Fréttablaðið - 20.05.2011, Side 8
20. maí 2011 FÖSTUDAGUR8
ALÞINGI Tvö frumvörp ríkis-
stjórnarinnar um breytingar
á stjórnun fiskveiða voru lögð
fram á Alþingi í gær. Aðeins er
stefnt á að afgreiða minna frum-
varpið áður en þingmenn fara í
sumarfrí.
Frumvarp sem snýr að viða-
miki l l i kerfisbreytingu á
stjórnun fiskveiða verður ekki
að lögum fyrir sumarfrí þing-
manna. Jóhanna Sigurðardóttir
forsætisráðherra sagði á Alþingi
í gær að stefnt væri á að það yrði
að lögum á haustþingi eða í sept-
ember. Það frumvarp sem stefnt
er á að afgreiða á yfirstandandi
þingi snýr að strandveiðum og
byggðakvóta.
„Við þurfum ekki á því að halda
að fjölga þeim sem sækja sjó-
inn, heldur hámarka afrakstur
af fiskveiðunum,“ sagði Bjarni
Benediktsson, formaður Sjálf-
stæðisflokksins, á Alþingi í gær.
Hann gagnrýndi þar stjórnvöld
harðlega fyrir að leggja frum-
vörpin ekki fyrr fram á þingi.
Bjarni benti á að Jóhönnu virð-
ist hafa snúist algerlega hugur
þegar komi að stjórnun fiskveiða.
Nú vilji hún takmarka framsal,
banna veðsetningu og auka völd
ráðherra, þvert á það sem hún
hafi sjálf talað fyrir á þingi árið
1990. - bj
Frumvörp stjórnvalda um breytingar á stjórnun fiskveiða lögð fram á Alþingi:
Kerfisbreyting bíður haustsins
JÓHANNA
SIGURÐARDÓTTIR
BJARNI
BENEDIKTSSON
TÆKNI Hundruð eigenda Apple-
tölva hafa leitað sér hjálpar til að
losna við forrit úr tölvum sínum
sem kynnt var sem vírusvarnar-
forrit. Notendurnir hlóðu niður
forritum sem kallast MACDefend-
er eða Mac Security. Forritin opna
glugga með klámfengnum mynd-
um, notendum til mikils ama, að
því er fram kemur í frétt BBC.
Forritin gefa til kynna að vírus
valdi því að myndirnar birtist.
Forritin rukka því næst tölvu-
eigendur um vírusvörn sem á að
hreinsa tölvuna. - bj
Tölvuþrjótar herja á Apple:
Blekkja notend-
ur með forriti
Innritun stendur yfir
www.idnskolinn.is
Flatahrauni 12
220 Hafnarfjörður
Vorsýning
Iðnskólans
í Hafnarfirði
Iðnskólinn í Hafnarfirði, frábær námskostur, komdu og skoðaðu
Fjölbreytt nemendaverk
Opin 21. maí–29. maí
kl. 13.00 –16.00
Fastus ehf. | Síðumúla 16 | 108 Reykjavík | Sími 580 3900 | www.fastus.is
Sjálfvirk hjartastuðtæk
örugg og einföld
í notkun með
íslensku tali.
Getur þú bjargað
Aðalfundur Íþróttafélags fatlaðra í Reykjavík
verður haldinn laugardaginn 28. maí 2011
kl. 14.00 í íþróttahúsi félagsins að Hátúni 14.
Dagskrá:
1. Venjuleg aðalfundarstörf
2. Önnur mál
Stjórnin
Aðalfundur ÍFR 2011
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRA SJÓNVARP
Meira sjónvarp, meira útvarp, meiri fréttir, meiri upplýsingar, meiri umræða,
meira líf, meiri íþróttir, meiri virkni, meira úrval. Þú færð meira af öllu á Vísi.
SJÁVARÚTVEGUR Minna af norsk-íslenskri síld er geng-
in inn á íslenskt hafsvæði en á sama tíma í fyrra.
Líkleg skýring þessa er einfaldlega talin sú að síld-
in sé seinna á ferðinni en undanfarin ár.
Þetta er niðurstaða Hafrannsóknastofnunarinnar
en rannsóknaskipið Árni Friðriksson er nýkomið úr
24 daga leiðangri við að kanna útbreiðslu og magn
kolmunna og norsk-íslenskrar síldar fyrir vestan,
sunnan og austan land. Leiðangurinn er hluti af
sameiginlegri leit og bergmálsmælingum Íslend-
inga, Norðmanna, Færeyinga, Rússa og Evrópusam-
bandsins á útbreiðslusvæði þessara stofna.
Alls mældust nú um 550 þúsund tonn norsk-
íslenskrar síldar innan íslensku landhelginnar í
samanburði við eina til 1,4 milljónir tonna árin þrjú
á undan. Auk þess sem talið er að síldin sé seinna á
ferðinni er horft til þess að elstu og stærstu síldinni,
sem er að miklu leyti úr stórum árgöngum frá 1998
til 2000, fer fækkandi í stofninum. Þessi síld leitaði
hingað undanfarin ár í fæðuleit og var að öllu jöfnu
fremst í göngunum.
Alþjóðahafrannsóknarráðið metur hrygningar-
stofn norsk-íslenskrar síldar nú vera níu milljónir
tonna og er aflamark Íslendinga rúm 143 þúsund
tonn fyrir árið 2011. - shá
Hafrannsóknastofnunin mældi 550 þúsund tonn af síld í lögsögunni:
Síldin seinni á ferðinni en í fyrra
ÁRNI FRIÐRIKSSON Mælingar Hafró sýna að síldin er seinna á
ferðinni en undanfarin ár. FRÉTTABLAÐIÐ/GVA
STJÓRNARSKRÁ Alþingismönn-
um verður gert óheimilt að
taka þátt í afgreiðslu mála sem
varða sérstaka og verulega hags-
muni þeirra eða einhverra þeim
nákomnum, ef tillögur stjórnlaga-
ráðs ná fram að ganga.
Tillagan er meðal nokkurra
sem kynntar voru á níunda fundi
ráðsins í gær. Fleiri nýmæli eru
í tillögum svokallaðrar B-nefnd-
ar ráðsins, sem fjalla um störf
Alþingis.
Í þeim er meðal annars kveðið
á um að þingmönnum og ráðherr-
um verði gert skylt með lögum að
skrá fjárhagslega hagsmuni sína
og jafnframt að mönnum verði
gert óheimilt að sinna öðrum
störfum samhliða ráðherraemb-
ætti. Áður hafði verið lögð fram
til kynningar tillaga um að ráð-
herrar þyrftu að víkja af þingi.
Þá var lagt til á fundinum í
gær að víkka út stjórnarskrár-
ákvæði um heimild Alþingis til
að skipa rannsóknarnefndir. Þær
þurfi ekki lengur að vera skipað-
ar alþingismönnum eins og verið
hefur, þótt rannsóknarnefndir
utanþingsfólks hafi verið skipað-
ar með sérstökum lögum.
Enn fremur er gerð tillaga um
sérstaka eftirlits- og stjórnskip-
unarnefnd Alþingis, sem muni
geta kannað hvers kyns athafn-
ir og ákvarðanir ráðherra. Sam-
kvæmt tillögunni verður nefnd-
inni gert skylt að hefja rannsókn
að kröfu þriðjungs þingmanna.
Nefndin á sér fyrirmyndir á
hinum Norðurlöndunum, einkum
í Noregi, að sögn Vilhjálms Þor-
steinssonar, varaformanns B-
nefndar.
Ein tillagan snýst um að þing-
mál falli ekki niður við lok hvers
þings, heldur við lok kjörtíma-
Reynt að girða fyrir
spillingu þingmanna
Stjórnlagaráð leggur til að í stjórnarskrá verði reynt að koma í veg fyrir spill-
ingu á Alþingi með því að lögfesta hagsmunaskráningu og banna þingmönnum
að greiða atkvæði um mál sem þeir tengjast. Nefnd fari yfir störf þingsins.
Endurskoðaðar tillögur að kafla um dómstóla voru einnig lagðar fram í
ráðinu í gær. Þar ber helst til tíðinda að lagt er til að það verði Hæstiréttur
sem skeri úr um ráðherraábyrgð, en það er nú í höndum landsdóms.
Hins vegar segir í tillögunni að Hæstiréttur skuli í þeim tilfellum skipaður
sjö hæstaréttardómurum auk átta þingkjörinna fulltrúa, sem ekki endilega
þurfi að uppfylla starfshæfisskilyrði dómara.
Hæstiréttur dæmi um ráðherraábyrgð
NÍUNDI FUNDURINN Töluverðar umræður spunnust um tillögurnar á fundi
stjórnlagaráðs í gær. FRÉTTABLAÐIÐ/GVA
bils. Það kæmi í veg fyrir að mál
sem ekki hljóta afgreiðslu þurfi
að leggja fram á nýjan leik á nýju
þingi og er einkum hugsað sem
vernd fyrir þingmannafrumvörp,
sem gjarnan mæta afgangi.
Loks er lagt til að eftir að þing
er rofið verði að lágmarki sex
vikur að líða fram að kosning-
um, til að nýjum framboðum gef-
ist færi á að undirbúa sig. Nú er
aðeins kveðið á um að ekki megi
líða meira en 45 dagar frá þing-
rofi til kosninga.
Tillögurnar voru lagðar fram
til kynningar og afgreiðslu inn
í áfangaskjal að nýrri stjórnar-
skrá. stigur@frettabladid.is
1 Sextíu kíló af hvaða sjaldséða
fíkniefni voru gerð upptæk nýlega?
2 Hvaða leiðtoga hitti Össur
Skarphéðinssson á fundi í Washing-
ton í fyrradag?
3 Hvaða lið fagnaði sigri í
Evrópudeildinni í knattspyrnu á
miðvikudagskvöld?
SVÖR
1. Khati 2. Hillary Clinton 3. Porto
VEISTU SVARIÐ?