Þjóðlíf - 01.11.1986, Blaðsíða 70
rúnu Guðmundsdóttur kemur bókin Föt
fyrir börn, en fyrri bók hennar, Föt fyrir
alla, er út kom fyrir tveimur árum, hlaut
geysigóðar viðtökur. Pá skrifar Jörgen
Pind Bókina um MS-DOS, bók um al-
gengasta stýrikerfið í einkatölvum og er
sú bók þegar komin á markað.
MÁL OG MENNING gefur út fjögur
þýdd skáldverk að þessu sinni og eru þau
hvert öðru bitastæðara. Guðbergur
Bergsson þýðir nýjustu bók Gabríel
García Marquez, Ástin á tímum kóler-
unnar, en hún kom út fyrir tæpu ári og
hefur hlotið mjög góðar viðtökur erlend-
is. Eins og nafnið bendir til fjallar sagan
um ástina, en þetta er stór og mikil skáld-
saga sem gerist í Kólumbíu undir lok síð-
ustu aldar og langt fram á þessa. Ingibjörg
Haraldsdóttir þýðir Fávita Fjodors
Dostójevskís og kemur fyrra bindið út nú.
Friðrik Rafnsson þýðir bók Milans
Kundera og er íslenskt heiti hennar
Óbærilegur létleiki tilverunnar. Þetta er
ný skáldsaga höfundar og hefur vakið
mikla athygli austan hafs og vestan.
Kundera er Tékki sem býr í útlegð í París
og er Friðrik Rafnsson nemandi hans. Þá
þýðir Björn Th. Björnsson Flarmaminn-
ingu Leónóru Kristínar í Bláturni. Þetta
er sjálfsævisaga danskrar kóngsdóttur á
17. öld, er sat í fangelsinu Blátumi í
konungshöllinni miðri í hartnær 40 ár.
Þýðandi ritar sögulegan inngang og skrif-
ar skýringar og bókin er prýdd fjölmörg-
um myndum.
Tvær íslenskar barnabækur koma út
hjá MÁL OG MENNINGU að þessu
sinni. Þorvaldur Þorsteinsson skrifar
Skilaboðaskjóðuna - spennandi ævintýri
með litmyndum eftir hann sjálfan, og
Hrafnhildur Valgarðsdóttir sendir frá sér
söguna Kóngar í ríki sínu með teikning-
um eftir Brian Pilkington. Sú bók er
reyndar þegar komin út. Þá sendir forlag-
ið frá sér bókin Ekki á morgun, ekki
hinn... eftir Ragnheiði Gestsdóttur, en
það er bók sem ætti að létta yngstu kyn-
slóðinni biðina eftir jólunum. Þetta eru
24 opnur í stóm broti, ein fyrir hvem dag
desembermánaðar. Þá kemur út söngbók
bamanna, Fljúga hvítu fiðrildin, Helga
Gunnarsdóttir, tónmenntakennari,
safnaði lögum og vísum, og Ragnheiður
Gestsdóttir teiknaði myndir. Loks má svo
nefna bókina íslensk úrvalsœvintýri sem
ætluð er bömum og unglingum. Hall-
freður Örn Eiríksson annaðist þá útgáfu.
Frá metsöluhöfundinum Andrési
Indriðasyni koma út tvær bækur hjá
MÁL OG MENNINGU. önnur þeirra
ber vinnutitilinn Meiri stœlar og er þar um
að ræða sjálfstætt framhald af bókinni
Bara stœlar. Hann skrifar einnig bókina
Með stjörnur íaugum - sögu um ungt fólk,
ástina og framtíðina.
ALMENNA
BÓKAFÉLAGIÐ
ALMENNA BÓKAFÉLAGIÐ gefur
út fjórar ljóðabækur, sem ljóðaunnendur
ættu að kætast yfir. Matthías Viðar
Sæmundsson sér um útgáfu á ljóðum
Kristjáns Jónssonar fallaskálds og hann
ritar einnig inngang um skáldið. Ljóð-
mœli heitir sú bók. Hin ljóðabók AB er
bók Jóhanns Hjálmarssonar, Áfanga-
staður myrkrið. Þessar bækur tvær vom
reyndar gefnar út nú í haust, en væntan-
legar eru frá útgáfunni tvær aðrar ljóða-
bækur fyrir jólin. Eru þær eftir Heimi
Steinsson, Haustregn, og Pjetur Hafstein
Lárusson, Daggardans og darraðar.
Af öðrum bókum AB má nefna við-
talsbók Jakobs Ásgeirssonar við Kristján
Albertsson. Sú ber heitið Á yngri árum og
ætti titill hennar að gefa innihaldið til
kynna. Þá sendir Matthías Johannessen
frá sér smásagnasafnið Konungur af
Aragon og aðrar sögur. Hjá forlaginu
kemur út nýjasta verk Einars Más
Sigurðssonar. Eftirmáli regndropanna
heitir sú. Önnur íslensk skáldsaga frá AB
er eftir Helga Jónsson og ber hún heitið /
kyrrþey.
Tvær barnabækur koma út hjá AB nú.
Iðunn Steinsdóttir sendir frá sér Jóla-
sveinabókina og Kristín Thorlacius þýðir
bókina Sigling Dagfara.
Bókaklúbbur AB sendir frá sér eina bók
í mánuði árið um kring. Nú í nóvember er
væntanleg athyglisverð bók, Rósa eftir
Knud Hamsun.
VAKA - HELGAFELL
VAKA-HELGAFELL gefur út tvær
bækur sem tengjast Nóbelskáldinu. í
annarri er að finna greinar eftir Halldór
sem birtust í íslenskum dagblöðum á
þriðja áratug aldarinnar. Hann er ærið oft
fjarri heimahögum er hann ritar þessar
greinar, dvelur m.a. á Sikiley, en fylgist
eigi að síður með og blandar sér í þjóð-
málaumræðuna. Bókin sú nefnist Af ís-
lensku menningarástandi. Hin Laxness-
bókin er eftir bókmenntafræðinginn
Árna Sigurjónsson og ber heitið Skáldið
og þjóðlífið. Hér er um doktorsritgerð
Árna að ræða er hann lagði fram við
Stokkhólmsháskóla. Árni hefur búið
þetta rit til útgáfu með örlitlum breyting-
um frá upprunalegu handriti.
Þrjú skáldverk eftir íslenska höfunda
koma út hjá VÖKU-HELGAFELL.
Fríða Á. Sigurðardóttir sendir frá sér
bókina Eins og hafið... Sögur Fríðu hafa
ávallt vakið athygli og væntanlega verða
lesendur hennar ekki fyrir vonbrigðum
nú frekar en endranær. Ólafur Jóhann
Ólafsson heitir nýtt íslenskt skáld sem
sendir frá sér bókina Níu lykar og er þar
um smásagnasafn að ræða. Þetta er frum-
raun höfundar sem annars starfar sem
framleiðslustjóri hjá stórfyrirtækinu Sony
vestur í Bandaríkjunum - og er sonur hins
góðkunna höfundar Ólafs Jóhanns
Sigurðssonar. Þá sendir Jón Steingríms-
son frá sér bókina Um höf til hafna og er
þar á ferð framhald bókar hans Kola-
kláfar og kafbátar er út kom í fyrra.
Tvær ljóðabækur koma út hjá VÖKU-
HELGAFELL nú fýrir jólin. Er önnur
þeirra eftir Jónas Svafár og hefur Jónas
myndskreytt hana sjálfur. Heitir hún
Sjöstjarnan í meyjarmerkinu og er þar að
finna bæði ný ljóð og úrval eldri ljóða.
Hin Ijóðabókin er frumraun Gunnars
Gunnlaugssonar, læknis, og ber heitið
Flýguryftr bjarg.
Af barna- og unglingabókum forlags-
ins má nefna Emil og skunda eftir
Guðmund Ólafsson, en hann hlaut ein-
mitt Barnabókaverðlaun 1986 fyrirþessa
sögu. Dómnefndin lauk miklu lofsorði á
sögu Guðmundar og gagnrýnendur hafa
tekið í sama streng. Þá kemur út fjórða
bókin í flokknum Ævintýraheimur Ár-
manns og nefnist hún Hvalveiðimenn í
bjarnarklóm og fjallar eins og fyrri bækur
í flokknum um þá félagana Óla og Magga
og ævintýri þau er þeir lenda í.
Af þýddum bókum forlagsins bere.t.v.
hæst þýðingu Fríðu Á. Sigurðardóttur á
bók Jean M. Auel, sem vakið hefur mikla
athygli erlendis á undanförnum árum og
fengið mjög góða dóma. íslenskt heiti
hennar er Ætt bjarnarins mikla og er
skáldsaga er gerist í árdaga mannkyns, -
reyndar áður en homo sapiens er kominn
fram á sjónarsviðið.
Tvær bækur koma út hjá forlaginu um
mat og drykk. Annar höfundanna er
Sigmar B. Hauksson og nefnir hann bók
sína A matarslóðum. Bók þessi er skrifuð
með það að leiðarljósi að vera ferða-
mönnum innanhandar við leiðsögn um
Evrópu - matleiðis að sjálfsögðu. Hin
bókin um þetta efni er Drykkir við allra
hæft. Þar er að finna uppskriftir að 260
drykkjum af ólíkustu gerð, bæði áfengum
og óáfengum.
Ekki má skilja svo við VÖKU-
HELGAFELL að ekki sé minnst á sjálft
flaggskip útgáfunnar. Þar er á ferðinni
geysilega vönduð bók og efnismikil eftir
Ara Trausta Guðmundsson og fleiri. ís-
landseldar heitir hún og fjallar um sögu
eldsumbrota á íslandi frá upphafi skv.
nýjustu rannsóknum. Bókin hefur verið í
vinnslu í fjögur ár og hafa margir okkar
fremstu vísindamanna komið þar við
sögu. Bókin er ríkulega skreytt lit-
myndum og teikningum.
Áskrifenda-
happdrætti Heimilis-
sýningarinnar
Dregið hefur verið í áskrifenda-
happdrætti Þjóðlífs á sýningunni
HEIMILIÐ ‘86. Upp komu eftirtalin
númer:
1. 2156
2. -5. 2157, 0723, 1508, 1991
6.-10. 1137, 0330, 0153, 0541, 0708
70 ÞJÓÐLÍF