Fréttablaðið - 20.05.2011, Síða 11
FÖSTUDAGUR 20. maí 2011 11
JAFNRÉTTISMÁL Auglýst er eftir
framlögum þessa dagana í sam-
evrópska auglýsingakeppni sem
miðar að því að uppræta hvers
kyns ofbeldi gegn konum. Í
fyrstu verðlaun eru fimm þúsund
evrur sem jafngilda 824 þúsund
krónum. Að keppninni stendur
UNRIC, Upplýsingaskrifstofa
Sameinuðu þjóðanna (SÞ) fyrir
Vestur-Evrópu, í samvinnu við
jafnréttisstofnun SÞ en skila-
frestur í hana rennur út 31. maí.
Á síðasta ári héldu SÞ sams
konar keppni gegn fátækt en
þá bar Íslendingurinn Stefán
Einarsson, hönnunarstjóri hjá
auglýsingastofunni Hvíta hús-
inu, sigur úr býtum. Stefán er
meðlimur í dómnefnd að þessu
sinni.
„Það var skemmtilegt fyrir
mig sem Íslending, þegar Stef-
án vann sams konar keppni í
fyrra og ég sé enga ástæðu til
að íslenskir hönnuðir láti ekki
til sín taka að þessu sinni. Það
er enn tæpur hálfur mánuður
til stefnu og það hafa aldrei
þótt rök á Íslandi að lítill
tími sé til stefnu!“ segir Árni
Snævarr, upplýsingafulltrúi
hjá SÞ, um keppnina.
Rúmlega tvö þúsund fram-
lög bárust í keppnina í fyrra
og þegar hafa borist rúmlega
átta hundruð auglýsingar frá
37 ríkjum í ár.
Þátttökurétt hafa allir Evr-
ópubúar en tilkynnt verður
um sigurvegara 25. nóvem-
ber á Alþjóðlegum baráttudegi
til upprætingar ofbeldis gegn
konum. - mþl
NEI VIÐ OFBELDI Skilafrestur í keppn-
ina rennur út 31. maí næstkomandi.
ALÞINGI Stjórnvöld hafa ákveðið
að taka upp strandsiglingar með
vörur milli landshluta að nýju í
tilraunaskyni. Fram kom í máli
Ögmundar Jónassonar innaríkis-
ráðherra á Alþingi í gær að ekki
hefði enn verið ákveðið hvenær
af því yrði.
Í svari sínu við fyrirspurn
Ásmundar Einars Daðasonar,
þingmanns utan flokka, sagði
Ögmundur þverpólitískan vilja
til að koma á strandsiglingum
við Íslandsstrendur að nýju þó að
dagsetningar lægju ekki fyrir. - bj
Strandsiglingar teknar upp:
Tímasetning
ekki ákveðin
ELDHRESS Robert Mugabe segir rangt að
hann sé orðinn heilsuveill. NORDICPHOTOS/
AFP
SIMBABVE, AP Robert Mugabe, for-
seti Simbabve, blæs á sögu sagnir
þess efnis að heilsu hans fari
hrakandi.
Hinn 87 ára harðstjóri segist
þvert á móti vera við hestaheilsu
og það sama gildi um eiginkonu
hans.
Í viðtali við ríkisfjölmiðilinn
Herald sagði Mugabe að þau hjón-
in iðkuðu líkamsrækt reglulega.
Þau hefðu þó gengist undir minni-
háttar aðgerðir, hann við skýi á
auga, en hún fór úr mjaðmarlið og
hefur því verið hjá sjúkraþjálfara.
Mugabe hefur stýrt Simbabve
frá árinu 1980. - þj
Forseti Simbabve:
Segist vera við
hestaheilsu
DÓMSMÁL Ríflega tvítugur Ólafs-
firðingur hefur verið dæmdur í
hálfs árs skilorðsbundið fang-
elsi fyrir líkamsárás sem hann
framdi fyrir utan Sjallann á
Akureyri aðfaranótt þjóðhátíðar-
dagsins 17. júní í fyrra.
Maðurinn lenti í átökum við
jafnaldra sinn sem lyktaði með
því að hann sparkaði ítrekað í
höfuð hans og líkama. Maðurinn,
sem á nokkurn sakaferil að baki,
játaði brotið.
Þolandinn hlaut talsverða
áverka í andliti, meðal annars
skekktust tennur hans verulega.
Honum eru dæmdar ríflega 420
þúsund krónur í bætur úr hendi
árásarmannsins. - sh
Skilorð fyrir árás við Sjallann:
Barði mann á
þjóðhátíðarnótt
FÉLAGSMÁL Innanríkisráðherra
hefur skipað þriggja manna fag-
ráð sem fjalla á um ásakanir um
ofbeldisbrot og kynferðisbrot,
sérstaklega hjá trúfélögum.
Í tilkynningu frá innanríkis-
ráðuneytinu kemur fram að fag-
ráðið eigi að vera ráðherra til
ráðgjafar og leiðbeina um leiðir
til úrbóta í þessum málaflokki.
Starfshópinn skipa Guðrún
Ögmundsdóttir, tengiliður vist-
heimila, sem er formaður hóps-
ins, Bragi Guðbrandsson, for-
stöðumaður Barnaverndarstofu,
og Björgvin Björgvinsson aðstoð-
aryfirlögregluþjónn. - bj
Nýtt fagráð um kynferðisbrot:
Skoða trúfélög
sérstaklega
ze
br
a
OKKAR líftryggingar hf. • Sóltúni 26 • 105 Reykjavík • Sími 540 1400 • www.okkar.is
Með nýrri lagasetningu Alþingis þann 14. apríl síðastliðinn vannst sigur í því réttlætismáli að
bætur sjúkdómatrygginga verði skattfrjálsar. Jafnframt er skattyfirvöldum heimilt að
endurgreiða tekjuskatt sem þau hafa innheimt af bótagreiðslum úr sjúkdómatryggingum.
OKKAR líftryggingar hf. beittu sér fyrir því að bundið yrði í lög að bætur sjúkdómatrygginga
væru skattfrjálsar. Þeim er ætlað að auðvelda fólki að takast á við gjörbreyttar
aðstæður í lífi sínu og eru í eðli sínu bætur til að mæta nýjum fjárhagslegum
forsendum og breyttu lífsmynstri.
Ekki er eðlilegt að skilgreina bótagreiðslur af þessu tagi sem tekjur. Þess vegna fögnum við
nýrri lagasetningu Alþingis og bendum þeim sem fengið hafa bætur úr sjúkdómatryggingum
á undanförnum misserum á rétt sinn til endurgreiðslu hafi þær verið skattlagðar.
Auglýst eftir framlögum í samevrópska auglýsingakeppni:
Evrópubúar sameinist gegn kynbundnu ofbeldi