Morgunblaðið - 24.05.2014, Blaðsíða 31
UMRÆÐAN 31
MORGUNBLAÐIÐ LAUGARDAGUR 24. MAÍ 2014
Spámenn góðir hafa getið sértil um að nafn sigurveg-arans í landsliðsflokki áSkákþingi Íslands sem
hófst í gær byrji á bókstafnum H.
Dregið var um töfluröð í vikunni og
lítur taflan þannig út: 1. Henrik
Danielsen 2. Björn Þorfinnsson 3.
Helgi Áss Grétarsson 4. Bragi Þor-
finnsson 5. Hjörvar Steinn Grétars-
son 6. Héðinn Steingrímsson 7.
Þröstur Þórhallsson 8. Stefán Krist-
jánsson 9. Hannes Hlífar Stefánsson
10. Guðmundur Kjartansson.
Það kemur á daginn þegar taflan
er skoðuð að stigahæstir eru Hann-
es, Héðinn, Hjörvar og Henrik og
svo má bæta við fimmta h-inu; Helgi
Áss Grétarssyni hefur ekki tekið þátt
í Íslandsmóti í tíu ár en er til alls vís
og það á líka við um Guðmund Kjart-
ansson – nái hann samkomulagi við
klukkuna og læri þá lexíu að betri sé
einn fugl í hendi en tveir í skógi.
Í aðdraganda þessa móts hafa
keppendur verið að hita upp. Hann-
es, Þröstur og Bragi tóku þátt í
Copenhagen Chess Challenge á dög-
unum án þess að bæta miklu við
orðstír sinn og töpuðu í kringum tíu
elo-stigum hver. Henrik stóð sig bet-
ur, varð í 2.-5. sæti af 68 keppendum.
Wow-air mótinu lauk svo sl. mánu-
dagskvöld þegar skákvinurinn Skúli
Mogensen forstjóri afhenti verðlaun.
Þar vann Hjörvar Steinn Grétarsson
glæsilegan sigur, hlaut 6 ½ v. af 7
mögulegum. Hannes Hlífar kom
næstur með 5 v. og í 3.- 4. sæti urðu
Guðmundur Kjartansson og Þröstur
Þórhallsson með 4 ½ v. Úrslitin í B-
flokki vöktu athygli vegna góðrar
frammistöðu tveggja ungra manna.
Þar vann Bolvíkingurinn Magnús
Pálmi Örnólfsson sigur með 5 ½ v. af
7 en í 2.-5. sæti urðu Kjartan Maack,
Hrafn Loftsson, Vignir Vatnar Stef-
ánsson og Gauti Páll Jónsson með
4½ v. Gauti Páll Jonsson sem er 15
ára hefur tekið stórstígum fram-
förum undanfarið. Hugmyndaríkur
stíll hans blómstraði í eftirfarandi
skák:
Gauti Páll Jónsson – Sverrir Örn
Björnsson
Sikileyjarvörn
1. e4 c5 2. Rf3 d6 3. d4 cxd4 4.
Rxd4 Rf6 5. Rc3 Rc6 6. Be2 e6 7.
O-O Be7 8. Be3 O-O 9. Kh1 Dc7 10.
g4
Í takti við Keres-afbrigðið. Svart-
ur gerir sennilega best í því að leika
nú 10. … d5.
10. … a6 11. a4 b6 12. g5 Rd7 13.
f4 Rxd4 14. Bxd4 Bb7 15. De1 e5 16.
Be3 exf4 17. Bxf4 Rc5
Það er oft gallinn við peðasókn
hvíts að svartur nær að reka fleyg í
peðin og hefur færi eftir e-línunni.
18. Bf3 Hfe8 19. Dh4 Bf8?
Of mikil „rútína“. Betra var 19 …
Re6 og hótar í sumum tilvikum 20. …
h6.
20. Rd5 Bxd5 21. exd5 Rd7 22.
Bg4 Re5 23. Bxe5?!
Þessi uppskipti náðu að rugla
Sverri í ríminu 23. Bf5 var „betra“ en
að baki lá skemmtileg hugmynd.
23. …Hxe5 24. Ha3!
Þessum hrók er ætlað stórt hlut-
verk.
24. … Be7?!
Betra var 24. … Dxc2.
– sjá stöðumynd –
25. Hxf7! Kxf7
Það er ekki nokkur leið að finna
vörn eftir hróksfórnina. Einhver
stakk uppá 25. … Dc4 en þá kemur
26. Hf8+!! Kxf8 (annars fellur
drottningin eftir 27. Be6+) 27. Hf3+
Bf6 28. gxf6 með sterkri sókn og 25.
… Dxc2 er svarað með 26. Be6! Kh8
27. Haf3 með vinningsstöðu.
26. Dxh7 Hxg5
Eða 26. …. Bf8 27. Bh5+ Ke7 28.
Hf3! og vinnur.
27. Be6+ Kf6 28. Hf3+ Ke5 29.
Dd3 Dc5 30. De2+
– og svartur gafst upp. Hann er
mát í næsta leik.
Í áskorendaflokki er m.a. keppt
um Íslandsmeistaratitil kvenna. Þar
eru rösklega 40 keppendur skráðir
til leiks. Stigahæstur er Einar Hjalti
Jensson.
Spennandi barátta um
Íslandsmeistaratitilinn framundan
Skák
Helgi Ólafsson
helol@simnet.is
Til sölu snyrtileg 3ja herb. 101,5 fm
endaíbúð á 4. hæð við Kleppsveg í
Reykjavík. Mikið og glæsilegt útsýni
úr stofu, yfirbyggðar suðursvalir.
Þvottahús innan íbúðar. Íbúðin skiptist í anddyri, 2 svefnherbergi,
þvottahús, baðherbergi, opið eldhús inní stofu og séreignargeymsla.
Góð sameign.
Reynir Erlingsson
lögg. fasteigna-
fyrirtækja- og
skipasali
GSM 820 2145
Kleppsvegur 62 - Rvk - íb. 406
Glæsilegt útsýni - Yfirbyggðar svalir
Opið hús á morgun, sunnudag, kl. 13:30-14:30
Op
ið
hú
s
Hlíðasmári 8 • 201 Kópavogur • Sími 414 6600 • nyttheimili@nyttheimili.is
Öryggisíbúðir til leigu í Fróðengi 1—11, Grafarvogi
Nokkrar nýjar vandaðar þriggja
herbergja öryggisíbúðir 95 m2 til
leigu í Fróðengi 1 – 11, Grafarvogi.
Fallegir garðar og góð bílastæði.
Verslunar- og þjónustukjarninn við
Spöngina í göngufæri. Golfvöllur
Korpu, Egilshöllin, góðar göngu- og
reiðhjólaleiðir í næsta nágrenni.
Innangegnt í Borgir menningar– og
þjónustumiðstöð Reykjavíkurborgar,
Nánari upplýsingar í síma 522 5700
virka daga milli kl. 8 og 16 eða senda
fyrirspurnir á netfangið: eir@eir.is
Eir, hjúkrunarheimili og öryggisíbúðir, Hlíðarhúsum 7, 112 Reykjavík. 522 5700, eir@eir.is
Það hefur færst í
vöxt að stjórn-
málamenn gerist óræð-
ir í tali og segi að
stjórnmál snúist um
það eitt að tala saman.
Þar með vilja þeir firra
sig því að setja fram
eigin áherslur og
ákveðin stefnumál.
Hins vegar þurfi „að
taka á húsnæðis-
málum“, ræða „vanda barnafólks“,
hyggja „að málefnum innflytjenda“,
lýðræðið er sagt mikilvægt, sömu-
leiðis gagnsæi stjórnsýslunnar og að
sjálfsögðu þurfi flugvallarmálið að
koma til athugunar!
Öll segjumst við vilja innleiða
sanngirni í stjórnmálin. En stjórn-
mál snúast um hvað okkur þykir
vera sanngjarnt og hvernig ná-
kvæmlega við viljum leysa húsnæð-
isvandann; hvort við viljum virða
vilja Reykvíkinga um að flugvöll-
urinn verði áfram í Vatnsmýrinni,
hvað við viljum gera til að bæta
stöðu efnalítils fólks, hvernig við vilj-
um haga gjaldskrármálum á leik-
skólum, hvað við viljum að gert verði
varðandi íbúalýðræði og þannig
mætti áfram telja.
Allt þetta höfum við rætt ítarlega
á stefnumótunarfundum Dögunar.
Við höfum hins vegar átt í erf-
iðleikum með að koma hugmyndum
okkar á framfæri þannig að eftir
verði tekið. Við erum nefnilega kom-
in inn í þann vítahring að mælast
enn lágt í skoðanakönnunum og fyr-
ir vikið vill það verða að framboðið
sé afskrifað af fjölmiðlum þannig að
við erum ekki spurð
álits til jafns við önnur
framboð þótt vitað sé
að álit okkar er ekki
síður vel ígrundað og
hvergi farið undan í
flæmingi, eins og að
framan er rakið, og er
að verða einkenni á
stjórnmálum samtím-
ans.
Í örstuttu máli þá
viljum við virða lýð-
ræðislegan vilja borg-
arbúa varðandi flug-
völlinn. Við teljum að
húsnæðisvandann eigi að leysa með
markvissri uppbyggingu á vegum
Félagsíbúða og höfum sett fram til-
lögur um hvernig eigi að leysa
bráðavandann með smíði ódýrra ein-
ingahúsa sem síðan víki fyrir var-
anlegri valkostum. Við viljum tekju-
tengja gjaldskrár vegna leikskóla,
frístundaheimila og skólamáltíða þar
til þessi grunnþjónusta verður alveg
gjaldfrjáls og við viljum að borgin
brúi bilið frá því að fæðingarorlofi
lýkur og inn í leikskólann. Við leggj-
um áherslu á aðgengismál, húsnæð-
ismál og þjónustu fyrir öryrkja og
aldraða, við höfum tillögur um sam-
ráðsbrýr við innflytjendur, útfærðar
hugmyndir um hverfalýðræði þar
sem raunverulega er tekið tillit til
óska íbúa, opna stjórnsýslu og sam-
ræmi í þróun hverfa borgarinnar
austan Elliðaár, ekki bara vestan, og
að hætt verði að einblína á miðborg-
ina sem hina einu þungamiðju
Ég er sannfærður um að áhrif
Dögunar í málefnum Reykvíkinga á
komandi kjörtímabili yrðu góð ef við
hlytum brautargengi í komandi
kosningum. En til þess þurfum við
stuðning kjósenda. Þar veltur á að
koma sjónarmiðum okkar á fram-
færi og gera áherslur okkar kunnar.
Stefnu Dögunar í Reykjavík má
nálgast á vefslóðinni dogunreykja-
vik.is og stjórnmála-appi Dögunar.
Dögun á erindi í Reykjavík
Eftir Þorleif
Gunnlaugsson » Öll segjumst við vilja
innleiða sanngirni í
stjórnmálin. En stjórn-
mál snúast um hvað
okkur þykir vera sann-
gjarnt, og hvernig við
viljum leysa vandann.
Þorleifur Gunnlaugsson
Höfundur er oddviti Dögunar í
Reykjavík.
Móttaka
aðsendra
greina
Morgunblaðið er vettvangur lifandi
umræðu í landinu og birtir aðsend-
ar greinar alla útgáfudaga.
Þeir sem vilja senda Morg-
unblaðinu greinar eru vinsamlega
beðnir að nota innsendikerfi blaðs-
ins. Kerfið er auðvelt í notkun og
tryggir öryggi í samskiptum milli
starfsfólks Morgunblaðsins og höf-
unda. Morgunblaðið birtir ekki
greinar sem einnig eru sendar á
aðra miðla.
Kerfið er aðgengilegt undir
Morgunblaðslógóinu efst í hægra
horni forsíðu mbl.is. Þegar smellt
er á lógóið birtist felligluggi þar
sem liðurinn „Senda inn grein“ er
valinn.