Morgunblaðið - 03.12.2009, Blaðsíða 20

20 Daglegt líf
MORGUNBLAÐIÐ FIMMTUDAGUR 3. DESEMBER 2009
Bónus
Gildir 3.-6. desember verð nú áður mælie. verð
Gríms plokkfiskur, 400 g ............ 398 459 995 kr. kg
Kf kofareykt folald m/ beini ........ 466 698 466 kr. kg
Kf saltað folald .......................... 466 698 466 kr. kg
Bónus kjarnabrauð, 500 g.......... 159 198 318 kr. kg
Bónus kleinur, 15 stk. ................ 298 349 20 kr. stk.
Bónus ferskar kjúklingabringur .... 1.598 1.998 1.598 kr. kg
Bónus piparkökur, 500 g............ 298 359 596 kr. kg
Ali ferskt grísahakk .................... 479 719 479 kr. kg
KB ferskt ungnautahakk ............. 974 1.349 974 kr. kg
Fjarðarkaup
Gildir 3.-5. desember verð nú áður mælie. verð
Lambafille m/fitu úr kjötborði ..... 2.898 3498 2.898 kr. kg
Hamborgarar 4x80 g m/brauði ... 456 548 456 kr. pk.
Nautahakk, I. fl.......................... 998 1.298 998 kr. kg
FK kjúklingabringur .................... 1.781 2.375 1.781 kr. kg
FK jurtakryddað lambalæri.......... 1.598 2.430 1.598 kr. kg
KF léttreyktur lambahryggur ........ 1.755 2.507 1.755 kr. kg
KF Londonlamb ......................... 1.539 2.198 1.539 kr. kg
Hamborgarhryggur ..................... 798 798 kr. kg
Hagkaup
Gildir 3.-6. desember verð nú áður mælie. verð
Óðals rifjasteik .......................... 549 1.098 549 kr. kg
Nautaat, gúllas.......................... 1.379 2.298 1.379 kr. kg
Nautaat, snitsel ......................... 1.379 2.298 1.379 kr. kg
Holta kalkúnabringur.................. 1.947 2.995 1.947 kr. kg
Holta kalkúnalæri ...................... 697 995 697 kr. kg
Íslandslamb, lambaprime........... 2.099 2.998 2.099 kr. kg
Merrild Black Ground, malað ...... 399 419 399 kr. stk.
Machintosh Q.S., 2.418 kg ........ 2.999 3.989 2.999 kr. stk.
Kötlu glassúr, 4 litir .................... 189 199 189 kr. stk.
Krónan
Gildir 3.-6. desember verð nú áður mælie. verð
Krónu hamborgarhryggur ............ 898 1.498 898 kr. kg
Ungnauta mínútusteik................ 1.979 3.198 1.979 kr. kg
Ungnauta piparsteik .................. 1.979 3.498 1.979 kr. kg
Ungnauta innlæri, danskt ........... 1.979 3.298 1.979 kr. kg
Lambalærissneiðar .................... 1.649 2.098 1.649 kr. kg
Lambalærissneiðar, kryddaðar .... 1.649 2.098 1.649 kr. kg
Samb. hangiframp. úrb., 1/1 ..... 1.798 2.248 1.798 kr. kg
Sambands hangilæri, úrb. .......... 1.989 2.848 1.989 kr. kg
Ísl. m. kjúklingabringur, skinnl..... 1.598 1.898 1.598 kr. kg
Úteyjar taðreyktur silungur .......... 2.698 3.185 2.698 kr. kg
Nóatún
Gildir 3.-6. desember verð nú áður mælie. verð
Nóatúns grísahamborgarhryggur . 1.598 1.898 1.598 kr. kg
Grísasteik að hætti Dana............ 999 1.998 999 kr. kg
Grísahnakki, úrbeinaðar sneiðar.. 899 1.698 899 kr. kg
Grísalundir ................................ 1.299 1.998 1.299 kr. kg
Grísalæri í heilu ......................... 598 798 598 kr. kg
Grísa Spare Ribs........................ 398 649 398 kr. kg
Grísabógur, hringskorinn............. 498 598 498 kr. kg
Grísahryggur með pöru ............... 799 1.198 799 kr. kg
Grísasíður, pörusteik .................. 489 698 489 kr. kg
Þín Verslun
Gildir 3.-9. desember verð nú áður mælie. verð
Ísfugls kjúklingabringur, úrb. ....... 2.094 2.992 2.094 kr. kg
Ísfugls kjúklingur, heill ................ 682 975 682 kr. kg
Ísfugls kjúklingalæri og -leggir ..... 669 956 669 kr. kg
Hunt’s tómatsósa, 680 g............ 269 325 396 kr. kg
Hunt’s pitsusósa í dós, 425 g ..... 235 325 553 kr. kg
Chicago osta-/pepperoniflatb..... 698 989 2.053 kr. kg
Nóa nizzabitar m/frönsku núgga . 549 698 549 kr. pk.
Nóa rjómasúkkulaði, 200 g ........ 315 389 1.575 kr. kg
Helgartilboðin
Kleinur og kjúklingur
Eftir Kristínu Heiðu Kristinsdóttur
khk@mbl.is
A
f einhverjum ástæðum
er spilum ekki gert jafn
hátt undir höfði og bók-
um, þrátt fyrir þá stað-
reynd að við Íslend-
ingar spilum meira en aðrar þjóðir.
Við fengum verðlaun ár eftir ár fyrir
að vera með mestu spilasölu miðað
við höfðatölu í heimi,“ segir Kjartan
Örn Sigurðsson forstjóri hjá Eg-
ilsson ehf. en það fyrirtæki hefur séð
Frónbúum fyrir alls konar spilum og
púslum í áratugi. „Það er ekki gott að
segja hvað veldur því að við Íslend-
ingar erum svona mikið fyrir alls
konar spil og púsl. Margir vilja
meina að veðráttan ráði þar ein-
hverju. Vegna kuldans þurfum við að
fórna ýmsum áhugamálum yfir vet-
urinn sem við stundum annars utan-
dyra á sumrin og þá þarf að finna
upp á einhverju skemmtilegu inn-
andyra. Og svo er það myrkrið,
kannski spilum við og púslum til að
bægja vetrardimmunni frá. Bæði
myrkur og kuldi gera okkur að
inniþjóð meirihlutann af árinu enda
eigum við í orðaforða okkar hið
merkilega orð gluggaveður, sem
merkir fallegt veður til að horfa á út
um glugga en ekki til að njóta utan-
dyra. Á slíkum dögum getur verið
gott að vera inni í hlýjunni og púsla,
spila, lesa eða leysa krossgátu.“
Stórhuga norðanmenn
Kjartan upplýsir þá stórmerkilegu
staðreynd að áralöng íslensk tölfræði
sýni að fólk fyrir norðan púsli meira
en fólkið fyrir sunnan. „Og ekki nóg
með það, Norðlendingar púsla líka
stærri púsl. Þar kaupa margir tólf
þúsund bita púsl en það heyrir til tíð-
inda þegar slíkt gerist hér fyrir sunn-
an. Fyrrnefnd veðrátta gæti vissu-
lega verið skýringin á þessu því á
vetrum er jú oft mun kaldara fyrir
norðan en sunnan. Við getum líka
velt fyrir okkur hvort ólíkar mann-
gerðir búi í ólíkum landshlutum.
Kannski eru norðanmenn bara svona
stórhuga, en það tekur tímann sinn
að púsla tólf þúsund bita púsl og und-
ir það þarf verulega stórt borðstofu-
borð.“
Mikið spilað og púslað á jólum
Þónokkur slökun felst í því að
púsla og hjá sumum er púsl hrein-
lega áhugamál. „Í haust kom átján
ára strákur oft í eina búðina okkar til
að skoða níu þúsund bita púsl. Hann
bað okkur um að taka það frá fyrir
sig því hann átti ekki peninga til að
kaupa það fyrr en um mánaðamót
þegar bætur eru greiddar út, en
hann hafði misst vinnuna skömmu
áður. Hann hafði sem sagt fundið sér
verkefni í atvinnuleysinu, að púsla
risastóru púsluspili, og það finnst
mér frábært. Það er mikil ögrun
að púsla svona stóru púsli
og í því felst líka heilmikil
þjálfun fyrir heilann.“
Kjartan segir að vissu-
lega séu spil og púsl mest
keypt fyrir jól, rétt eins
og bækur. „Það er hefð
fyrir því í mörgum fjöl-
skyldum að kaupa nýtt spil
fyrir hver jól og margir hlakka til
þeirrar skemmtunar sem felst í því
að spila saman. Eins kaupa sumar
fjölskyldur alltaf stórt púsl fyrir
hver jól sem er svo á borðum yfir
hátíðirnar og allir grípa í. Tenging
við spil og möndlugjöf eru líka mjög
sterk og svo eru bæði spil og púsl
vinsælar jólagjafir. Við reynum
að setja ný spil á markað ár-
lega í október en spilasala tek-
ur alltaf kipp á vorin og þá komum
við oft með annað spil á markaðinn.
Þessi vorkippur helgast af því að
þegar fólk fer í sumarfríin vill það
gjarnan taka með sér spil í bústað-
ina eða til útlanda.“
Morðgáta og sprengjuspil
Auk þess að gefa út nýtt spil þessi
jólin sem heitir Sprengjuspilið ætl-
ar Egilsson að gefa út eina morð-
gátu sem og að endurútgefa nokkur
spil sem
voru vinsæl
fyrir tveimur ára-
tugum. „Flest spil eru sí-
gild, við sjáum það best á því
að mörg þeirra spila sem við seldum í
leikskóla fyrir tuttugu árum eru enn í
fullri notkun þar, til dæmis spil eins
og Segðu mér sögu og Kapphlaup
dýranna, sem bæði eru þroskaspil.
Við ætlum meðal annars að endur-
útgefa hina sívinsælu hlæjandi kart-
öflu eða Potatohead sem hefur
reynst vel sem leikur í afmælum.“
Kjartan er sérstaklega ánægður
með hugmyndaauðgi Íslendinga þeg-
ar kemur að því að hugsa upp ný spil.
„Gott dæmi þar um eru ungu stelp-
urnar sem bjuggu til Heilaspuna-
spilið, strákarnir á bak við Vík-
ingaspilið að ógleymdu
Fimbulfambinu, svo fátt eitt sé nefnt.
En það er ekki aðeins að Íslendingar
séu duglegir í seinni tíð við að búa
sjálfir til sín spil frá grunni, heldur er
líka aukning í því að staðfæra spil,
svo þau passi í íslenskan veruleika.
Eiríkur Rögnvaldsson, prófessor í ís-
lensku við Háskóla Íslands, sá um að
staðfæra Sprengjuspilið fyrir okkur
því spilið gengur út á það að búa til
orð í kringum stafarunu og þá geng-
ur augljóslega ekki að vera með
stafarunur sem tilheyra öðru tungu-
máli.“
Við spilum meira en við lesum
Norðanmenn púsla
meira og stærra en Sunn-
lendingar. Og íslenska
þjóðin hefur margsinnis
mælst með mestu spila-
sölu í heimi, miðað við
höfðatölu.
Morgunblaðið/Kristinn
Sprengja í hendi Kjartan skemmtir sér vel þar sem hann grípur í sprengjuspilið ásamt starfsfólkinu í Egilsson.
Spilabunki er á miðju borði og
eitt spil er uppi í einu sem allir
leikmenn sjá en á því eru tveir
eða þrír bókstafir í röð. Leik-
menn eiga að finna orð sem inni-
heldur stafarununa. Fyrst er
kastað upp teningi og hann segir
til um hvort stafarunan megi
vera hvar sem er í orði, í upphafi
orðs eða enda orðs. Kveikt er á
„sprengju“ sem tifar og getur
sprungið hvenær sem er næstu
10-60 sekúndurnar. Sprengjan
gengur á milli leikmanna og ekki
má láta sprengjuna frá sér fyrr
en viðkomandi hefur hrópað upp
eitthvert orð sem inniheldur
stafarununa. Sprengjan skapar
spennu því enginn vill að
sprengjan springi í höndum
hans, því þá situr hann uppi með
spilið en sá vinnur sem er með
fæst spil á hendi í lokin.
Fólk ræður hvað það byrjar
með mörg spil í miðjubunkanum
og því er hægt að grípa í það án
þess að þurfa að spila lengi.
Sprengjuspilið er hugsað fyrir
alla þá sem eru læsir, allir í fjöl-
skyldunni geta verið með.
Barnaútgáfa af spilinu kemur út
í vor, en þá eru myndir á spil-
unum í stað stafaruna.
Hægt er að þrengja mögu-
leikana til að gera spilið erfiðara,
setja til dæmis þau skilyrði að
orðið megi einungis vera nafn-
orð eða sagnorð eða heiti á stað,
svo dæmi sé tekið. Einnig er
hægt að leggja upp úr frumleika
í orðum. Eins getur refsingin fyr-
ir sprenginguna verið eitthvað
annað en að sitja uppi með spil!
Sprengjuspilið
Eftirfarandi orð væri hægt að
smíða úr þessum stafarunum:
æta: Spætan, ætar, kæta.
skj: Skjöldur, ferskja, skjáta.
mi: Arminn, missti, nammi.
J ó l a s ö f n u n
Mæðrastyrksnefndar Reykjavíkur
er hafin
Oft var þörf en nú er nauðsyn
Þeir sem vilja leggja nefndinni lið vinsamlega
hafið samband á skrifstofutíma í síma 551 4349
eða á netfangið maedur@simnet.is.
Einnig er hægt að leggja framlög inn á reikning
nr. 0101-26-35021, kt. 470269-1119.
Mæðrastyrksnefnd
Reykjavíkur,
Hátúni 12b.