Morgunblaðið - 24.05.2014, Blaðsíða 27
FRÉTTIR 27Erlent
MORGUNBLAÐIÐ LAUGARDAGUR 24. MAÍ 2014
Taílenski herinn herti enn tökin á landinu í gær og tók
meðal annars Yingluck Shinawatra, fyrrverandi for-
sætisráðherra, ýmsa meðlimi fjölskyldu hennar og aðra
stjórnmálamenn höndum. Á annað hundrað stjórn-
málamönnum hefur verið bannað að yfirgefa landið.
Shinawatra og fjölda annarra stjórnmálamanna hafði
áður verið skipað að gefa sig fram við herinn. Hún gaf
sig fram en eftir að henni hafði verið haldið í nokkrar
klukkustundir var ekið með hana í burt. Ekki er vitað
hvar henni er haldið.
Talsmaður hersins segir að stjórnmálamönnunum
verði ekki haldið lengur en í viku. Þeir tengist allir átök-
unum sem hafa geisað á milli fylkinga. Tilgangurinn sé
að halda þeim fjarri „spennunni“.
Sex af hæst settu yfirmönnum hersins hafa nú tekið að
sér að stýra landinu en yfirmenn heraflans á hverju
svæði hafa tekið yfir sveitarstjórnir. Yfirmaður hersins,
Prayuth Chan-ocha, segir að engar kosningar verði
haldnar fyrr en ákveðnum umbótum hafi verið hrint í
framkvæmd.
AFP
Andóf Minniháttar mótmæli hafa átt sér stað í Bangkok gegn valdaráni hersins á fimmtudag og einhverjir mótmæl-
endur hafa verið handteknir. Ekkert meiriháttar andóf hefur þó átt sér stað gegn hernum, að sögn fréttaritara BBC.
Stjórnmálamenn teknir höndum
Spár um að Frelsisflokkur Geerts
Wilders í Hollandi myndi vinna á í
Evrópuþingskosningunum sem fóru
fram á fimmtudag virðast ekki hafa
gengið eftir. Útgönguspár benda til
þess að flokkurinn hafi fengið 12,2%
atkvæða og þrjú Evrópuþingsæti.
Flokkurinn var með fimm sæti og
hafði verið spáð allt að sex sætum í
kosningunum nú með 15-18% kjör-
fylgi.
Stjórnmálaskýrendur í Hollandi
rekja ástæðu ósigurs Wilders til
þess að honum hafi ekki tekist að fá
stuðningsmenn sína til að mæta á
kjörstað til að greiða sér atkvæði.
Þetta segja þeir vera þverstæðu-
kennda áskorun flokka sem efast um
Evrópusamstarfið, að fá kjósendur
til að kjósa til þings sem þeir hafa
enga trú á.
„Þegar þú segir stuðningsmönn-
um þínum í sífellu að Evrópusam-
bandið sé gagnslaust þá ætti það
ekki að koma þér á óvart að þeir
kjósi ekki,“ segir Bert van den Bra-
ak, stjórnmálafræðingur við Leiden-
háskóla.
Með um 17% atkvæða
Allt bendir hins vegar til þess að
spár um gott gengi breska sjálfstæð-
isflokksins UKIP hafi gengið eftir.
Kosið var til Evrópuþingsins í Bret-
landi á fimmtudag en samhliða fóru
fram sveitarstjórnarkosningar í
hluta landsins.
Ekki er leyfilegt að segja frá úr-
slitum Evrópuþingskosninganna
fyrr en á sunnudag þegar kjósendur
í öllum aðildarríkjunum hafa greitt
atkvæði en niðurstaða sveitarstjórn-
arkosninganna rennir stoðum undir
sigur UKIP.
Jafnvel þó að flokkurinn hafi ekki
náð meirihluta í neinum af þeim 172
sveitarstjórnum á Englandi og
Norður-Írlandi þar sem atkvæði
voru greidd kom hann víða mönnum
að. Spár gerðu ráð fyrir því í gær að
UKIP hefði fengið um 17% atkvæða.
Þó að gengi flokksins hafi komið
verst niður á Íhaldsflokknum, sem
tapaði sums staðar meirihluta sín-
um, þá er einnig talið að dregið hafi
úr fylgisaukningu Verkamanna-
flokksins vegna sigurs UKIP.
Sigur UKIP
að ganga eftir
Stuðningsmenn Wilders kusu ekki
Formaður Stuðningsmaður UKIP heilsar
Nigel Farange, leiðtoga flokksins.
Porsche á Íslandi • Bílabúð Benna
Vagnhöfða 23 • 110 Reykjavík Sími: 590 2000
porsche@porsche.is • www.benni.is
Macan
frumsýndur á
Akureyri í dag
- magnað meistaraverk frá Porsche
Sportið er í Porsche genunum, það vita allir sannir bílaáhugamenn
og um það vitna óviðjafnanlegustu sportbílar heimsins. Árið 2002
markaði Porsche sér afgerandi sérstöðu í flokki lúxusjeppa með
kynningu á Cayenne. Nú, tólf árum síðar, afhjúpar meistari sport-
bílanna nýjan, magnaðan bíl, sem sameinar bestu eiginleika
Porsche - þetta er sportjeppinn Macan.
Komdu og kynntu þér sportjeppann Macan.
Macan verður til sýnis í Bílaríki, Glerárgötu 36,
frá kl.11:00 til 16:00 í dag.
Porsche Macan S Diesel
258 hestöfl • 580Nm tog • CO2 159 g/km
Hröðun 6.3 sek. 0-100 km/klst.
Eyðsla 6.3 l/100 km í blönduðum akstri.
Verð: 11.950.000 kr.
Nýtt sport á Akureyri:
Porsche salurinn í Reykjavík er opinn virka daga frá kl 09:00 til 18:00
og laugardaginn 24. maí frá kl 12:00 til 16:00