Morgunblaðið - 06.12.2008, Qupperneq 58

58 MenningFÓLK
MORGUNBLAÐIÐ LAUGARDAGUR 6. DESEMBER 2008
FólkSlamm, slamm, ljóðaslamm
LJÓÐASLAMM Borgarbókasafnsins fer fram í annað
sinn föstudagskvöldið 13. febrúar næstkomandi.
Sigurvegari þessa árs var Halldóra Ársælsdóttir en
hún vakti verðskuldaða athygli fyrir útsetningu sína á
laginu „Litli trommuleikarinn“ sem hún samdi nýjan
texta við og nefndi „Verðbréfadrengurinn“. Í laginu
gerir hún góðlátlegt grín að ungum manni sem lendir
í miklum hremmingum þegar hlutabréfin hans falla
í verði.
Nú stendur skráning yfir fyrir næstu keppni og
er skráningarfrestur til 15. desember. Þemað að
þessu sinni er hrollur og er öllu ungu fólki
frjálst að taka þátt. Ljóðaslamm er túlkað
frjálslega í þessari keppni, í raun er eina krafan sú að
flutningur frumsamins ljóðs sé lifandi og má notast við
leikræna tilburði, tónlist, myndlist, dans eða hvaðeina
sem fólki dettur í hug.
Í dómnefnd keppninnar í ár verða Bóas Hall-
grímsson tónlistarmaður, Bragi Ólafsson rithöfundur,
Freyr Eyjólfsson útvarps- og tónlistarmaður, Ilmur
Kristjánsdóttir leikkona og Úlfhildur Dagsdóttir bók-
menntafræðingur. Skráning fer fram í öllum söfnum
Borgarbókasafns Reykjavíkur og á heimasíðu safnsins,
www.borgarbokasafn.is og þar má einnig finna allar
nánari upplýsingar um slammið.
Nú stendur yfir sýning á ljósmyndum tveggja ungra
manna, þeirra Tuma Árnasonar og Magnúsar And-
ersen, frá Ljóðaslammi 2008 í aðalsafninu í Grófarhús-
inu og lýkur henni 16. desember.
Ljóðaslammari Halldóra Ársælsdóttir sigraði í
Ljóðaslamminu í ár með ljóði um verðbréfadreng.
 Í viðtali við Árna Heimi Ingólfs-
son, tónleikastjóra Sinfón-
íuhljómsveitar Íslands, í Morg-
unblaðinu í gær, í tilefni af því að
plata hljómsveitarinnar hefur verið
tilnefnd til Grammy-verðlaunanna,
lofaði hann upptökumenn Chandos-
útgáfunnar, sem gefur plötuna út.
Hann sagði: „[Þeir] eru farnir að
læra inn á hljómburðinn hér í Há-
skólabíói. Þeir kunna þá kúnst að
láta bíóið hljóma eins og fyrsta
flokks tónlistarhús.“
Það skal engan undra þótt upp-
tökumenn Chandos kunni vel á
hljómburð Háskólabíós, því það eru
hljóðmenn Ríkisútvarpsins sem
Chandos ræður til starfans, en þeir
senda út og hljóðrita tónleika
hljómsveitarinnar í hverri viku, og
hafa gríðarmikla reynslu af hljóð-
heimi hljómsveitarinnar og bíósins.
Tónmeistari tilnefndu plötunnar
var enginn annar en Georg Magn-
ússon.
Goggi var það heillin
 Óháðir neðanjarðarlistamenn
hafa löngum verið mærðir af þeim
sem vitið þykjast hafa. Slíkir menn
þurfa þó ekki að einskorðast við
þverröndóttar peysur, hár niður í
augu og Converse strigaskó. Gylfi
„Sjúddirari rei“ Ægisson tekur öll
krútt heimsins í nefið hvað þetta
varðar en hann hefur starfað sjálf-
stætt sem listamaður í kvartöld og
hefur allar sínar tekjur af því. Hann
tekur upp tónlistina sína í heima-
hljóðveri, brennir hana sjálfur á
diska, hannar á þá umslög og selur
þá svo í gegnum síma og á tón-
leikum. Gylfi skemmtir allt árið um
kring og þegar um hægist, sem er
eiginlega aldrei, málar hann mynd-
ir og hefur hann selt yfir 1500 slík-
ar. Gylfi rifjar upp skrautlegan fer-
il í opinskáu viðtali í
sunnudagsútgáfu Morgunblaðsins
sem mun auk þess verða prýtt
myndverki eftir Gylfa sem hann
vann sérstaklega fyrir blaðið.
Gylfi indí
Eftir Arnar Eggert Thoroddsen
arnart@mbl.is
ÓLAFUR Arnalds hefur verið á
miklu flandri um heiminn á þessu
ári. Falleg og dramatísk tónlist
Ólafs hefur snert við mörgum
hjartastrengnum og nýjasta plata
hans, stuttskífan Variations of Sta-
tic, hefur selst í liðlega 10.000 ein-
tökum, gróflega áætlað af Ólafi.
„Þetta verða síðustu tónleikarnir
um allnokkra hríð,“ segir Ólafur.
„Ég ætla nú að klára að semja inn á
þriðju plötuna en hún verður tekin
upp í febrúar. Það er bara búið að
bóka mig á nokkrar hátíðir næsta
sumar.“
Langar og strangar ferðir
Næst þegar Ólafur stígur á pall
verður hann með nýtt efni – og
stærra band.
„Ég ætla aðeins að breyta til. Fá
trommuleikara og bassaleikara inn í
þetta. Það verður meira rokk. Eig-
inlega þungarokk.“
Ólafur þekkir einkar vel til í þeim
fræðunum enda að upplagi trymbill
og starfaði sem slíkur með harð-
kjarnasveitum á borð við Fighting
Shit, I Adapt og Celestine. Tónleika-
ferðir Ólafs hafa verið langar og
strangar en er kannski minna þreyt-
andi að spila angurværa hægs-
treymandi tónlist en að djöflast á
settinu?
„Ég hef haft mun meiri orku eftir
tónleika í þessari ferð,“ segir Ólafur
og hlær. „Eftir Fighting Shit-
tónleika fór maður bara heim að
sofa, gjörsamlega búinn á því. Núna
hef ég hins vegar færi á að koma
ýmsu í verk eftir tónleika og samdi
mikið á þessum tónleikaferðalögum.
Kláraði plötuna nánast þannig“
Sæmilegasti hiti í mönnum
Ólafur segir að næsta plata verði
öllu poppaðri en fyrri plötur.
„Það verður meira um „stærri“
lög og hún verður meira „main-
stream“ en síðustu plötur.“
Hljómar eins og platan sem mun
koma Ólafi endanlega á kortið eða
hvað?
„Já, ég er að vona það,“ segir
Ólafur kinnroðalaust. „Við erum að
ræða við nokkur mjög stór fyrirtæki
um þessar mundir. Það er sæmi-
legasti hiti í mönnum. Það eru hins
vegar allir dottnir í einhvern jólagír
úti og það verður ekki tekin ákvörð-
un um þetta fyrr en í janúar, febr-
úar.“
Einhverjir njósnarar frá þessum
fyrirtækjum munu víst verða á
sveimi á tónleikunum og veit Ólafur
til þess að Universal ætli að senda
þangað mann.
Risarnir berjast um hann
 Ólafur Arnalds lýkur ótrúlegu ári með tónleikum í Fríkirkjunni  137
tónleikar að baki  Erlendir útgáfurisar berjast um að fá að gefa hann út
Morgunlaðið/Valdís Thor
Lúsiðinn Ólafur Arnalds vonar að næsta plata komi honum á landakortið
sem hann hefur rýnt svo vel í á tónleikaferðum sínum um heiminn.
SÓLSKINSHESTUR, skáldsaga
Steinunnar Sigurðardóttur, er ein
sjö bóka sem tilnefndar voru til evr-
ópskra bókmenntaverðlauna sem
veitt voru í París í vikunni. Verð-
launin, sem kennd eru við Madeleine
Zepter, eru veitt fyrir skáldsögu
sem gefin hefur verið út á frönsku á
þessu ári, frumsamin eða þýdd.
Sólskinshestur varð í öðru sæti, á
eftir Brúðkaupsnóttinni (On Chesil
Beach) eftir breska rithöfundinn Ian
McEwan. McEwan fékk sex atkvæði
hjá dómnefndinni, Steinunn þrjú og
ein bók fékk eitt atkvæði.
„Ég er stolt af þessu, þetta var
mjög fín dómnefnd. Tveir úr frönsku
akademíunni og fleira þekkt bók-
menntafólk sat í nefndinni. Ég get
vel við unað, það er smá frægð-
armunur á okkur McEwan,“ segir
Steinunn.
Sólskinshestur er nýkominn út í
Frakklandi, í þýðingu Catherine
Eyjólfsson. Umsagnir í fjölmiðlum
hafa verið mjög lofsamlegar. Í Le
Quotidien segir að Sólskinshestur sé
nútímaleg og öflug bók, eins og fyrri
verk Steinunnar, og að form sög-
unnar sé nýstárlegt og komi á óvart.
Fullyrt er að þetta sé ein af bestu
bókum ársins í Frakklandi. Sól-
skinshestur kom einnig út í Þýska-
landi í síðastliðnum mánuði. Coletta
Burling þýddi. Í umfjöllun Frank-
furter Allgemeine Zeitung segir að
Steinunn sýni meistaratakta. Sagan
er sögð fáguð, margslungin og dul-
arfull, og svo ánægjuleg aflestrar að
lesandinn vilji ekki að henni ljúki.
Steinunn hefur víða komið við á
síðustu vikum. „Ég er búin að vera á
þeytingi í Þýskalandi og Frakklandi.
Ég var í viðtölum í París og í viku-
ferðalagi í Normandy.“
„Ég get vel við unað, það er
smá frægðarmunur á okkur“
Morgunblaðið/Kristinn
Steinunn Franskir nemendur spurðu hana út í Tímaþjófinn í tvo tíma.
Sólskinshestur Steinunnar laut í lægra haldi fyrir McEwan
Ólafur er á mála hjá einum
vinnusamasta og best tengda
bókara Evrópu og hefur verið
nærfellt á stanslausu tónleika-
ferðalagi í tvö ár. Bókarinn er
þýskur (auðvitað) og Ólafur hef-
ur fyrir hans tilstuðlan spilað
um alla Evrópu, í Kína, á Norð-
urlöndunum og í Ameríku.
Breski bókarinn hans kom hon-
um þá inn í Barbicanhöllina þar
í landi og Union Chapel, báðir
eftirsóttir tónleikastaðir. Um
tónleikana á síðastnefnda
staðnum sagði gagnrýnandi
MusicOHM að týndi hlekkurinn
á milli Sigur Rósar og Philips
Glass væri fundinn.
Túrhesturinn Ólafur
Tónleikarnir fara fram í Fríkirkj-
unni hinn 18. desember. Miðasala
er á midi.is og kreppuprís í gangi,
réttar 1.000 krónur. Ólöf Arnalds
hitar upp.
myspace.com/olafurarnalds