Dagblaðið Vísir - DV - 23.05.2014, Qupperneq 34

2 Sumarsport Helgarblað 23.–26. maí 2014
Byrjaði sjö ára
að kasta flugu
n Arnar Tómas er forfallinn veiðimaður n Búinn að veiða hátt í 200 fiska í vor
É
g er nánast búinn að fara
hvern dag síðan í byrjun
apríl,“ segir Arnar Tómas
Birgisson veiðimaður. Arnar,
sem er 19 ára, byrjaði sex ára
að veiða og hefur, merkilegt nokk,
kastað flugu frá sjö ára aldri.
Þúsundir Íslendinga veiða sér
í soðið á sumrin. Um er að ræða
vinsælt fjölskyldusport, sem hæfir
jafnt börnum sem fullorðnum, eins
og Arnar er sjálfur dæmi um. Hann
segir að öll fjölskyldan sé á kafi í
veiði og að þannig hafi áhuginn
kviknað snemma. Hann hafi reynd-
ar veitt maríulaxinn á maðk en
frá sjö ára aldri hafi hann byrjað
að kasta flugu, sem getur jafnvel
vafist fyrir fullorðnum. „Maður var
kannski ekkert flinkur til að byrja
með en þetta kom smám saman. Ég
tel mig vera mjög flinkan kastara í
dag,“ segir þessi ungi veiðimaður.
80 fiskar úr Elliðavatni í vor
Arnar er með mikla veiðidellu,
ef marka má ástundunina. Hann
hefur nánast ekki misst úr dag það
sem af er sumri auk þess sem hann
hefur nýlega hafið störf í Veiði-
portinu. Það má því segja að hann
lifi og hrærist í veiði, í það minnsta
á þessum árstíma.
Og veiði í vor hefur gengið
óvenju vel, að sögn Arnars. „Þetta
er eitt af betri vorunum. Ég er kom-
inn með 80 fiska úr Elliðavatninu,“
segir hann og bætir við að hann hafi
fengið um 100 annars staðar. Flesta
hefur hann veitt á Zpey-stöngina
sína, sem er fyrir línu númer sex.
Um er að ræða ellefu feta stöng sem
hann heldur mikið upp á.
Arnar segist sleppa öllum stór-
um fiski en hirða töluvert af bleikju.
Hann viðurkennir að frystirinn sé
að verða fullur af fiski. Hann ör-
væntir þó ekki þar sem öll fjöl-
skylda hans sé óð í fisk, eins og
hann orðar það.
Eftirminnilegt í Fnjóská
Spurður um eftirminnilegustu
veiðiferðina segir Arnar frá fiski
sem hann veiddi í Fnjóská, sum-
arið 2011. Veðrið hafi verið með
eindæmum gott og aðstæður allar
hinar bestu. Þar setti hann í stór-
an lax, á meðan pabbi hans sat
uppi í bíl og hlustaði á klassíska
tónlist. „Ég réð ekkert við hann,“
segir Arnar um rimmuna. Honum
tókst þó að landa fiskinum, mæla
hann, og taka af honum mynd, til
sönnunar. Fiskurinn reyndist 16,5
pund. „Þetta var æðislegt. Um-
hverfið var frábært og veðrið svo
fallegt. Þetta var næststærsti fisk-
ur sem ég hef veitt.“ Þann stærsta á
ferlinum fékk hann þegar hann var
við veiðar í Staðarhólsá og Hvolsá.
Þar landaði hann 20,7 punda laxi –
sannkölluðum dreka.
Arnar hefur alla tíð hnýtt sjálf-
ur sínar flugur. Hann segist leika
sér mikið með ýmiss konar afbrigði
og segist óhræddur við að prófa
nýja hluti. Hann veiddi einmitt
sinn fyrsta flugufisk, sjö ára, á flugu
sem hann hnýtti sjálfur. „Það er lík-
lega ljótasta fluga sem ég hef séð,“
segir hann og hlær. Fiskurinn, sjó-
birtingur, var veiddur í Ytri-Rangá
á veiðistað sem heitir Geldinga-
foss.
Það er ef til vill ekki algengt að
ungt fólk, innan við tvítugt, stundi
fluguveiðar af jafn miklu kappi og
Arnar. Hann viðurkennir aðspurð-
ur að hann eigi ekki marga veiðifé-
laga á sínu reki, þó þeir séu nokkr-
ir. „Það er oftast þannig að fæstir á
mínum aldri hafa áhuga á veiði.“
En hvað fær hann út úr því að
veiða? „Ég fer í veiði til þess að
slaka á. Ég vil ekki læti við bakkann
og mikinn umgang. Það er ofboðs-
lega gott að veiða ef maður er pirr-
aður eða reiður. Við bakkann tekst
mér að slaka á.“ n
Baldur Guðmundsson
baldur@dv.is
Svona á að veiða í Elliðavatni
Arnar gefur handhöfum Veiðikortsins góð ráð
Á vefsíðu Veiðikortsins má finna grein um
Arnar þar sem hann miðlar af þekkingu
sinni um Elliðavatn. Eins og kemur fram
hér í DV hefur hann veitt um 80 fiska í
vatninu í vor – meðal annars þennan á
myndinni. Hér má sjá brot úr greininni en
þar má einnig finna nákvæmar veiði-
staðalýsingar um nokkra gjöfula staði í
vatninu.
„Í Elliðavatni er fiskurinn mjög taum-
styggur og best hefur reynst að vera með
4 til 6 punda taum, helst grannan og best
að hafa hann langan. Ég persónulega
nota 11 feta langan taum og jafnvel lengri
auk þess sem ég nota yfirleitt „dropper“
með (kúluhaus í neðri flugu og létta púpu
í efri ). Báðar flugurnar eru mjög smáar.“
Hann kýs helst að nota litlar flugur með
smá hvítu í sem svipar til Burton og síðan
dökkbrúnar með koparvír.
„Næsta mál er varðandi inndráttinn,
en það er eiginlega aðalatriðið að mínu
mati. Löturhægur og stuttur inndráttur er
málið, rétt til að taka slakann af línunni. Ef
fiskur er í bullandi yfirborðstöku þá virkar
vel að draga aðeins hraðar inn og lengri
drætti. Einnig vil ég mæla með að menn
kasti eins langt og hægt er til að veiða eins
stórt svæði og hægt er.“
Nánar á veidikortid.is
„Ég fer í
veiði til
þess að slaka á
Í Fnjóská Þennan fallega
lax veiddi Arnar fyrir norðan, á
meðan pabbi hans svaf vært,
undir klassískri tónlist, í bíl
sínum. Þetta er næst stærsti
fiskur sem hann hefur veitt.
Ánægðir feðgar
Arnar ásamt föður sínum
eftir vel heppnaða veiði í
Hlíðarvatni á Mýrum.
Fyrsti flugufiskurinn Arnar sjö ára
með fallegan punda silung. Fluguna
hnýtti hann sjálfur og hann á hana enn.
Fallegur urriði Arnar
Tómas hefur veitt hátt
í 200 fiska í vor, helm-
inginn úr Elliðavatni. Hér
er einn vænn úr vatninu.
Hreystibraut í
Vesturbænum
Nýlega var reist svokölluð
hreystibraut við Hagaskóla. Frá
þessu er greint á vef ÍTR. Verk-
efnið er partur af Betra hverfi
sem Reykjavíkurborg hefur staðið
fyrir en það voru íbúar sem völdu
hvað skyldi gera í rafrænni kosn-
ingu.
Brautin er í anda þrauta-
brautanna sem sést hafa í
hinum geysivinsælu þáttum
Skólahreysti. Undir brautinni er
síðan gervigras ofan á sandi til
að minnka líkur á því að börn
slasi sig.
Í brautinni er gert ráð fyrir því
að notendur geta klifrað hangið,
gert upphífingar, dýfur og fleira.
Sumaropnun
í Nauthólsvík
Fimmtudaginn 15. maí hófst
formlega sumaropnun á Yl-
ströndinni í Nauthólsvík. Yfir
sumartímann er opið alla virka
daga frá klukkan 10.00 til klukk-
an 19.00. Sumaropnunartími er
til 15. ágúst en Ylströndin hefur
á góðviðrisdögum verið eitt vin-
sælasta útivistarsvæði borgar-
innar.
Í tilefni af sumaropnuninni
afhenti Landvernd Ylströndinni
Bláfánann í 9. sinn. Bláfáninn
er veittur þeim smábátahöfnum
og baðströndum sem uppfylla
ákveðin skilyrði um umhverfis-
stjórnun, vatnsgæði, öryggismál
og umhverfisfræðslu. Fáninn
er vel þekktur víða erlendis og
trekkir að ferðamenn enda tákn
um að vel sé gert í umhverfis- og
öryggismálum.
Þétt sjósunds-
dagskrá
Á vefsíðu Sjósundfélags Reykja-
víkur, sjosund.is er að finna mikl-
ar upplýsingar. Þar er meðal
annars að finna lista yfir viðburði
í sumar. Þar sem meðlimir hittast
víðs vegar á höfuðborgarsvæðinu
og víðar til þess að stinga sér til
sunds. Má nefna Bessastaða-
sund 5. júlí og Viðeyjarsund 22.
ágúst. Félagið stóð nýlega fyr-
ir fræðslukvöldi þar sem Héð-
inn Valdimarsson haffræðingur
fræddi meðlimi um hafstrauma
og hættur í hafinu.