Morgunblaðið - 24.05.2014, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 24. MAÍ 2014
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.
Gosminjasafnið Eldheimar var opnað í Vestmanna-
eyjum í gær. Á meðal gesta voru Ólafur Ragnar Gríms-
son, forseti Íslands, og Illugi Gunnarsson menntamála-
ráðherra. Safnhúsið er byggt yfir húsið Gerðisbraut 10,
sem grófst í vikri í Heimaeyjargosinu 1973 og var grafið
upp. Einnig er þar sýning um Surtseyjargosið 1963 og
jarðsögu Vestmannaeyja.
„Það kom fjöldi fólks og opnunin lukkaðist ákaflega
vel,“ sagði Kristín Jóhannsdóttir, forstöðumaður Eld-
heima. Öllum íbúum Vestmannaeyja var sent boðskort
og fá þeir að skoða safnið ókeypis fyrstu fimm dagana.
Safnið verður opnað almenningi klukkan 11.00 í dag.
Gerður Sigurðardóttir, sem bjó að Gerðisbraut 10
ásamt Guðna heitnum Ólafssyni manni sínum og börn-
um, flutti ávarp við opnunina í gær. Lag þeirra Oddgeirs
Kristjánssonar og Ása í Bæ, „Ó, gamla gatan mín“ var
leikið þegar Gerður gekk inn í gömlu götuna sína.
Kristín sagði safnið hafa mælst vel fyrir. Hún kvaðst
stefna að því að 15.000 gestir skoði safnið á þessu ári, en
vona að þeir verði miklu fleiri. gudni@mbl.is
„Gamla gatan mín“ í Eldheimum
Morgunblaðið/Ómar Garðarsson
Gerðisbraut 10 Safnhúsið sem hýsir Eldheima var byggt utan um íbúðarhús sem var grafið upp í hlíðum Eldfells.
Húsfreyjan Gerður Sigurðardóttir bjó í húsinu sem var grafið upp. Hún
sagði Ólafi Ragnari Grímssyni, forseta Íslands, og öðrum frá reynslu sinni.
Gestir Margir voru viðstaddir opnun Eldheima í gær og var glatt á hjalla.
Safnið verður opnað almenningi klukkan 11.00 í dag.
BÆJARLÍFIÐ
Sigmundur Sigurgeirsson
Selfossi
Flugklúbbur Selfoss fagnaði ný-
verið 40 ára afmæli sínu og hélt upp
á það með skemmtilegum hætti á
flugvellinum ásamt fjölda gesta. Þar
var jafnframt skrifað undir vilja-
yfirlýsingu um að færa safn Flug-
sögufélagsins og koma því upp á
Selfossi, en að yfirlýsingunni koma
fulltrúar Íslenska flugsögufélagsins,
sveitarfélagsins Árborgar og Flug-
klúbbs Selfoss. Í henni felst að
Flugsafnið fái lóð við flugvöllinn þar
sem hægt verður að reisa allt að
þrjú þúsund fermetra safnahús auk
ýmissa ívilnana af hálfu sveitarfé-
lagsins. Flugsögufélagið hefur að-
stöðu í flugskýli við Reykjavík-
urflugvöll en samkvæmt áætlunum
um breytingar þar verður skýlið rif-
ið á næsta ári.
  
Góð þátttaka er ávallt í árlegu
Grýlupottahlaupi á Selfossi, sem
fram fer fyrstu sex laugardaga í
sumri. Í dag er fimmta hlaup sum-
arsins, en þetta er 45. árið sem
hlaupið er Grýlupottahlaup, um 850
metra leið þar sem sex hlaupa sam-
an og ræst er með 30 sekúndna
millibili. Þátttakendur eru á öllum
aldri enda aðalatriðið að taka þátt
og hreyfa sig. Næsta laugardag er
síðasti keppnisdagurinn en að því
loknu verður tekinn saman besti ár-
angur samanlagt úr fjórum hlaup-
um. Hlaup þetta dregur nafn sitt af
hraunbollum sem friðlýstir eru og
er að finna á útivistarsvæði Selfyss-
inga nálægt miðbænum.
  
Upplýsingamiðstöð fyrir
ferðamenn í Árborg verður opnuð á
nýjum stað á mánudag. Verður hún
flutt í Hótel Selfoss og fær þar
meira rými en verið hefur. Í nokkur
ár hefur starfsemin farið fram í hús-
næði bókasafnsins, við nokkuð
þröngan kost. Ferðamönnum sem
gista og fara um sveitarfélagið fjölg-
ar jafnt og þétt og með stækkun og
færslu upplýsingamiðstöðvarinnar
er m.a. verið að bregðast við þeirri
þróun. Sveitarfélagið hefur gert
samning við Heiðar Guðnason og
Helgu Gísladóttur um að starfrækja
upplýsingamiðstöðina en þau hyggj-
ast jafnframt bjóða þar upp á bók-
unarþjónustu fyrir ferðamenn.
  
Lögreglan á Selfossi hefur til
rannsóknar þrettán innbrot í Árnes-
sýslu sem framin hafa verið í þess-
um mánuði, þar af þrjú á Selfossi.
Að sögn fulltrúa lögreglunnar er
þetta nokkru meira en verið hefur,
en erfitt er að skýra ástæður þessa.
Það sé einkennandi fyrir innbrotin í
húsin að rótað sé í skápum og skúff-
um. Í stað raftækja hafi þjófarnir
leitað að minni hlutum, svo sem
spjaldtölvum og skartgripum. Lög-
reglan segir rannsókn slíkra mála
geta verið erfiða, og stóla verði á
íbúa í grennd, um að greina frá
óvenjulegum mannaferðum. Stutt
er síðan ákveðið var að kaupa
myndavélar til að setja upp á vegum
sveitarfélagsins Árborgar á nokkr-
um stöðum, sem lögreglan telur
munu koma að gagni, bæði við að
upplýsa mál en einnig geti slíkar
vélar haft fælingarmátt. Búið er að
setja upp tengibúnað fyrir vélarnar
en þær sjálfar hafa ekki enn verið
fluttar til landsins.
Flugsafn flutt á Selfoss
Hlaupagarpar Þátttakendur í fyrsta Grýlupottahlaupi ársins. Hlaupið er kennt er við hraunpotta við íþróttavöllinn.