Dagblaðið Vísir - DV - 23.05.2014, Blaðsíða 55
Lífsstíll 45Helgarblað 23.–26. maí 2014
Lamaður
keppir á ný
Þegar kappakstursökumaður-
inn Sam Schmidt lenti í árekstri
og lamaðist fyrir neðan háls fyrir
rúmum 14 árum var hann viss
um að hann myndi aldrei keppa
aftur í íþróttinni. Það mun hins
vegar breytast um helgina en
Schmidt mun þá keppa á ný,
með hjálp fyrirtækisins Arrow
Electronics. Arrow þróaði bún-
að sem gerir lömuðum kleift að
stjórna bíl með því að hreyfa
höfuðið fram og til hliðar. Til
að bremsa er bitið í skynjara í
munni ökumannsins. Schmidt
sagði í viðtali við Wired að hann
væri spenntur og að þetta væri
bylting, ekki síst fyrir sig.
Tekur GIF-
hreyfimyndir
Myndavélin Otto er frábær gjöf
fyrir hipsterinn sem á allt. Otto er
gerð til að taka
hreyfimyndir,
svokallaðar
GIF-myndir,
sem hafa verið
gríðarlega vin-
sælar allt frá
því á tíunda áratugnum, en náðu
svo enn meiri vinsældum síðustu
ár með tilkomu vefsíðna á borð
við Tumblr og Reddit. Myndavélin
virkar þannig að þú tekur hreyfi-
mynd sem vélin sendir í forrit á
snjallsíma sem notandinn getur
svo deilt. Áhugasamir geta lagt ver-
kefninu lið á vefnum Kickstarter en
vélin mun kosta um 200 dollara.
Leitarvélar skikkaðar
til að „gleyma“
Úrskurður Evrópudómstólsins talinn geta haft víðtæk áhrif á framtíð netsins
I
nternetið veit mikið um mörg
okkar, jafnvel of mikið að
margra mati, enda safnar það
upplýsingum um notendur lát-
laust gegnum hinar ýmsu þjón-
ustur sem það býður upp á. Það
hefur oft verið sagt að internetið
gleymi aldrei, en það er spurning
hvort það muni breytast í náinni
framtíð.
Um miðjan maí kvað Evrópu-
dómstóllinn upp mikilvægan úr-
skurð sem mun að öllum líkindum
hafa mikil áhrif á internetið og
hve auðvelt verði að finna upplýs-
ingar um einstaklinga á netinu.
Dómstóllinn viðurkenndi það sem
nefnt hefur verið „réttur fólks til að
gleymast.“ Það er að segja, rétt þess
til að finnast ekki í leitarniðurstöð-
um í leitarvélum, ef upplýsingarnar
eru úreltar eða hafa ekki „sérstaka
ástæðu“ til að birtast, eins loðið og
það hljómar. Úrskurðurinn er sagð-
ur marka tímamót í sögu internets-
ins og er talinn geta haft djúpstæð
áhrif á það.
Lítil þúfa velti þungu hlassi
Sögu málsins má rekja aftur til
ársins 2009 þegar spænskur mað-
ur, lögfræðingur að nafni Mario
Gonzales, hélt því fram að leitar-
niðurstöður sem birtust á vef
Google brytu gegn friðhelgi einka-
lífs hans. Maðurinn hafði misst hús
sitt og með því að leita að nafni
mannsins var hægt að finna upp-
lýsingar um uppboð á eign manns-
ins sem birtust í héraðsblaði. Þetta
var maðurinn ekki sáttur við og því
ákvað hann að taka málið lengra.
Margir hafa einnig bent á kald-
hæðnina í því að nú vita alveg ör-
ugglega talsvert fleiri um skulda-
vanda Gonzales en áður en málið
hófst. En það er önnur saga, þetta
var líklega meira „prinsipp“-mál
fyrir Gonzales frekar en annað.
Í úrskurðinum segir að réttindi
einstaklingsins til friðhelgi einka-
lífs vegi þyngra en „efnahagslegir
hagsmunum rekstraraðila leitar-
vélarinnar og einnig hagsmunir al-
mennings“ af því að hafa aðgang að
þessum upplýsingum. Þetta er auð-
vitað slæmt fyrir fyrirtæki eins og
Google, sem þrífst að stórum hluta
til vegna þeirra upplýsinga sem það
býr yfir og safnar um notendur.
Ekki svo auðgleymt
En gagnrýnendur hafa einnig
bent á að þó svo að frasinn „réttur
til að gleymast“ hafi farið hátt í
umræðum eftir dóminn sé hann
kannski ekki réttnefni. Þeir benda
á að þó svo að Google eyði tengl-
um sem vísa á persónuupplýsingar
sé það ekki að gleyma neinu. Það
er bara erfiðara að finna upplýs-
ingarnar. „Að Google gleymi ein-
hverju er ekki það sama og þegar
að manneskja gleymir einhverju,“
segja til dæmis pistlahöfundar
Wired um málið.
Jonathan Zittrain, prófessor í
lög- og tölvunarfræði við Harvard,
sagði í viðtali við New York Times
að úrskurðurinn væri í raun „slæm
lausn á raunverulegu vandamáli.“
En þrátt fyrir það verða tæknifyrir-
tæki að hlýða dómnum, sem ekki
er hægt að áfrýja, og eru beiðnir um
að fjarlægja leitarniðurstöður nú
þegar byrjaðar að berast Google, að
því er Daily Mail greinir frá. n
Jón Steinar Sandholt
jonsteinar@dv.is
„Að Google
gleymi einhverju
er ekki það sama og
þegar að manneskja
gleymir einhverju.
ford.is
Ford F350 Super Duty 4x4 Crew Cab 6,7 Power Stroke V8 440 hö dísil, tog 1166 Nm, 6 þrepa sjálfskiptur TorqShift® SelectShift Automatic™.
Verð inniheldur hraðatakmarkara. Brimborg og Ford áskilja sér rétt til að breyta verði og búnaði án fyrirvara. Útbúnaður getur verið frábrugðinn mynd í auglýsingu.
Sérpantaðu F350 sérsniðinn að þínum þörfum
NÝR FORD F350
Brimborg Reykjavík
Bíldshöfða 6
Sími 515 7000
Brimborg Akureyri
Tryggvabraut 5
Sími 515 7050
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16
Varahlutaverslun og verkstæðismóttaka er einnig opin laugardaga kl. 12-16
ÞÚ VILT HAFA HANN!
PANTAÐU BÍLINN EINS OG
FORD F350 SD
6,7 POWER STROKE V8 DÍSIL
7.990.000 KR.FRÁ
440 HÖ. 6 ÞREPA SJÁLFSKIPTUR
4X4 CREW CAB
Google Leitarvélarisinn verður að hlýða úrskurðinum og taka út leitarniðurstöður ef
einstaklingar krefjast. Mynd REutERS