Morgunblaðið - 06.12.2008, Side 22

22 FréttirINNLENT
MORGUNBLAÐIÐ LAUGARDAGUR 6. DESEMBER 2008
Skeifan, Smáralind, Kringlan, Hafnarfjörður, Selfoss, Vestmannaeyjar, Egilsstaðir, Akureyri, Ísafjörður
Aðeins
3.495kr. áður 6.990 kr.
Aðeins
1.745kr. áður 3.490 kr.
Aðeins
1.245kr. áður 2.490 kr.
Aðeins
990kr. áður 1.980 kr.
Aðeins
1.245kr. áður 2.490 kr.
Aðeins
1.495kr. áður 2.990 kr.
sparaðu
50%
sparaðu
50%
sparaðu
50%
sparaðu
50%
sparaðu
50%
sparaðu
50%
Tilboðin gilda frá 03.12.08 til 08.12.08. Til þess að koma í veg fyrir að samkeppnisaðilar nýti sér tilboðin til innkaupa fyrir eigin verslanir má
hver og einn viðskiptavinur aðeins versla þrjár bækur af einstaka titli.
SJÓMANNAFÉLAG Íslands vil
beina þeim óskum til stjórnvalda að
auka nú þegar við þorskkvótann
um 30 til 40 þúsund tonn á yf-
irstandandi kvótaári. „Því oft var
þörf en nú er nauðsyn,“ segir í
ályktun frá stjórn félagsins.
Einnig vill félagið koma því á
framfæri við menntamálaráðherra
að öll skerðing á útsendingum út-
varps og sjónvarps bitnar mest á
sjómönnum á hafi úti.
Þá skorar Sjómannafélagið á ís-
lensk fyrirtæki, stóriðjuver (álver)
að þau notist eingöngu við farm-
skip í reglubundnum áætlunarsigl-
ingum til og frá landinu mönnuðum
íslenskum farmönnum. „Með því
væri verið að skapa tugi starfa til
sjós og ættu ráðamenn að ljá þessu
lið því ekki veitir af.“
Þá segir félagið að nú sé ljóst að
enn og aftur sé sjávarútvegur sú at-
vinnugrein sem treysta þurfi á eftir
fjármálakreppuna.
Aukið verði við þorskkvótann og
útsendingar útvarps verði ekki skertar
Morgunblaðið/RAX
Traust Sjómennska er enn og aftur
orðin undirstöðuatvinnugreinin.
LÖGMANNAFÉLAG Íslands hefur komið athugasemd-
um á framfæri við forseta Alþingis þar sem farið er fram
á að Alþingi leiti eftir umsögn og áliti sérfræðinga við
smíði á lagafrumvörpum enda hafi borið á því að und-
anförnu að frumvörp séu afgreidd í miklum flýti.
„Það er sammerkt þeim frumvörpum sem lögð hafa
verið fram á Alþingi á síðustu vikum, að þau snerta
mörg hver mikilsverð réttindi manna, svo sem friðhelgi
einkalífs, málsmeðferð fyrir rannsóknaaðilum og dóm-
stólum, meðferð trúnaðarupplýsinga o.fl., þ.e. réttindi
sem njóta sérstakar verndar samkvæmt stjórnarskrá og
Mannréttindasáttmála Evrópu. Telur stjórn Lögmanna-
félagsins það afar brýnt þegar svo mikilsverð réttindi eru til meðferðar í
þinginu, að jafnan sé leitað álits færustu sérfræðinga á viðkomandi sviði,
bæði fyrir og ekki síður á meðan frumvörp eru til meðferðar þingsins. Það
er grundvallaratriði að ný löggjöf sé þannig úr garði gerð að engin hætta
sé á að hún brjóti gegn stjórnarskrá lýðveldsins og/eða öðrum við-
urkenndum grundvallarreglum og/eða alþjóðasáttmálum sem íslensk
stjórnvöld hafa undirgengist.“
Lögmannafélag Íslands gagnrýnir
vinnubrögð við lagasetningu á Alþingi
Sturla Böðvarsson,
forseti Alþingis.
GISTINÆTUR á hótelum í október
sl. voru 103.700, en voru 108.800 á
sama tíma í fyrra, sem er því tæp-
lega 5% samdráttur milli ára.
Á Reykjavíkursvæðinu fækkaði
gistinóttum úr 83.100 í 76.400 eða
um 8%. Á Norðurlandi fækkaði
gistinóttum úr 6.400 í 5.100 eða um
20%. Á samanlögðu svæði Suð-
urnesja, Vesturlands og Vestfjarða
fækkaði gistinóttum úr 7.400 í
7.300, þrátt fyrir að tvö ný hótel
hafi þar bæst við gagnagrunninn.
Gistinóttum fjölgaði hins vegar
umtalsvert á Austurlandi og Suður-
landi. Á Austurlandi fjölgaði úr
2.100 í 2.900 eða um 35%, og á Suð-
urlandi fjölgaði gistinóttum úr
9.800 í 12.100 eða um 24%.
Morgunblaðið/Valdís Thor
Fækkun Gistinóttum á hótelum og
gistiheimilum er nú tekið að fækka.
Gistinóttum fækkaði
um 5% á milli ára
í októbermánuði
VEGNA frétta um hugmyndir stöðvarstjóra Laxárvirkj-
unar um stækkun stíflu í Laxá vilja Náttúruvernd-
arsamtök Íslands benda á að Laxá er friðuð og óheimilt
er að breyta rennsli hennar.
Bent hafi verið á aðrar lausnir til að stemma stigu við
ísvandamálinu. Vandamálið er að inntak Laxár III er
hannað fyrir lón sem aldrei var gert. Opið stendur því
upp úr vatninu og ís á greiða leið inn í afrennslisgöngin.
Þetta á að vera hægt að laga án þess að eyðileggja ein-
hvern fallegasta dal landsins með uppistöðulóni, að mati
samtakanna.
„Bent hefur verið á leiðir til að veita ísnum framhjá
opinu. Þær leiðir hafa – eftir því sem næst verður komist
– ekki verið skoðaðar í alvöru vegna þess að uppistöðulón er sú lausn sem
Landsvirkjun einblínir á,“ segir í frétt frá Náttúruverndarsamtökunum.
Mótmæla uppistöðulóni í Laxárdal
Virkjun Laxá í
klakaböndum neð-
an Laxárvirkjunar.
MÓTMÆLAGANGA verður á Ak-
ureyri í dag og hefst hún kl. 15.
Gengið verður frá samkomuhúsinu
og inn á Ráðhústorg. Til máls munu
taka Hannes Blandon prestur,
Sonja Eyglóardóttir fram-
kvæmdastjóri og Jóhann Ásmunds-
son nútímafræðingur, auk þess sem
Þórarinn Hjartarson sagnfræð-
ingur flytur ljóð. Fundarstjóri verð-
ur George Hollander leik-
fangasmiður.
Mótmæla spillingu
SUNDLAUG Kópavogs á Rútstúni
hlaut viðurkenningu fyrir gott að-
gengi í tilefni af degi fatlaðra hinn
3. desember sl. Það var ferilnefnd
Kópavogs sem veitti viðurkenn-
inguna.
Hlutverk ferilnefndar Kópavogs
er að sjá til þess að opinberar bygg-
ingar og annað húsnæði sé aðgengi-
legt öllum, ekki síst hreyfihöml-
uðum, sjónskertum og öðrum með
sérþarfir.
Sundlaug fyrir alla
STUTT
Eftir Ingibjörgu B. Sveinsdóttur
ingibjorg@mbl.is
EKKI verður sparað í grunnskólum
án þess að það bitni að einhverju
leyti á mannahaldi. Afleiðingin gæti í
einhverjum tilvikum orðið sameining
bekkja. Þetta segir Kristinn Breið-
fjörð, formaður Skólastjórafélags Ís-
lands, um mögulegan niðurskurð í
grunnskólum.
„Ég held að það sé í umræðunni að
það þurfi í einhverjum skólum, alveg
eins og í öðrum stofnunum sveitarfé-
laga, að reyna að hagræða en halda
þó uppi lögboðinni þjónustu. Ef það
á að hagræða verður um niðurskurð í
rekstri að ræða. Launakostnaður í
grunnskólum er um 85 prósent af
rekstrarkostnaði þannig að það
verður ekkert sparað án þess að það
bitni á mannahaldi að einhverju
leyti. Í einhverjum tilvikum yrði
mögulega að sameina bekki þar sem
því verður við komið. Það kemur þá
kannski niður á gæðum,“ bendir
Kristinn á.
Sveitarfélögin vinna enn að gerð
fjárhagsáætlana fyrir næsta ár og
eru skólastjórar í viðbragðsstöðu
vegna mögulegs niðurskurðar, að
sögn Kristins sem er skólastjóri við
Foldaskóla í Grafarvogi. „Hjá
Reykjavíkurborg voru strax settar á
ákveðnar reglur þegar ósköpin
dundu yfir nú í október. Það má ekki
fara út í fjárfestingar eða annað slíkt
nema nauðsynlegt sé til þess að
halda grunnstarfseminni uppi. Eins
þarf að fá heimild hjá starfsmanna-
stjóra til þess að ráða fólk.“
Eiríkur Jónsson, formaður Kenn-
arasambands Íslands, segir það al-
veg ljóst að allra leiða verði leitað til
þess að hagræða í rekstri grunnskól-
anna. Hins vegar verði að halda uppi
lögboðinni grunnþjónustu. „Það hef-
ur verið dregið úr kennslu í
ákveðnum greinum tímabundið þeg-
ar ekki hafa fengist kennarar til
starfa. Þá hefur verð reynt að bæta í
þá grein á næsta ári til að tryggja að
nemendur fái kennslu í greininni á
skólagöngunni,“ greinir Eiríkur frá.
Hann útilokar ekki að gripið verði til
slíkra úrræða í hagræðingarskyni en
vonar að menn skoði fyrst og fremst
þá þætti sem hafa verið umfram
lagaskyldu.
Bekkir mögulega
sameinaðir í kreppu
Niðurskurður í grunnskólum mun bitna á mannahaldi
Í HNOTSKURN
»Sveitarfélögin vinna nú aðgerð fjárhagsáætlana fyrir
næsta ár.
»Skólastjórar vita enn ekkihversu mikið þeim verður
gert að skera niður.
Morgunblaðið/G. Rúnar
Hagræðing Skólastjórar eru í viðbragðsstöðu vegna mögulegs niður-
skurðar í grunnskólum landsins. Halda á grunnstarfsemi uppi.