Dagblaðið Vísir - DV - 23.05.2014, Qupperneq 38

Helgarblað 23.–26. maí 20146 Sumarsport
„Þetta er ótrúlega
skemmtilegt“
n Valdís stundar strandblak á sumrin n Sandur, stemming og fjör
Þ
etta er bara alveg ótrúlega
skemmtilegt sport,“ segir
Valdís Lilja Andrésdóttir um
strandblak. Hún hefur stund-
að íþróttina á sumrin síðan
árið 2010 en æfir blak allt árið.
Stunda strandblakið á sumrin
Valdís segir marga sem stunda inni-
blak spila strandblak yfir sumartím-
ann. „Það eru alveg ótrúlega margir
sem eru í inniblaki sem fara að leika
sér í strandblakinu á sumrin,“ segir
hún. Vinsældir strandblaks hérlend-
is hafa aukist mikið undanfarin ár en
aðallega er spilað yfir sumartímann.
Þó er líka hægt að iðka íþróttina yfir
vetrarmánuðina þar sem í Sporthús-
inu er sérstakur strandblakvöllur sem
hægt er að nota allan ársins hring.
Yfir sumartímann er þó farið á fullt í
íþróttina og nokkur mót haldin enda
þónokkrir strandblakvellir á landinu.
Minni lið
„Hjá mér er þetta meira svona áhuga-
mál yfir sumartímann og ég er ekki
beint að æfa þetta. Ég fer svona einu
sinni til tvisvar í viku og þá oft með
stelpunum sem ég æfi blak með,“ seg-
ir Valdís.
Strandblak er ólíkt venjulegu blaki
að því leyti að aðeins er gert ráð fyrir
að spilað sé í tveggja manna liðum þó
að sumir hafi liðin stærri. Í venjulegu
blaki eru liðin hins vegar sex manna.
Vellirnir eru hins vegar jafn stórir og
innivellir þannig að hreyfingin er
töluverð. „Þetta er kannski aðeins erf-
iðara af því að það eru bara tveir í liði.
En þegar maður er bara að leika sér í
þessu þá er um að gera að vera með
stærri lið. Síðan eru tímasetningar
aðrar í sandinum en inni og engin
mótstaða.“
Sól, stemming og ferskt loft
Hún segir þetta vera skemmtilega
íþrótt sem sé gaman að stunda í góðra
vina hóp. En hvað er svona skemmti-
legt við strandblakið? „Það er sólin,
stemmingin, að vera úti að leika sér
og fá ferskt loft. Síðan er vel haldið
utan um þetta hjá Kalla [Karli Sig-
urðssyni, innsk. blm.] sem heldur úti
síðunni strandblak.is. Það eru haldin
paramót og skemmtimót á sumrin
þannig að ég get dregið manninn
minn með þó hann sé ekkert í blaki.“
Valdís segir lítið mál fyrir þá sem
ekki hafa stundað blak áður að byrja.
„Það er lítið mál og um að gera að
prófa,“ segir hún.
Á síðunni strandblak.is er að finna
ýmsar upplýsingar um íþróttina. n
Strandblaksvellir
á landinu
n Garður x 1
n Keflavík (Paddys sportbar) x 1
n Kópavogur - Fagrilundur x 2
n Kópavogur - Sporthúsið x 2
n Reykjavík - Gufunesi x 3
n Reykjavík - Nauthólsvík x 1
n Reykjavík - Miklatún x 1
n Reykjavík - Heiðmörk x 1
n Reykjavík - Norðlingaskóli x 1
n Mosfellsbær x 1
n Akranes x 1
n Húsafell x 1
n Hellissandur x 1
n Búðardalur x 1
n Þingeyri x 2
n Tálknafjörður x 1
n Sauðárkrókur x 1
n Siglufjörður x 1
n Akureyri x 1
n Seyðisfjörður x 1
n Egilsstaðir x 2
n Neskaupstaður x 2
n Höfn í Hornafirði x 2
n Flúðir x 2
n Laugarvatn x 1
n Úlfljótsvatn x 1
n Hveragerði x 2
n Selfoss x 1
(Upplýsingar frá síðunni strandblak.is)
Viktoría Hermannsdóttir
viktoria@dv.is
Brjálað fjör Hér sést Valdís í hita leiksins.
Sól og sumar Valdís segir skemmtilegt að
breyta til og spila blak úti á sumrin. Mynd kalli Sig
„Það er sólin, stemm-
ingin, að vera úti að
leika sér og fá ferskt loft.
Mynd kalli Sig
Þ
etta byrjaði allt í gegnum
útlendinga sem bjuggu í her-
stöðinni, þeir byrjuðu að
„surfa“ aðeins á Reykjanes-
inu. Síðan hefur þetta bara verið lítil
klíka, hópur af fólki sem hefur stund-
að það allan ársins hring síðustu ár,“
segir Ingólfur Olsen, brimbretta-
kappi og leiðsögumaður aðspurð-
ur hvernig sportið byrjaði hérlendis.
Hann segir aðstöðuna á Íslandi frá-
bæra og að þetta sé í raun vel geymt
leyndarmál. „Við höfum lítið látið á
okkur bera, við vitum hvað við höf-
um það gott. Þetta er svona „well
kept secret“,“ segir Ingólfur og hlær.
Ingólfur hefur stundað íþróttina í
rúm fimmtán ár og vinnur í dag sem
leiðsögumaður í surf-ferðum. „Það
er alveg magnað að flakka um landið
og „surfa“ á góðum dögum og fá að
upplifa Ísland á
sama tíma,“ segir
Ingólfur. Hann
segir að sportið
sé í mikilli sókn
hérlendis og að
ferðamenn komi í
sífellt meira mæli
til landsins til
þess að stunda
íþróttina, enda
er landslagið og
andrúmsloftið
mun ólíkara því
sem þekkist í
öðrum heims-
hlutum þar sem
sportið er vin-
sælt.
Ingólfur segist ekki geta nefnt
neinn einn stað sem sé bestur að
brimbrettaiðkunar. „Það fer bara
eftir því hverju þú ert að sækjast
eftir, hvernig öldu og annað. Við
erum ekkert voðalega
mikið að gefa upp hvaða
staðir þetta eru, þetta
snýst bara um að gera
heimavinnuna og fara í
bíltúra,“ segir Ingólfur.
Ingólfur segir að fyrir
þá sem hafi áhuga á að
prófa þetta sé sniðugast
að fara á námskeið. „Það
hjálpar mikið að fá smá
leiðsögn, það eru punktar
sem þarf að pæla í og lesa
í sjóinn. Síðan snýst þetta
bara mikið um að komast
í búnað og vera dugleg-
ur að fara. Þó maður verði
enginn kóngur í þessu á
einni helgi er þetta alltaf
rosalega gaman.“ n
jonsteinar@dv.is
Íslenska brimið vel geymt leyndarmál
Aðsókn útlendinga í brimbrettaiðkun á Íslandi eykst stöðugt
ingólfur Olsen Ingólfur segir það magnaða upplifun að flakka um landið og „surfa“ á góðum dögum.
Mynd ErlEndur Þór MagnúSSOn
Körfubolti
Það er fátt
skemmtilegra
en að spila
körfubolta við
vinina á fal-
legu sumar-
kvöldi. Hvort
sem einn á einn,
tveir á tvo eða bara gamli góði
asninn. Hægt er að fara í fleiri
skemmtilega leiki eins og 21.
Fótbolti
Um allt land er að finna
sparkvelli eða knattspyrnuvelli.
Fótbolti er einföld íþrótt sem allir
geta tekið þátt í. Æfingin skapar
meistarann.
Vatnsstríð
Ekki svo vinsælt
hjá mömmu
og pabba en
það er fátt
skemmti-
legra en
vatnsblöðrur
og vatnsbyssur í
sólinni. En vatnsbyssurnar geta
orðið ansi öflugar og því er ráð-
legt að vera með hlífðargleraugu.
Folf
Frisbígolf er
að ryðja sér
rækilega til
rúms í sum-
ar. Vellir á
landsvísu tvö-
faldast í fjölda
og gott betur. Ódýrt og aðgengi-
legt sport.
Hjólaferðir
Hjólið getur borið mann á ævin-
týralega staði. Þangað sem bíll-
inn kemst ekki. Frábær farkostur
að sumri til. Ekki gleyma að nota
hjálm.
Sund
Einn helsti kosturinn við að
búa á Íslandi er ótrúlegur fjöldi
sundlauga. Stórar rennibraut-
ir, boltaleikir eða afslöppun. Allir
finna eitthvað við sitt hæfi.
Hafnabolti
Hafnabolti er ekki beint vinsæl
íþrótt hér á landi. En ef stór vina-
hópur kemur sér saman um að
kaupa kylfu, bolta og nokkra
hanska er mikið fjör fyrir hönd-
um.
Strandblak
Strandblakvöllum hefur fjölgað
undanfarin ár. Hér í blaðinu er
fjallað um strandblak en aðeins
þarf fjóra leikmenn til að spila.
Fjallganga
Ef einhvern tíma
er stund til að
ganga á fjall
þá er það að
sumri til á Ís-
landi. Nóg er
af þeim. Stór-
um og litlum.
Allir geta fund-
ið fjall við hæfi sem fjölskyldan í
heild sinni getur gengið á.
Stangveiði
Ísland er gjöfult land og að-
gengi að ám og vötnum er gott.
Stangveiði getur verið einstak-
lings- og fjölskyldusport. Veiði-
kortið tryggir fólki aðgang að
tæplega 40 vötnum fyrir lítinn
pening.
Topp 10
Sumarsport
Sumarið er tíminn fyrir fjölskyld-
ur og börn til að bregða á leik. DV
tók sama lista yfir tíu skemmti-
lega leiki eða afþreyingu sem
henta vel yfir sumarið.