Dagblaðið Vísir - DV - 23.05.2014, Blaðsíða 8
Helgarblað 23.–26. maí 20148 Fréttir
Fannst á
annarri eyju
Ásta Jóhannsdóttir, íslensk stúlka
sem ættingjar lýstu eftir í Indó-
nesíu á fimmtudag, er komin fram.
Hún hafði síðast sést á Gili
Trawangan-eyju nærri Balí við
strendur Indónesíu, en ekki hafði
spurst til hennar í 36 tíma og olli
það ættingjum áhyggjum. Sam-
kvæmt heimildum DV fannst
hún á annarri eyju í dag við eftir-
grennslan lögreglu.
Frænka Ástu lýsti eftir henni á
Facebook og sagðist treysta á sam-
félagsmiðla í málinu.
„Vorum að snúa bílnum“
Húsbíll Sjálfstæðisflokksins náðist á mynd í fatlaðrastæði
V
ið vorum að leggja í annað
stæði,“ segir Lára Janus-
dóttir, kosningastjóri Sjálf-
stæðisflokksins í Hafnarfirði,
aðspurð um mynd af húsbíl Sjálf-
stæðisflokksins sem gengið hefur
um samfélagsmiðilinn Facebook.
Þar sést bíllinn í stæði fyrir fatlaða
fyrir utan Bónus í Vallahverfi í
Hafnarfirði en Lára segir bílnum
alls ekki hafa verið lagt í það stæði.
Lára segir ætlunina hafa verið
að leggja bílnum tveimur stæðum
til hliðar við stæðið fyrir fatlaða.
„Við vorum bara að bíða tækifær-
is til að leggja í stæðið. Við tókum
einmitt eftir þeim aðila sem tók
þessa mynd og hugsuðum með
okkur að núna hlyti eitthvað að
koma,“ segir Lára. „Það var bíll að
fara úr stæðinu. Þetta var kannski
ein mínúta þar sem við vorum að
snúa bílnum og færa hann í rétt
stæði,“ segir Lára og þvertekur fyrir
það að einhver úr hópi þeirra sem
standa að framboði Sjálfstæðis-
flokksins í Hafnarfirði myndi leggja
í stæði fyrir fatlaða án þess að hafa
til þess réttindi.
„Að sjálfsögðu ekki,“ svarar Lára.
„Það er mikil umferð þarna og
maður þarf að koma sér fyrir og þá
fer maður þarna inn á þegar maður
er að koma sér fyrir.“
Á Facebook-síðu Sjálfstæð-
isflokksins í Hafnarfirði má sjá
mynd þar sem sést hvar bílnum er
lagt tveimur stæðum við hliðina á
þessu stæði fyrir fatlaða við Bónus
í Vallahverfi í Hafnarfirði. n
birgir@dv.is
Ókeypis í sund
Á laugardaginn er öllum boðið
ókeypis í sund í Varmárlaug.
Þetta kemur fram í tilkynningu
á vef Mosfellsbæjar. Búið er að
byggja nýja vaðlaug við laugina
og endurgera heitan pott. Þá
hefur göngusvæði í kringum
laugina fengið andlitslyftingu,
að því er fram kemur á sama
stað. Af þessu tilefni er Mosfell-
ingum og öðrum landsmönn-
um boðið frítt í sund.
Þrjú ár fyrir
nauðgun
Hæstiréttur hefur staðfest dóm
Héraðsdóms Reykjavíkur á hend-
ur Gintaras Bloviesciu. Árið 2013
var hann dæmdur í þriggja og
hálfs árs fangelsi fyrir nauðgun
sem átti sér stað aðfaranótt 22.
apríl árið áður. Þyngdi Hæsti-
réttur ekki dóminn í héraði. Fram
kemur í dómnum að hann hafi
beitt konuna ofbeldi og hótun-
um, tók hann hana kverkataki og
þrýsti henni niður á rúm sitt. Leit-
aði konan til lögreglu með mikla
áverka á hálsi sem og marbletti
víða á líkama. Hún er sögð þjást af
áfallastreituröskun eftir árásina.
„Að sjálfsögðu
hef ég skoðun“
Hörður Arnarson segir það hlutverk ríkisins að ákveða hverjir eigi Landsvirkjun
É
g hef enga sérstaka skoðun
á þessu. Þetta er bara mál
eigandans. Að sjálfsögðu hef
ég persónulega skoðun á þessu
en það er bara með fyrir tæki
eins og Landsvirkjun að það er eig-
andinn sem mótar stefnuna um
eignarhaldið,“ segir Hörður Arnar-
son, forstjóri Landsvirkjunar, að-
spurður hvað honum finnist um þau
ummæli Bjarna Benediktssonar, for-
manns Sjálfstæðisflokksins og fjár-
málaráðherra, að samstaða ætti að
geta náðst um að selja hluta Lands-
virkjunar til lífeyrissjóða.
Ekkert ákveðið
Ummæli Bjarna hafa vakið mikil
viðbrögð í samfélaginu enda er
einkavæðing á Landsvirkjun langt í
frá óumdeild hugmynd. Hörður seg-
ir að hann telji að Bjarni hafi ekki ver-
ið að meina að Landsvirkjun yrði seld
bráðlega heldur að hann hafi verið að
kalla eftir umræðu um málið. „Þetta
er eitthvað sem þarf að skoða mjög
vel því þetta er svo flókið mál. Eins
og ég skildi Bjarna þá er þetta fyrst og
fremst atriði sem hann vildi skoða.
Það er ekki samstaða um þetta í dag,
það er alveg ljóst, og ég held að hann
geri sér grein fyrir því.“
Í kjölfarið á þessum viðbrögðum
sagði Bjarni að engar ákvarðanir
hefðu verið teknar um sölu á hlut rík-
isins í Landsvirkjun. Sagði Bjarni að
hann teldi það afvegaleiðingu á um-
ræðunni að tala um einkavæðingu
Landsvirkjunar þegar verið væri að
ræða um að selja hluta fyrirtækisins.
„Það er mik ill mis skiln ing ur og þar er
verið að af vega leiða mik il væga um-
ræðu,“ sagði Bjarni í samtali við mbl.
is á fimmtudaginn.
Hefur komið fram áður
Hörður segir að orð Bjarna ættu ekki
að hafa komið mikið á óvart þar sem
hann hafi sagt þetta áður. Umræðan
um einkavæðingu Landsvirkjun-
ar, sölu á hluta af hlutabréfum fyrir-
tækisins, hefur komið fram nokkrum
sinnum áður, sérstaklega fyrir um
það bil tíu árum og fram að hruninu
2008. Geir H. Haarde viðraði með-
al annars þessa hugmynd, sem og
Hannes Hólmsteinn Gissurarson,
Friðrik Sophusson og fleiri.
Hörður segir að umræðan um
einkavæðingu Landsvirkjunar sé
sannarlega ekki óumdeild og telur
hann að hún sé „vandrötuð“.
Erlend fordæmi
Hörður er samt alls ekki á því að um-
ræðan um hugsanlega sölu á hluta
Landsvirkjunar eigi ekki að fara fram.
Nefnir Hörður það sem dæmi að í ná-
grannaríkjum Íslands séu dæmi um
ágætt samstarf ríkis og einka aðila
í rekstri fyrirtækja. Hörður nefnir
Noreg sem dæmi. „Maður getur horft
til Noregs en þar er bæði til: Annars
vegar Statkraft, sem er í hundrað pró-
senta eigu ríkisins, og svo Statoil sem
er kannski svona þeirra helsta fyrir-
tæki og það er í 75 prósenta eigu rík-
isins. Bæði eignaformin geta gefist
mjög vel. Það er hægt að reka fyrir-
tæki vel í opinberri eigu og svo er eins
hægt að gera það á blandaðan hátt,
án þess að missa tökin á fyrirtækinu,“
segir Hörður. n
Ingi Freyr Vilhjálmsson
ingi@dv.is
Mikil viðbrögð Mikil
viðbrögð hafa verið vegna
ummæla Bjarna Benedikts-
sonar, fjármálaráðherra
og formanns Sjálfstæðis-
flokksins, um einkavæð-
ingu hluta Landsvirkjunar.
Mynd SIgtryggur ArI
Bendir á noreg Hörður Arnarson bendir
á að í Noregi hafi gengið vel að reka Statoil,
fyrirtæki sem er í eigu norska ríkisins að
meirihluta og svo einkaaðila.
„Þetta er eitthvað
sem þarf að skoða
mjög vel því þetta er svo
flókið mál.