Dagblaðið Vísir - DV - 23.05.2014, Side 36

Helgarblað 23.–26. maí 20144 Sumarsport
Veldu rétta
diskinn
Ekki er hægt að nota hvaða
frisbí disk sem er í frisbígolfi ef
árangur á að nást. Hinn dæmi­
gerði lauflétti plastdiskur eða
svifhringur er ekki hentugt tæki
þegar kemur að þessu sporti.
Til er ótrúlegt úrval ólíkra
diska með mismunandi eigin­
leika. Sérstakir diskar eru til fyrir
löng, meðallöng og stutt köst.
Þeir eru fáanlegir með mismun­
andi eiginleikum og úr mismun­
andi plasti.
Fyrir byrj­
anda er yfir­
leitt mælt
með al­
hliðadisk
eða „mid­
range“. Disk sem hægt er að
nota í lengri sem styttri köst.
Reynslan sýnir að þeir sem
stunda sportið mikið eru fljót­
ir að bæta við sig diskum og eru
gjarnan með þrjár til fjóra diska.
Einn fyrir lengstu köstin, einn
meðallöng köst og einn fyrir
stutta spilið eða „púttin“.
Þeir sem eru lengra komnir
eru jafnvel með tíu diska eða
fleiri sem allir hafa mismunandi
eiginleika til að nota við ólíkar
aðstæður.
Á mörg­
um diskum
er að finna
fjögur sett af
tölum. Fyrsta
talan táknar
hraða eða „speed“. Diski sem er
merktur tölunni 13 er til dæm­
is ætlað að skera loftið betur en
sá sem merktur er 4. Næsta tala
táknar svif eða „glide“ og segir
til um hversu vel diskurinn svíf­
ur. Sumir falla hratt þegar þeir
missa hraðann en aðrir svífa
vel og lengi. Þriðja talan táknar
beygju eða „turn“. Hún segir til
um hve mikið diskurinn beygir
til hægri (fyrir rétthendan kast­
ara) þegar diskurinn er á mikl­
um hraða. Fjórða talan táknar
svo fall eða „fade“ og segir hún
til um hversu mikið diskurinn
beygir til vinstri (fyrir rétthend­
an kastara) þegar
diskurinn tapar
hraða og lendir.
Það getur
tekið tíma að
finna réttu disk­
ana fyrir hvern og einn. Því er
tilvalið að fá að prófa ólíka diska
og prófa hina ýmsu kasttækni.
Tíu nýir vellir
opnaðir í sumar
n Vinsældir frisbígolfs aukast n Ódýr íþrótt sem hentar öllum
F
olf eða frisbígolf er íþrótt á
mikilli uppleið hér á landi.
Á undanförnum árum hafa
folfvellir risið víðs vegar um
landið en sumarið 2014 verða
tíu nýir vellir teknir í gagnið. Þar
af fimm á höfuðborgarsvæðinu og
fimm víðs vegar um landið.
Folf á uppleið
„Ég hef sent erindi í nafni Frisbígolf­
sambands Íslands tvisvar á ári á öll
sveitarfélög undanfarin ár. Núna
er sú vinna að skila sér,“ segir Birgir
Ómarsson, stofnandi og formað­
ur FÍS, Frisbígolfsambands Íslands.
Birgir segir talsmenn sveitarfélaga
um allt land hafa tekið vel í erindið
en eftir hrun hafi fjármunir verið
af skornum skammti. Nú hafi hins
vegar ákveðin stífla brostið. „Núna
eru sjö vellir til á landinu en eftir
sumarið verða þeir orðnir 17 talsins.
Það eru mörg sveitarfélög til viðbót­
ar orðin heit og ég á allt eins von á því
að annar eins fjöldi valla verði opnað
næsta sumar.“
Folf eða frisbígolf er eins og
nafnið gefur til kynna ekki ósvipuð
golfíþróttinni. Hún gengur út á að
koma þar til gerðum frisbídiskum í
sérstakar körfur í sem fæstum köst­
um.
Ódýr kostur
Birgir segir folf vera ódýran kost
bæði fyrir iðkendur sem og sveitar­
félögin. „Það kostar um eina og hálfa
milljón með öllu að setja upp níu
holu völl. Til samanburðar kostar
ein róla á leikvelli svipað. Strand­
blakvöllur kostar um fimm milljónir.
Þetta er því ódýr lausn til að búa til
jákvæða og skemmtilega afþreyingu
sem allir geta stundað.“
En það er ekki einungis ódýrt
að setja upp vellina. Því ekki þarf
meira en einn frisbídisk til að geta
stundað hana. „Þú getur keypt disk
á 2.000 krónur og byrjað. Flest­
ir eru mjög fljótir að ná tökum þá
þessu og eftir einn hring eru vinirn­
ir hættir að hlægja að þér. Síðan er
auðvitað hægt að fara alla leið og
kaupa endalaust af mismunandi
diskum með ólíkum eiginleikum.
Þess vegna hægt að gerast atvinnu­
maður ef fólk hefur áhuga á því.“
Hægt er að panta hina sér­
smíðuðu diska sem þarf í sportið á
netinu en Frisbígolfbúðin í Hafnar­
firði hefur verið helsti dreifingar­
aðilinn hér á landi. Hægt að er finna
nánari upplýsingar á frisbigolf.is.
Áralöng vinna að baki
Birgir og samstarfsfólk hans hjá
FSÍ, sem var stofnað árið 2005, hafa
unnið óeigingjarnt starf undanfarin
ár við að kynna íþróttina og breiða út
boðskapinn. „Fyrstu völlunum var
komið upp á Úlfljótsvatni og á Akur­
eyri. Þeir eru á svæði skátanna. Síðan
kom völlurinn í Gufunesinu í Grafar­
voginum. En þetta fór almennilega á
flug, myndi ég segja, þegar völlurinn
á Miklatúni var settur upp.“
Birgir segir að danskir og finnskir
folfarar sem komu hingað til lands
hafi átt þátt í því. „Þeir sögðu okkur
að vinsældirnar hefðu fyrst orðið
verulegar þegar vellirnir fóru að rísa
í almenningsgörðum miðsvæðis. Í
dag eru 130 vellir í Svíþjóð og í Finn­
landi er verið að opna um það bil
þrjá velli á viku yfir sumartímann.“
Í sumar verða meðlimir FÍS með
kynningar við nýju vellina en allar
nánari upplýsingar er hægt að nálg­
ast inn á vefsíðunni folf.is. n
Nýir folfvellir (opnunartími)
n Reykjavík - Fossvogur (seinnipart júlí)
n Reykjavík - Laugardalur(seinnipart júlí)
n Reykjavík - Breiðholt (seinnipart júlí)
n Mosfellsbær - Ævintýragarðurinn
(í næstu viku)
n Hafnarfjörður (snemma í júní)
n Hrísey (snemma í júní)
n Akureyri - Hamrakotstún (miðjan júlí)
n Húsavík (miðjan júlí)
n Flúðir (fyrri part júní)
n Apavatn (júní)
Ásgeir Jónsson
asgeir@dv.is
Birgir Ómarsson Formaður
FÍS á vinsælasta folfvelli
landsins á Klambratúni.
Ánægður með að fá heimavöll
Steindi Jr. er meðlimur í Liger Woods
Þ
að er gaman að fá loksins
heimavöll,“ segir Steinþór H.
Steinþórsson, betur þekktur
sem Steindi Jr. En hann er
mikill áhugamaður um folf. Um
helgina rís folfvöllur í Mosfellsbæ,
heimabæ Steinda.
Steindi er meðlimur í folfkeppn­
isliðinu Liger Woods sem saman
stendur af vel völdum mönnum.
Á meðal meðlima má nefna rapp­
arana Ágúst Bent, 7berg og Didda
Fel ásamt íþróttafréttamannin­
um Hauki Harðarsyni. „Það eru
eintómir Ligerar í hópnum,“ seg­
ir Steindi en „Liger“ er skírskotun í
afkvæmi tígrisdýrs og ljóns og hinn
heimsfræga golfara Tiger Woods.
„Það voru ekki margir í þessu
þegar við byrjuðum. Mig hefur alltaf
langað til að verða bestur í einhverri
íþrótt og þess vegna líst mér ekkert
á hvað þetta er orðið vinsælt. Allt
of margir góðir leikmenn að verða
til. Ef ég verð ekki Íslandsmeistari
í sumar er ég hættur. Þá ætla ég að
færa mig yfir í bogfimi. Hef heyrt
að það séu mjög fáir, slappir gaur­
ar í því.“ Ef Steindi nær ekki árangri
í bogfimi segist hann hafa keilu sem
varaplan. „Ég þrái að vera bestur.“
Steindi segir íþróttina vera að­
gengilega fyrir alla. Iðkendur séu
fljótir að ná upp góðri færni en
sportið megi þó alls ekki van­
meta. „Það hefur verið nokkuð um
meiðsli í Liger­liðinu. Diddi Fel fékk
til dæmis disk í legginn um daginn.
Hann haltraði og allt. Varð fyrir
„folfbeldi“ eins og það er kallað í
bransanum.“ n
asgeir@dv.is
Disknum kastað
Íþróttin er ekki ósvipuð
golf-íþróttinni.
Liger Woods Sportið er ekki hættulaust og meðlimir liðsins hafa orðið fyrir „folfbeldi“.
30 nýir leið-
sögumenn
Þann 13. maí útskrifuðust
30 nýir leiðsögumenn úr
Símenntun Háskólans á
Akureyri. Frá þessu segir á vef
Ferðamálastofu. Samtök ferða­
þjónustunnar ákváðu að beita
sér fyrir því að heildstæðu leið­
sögunámi yrði komið á í sam­
starfi við Símenntun Háskólans
á Akureyri og Leiðsöguskólann
í MK. Haustið 2013 hófu síðan
26 nemar leiðsögunámið við
Símenntun Háskólans á Akur­
eyri en 10 svæðisleiðsögu­
menn bættust í hópinn um
áramót til að bæta við sig full­
um réttindum. Í námi eru nem­
endur fræddir um leiðsögu­
tækni, helstu ferðamannastaði,
íslenskt samfélag, jarðfræði
landsins, sögu og menningu,
gróður og náttúruvernd, at­
vinnuvegi, bókmenntir og listir
auk þjálfunar í erlendu kjör­
máli svo nokkuð sé nefnt.