Morgunblaðið - 06.12.2008, Page 2

2 FréttirINNLENT
MORGUNBLAÐIÐ LAUGARDAGUR 6. DESEMBER 2008
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Fons átti FS37 sem varð Stím
 Fons átti FS37 ehf., félag sem síðar var endurnefnt Stím  Annað félag í eigu Fons, FS38 ehf., lánaði
FS37 2,5 milljarða króna  Verulegur vafi leikur á innheimtu lánsins samkvæmt ársreikningi FS38 ehf.
Eftir Þórð Snæ Júliusson
thordur@mbl.is
FS37 ehf., sem síðar var endurnefnt Stím, var í
eigu Fons. Þetta kemur fram í ársreikningi
annars félags, FS38 ehf.. Eini hluthafinn í
FS38 ehf. er Fons, eignarhaldsfélag í eigu
Pálma Haraldssonar og Jóhannesar Kristins-
sonar, og félagið er skráð til heimilis í höf-
uðstöðvum Fons að Suðurgötu 22 í Reykjavík.
Fons átti því bæði félögin.
FS37 ehf. keypti bréf í Glitni og FL Group
fyrir samtals 24,8 milljarða króna þann 14.
nóvember 2007. Félagið breytti nafni sínu í
Stím ehf. tveimur dögum síðar. Glitnir var
sjálfur seljandi bréfanna en lánaði Stím 19,6
milljarða króna til kaupanna. Stærsti eigandi
Glitnis var FL Group sem í dag heitir Stoðir.
Fons var á meðal stærstu eigenda FL Group
sem átti um þriðjungshlut í Glitni.
FS38 lánaði FS37 fyrir hluta af kaupum
Samkvæmt ársreikningi lánaði FS38 tengd-
um aðila, FS37 sem síðar varð Stím, 2,5 millj-
arða íslenskra króna árið 2007 með einum
gjalddaga á árinu 2008. Í ársreikningnum, sem
Morgunblaðið hefur undir höndum, stendur
orðrétt að „félagið [FS38] hefur lánað FS37
ehf. sem er í eigu Fons hf. 2.500 milljónir króna
með einum gjalddaga á árinu 2008. Lánið er
víkjandi fyrir öðrum lánum FS37 ehf. Miðað
við eignastöðu FS37 ehf. er verulegur vafi um
innheimtanleika kröfunnar.“
Stím ehf. hefur verið mikið í umræðunni á
undanförnum dögum vegna ógagnsærra við-
skiptahátta. Eini stjórnarmeðlimur félagsins
var skráður Jakob Valgeir Flosason, útgerð-
armaður frá Bolungarvík, og félagið var skráð
til heimilis hjá Saga Capital á Akureyri. Jakob
vildi í fyrstu ekkert láta uppi um eignarhald á
félaginu en eftir mikla umfjöllun fjölmiðla
sendi hann frá sér yfirlýsingu. Í henni sagði
Jakob að hann og fleiri fjárfestar hefðu keypt í
Stími eftir að starfsmenn Glitnis hefðu kynnt
þetta viðskiptatækifæri fyrir þeim.
Í HNOTSKURN
»23. október 2007 er FS37 stofnað.Það félag var í eigu Fons.
»14. nóvember keypti FS37 hlutabréf íGlitni og FL Group af Glitni fyrir
24,8 milljarða. FS38 og Glitnir lánaðu
FS37 90 prósent af kaupverðinu.
»16. nóvember er haldinn hluthafa-fundur í FS38 þar sem stjórn félags-
ins er kosin. Sama dag er nafni FS37 ehf.
breytt í Stím ehf.
BENSÍNVERÐ og verð á dísilolíu hefur
lækkað nokkuð undanfarna daga á sama
tíma og krónan hefur styrkst og heims-
markaðsverð á hráolíu hefur lækkað.
Lækkunin er eitthvað misjöfn eftir fé-
lögum en algengt er að bensín hafi lækkað
um 5-7 krónur frá mánaðamótum og dís-
ilolía um 4-7 krónur. Í gær var algengt
verð á 95 oktana bensíni á bilinu 141-143
krónur og verð á dísilolíu um 172-173 kr.
Runólfur Ólafsson, framkvæmdastjóri Félags ís-
lenskra bifreiðaeigenda, segir lækkun jákvæða, „en við
hefðum viljað sjá þetta gerast örar. Betur má ef duga
skal. Vegna gengisþróunar og lækkunar á heimsmörk-
uðum lækkaði kostnaðarverð á bensínlítra um að með-
altali 4 krónur í gær [ á fimmtudag] og kostnaðarverð á
dísilolíu um álíka mikið,“ segir hann. Þetta hefði átt að
geta skilað sér í um fimm króna lækkun til neytenda.
„Álagningin á bensín hefur heldur lækkað í byrjun des-
ember á meðan álagningin á dísilolíu hefur haldið áfram
að hækka. Þarna er komið gap á milli. Ef það væru sam-
bærilegar forsendur væri munur á kostn-
aðarverði á bensíni og dísilolíu um 21
króna, en í útsöluverði er munurinn um 31
króna.“ Forvígismenn olíufélaganna tali
hins vegar eina stundina um að taka verði
tillit til verðþróunar á hverjum degi í ljósi
gengisþróunar og þróunar heimsmarkaðs-
verðs. Hina stundina sé talað um að hafa
hliðsjón af skipaferðum.
Magnús Ásgeirsson, innkaupastjóri
eldsneytis hjá N1, segir að þar teygi menn sig eins langt
og hægt sé í verðlækkunum. Mjög erfitt sé að meta þró-
un á næstunni. Fyrir viku hafi hann ekki getað séð fyrir
þá þróun sem nú hafi orðið. Krónan hafi styrkst mikið í
gær og fyrradag, en hver verði staða hennar skipti miklu
máli á næstu vikum. Hann segir að dísilolía sé hlutfalls-
lega dýrari núna á heimsmarkaði heldur en bensín. Það
skýrist af vetrarkuldum. Ingvi Ingvason, rekstrarstjóri
hjá Skeljungi, segir að styrkist krónan frekar verði meiri
lækkun. „Við tökum púlsinn á þessu á hverjum degi,“
segir hann. elva@mbl.is
Bensínverð hefur lækkað
um nokkrar krónur
Hefðum viljað sjá þetta gerast örar og betur má ef duga skal,
segir Runólfur Ólafsson, framkvæmdastjóri FÍB
HARÐUR árekstur varð á Vest-
urlandsvegi við Borgarnes um
kvöldmatarleytið í gær þegar tveir
bílar rákust saman.
Kona og barn, sem voru í öðrum
bílnum, voru flutt á slysadeild
Landspítalans með þyrlu Landhelg-
isgæslunnar.
Bílarnir eru báðir ónýtir en ekki
var vitað um tildrög slyssins í gær-
kvöldi, að sögn lögreglunnar í
Borgarnesi en mikil hálka var á
vegum um það leyti sem slysið varð.
Talsverðar tafir urðu á umferð
við Borgarnes vegna slyssins allt til
klukkan hálf tíu í gærkvöldi.
Árekstur við
Borgarnes
ANNEY Birta Jóhannesdóttir, sem afhenti í gær
Dorrit Moussaieff forsetafrú fyrsta eintakið af
silfurhálsmeni til styrktar Neistanum, styrkt-
arfélagi hjartveikra barna, er sex ára hnáta sem
hefur farið sex sinnum til Boston í hjartaaðgerð.
Móðir Anneyjar Birtu, Guðrún Bergmann,
sem er formaður Neistans, kveðst afar þakklát
fyrir stuðninginn við félagið en á hverju ári fæð-
ast hér á landi allt að 70 börn með hjartagalla.
Hálsmenið ber heitið Hjartarfi og er það selt í
versluninni Leonard. Hönnuðir eru Eggert Pét-
ursson og Sif Jakobs.
Sérhannað íslenskt hálsmen til styrktar hjartveikum börnum
Morgunblaðið/Kristinn
Sex ára og sex sinnum í hjartaaðgerð
HRÍFANDI BÓK
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
Ljúfsár ... hrífandi ...
dramatísk og einlæg.
Einar Falur Ingólfsson,
Lesb. Mbl.
Unaðslegt að lesa þetta
... virkilega góð bók.
Kolbrún Bergþórsdóttir,
Kiljan
FORMLEGRI leit að Trausta Gunn-
arssyni, sem saknað hefur verið í
tæpa viku, hefur verið hætt vegna
aðstæðna á leitarsvæðinu. Snjóföl
er yfir Skáldabúðaheiði og því erf-
itt að leita. Að sögn Odds Árnason-
ar, yfirlögregluþjóns á Selfossi,
verður fylgst með aðstæðum og far-
ið til leitar ef þær gefa tilefni til.
Um 200 björgunarsveitarmenn
og sjálfboðaliðar víða að af landinu
hafa árangurslaust leitað að
Trausta sem er sjötugur að aldri og
til heimilis að Eskihlíð 12b í Reykja-
vík. Engin von er talin til þess að
Trausti sé enn á lífi. Hann lætur eft-
ir sig eiginkonu og þrjú uppkomin
börn. jmv@mbl.is
Hætta leit að
rjúpnaskyttu