Morgunblaðið - 28.10.2010, Síða 34
34 MENNING
MORGUNBLAÐIÐ FIMMTUDAGUR 28. OKTÓBER 2010
Liðsmenn síðrokkssveitarinnar
Náttfara hafa nú komið saman á ný
og ætla þeir að halda tónleika með
vinum sínum í Sódómu Reykjavík í
kvöld kl. 21 en húsið verður opnað
þá. Hinar hljómsveitirnar sem leika
fyrir gesti eru Markús and The Di-
version Sessions, Stafrænn Hákon
og Sudden Weather Change en
Náttfari er næstsíðastur á svið.
Miðaverði er stillt í hóf, 500 króna
aðgangseyrir.
Síðrokkssveitin Nátt-
fari og vinir á Sódómu Hljómsveitin Noise heldur annað
kvöld útgáfutónleika vegna þriðju
breiðskífu sinnar, DIVIDED, en
hún kom út 13. september sl. Tón-
leikarnir verða haldnir á Sódómu
Reykjavík í samstarfi við útvarps-
stöðina X-ið 977. Þess má geta að
bandaríski upptökustjórinn Beau
Hill lagði lokahönd á plötuna en
hann hefur m.a. tekið upp plötur
með Alice Cooper, Warrant og Eu-
rope. Sódóma verður opnuð kl. 22
og er aðgangseyrir 1.000 kr. Ten
Steps Away og Coral hita upp.
Noise fagnar útgáfu
plötunnar DIVIDED
Í frétt um Óð til friðar – dagskrá til
heiðurs John Lennon í Viðey sem
birtist í gær var rangt farið með
dagsetningar. Upprunaleg frétta-
tilkynning birtist því hér með:
„Til heiðurs John Lennon verður
sérstök kvölddagskrá í Viðey sem
samanstendur af heimsklassa-
kvöldverði í Viðeyjarstofu, lifandi
tónlist, leiklist og frásögnum tileink-
uðum lífi Johns Lennons, Yoko Ono
og lífsýn þeirra.
Hinn margverðlaunaði mat-
reiðslumeistari Friðgeir Ingi Eiríks-
son á Gallerí Restaurant Hótel Holti
hefur sett saman þriggja rétta mál-
tíð með skírskotun í lagatexta og líf
Lennons. Leikarar stíga á svið og
fara yfir sögu Johns Lennons og
baráttu hans og Yoko Ono fyrir
heimsfriði og ást og friður í anda
þeirra verður aðalviðfangsefni Jóns
Ólafssonar og hljómsveitar.
Eftir sýninguna verður leiðsögn að
Friðarsúlunni, einu merkasta lista-
verki Yoko Ono. Súlan lýsir upp
himininn og er tákn um eina helstu
ósk þeirra hjóna, heimsfrið.“
Dagskráin í Viðey verður í boði eft-
irfarandi kvöld: 9. október, 14. októ-
ber, 28. október, 11. nóvember, 25.
nóvember og 8. desember. Einnig er
hægt að bóka fyrir hópa á öðrum
dagsetningum. Bókanir í síma 533-
5055 eða á videyjarstofa@holt.is.
Lennon í Viðey
LEIÐRÉTT
Helgi Snær Sigurðsson
helgisnaer@mbl.is
Ragnar Bjarnason, Raggi Bjarna, er
án efa einn ástsælasti söngvari þjóð-
arinnar og þjóðþekkt er hans hang-
andi hönd. Í dag verður frumsýnd í
Bíó Paradís heimildarmynd um
Ragga og ber hún hinn viðeigandi tit-
il Með hangandi hendi. Það verður þó
seint sagt um Ragga að hann geri
hlutina með hangandi hendi, hann er
fagmaður fram í fingurgóma og það á
báðum höndum. Höfundur mynd-
arinnar er Árni Sveinsson og fylgdist
hann með Ragga í um tvö ár. Í mynd-
inni er ferill Ragga rakinn og m.a.
fylgst með undirbúningi fyrir stór-
tónleika í Laugardalshöll í fyrra sem
haldnir voru í tilefni af 75 ára afmæli
hans. Og það er víða komið við, eins
og kom í ljós þegar blaðamaður
ræddi við Ragga í gær. Reyndar
vakti blaðamaður söngvarann í gær-
morgun en hann tók því af stóískri ró,
enda þekktur fyrir ljúfa lund.
Blaðamaður spurði Ragga fyrst
hvernig honum litist á myndina.
„Mér líst bara mjög vel á hana. Hún
fékk fimm stjörnur í krítík og það var
náttúrlega indælt. Hún er bara mjög
góð, eða mér finnst það alla vega,“
svaraði Raggi.
Ekki bara músík
– Hvernig er að sjá sjálfan sig tek-
inn fyrir í heimildarmynd í fullri
lengd. Er það ekki einkennileg til-
finning?
„Jú, það er það. Þetta er ekki bara
músíkmynd. Við förum til baka og
tölum um þetta líf svolítið, hvernig
þetta var. Við förum á gamlar slóðir,
þar sem ég var að alast upp og þessa
staði sem ég hef spilað á og það koma
margir fram og tala í myndinni, Páll
Óskar, Jónatan Garðarsson, Ómar
Ragnarsson og hinir og þessir.“
– Og mæra þig væntanlega?
„Já, já, að einhverju leyti,“ segir
Raggi. Myndin sé raunveruleg og
endapunkturinn á henni afmælistón-
leikarnir í Laugardagshöllinni. Árni
líti til baka, fari yfir feril hans og rifji
upp tímann sem Raggi söng með
K.K. sextettnum o.fl. „Hún er quick,
rennur fljótlega yfir eða manni finnst
það, þótt hún sé einn og hálfur tími er
hún ekki langdregin,“ segir Raggi.
Hann hafi haft áhyggjur af því að
myndin yrði langdregin og því orðið
feginn þegar hann sá að hún var það
ekki heldur vel klippt og hraði frá-
sagnarinnar góður.
„Af hverju kemur þú ekki bara á
myndina, drengur?“
– Kemur ný hlið á þér fram í mynd-
inni, áður óþekkt hlið á Ragga
Bjarna?
„Ja, ég veit það nú ekki. Ekki
nema það að ég tala um sjálfan
mig og vandræði sem ég hef
lent í sem hefur kannski ekki
verið uppi á yfirborðinu,“
svarar Raggi og nefnir
skilnað sem hann hafi staðið
í á sínum tíma. „Af hverju
kemur þú ekki bara á
myndina, drengur?“
bætir Raggi við að lok-
inni þessari upprifjun
og blaðamaður svarar skömmustu-
legur að hann ætli vissulega að sjá
myndina. „Þú hefur ábyggilega gam-
an af þessari mynd,“ segir Raggi og
bendir svo á að myndin sé alls engin
sorgarsaga, þrátt fyrir að einhverjir
erfiðleikar í lífi hans komi við sögu.
– Hvernig er að hafa kvikmynda-
gerðarmann andandi ofan í hálsmálið
á sér í svona langan tíma?
„Hann Árna? Það var mjög gott,
það var fínt,“ segir Raggi og hlær
smitandi, góðkunnum hlátri.
Ljósmynd/Árni Sveinsson
Kynslóðir Raggi Bjarna á tónleikum með ungsveitinni Retro Stefson, að vísu ekki með hangandi hendi.
Maðurinn með höndina
Kafað í feril og rætur Ragga Bjarna
í nýrri heimildarmynd um söngvarann
Árni Sveinsson, höfundur myndarinnar, sagði í samtali við Morgun-
blaðið í september sl. að Þorgeir Ástvaldsson hefði átt hugmyndina
að því að gera heimildarmyndina um Ragga en Þorgeir hefur leikið
undir á skemmtunum með Ragga um árabil. Dóttir Þorgeirs, Eva,
leitaði til Árna og í kjölfarið fór Árni með köppunum í tvær tón-
leikaferðir. Í kjölfarið skrifaði hann handritið að myndinni. Með
hangandi hendi var sýnd á Alþjóðlegri kvikmyndahátíð í
Reykjavík 2010.
Þorgeir átti hugmyndina
TILURÐ HEIMILDARMYNDARINNAR
Árni Sveinsson
www.bioparadis.is
Fáðu þér áskrift á
mbl.is/askrift
Í jólablaðinu í ár komum við
víða við, heimsækjum fjölda
fólks og verðum með fullt
af spennandi efni fyrir alla
aldurshópa.
JÓLABLAÐIÐ
sérblað
Morgunblaðið gefur út
stórglæsilegt jólablað,
laugardaginn 27. nóvember 2010
PÖNTUNARTÍMI AUGLÝSINGA:
Fyrir kl. 16, mánudaginn 22. nóvember
NÁNARI UPPLÝSINGAR:
Katrín Theódórsdóttir
kata@mbl.is
Sími: 569-1105
–– Meira fyrir lesendur