Morgunblaðið - 03.12.2009, Blaðsíða 16

16 FréttirINNLENT
MORGUNBLAÐIÐ FIMMTUDAGUR 3. DESEMBER 2009
Menntaáætlun Nordplus
Norrænir styrkir til
nágrannasamstarfs
Kynningarráðstefna
á Hótel Sögu,
salnum Stanford, 2. hæð
(inngangur Guðbrandsgötu)
11. desember 2009
frá kl. 14:00 - 16:30
Dagskrá
13:30-14:00 Skráning, afhending ráðstefnugagna.
14:00-14:10 Setning: Karitas Kvaran,
forstöðumaður Alþjóðaskrifstofu
háskólastigsins
– Landskrifstofu Nordplus.
14:10-14:25 Almenn kynning
á menntaáætlun Nordplus:
Guðmundur Ingi Markússon,
verkefnastjóri Nordplus.
14:25-14:40 Uppbygging Nordplusverkefna
og nýting styrksins:
Ragnhildur Zoega,
verkefnastjóri Nordplus.
14:40-14:55 Kynning á verkefni
í Nordplus Horisontal:
Margrét Guðmundsdóttir,
verkefnastjóri á menntavísindasviði H.Í.
15:00-16:00 Vinnustofur fyrir undiráætlanir
Nordplus:
Junior: Styrkir leik-, grunn- og
framhaldsskólastigið.
Voksen: Styrkir fullorðinsfræðslu
og símenntun.
Háskólastigið: Styrkir samvinnu
og samstarf háskóla.
Sprog og kultur: Styrkir norræn mál
og menningu.
Horisontal: Styrkir sem tengja
saman aðrar undiráætlanir Nordplus.
16:00-16:30 Jólaglögg og piparkökur
í ráðstefnulok.
Skráning fer fram á
http://ask.hi.is/page/Nordplus11des
Nánari upplýsingar á skráningarsíðu
og í síma 525 4311
Umsóknarfrestur í Nordplus
er í byrjun mars á hverju ári
www.nordplus.is
Eftir Baldur Arnarson
baldura@mbl.is
„ÞEGAR Barack Obama bauð sig
fram til forseta hét hann því að
beita sér gegn flokkadráttunum
sem klufu landið í herðar niður.
Hann hefur reynt það eftir að hann
varð forseti. Vandamálið er að repú-
blikanar, með einni eða tveimur
undantekningum, hafa verið stað-
fastir í andstöðunni við hann, af því
að þeir trúa að þeir geti sigrað hann
með því að koma í veg fyrir að hann
nái árangri,“ segir Gerald J. Austin,
pólitískur ráðgjafi frá Bandaríkj-
unum sem verið hefur mörgum
demókrötum innan handar.
„Forsetinn sér að brúarsmíðin er
ekki að bera tilætlaðan árangur.
Hann mun því einbeita sér að kjarn-
anum í kjósendahópi demókrata,“
segir Austin sem hefur komið víða
við á löngum ferli en meðal sam-
starfsmanna hans eru Jimmy Cart-
er, fyrrverandi Bandaríkjaforseti,
blökkumannaleiðtoginn Jesse Jack-
son og Barack Obama forseti.
Á mörgum vígstöðvum
– Vinstrimenn á Vesturlöndum
og víðar um heim hafa margir
hverjir fyllst óþreyju vegna meints
hægagangs forsetans og stjórnar
hans í að uppfylla kosningaloforðin.
Hvernig meturðu árið framundan?
„Obama þarf eins og allir Banda-
ríkjaforsetar að dreifa kröftum sín-
um á mörgum vígstöðvum. Heil-
brigðis- og efnahagsmálin hafa
reynst erfið og svo er það stríðið í
Afganistan, sem verður sífellt óvin-
sælla heimafyrir. Ég held að hann
skilji að ef ekki verður búið að
fækka í herliðinu, jafnvel kalla það
allt heim, fyrir kosningarnar 2012
muni það setja stjórn hans í vanda.
Ef Obama hefur ekki náð árangri
í þessum megin málaflokkum að ári
mun hann lenda í erfiðleikum. Það
eru hins vegar þrjú ár í kosning-
arnar 2012 og tíminn er því nægur.“
– Hefurðu áhyggjur af því að
þolinmæði bandarískra kjósenda í
garð efnahagsumbóta sé að
minnka?
„Forsetinn biður um þolinmæði.
Á sama tíma held ég að þolinmæði
almennings sé takmörkuð.“
– Hvernig heilbrigðisfrumvarp
megum við eiga von á að sjá sam-
þykkt í öldungadeildinni á næstu
vikum, að því gefnu að svo fari?
„Það skiptir Obama miklu máli að
frumvarpið verði samþykkt. Þingið
hefur aldrei áður samþykkt slíkt
frumvarp. Niðurstaðan verður þó
líklega ekki frumvarpið sem hann
lagði upp með, heldur málamiðlun.“
Væntingar og veruleiki
– Svo ég víki aftur að vinstri-
mönnum þá voru færð fyrir því rök í
breska dagblaðinu Guardian fyrr í
haust að Obama væri á góðri leið
með að ganga á bak flestum lof-
orðum sínum. Voru væntingarnar of
miklar?
„Ég held að málið snúist ekki um
of miklar væntingar heldur fremur
um hversu skammur tími er liðinn.
Forseti sem þarf að koma málum í
gegnum þingið getur ekki snúið við
öllu sem kom frá Bush-stjórninni á
fáeinum mánuðum í embætti.“
– Verða róttækustu stuðnings-
menn Obama sáttari að ári liðnu?
„Þeir sem eru lengst til vinstri
hafa minnstu þolinmæðina því að
þeir hafa beðið svo lengi eftir forseta
sem þeir telja að komi úr sínum röð-
um. Ég hygg að flestir kjósendur
muni gefa honum tíma. Ef við erum
hins vegar að velta sömu spurning-
unni fyrir okkur að ári verður forset-
inn kominn í mikil vandræði.“
– Hversu stórt hlutfall stuðnings-
manna Obama í Bandaríkjunum má
ætla að sé sömu skoðunar?
„Ef til vill má ætla að 15% stuðn-
ingsmanna hans séu á sömu póli-
tísku línu og lesendur Guardian.
Meirihluti bandarískra kjósenda er
á miðjunni en minnihluti lengra til
vinstri eða hægri í stjórnmálunum.“
Möguleikar Palin litlir
Austin vék í fyrirlestri sínum á
vegum Alþjóðastofnunar HÍ í vik-
unni að möguleikum Söruh Palin,
varaforsetaefnis repúblikana í fyrra-
haust, í forsetakosningunum 2012.
Hann kvað hana höfða til þröngs
hóps í Bandaríkjunum og eiga því
litla möguleika á að verða forseti.
Sjálfur var Austin kosningastjóri
fyrir Jesse Jackson í forsetakosn-
ingunum 1988
Obama snúi sér
að kjarnanum
Morgunblaðið/Kristinn
Ráðgjafi Gerald J. Austin hefur unnið fyrir marga áhrifamikla demókrata.
 Einn af ráðgjöfum forsetans segir brúarsmíði til hægri
ekki hafa borið tilætlaðan árangur  Óþreyjufullir kjósendur
„Obama gekk úr skugga um að
unga fólkið sem var búið að skrá
sig á kjörskrá kysi í forkosning-
unum. Hillary Clinton gerði það
ekki. Stuðningsmenn Obama nýttu
sér að með því að dvelja í 30 daga í
Iowa fyrir kosningarnar öðluðust
þeir kosningarétt,“ segir Ashton
um forkosningarnar í Iowa 3. jan-
úar 2008. Obama sigraði í kjörinu
og telur Ashton sigurinn hafa átt
stóran þátt í að hann varð forseta-
efni demókrata síðar um vorið.
„Þetta atriði vó ef til vill ekki
þyngst. Það undirstrikaði hins
vegar ástríðu stuðningsmanna
Obamas og skilning kosningaliðs
hans á reglunum, samanborið við
kosningalið Clinton sem stóð á
sama um reglurnar. Það hafði að-
eins áhuga á einu; að fá greitt fyrir
sína vinnu. Berðu þetta saman við
eldheita stuðningsmenn Obamas
sem margir hverjir fengu aðeins
greitt fyrir fæði og uppihald.
Clinton hafði á sínum snærum
marga þekkta og dýra ráðgjafa
sem lögðu fram háar launakröfur. Í
Iowa töpuðu
þeir kosningum,
sem þeir hefðu
átt að vinna,
með því að taka
sigri hennar
sem gefnum.“
– Varð af
þessu mikil
skriða?
„Það sem
skipti mestu máli í forkosning-
unum í Iowa, þeim fyrstu fyrir for-
setakosningarnar, er að Obama
sigraði. Ef hann hefði tapað kynni
svo að hafa farið að hann hefði
aldrei orðið forsetaefni demó-
krata.
Flestir bjuggust við að Clinton
yrði forsetaefni demókrata. Hún
tapaði hins vegar í fyrstu atrennu
og afhjúpaði þar með veikleika
sína. Clinton gaf mikilvægi Iowa
ekki nógu mikinn gaum, ólíkt
Obama sem mat stöðuna rétt.
Hann þurfti að sýna fram á veik-
leika hennar og með sigrinum varð
nánast ekki aftur snúið.“
Sigurinn í Iowa gaf tóninn
Barack Obama
HANNA Birna Kristjánsdóttir
borgarstjóri greiddi fyrsta atkvæð-
ið í netkosningunni „Kjóstu verk-
efni í þínu hverfi“ á heimasíðu
Reykjavíkurborgar í gær. Með
verkefninu gefst borgarbúum færi
á að kjósa um forgangsröðun verk-
efna í sínu hverfi. Kosningin mun
standa yfir til 14. desember á slóð-
inni www.reykjavik.is/kjostu.
Kosningin er bindandi fyrir
borgaryfirvöld og sá verk-
efnaflokkur sem íbúar setja efst á
forgangslistann í hverju hverfi fyr-
ir sig fer á fjárhagsáætlun fyrir ár-
ið 2010 og kemur til framkvæmda.
Kosningabærir eru allir Reyk-
víkingar á sextánda ári og eldri og
getur hver kosið einu sinni. Til að
kjósa slá íbúar inn kennitölu, velja
hverfi og forgangsraða verk-
efnum.
Morgunblaðið/Kristinn
Borgarbúar kjósa
verkefni í sínu hverfi