Morgunblaðið - 28.10.2010, Side 12
12 FRÉTTIRInnlent
MORGUNBLAÐIÐ FIMMTUDAGUR 28. OKTÓBER 2010
Frumgerðir íslenskra peningaseðla
fyrir seðlaútgáfu Landsbanka Ís-
lands árin 1957 og 1958 verða settar
á uppboð í Danmörku um aðra helgi.
Um tillögur að seðlum er að ræða á
verðbilinu 10 til 5.000 krónur, sem
teiknaðar voru á sínum tíma af fyr-
irtækinu Thomas de la Rue. Sömu
frumgerðir voru á uppboði hjá upp-
boðsfyrirtækinu Spinks í London
fyrir réttu ári og þá var ásett verð
að jafnaði um 3.500 pund, eða um
620 þúsund krónur á núvirði.
Seðlasafnið hefur hins vegar
hækkað töluvert í verði milli ára en
danska uppboðshúsið Thomas Høi-
land í Kaupmannahöfn setur upp 90
þúsund danskar krónur, eða jafn-
virði um 1,8 milljóna króna.
Magni R. Magnússon safnari hef-
ur fylgst með afdrifum peningaseðl-
anna og segir að hér sé að mörgu
leyti um merkilega seðla að ræða, þó
að þeir hafi ekki orðið fyrir valinu
sem eiginlegir gjaldmiðlar landsins.
Myndir af þjóðkunnum mönnum
prýða seðlana, en þeirra á meðal eru
Tryggvi Gunnarsson, Magnús
Stephensen og Jón Sigurðsson. Hef-
ur Magni bundið vonir við að Seðla-
bankinn yrði sér úti um þetta safn,
ekki síst ef það er komið í hendur
Dana. Hjá Seðlabankanum fengust
þau svör að ekki stæði til að bjóða í
peningaseðlana og fá þá heim til Ís-
lands. bjb@mbl.is
Íslenskir
seðlar á
uppboði
Tillögur Frumgerðir íslenskra pen-
ingaseðla eftirsóttar meðal safnara.
Uppsett verð um
1,8 milljónir króna
Una Sighvatsdóttir
una@mbl.is
Jákvæð áhrif íþróttaiðkunar unglinga fara ekki á milli
mála í niðurstöðum nýrrar rannsóknar sem framkvæmd
var á nemendum í 8., 9. , og 10. bekk nær allra grunn-
skóla á Íslandi. Rannsóknin var unnin fyrir Íþrótta- og
tómstundaráð og Íþrótta- og ólympíusamband Íslands.
Það sem m.a. kemur í ljós er að sjálfsmynd ung-
linga sem stunda íþróttir er almennt betri en þeirra sem
gera það ekki og eykst hún eftir því sem unglingarnir
stunda fleiri æfingar á viku. Mælast þau bæði hamingju-
samari og almennt ánægðari með líkama sinn og heilsu.
Að sögn Viðars Halldórssonar, íþróttafélagsfræð-
ings, staðfestir rannsóknin einnig forvarnaráhrif
íþrótta, ekki síst í skipulögðu starfi íþróttafélaga. Þeir
sem iðka skipulagt íþróttastarf segjast síður reykja,
drekka eða neyta annarra vímuefna. Viðar segir að
draga megi þá ályktun að í skipulögðu íþróttastarfi til-
einki ungt fólk sér ákveðin gildi og viðmið sem gefi þeim
festu í lífinu.
Munntóbaksneysla ekki bundin við íþróttafólk
Athygli vekur að samkvæmt niðurstöðum könn-
unarinnar eru þeir sem iðka íþróttir í Reykjavík ekki
líklegri til að nota munn- og neftóbak en þeir sem ekki
iðka íþróttir. „Neysla á munntóbaki hefur aukist hratt
síðustu ár og mýtan hefur verið sú að það sé sérstaklega
tengt íþróttum, en þetta sýnir að innan íþrótta er þetta
ekki sérstakt vandamál sem slíkt heldur helst í hendur
við landsmeðaltal,“ segir Viðar.
Meirihluti þeirra unglinga sem stunda íþróttir er
afar ánægður með starfið og finnst gaman á æfingum.
Þegar líður á unglingsaldurinn verður þó aukið brottfall
úr íþróttastarfinu. Flestir, eða 39%, þeirra nemenda í 8.-
10. bekk sem hætta að stunda íþróttir með íþróttafélagi
segja ástæðuna þá að þeir hafi misst áhugann.
Aðrar helstu ástæður eru tímaleysi, meiðsl,
óánægja með þjálfarann og vegna vina. 14% nefna
kostnað sem ástæðu brottfalls, en fæstir nefna að æfing-
ar hafi verið of erfiðar eða samkeppni of mikil. Á næstu
vikum fá 15 stærstu íþróttafélög Reykjavíkur kynningu
á niðurstöðum meðal sinna iðkenda. Markmiðið er að
hvert félag fyrir sig geti í framhaldinu unnið í þeim þátt-
um sem niðurstöðurnar sýni að þörf sé að bæta.
Forvarnargildi íþrótta-
starfs unglinga staðfest
Unglingar eru almennt ánægðir með íþróttastarfið
Neyta síður vímuefna en þeir sem ekki stunda íþróttir
Morgunblaðið/hag
Fimleikar 83% þeirra sem stunda íþróttir finnst gaman á æfingum. Ánægðastir eru þeir sem æfa af mestu kappi.
Íþróttaiðkun og vímuefni
Nemendur í 8.-10. bekk á öllu landinu
Iðka einstaklings-
íþróttir
Iðka hóp-
íþróttir
Iðka ekki íþróttir
með íþróttafélagi
Daglegar
reykingar
4%
1%
8%
Drukkin/n einu sinni
eða oftar sl. 30 daga
4%
5%
12%
Munntóbak einu sinni
eða oftar sl. 30 daga
7%
6%
8%
ÚR BÆJARLÍFINU
Skapti Hallgrímsson
Akureyri
Sigrún Björk Jakobsdóttir, fyrr-
verandi bæjarstjóri, hefur verið ráðin
verkefnastjóri hjá Markaðsskrifstofu
Norðurlands, tímabundið, vegna
kynningar og markaðssetningar á
beinu millilandaflugi til Norðurlands.
Svavar Alfreð Jónsson er vinsæll
prestur en líka lunkinn mynda-
smiður. Hann ferðaðist um Eyjafjörð
í sumar, ljósmyndaði fossa og býður
fólki að sjá afraksturinn á sýningu í
Safnaðarheimili Akureyrarkirkju.
Hún hefst kl. 13 á laugardag og er op-
in til kl. 17 báða dagana og næstu vik-
ur á meðan heimilið er opið.
Ástæða er til að hvetja alla sem
vettlingi geta valdið að mæta á tón-
leik í Hofi nk. þriðjudagskvöld. Þeir
eru til styrktar Sævari Darra Sveins-
syni, átta ára dreng á Akureyri, sem
greindist nýverið með hvítblæði.
Sævar Darri fór undireins til
Reykjavíkur í stranga lyfjameðferð
og verður þar næstu mánuði ásamt
foreldrum sínum, Ýri Helgadóttur og
Sveini Sævari Frímannssyni. Þegar
fréttin spurðist tóku sig til nokkrir
góðhjartaðir vinir þeirra og fengu
marga snjalla listamenn til að spila án
endurgjalds, starfsfólk gefur einnig
vinnu sína þannig að hver einasta
króna sem kemur í kassann rennur til
fjölskyldunnar.
Meðal þeirra sem fram koma í
Hofi eru Retro Stefson, FM Belfast,
Rúnar Eff, Erna Hrönn, Matti Matt
úr Pöpum, Magni Ásgeirsson,
Hvanndalsbræður og Lára Sóley.
Miðasala hefst í Hofi í dag og er miða-
verð 2.000 kr.
Bandarísku hljómsveitunum
Pearl Jam og Creedence Clearwater
Revival verður gert hátt undir höfði á
Græna hattinum um helgina. Annað
kvöld leikur sveitin Elsu sulta með
Magna Ásgeirsson í fararbroddi lög
Perla Jam. Magni verður aftur á
staðnum á laugardagskvöld; gesta-
söngvari austfirsku sveitarinnar
Creedence Travellin’Band.
Sævar Pétursson hefur verið ráð-
inn verkefnisstjóri atvinnumála hjá
Akureyrarbæ. Alls sóttu 48 um starf-
ið. Sævar, sem er viðskiptafræðingur
að mennt (og bróðir Lindu P!) hefur
frá ársbyrjun 2009 gegnt starfi
íþróttafulltrúa Skagafjarðar.
Tónleikar
til styrkt-
ar Sævari
Jónas Margeir Ingólfsson
jonasmargeir@mbl.is
Icelandic Group hefur sótt um vott-
un samkvæmt Marine Stewardship
Council-staðli fyrir þorsk- og ýsu-
veiðar á íslenskum miðum.
MSC vottar að fiskur komi frá
stofnum sem nýttir eru á sjálfbæran
og ábyrgan hátt en fjölmargir kaup-
endur gera kröfu um slíka vottun.
Ingvar Eyfjörð, aðstoðarforstjóri
Icelandic Group,
segir fiskkaup-
endur vilja
merkja umbúðir
með slíkri vottun.
„MSC hefur farið
hraðast yfir og
það er ákveðinn
þrýstingur frá
okkar kúnnum í
okkar viðskipta-
mannahópi að við
förum MSC-leiðina. Að einhverju
leyti tengist það því að þeir vilja
merkja pakkningarnar sínar með
einhverju sem neytandinn mun
þekkja.“
Ingvar segir Icelandic Group hafa
mikla trú á íslenska merkinu en Ís-
landsstofa vinnur nú að því að búa til
sambærilega vottun.
„Við höfum mikla trú á íslenska
merkinu og teljum að það verði mjög
mikilvægt fyrir íslenskan sjávar-
útveg í framtíðinni. Í þessum að-
stæðum sem nú eru uppi þá teljum
við að það þjóni viðskiptunum best
að bjóða upp á þennan valkost. Við
þurfum tæki og tól til að sanna sjálf-
bærni og ábyrga fiskveiði á Íslandi,“
segir Ingvar.
Guðný Káradóttir, forstöðumaður
hjá Íslandsstofu, segir fagvottaðan
aðila á Írlandi nú vinna að vottun ís-
lenska þorskstofnsins en búast má
við vottuninni í lok nóvember.
Icelandic vill vottun um sjálfbærni
Þrýstingur frá fiskkaupendum sem vilja merkja pakkningar Íslensk vottun
um ábyrga veiði og sjálfbærni íslenska þorskstofnsins væntanleg í lok nóvember
Ingvar
Eyfjörð
Séra Svavar
Alfreð Jónsson
Sigrún Björk
Jakobsdóttir