar“. - gar
Formaður heilbrigðisnefndar:
Harmar skýrslu
um Gráuhnúka
BANDARÍKIN, AP Dominique
Strauss-Kahn var í gær látinn
laus gegn tryggingu í New York.
Hann sagði af sér á miðvikudag
sem framkvæmdastjóri Alþjóða-
gjaldeyrissjóðsins vegna ásakana
um kynferðisbrot gegn þernu á
hóteli í New York.
Hann þarf þó að vera í stofu-
fangelsi í íbúð á Manhattan-eyju
og lúta ströngum skilyrðum um
eftirlit. Tryggingarféð er ein
milljón dala, en það samsvarar
nærri 115 milljónum króna.
Stuttu áður en dómari sam-
þykkti að láta hann lausan var
formleg ákæra lögð fram á hend-
ur honum af ákærudómstóli.
Í afsagnarbréfi sínu til Alþjóða-
gjaldeyrissjóðsins neitar Strauss-
Kahn öllum ásökunum á hendur
sér. Hann segist ætla að verja
öllum tíma sínum til þess að
sanna sakleysi sitt.
Kröfur Evrópusambands-
ins og nokkurra Evrópuríkja
um að næsti framkvæmdastjóri
Alþjóðagjaldeyrissjóðsins verði
evrópskur hafa mætt tregðu og
jafnvel andstöðu af hálfu Banda-
ríkjanna, Kína, Brasilíu og fleiri
ríkja. - gb
Dominique Strauss-Kahn látinn laus gegn tryggingu í New York:
Verður að vera í stofufangelsi
Á LEIÐ Í RÉTTARSALINN Dominique
Strauss-Kahn veifaði til eiginkonu sinnar
og dóttur, sem voru í réttarsal í gær.
NORDICPHOTOS/AFP
KRISTÍN SOFFÍA
JÓNSDÓTTIR
FORNLEIFAR Fornleifavernd ríkis-
ins hófst í gær handa við að
kanna hvort einhverjar fornleifar
finnist á byggingarlóð nýja Land-
spítalans, nánar til tekið á túninu
fyrir framan gamla spítalann.
Þar stóð býlið Grænaborg í tæpa
öld, eða frá því um 1830 þar til
Landspítalinn var byggður árið
1928. Fjallað er um málið á vef
nýja Landspítalans.
Í gær fannst garður og diska-
brot. Ef eitthvað markvert finnst
þarf að undirbúa og framkvæma
frekari rannsóknir.
Grafa hjá Grænuborg:
Leita fornleifa
við Landspítala
FRÆÐSLUMÁL „Auðvitað er þetta
skerðing á þjónustu en ekki svo
mikil að fólk telji hana óásættan-
lega,“ segir Magnús Jóhannsson,
formaður fræðslunefndar Rang-
árþings ytra og Ásahrepps, um
þá ákvörðun að stytta skólaárið í
grunnskólum sveitarfélaganna um
tíu daga.
Samkvæmt ákvörðuninni verður
skólaárið í grunnskólunum á Hellu
og á Laugalandi stytt um fimm
daga að hausti og fimm daga að
vori næstu tvö árin í sparnaðar-
skyni.
Á síðasta fundi fræðslunefnd-
arinnar kom fram að mennta- og
menningarmálaráðuneytið hefði
lýst því viðhorfi í bréfi til skóla-
stjóra Grunnskólans á Hellu að
breytingin þyrfti ekki að fara
fyrir ráðuneytið.
„Þar kemur einnig fram að
ráðuneytið leggur áherslu á að sátt
sé innan samfélagsins um breyt-
ingarnar og samráð sé haft við
skólaráð og skólanefnd og viðhorf
hagsmunaaðila í samfélaginu séu
könnuð áður en endanleg útfærsla
verður valin og að þess sé gætt
að daglegt vinnuálag á nemend-
ur verði ekki óhóflegt,“ segir í
fundargerð fræðslunefndar. Enn
fremur að málið hafi verið rætt
í skólaráðum beggja skólanna og
á foreldrafundum. „Viðhorf for-
eldra eru nær undantekningalaust
jákvæð.“ - gar
Rangárþing ytra fer að tillögu skólastjóra með stuðningi ráðuneytis og foreldra:
Skólaárið verður tíu dögum styttra
HELLA Kennsludögum grunnskólanema í Rangárþingi ytra og í Ásahrepi verður
fækkað um tíu á ári. Sumarfrí þeirra lengist sem því nemur. FRÉTTABLAÐIÐ/GVA
SPURNING DAGSINS
Dala Feta fyrir þá
sem gera kröfur
ms.is