Tímarit Máls og menningar - 01.10.1981, Blaðsíða 17

Ádrepur
Þetta Tímaritshefti er að hluta helgað vígbúnaðarmálum og afvopnunarbaráttu.
Aformað var að sú umfjöllun yrði viðtækari og samfelldari, en það fór eins og
fyrri daginn að loforð urðu drýgri en heimtur og tjóir ekki að fárast yfir því.
Fyrir bragðið hefur rúm fengist fyrir annað efni sem óneitanlega er fengur að.
A undanförnum missirum hefur athygli Evrópubúa beinst sífellt meir að
kjarnorkuvígbúnaðinum i álfunni. Tilefnið er fyrst og fremst ný drápstæki og
nýjar áætlanir um staðsetningu þeirra. í ljós hefur komið að sú „endurnýjun“ á
kjarnorkuvopnabúnaði í Evrópu sem samþykkt var á fundi Atlantshafsbanda-
lagsins 12. desember 1979 felur i sér stóraukinn vígbúnað og grundvallarbreyt-
ingu á stríðsstefnu bandalagsins. Þessi ákvörðun var tekin án þess að hún væri
borin undir þjóðþing þeirra landa sem hýsa eiga hinar nýju helsprengjur og
eldflaugar.
Um leið og bandarískir ráðamenn eru farnir opinskátt að orða þá skoðun sína
að takmarkað kjarnorkustríð sé hugsanlegt eru ibúar bandalagsríkja þeirra að
vakna upp við vondan draum og þykjast sjá hvar leikvangur sliks stríðs sé
fyrirhugaður.
Ráðamenn og leyniþjónustur á vesturlöndum gera nú allt sem i þeirra valdi
stendur til að gera hinar fjölmennu, óhlutdrægu friðarhreyfingar i Evrópu
tortryggilegar. En gagnrýnisraddirnar hljóma langt utan raða þeirra.
Nino Pasti heitir ítalskur öldungadeildarþingmaður sem er fyrrverandi full-
trúi lands síns í herráði NATO og einn æðsti foringi kjarnorkuherafla banda-
lagsins. Hann komst svo að orði þegar fyrrgreind „endurnýjunaráætlun“ var til
umræðu:
Hg er sannfaerður um að versta hættan sem að Evrópumönnum sreðjar er fólgin í hinum
meðaldrægu kjarnorkuvopnum sem komið er fyrir í löndum álfunnar.. .. Svo ég orði
þetra umbúðalausr yrðu þessi meðaldrægu kjarnavopn notuð í því augnamiði NATO að
rakmarka stríðið við Evrópu. Evrópu á að breyta í „kjarnorkuvarnargarð" til verndar
Bandaríkjunum.
Evrópurikin eru einungis peð i tafli risavcldanna; hinn síaukni vígbúnaður
þjónar siður en svo þeirra hagsmunum. Það gerir hins vegar sú friðunarstefna
sem friðaröfl viðs vegar um heim hafa beitt sér fyrir. Hluti hennar er baráttan
fyrir kjarnorkuvopnalausum Norðurlöndum. Þ.H.
263