Fréttablaðið - 20.05.2011, Page 50

20. maí 2011 FÖSTUDAGUR34
folk@frettabladid.is
Mat á umhverfisáhrifum
Ákvörðun Skipulagsstofnunar um matsskyldu
framkvæmdar
Skipulagsstofnun hefur tekið ákvörðun um að eftirtalin
framkvæmd skuli ekki háð mati á umhverfisáhrifum
samkvæmt lögum um mat á umhverfisáhrifum. nr. 106-
6/2000 m.s.br.
Eldi á senegalflúru við Reykjanesvirkjun HS Orku,
Reykjanesbæ
Ákvörðunin liggur frammi hjá Skipulagsstofnun, Lauga-
vegi 166, 150 Reykjavík. Hana er einnig að finna á
heimasíðu Skipulagsstofnunar:
www.skipulagsstofnun.is.
Ákvörðun Skipulagsstofnunar má kæra til umhverfisráð-
herra og er kærufrestur til 21. júní 2011.

Skipulagsstofnun
„Þetta er bara tilraun til að sjá
hvaða viðbrögð við fáum,“ segir
Jóhann Ásmundsson, bassaleik-
ari Mezzoforte. Hljómsveitin
býður nú aðdáendum sínum upp
á tónlistarkennslu í gegnum sam-
skiptaforritið Skype á netinu.
Nokkrir nemendur hafa þegar
fengið kennslu hjá hljómborðs-
leikaranum Eyþóri Gunnarssyni,
gegn gjaldi, og einn Þjóðverji er
í sigtinu hjá Jóhanni. „Það þarf
að undirbúa tímann vel og fara
í þau atriði sem nemandinn vill
fara í gegnum,“ segir Jóhann og
bætir við að kennsla sem þessi sé
orðin nokkuð algeng í tónlistar-
heiminum.
Hver nemandi fær um klukku-
tíma í kennslu hjá þeim meðlimi
Mezzoforte sem hann kýs og er
tilgangurinn að læra lög með
hljómsveitinni. „Menn vilja fara
ofan í viss lög eða vissa tækni
sem þeir hafa áhuga á. Við erum
ekki að kenna neinum að spila á
hljóðfærið sitt. Við erum bara að
segja hvernig við förum að hlut-
unum,“ segir Jóhann.
Mezzoforte spilar í Finn-
landi, Litháen, Þýskalandi og
Sviss í sumar, auk þess sem tón-
leikar hér á landi eru fyrirhug-
aðir í byrjun september. Upptök-
ur á nýrri plötu hefjast einnig í
sumar. Síðustu tónleikar Mezzo-
forte á Íslandi voru í Borgarleik-
húsinu þegar tónleikaplatan Live
In Reykjavík var tekin upp fyrir
fjórum árum. - fb
Prófa kennslu
á netinu með Skype
NÝTA SÉR SKYPE Með-
limir Mezzoforte bjóða
aðdáendum sínum
upp á tónlistarkennslu
í gegnum Skype.
dagar liðu milli þess að Arnold Schwarzenegger eignaðist son með hjá-
konu sinni Mildred Patriciu Baena og son með eiginkonu sinni Mariu Shriver.
Sonur Shriver og Schwarzenegger er eldri, svo því sé haldið til haga.
5
Tón l ista r maður i n n Ba rði
Jóhannsson hefur gefið út plötuna
Selected Film & Theater Works
of Barði Jóhannsson, sem verður
eingöngu fáanleg á síðunni Ton-
list.is.
Þar er að finna blöndu af því
besta sem Barði hefur unnið
fyrir leikhús og myndmiðla.
Barði hefur samið tónlist fyrir
Þjóðleikhúsið ásamt því að semja
fyrir leikverk í Frakklandi og
hinar ýmsu stuttmyndir, heim-
ildarmyndir og auglýsingar. Hann
samdi tónlist fyrir kvikmyndina
Reykjavík Rotterdam og fyrir það
vann hann Edduna. Einnig samdi
hann tónlist fyrir Häxan (Norn-
ir), sænska hrollvekju frá þriðja
áratug síðustu aldar. Barði hefur
samið tónlist við auglýsingar
fyrir Citroën C5, Emperio Arm-
ani, Volkswagen Passat, Sterling
Air og Føroya Banka.
Barði vinnur nú að fjórðu plötu
Bang Gang ásamt því að fram-
leiða eigin fatalínu. Einnig verð-
ur ópera samin af Lady & Bird
(Barða og Keren Ann) frumsýnd
í Frakklandi í nóvember.
Blanda af því besta
NÝ PLATA Barði Jóhannsson hefur gefið
út plötu með tónlist fyrir leikhús og
myndmiðla. MYND/LISA ROZE
Páll Óskar Hjálmtýsson
sýndi kvikmyndina Galdra-
karlinn í Oz af gamalli
filmu fyrir leikarana sem
frumsýna samnefnt verk í
Borgarleikhúsinu um miðj-
an september.
Popparinn Páll Óskar Hjálmtýs-
son var fenginn til að sýna kvik-
myndina Galdrakarlinn í Oz fyrir
leikarana í samnefndu verki í
Borgarleikhúsinu sem verður
frumsýnt um miðjan september.
Páll Óskar hélt einnig fyrirlestur
um myndina og las upp úr bókinni
Ferð höfundarins eftir Christop-
her Vogler.
„Þau vildu fá að sjá bíómyndina
og það vill svo til að ég á eintak af
þessari klassísku mynd á filmu,“
segir Páll Óskar, sem hefur safn-
að gömlum sígildum myndum á
filmum í mörg ár. „Upplifunin er
allt öðruvísi að rúlla þessu þannig
í gegn heldur en að horfa á þetta
DVD-dót. Ég rúllaði filmunni í
gegn fyrir þau og stiklaði á stóru
í því sem ég veit um söguna, til-
urð hennar og bíómyndina sjálfa.“
Palla líst vel á íslenska leik-
arahópinn í Galdrakarlinum í Oz
en þar fer Laddi með hlutverk
galdrakarlsins. „Þetta var virki-
lega hressandi og skemmtilegt að
fá að gera þetta með leikhópnum.
Ég fann strax að það er ofsalega
góð orka í þessum hópi. Ég held að
þau séu að fara að gera mjög safa-
ríka sýningu úr þessum efnivið.“
Palli sá kvikmyndina þegar
hann var lítill drengur en síðan
þá hefur skilningur hans á henni
dýpkað mikið. „Í því felst stuðið,
þegar maður getur farið að kíkja
undir teppið. Þema myndarinnar
er svo gjörsamlega mannlegt. Hún
snýst um þessa miklu áskorun til
okkar allra, hvort við séum sátt í
eigin skinni,“ segir hann og bætir
við að aðalleikkonan Judy Garland
hafi átt stórleik í myndinni.
Í bókinni Ferð höfundarins, sem
Palli las upp úr, kemur Christop-
her Vogler með þá kenningu að
flestar þær sögur sem við þekkj-
um í mannkynssögunni og úr
kvikmyndum séu byggðar á sama
grunni þar sem sömu persónurn-
ar koma við sögu hvað eftir annað.
freyr@frettabladid.is
Sýndi Galdrakarlinn í Oz
SÖGUSTUND Páll Óskar les upp úr Ferð höfundarins fyrir leikhópinn í Galdrakarlinum í Oz. FRÉTTABLAÐIÐ/ANTON