Dagblaðið Vísir - DV - 23.05.2014, Blaðsíða 54
44 Lífsstíll Helgarblað 23.–26. maí 2014
„Fallegasta sem nokkur
hefur gert fyrir mig“
n Auknar vinsældir steypiboða á Íslandi n Koma verðandi mæðrum á óvart
S
vokölluð steypiboð eða
barnaboð (e. babyshower)
hafa verið mjög vinsæl í
Bandaríkjunum um langt
skeið. Þá koma vinkon
ur verðandi móður henni á óvart
með veislu. Í veislunni eru alls kyns
veitingar og gjafir handa móður og
barni og iðulega skreytt með bleiku
eða bláu ef kyn barnsins er vitað eða
öðrum litum.
Undanfarið hafa slík boð orðið æ
vinsælli á Íslandi og fjölmargar sem
halda þannig boð fyrir vinkonur sín
ar sem eru verðandi mæður.
Hafa orðið vör við aukningu
Jón Gunnar Bergs, eigandi Partý
búðarinnar, segir þau hafa orðið vör
við mikla aukningu á slíkum veisl
um en margir leiti til þeirra til þess að
kaupa skraut fyrir boðið.
„Það var svona í fyrravor sem við
fórum að taka eftir þessu en fyrir það
þekktist þetta varla. Ég hugsa við
eigum nú kannski pínulítinn þátt í
þessu þar sem við byrjuðum að taka
inn vörur ætlaðar þessum boðum
skömmu fyrir þann tíma,“ segir Jón
Gunnar. Sumir hafa óbeit á þeim am
erísku siðum sem hafa verið teknir
upp hérlendis eins og hrekkjavöku og
Valentínusardeginum og finnst ekki
passa að Íslendingar taki upp þessa
siði. Jón Gunnar kannast við það
en segir fáa geta sett sig upp á móti
steypiboðunum. Þau séu svo gleði
leg. „Þetta er voða skemmtilegur sið
ur. Lífgar upp á og kryddar tilveruna
enda mikil gleði og hamingja sem
fylgir því að eignast barn,“ segir hann.
Hann segir þá sem leita til þeirra
til þess að kaupa skreytingar yfir
leitt vera að halda óvænta veislu
fyrir verðandi móður. „Þetta er yfir
leitt alltaf óvænt og falleg hugsun að
baki,“ segir hann.
Táraðist ofan í smjörkremið
Rithöfundurinn Tobba Marinós
dóttir er ein þeirra sem fengið hafa
óvænt steypiboð frá vinkonum sín
um. Hún á von á sínu fyrsta barni
eftir fimm vikur og segir það hafa
glatt sig ólýsanlega þegar vinkonur
hennar komu henni á óvart.
„ Vinkonur mínar komu mér á
óvart með óvæntu steypiboði
á Coocoo's nest um daginn.
Voru búnar að baka, skreyta
allt hátt og lágt og hóa saman
fullt af góðum konum. Allt var
bleikt og ég hef sjaldan séð
aðra eins fegurð. Bleikt pasta,
sjúklegar tertur og gjafir. Ég
táraðist ofan í allt smjörkrem
ið,“ segir Tobba skælbrosandi.
„Þetta er það fallegasta sem
nokkur hefur gert fyrir mig. Þær
gerðu meira að segja barna
köku úr öllum gjöfunum,“ segir
Tobba. n
Viktoría Hermannsdóttir
viktoria@dv.is
Bleikt og fínt Hér má sjá dæmi um skreytingar fyrir bleika veislu. Mynd PinTeresT.coM
skemmtilegt Flottar skreytingar.
Gleðilegt Tobba ásamt kærastan-
um, Karli Sigurðssyni, í steypiboð-
inu. Eins og sjá má höfðu vinkonur
hennar skreytt allt hátt og lágt.
„Allt var bleikt og
ég hef sjaldan séð
aðra eins fegurð.
Nokkur ráð fyrir gott steypiboð
Komdu vinum, vinkonum eða venslafólki skemmtilega á óvart
n Hóaðu saman bestu og kærustu vinkonum
verðandi móður eða föður eða báðum.
n Passið að hafa allt leynilegt, það er miklu
skemmtilegra að láta þetta koma á óvart.
n Ákveðið þema og veitingar. Sumir vilja
hafa allt bleikt eða blátt. Aðrir þola ekki
svona litaþema eða vita ekki kyn barnsins.
n Kaupið gjafir saman eða látið alla koma
með litla pakka. Gjafirnar þurfa ekki að vera
stórar því að hér er ekki um að ræða sængur-
gjöf heldur fyrirfram gjöf.
n Skemmtið ykkur vel. Þetta snýst um að
koma saman og hafa gaman.
Gjafakaka Vinkonur Tobbu
röðuðu gjöfunum upp í
fallega gjafaköku.
sykurkrem Tobba var svo ánægð
með framtakið að hún táraðist ofan í
smjörkremið á kökunum, að eigin sögn.
Með gjöf
Tobba á
von á lítilli
stelpu og
fékk þenn-
an sundbol
handa litlu
stelpunni
í gjöf í
boðinu.
Fallegt Flottar skreytingar í bleiku. skemmtilegar hugmyndir Það er hægt að búa til körfu úr gjöfunum.
Bleyjukaka Flott taubleyju-
kaka með bláu þema.