Kópavogsblaðið - 01.12.2007, Blaðsíða 10

Ólafur Þór Gunnarsson lækn-
ir leiddi framboðslista Vinstri
hreyfingarinnar, græns framboðs
við bæjarstjórnarkosningarnar í
Kópavogi 2002, en náði ekki kjöri.
Hann vann prófkjör fyrir bæjar-
stjórnarkosningarnar 2006 og
leiddir listann aftur, en að þessu
sinni vann listinn einn mann, og
Ólafur varð bæjarfulltrúi. Ólafur
var spurður hvort það hafi ekki
hvarflað að honum fyrir kosning-
arnar 2006 að láta öðrum eftir
forystusætið til að tryggja einn
mann kjörinn, en kannanir um
fylgi flokkanna benti um tíma til
þess að VG fengi engan mann kjör-
inn í Kópavogi.
“Í raun hef ég alltaf litið á stjórn-
mál sem langhlaup. Prófkjör og
jafnvel kosningar eru kannski líkari
spretthlaupi, en starfið sjálft, upp-
byggingin innra starfið stefnumörk-
un eru ekkert annað en langhlaup.
Þó illa gangi í einum riðli hættir bar-
áttan ekki,” segir Ólafur Þór.
“Mín aðkoma var kannski svolít-
ið önnur en margra að því leiti að
ég er ekki alinn upp í neinum flokki,
kem því tiltölulega ferskur að mál-
um þegar ég byrja og ekki ástæða
til að halda að allt gangi upp í fyrsta
hring. Ég var beðinn um að leiða
listann 2002, og þegar kom að kosn-
ingunum 2006 ýttu margir við mér
í Kópavogsfélaginu að bjóða mig
fram, og þegar kom til þess að við
hefðum forval fannst mér erfitt að
skorast undan. Auðvitað kann ég
að meta það traust sem mér hefur
verið sýnt og reyni að gera allt sem
ég get til að bregðast því ekki. Það
hjálpaði kannski til að í kosningun-
um 2002 var útkoma VG í Kópavogi
ósköp svipuð og annars staðar á
landinu þar sem flokkurinn bauð
fram lista með “nýgræðingum”.
Því fannst mér aldrei ástæða til
að meta það svo að árangur VG í
Kópavogi í þeim kosningum hefði
verið mín “sök” eða “mistök”, held-
ur miklu fremur endurspeglun á að
maður byggir ekki upp stjórnmála-
flokk á einni nóttu, heldur er það
starfið í grasrótinni sem á löngum
tíma skilar árangri.”
- Þú hefur verið mjög gagnrýnin á
meirihlutastjórn Framsóknarflokks
og Sjálfstæðisflokks. Hefði komið til
greina að vinna með öðrum þeirra
eða báðum í meirihlutasamstarfi?
“Vinstri græn sögðu fyrir kosn-
ingarnar 2006, ekki bara í Kópavogi
heldur víðast hvar á landinu, að
okkur þætti eðlilegast að starfa
með þeim flokkum sem væru næst-
ir okkur í litrófi stjórnmálanna. Það
er hins vegar svo í bæjarmálum að
verkefnin eru oft þannig að ekki er
ágreiningur um hvort eigi að hrinda
þeim í framkvæmd, heldur hvenær
eða hvernig. Því er oft ekki eins mik-
il flokkspólitík innan sveitarstjórna
eins og á landsmálavettvangi.
Fyrsta val eftir síðustu kosningar
hefði alltaf verið að mynda vinstri
meirihluta ef það hefði verið hægt.
Sú var ekki raunin þá, meirihluta-
samstarf Sjálfstæðisflokks og Fram-
sóknarflokks hélt og þeir völdu að
halda áfram. Í ellefu manna hópi
er ekki hægt að leyfa sér að útiloka
einhvern fyrirfram og því hefðu aðr-
ir möguleikar verið skoðaðir. Það
hefðu hins vegar verið miklu erfið-
ari samningar og meiri innanflokks
átök samfara því að hefja samstarf
við t.a.m. við Sjálfstæðismenn, og
niðurstaða úr slíkum viðræðum
hefði engan veginn verið gefin fyr-
irfram.”
Málefni hjúkrunarheimila
til sveitarfélaganna
- Þú hefur barist fyrir bættum kjör-
um aldraðra á þessu kjörtímabili. Er
það svo að staða þeirra í Kópavogi
er slæm, og ef svo er til hvaða ráða
á þá að grípa til að rétta hlut þeirra?
“Staðan í málefnum aldraðra er
erfið allstaðar á höfuðborgarsvæð-
inu. Það er hins vegar svo að þegar
kemur að hjúkrunarrýmum, þá er
staðan hvergi verri en hér. Á höf-
uðborgarsvæðinu búa um 20 þús-
und einstaklingar 67 ára og eldri,
og af þeim eru 15% eða um 3000
manns í Kópavogi. Í Kópavogi eru
hins vegar aðeins rúm 5% vist- og
hjúkrunarrýma fyrir aldraða, þan-
nig að það má ætla að 2 af hverj-
um 3 Kópavogsbúum sem þarf
á hjúkrunarrými að halda vistist
utanbæjar. Þetta er mjög erfitt fyrir
aðstandendur, einkum fyrir aldraða
maka. Þá er framboð á heimahjúkr-
un og heimaþjónustu takmarkað,
sem gerir erfitt fyrir fólk að búa
heima. Í raun þarf þrennt að koma
til að mínu mati. Í fyrsta lagi þarf
að byggja hjúkrunarrými í Kópa-
vogi, og hefði átt að vera búið fyrir
löngu. Líklega er bráðasti vandinn
upp á 40-60 rými. Nú blasir við að
Boðaþing verður ekki komið í notk-
un sem hjúkrunarrými fyrr en á
árinu 2009 í fyrsta lagi. Þangað til
mun ástandið líklega halda áfram
að versna verði ekkert að gert. Því
þarf í öðru lagi að stórauka fram-
lög til heimahjúkrunar og heima-
þjónustu í Kópavogi. VG leggja til
við fjárhagsáætlun 2008 að settir
verði peningar í nýtt verkefni, nokk-
urs konar liðveislu fyrir aldraða.
Þá leggjum við til að tekin verði
upp akstursþjónusta fyrir aldraða
til jafns við rétt fatlaðra til slíkrar
þjónustu. Hvort tveggja kostar ein-
hverja peninga, líklega um 30-40
milljónir á ári af hálfu sveitarfélags-
ins, en er afar brýnt til að létta und-
ir með öldruðum og fjölskyldum
þeirra.
Heimahjúkrun þarf líka að
auka, en þar er við ríkið að eiga.
Því þarf í þriðja lagi að stefna að
því að málefni aldraðra, þ.e. bæði
heimahjúkrun og málefni hjúkrun-
arheimila flytjist til sveitarfélags-
ins með þeim tekjustofnum sem til
þarf. Flutningur málefna aldraðra
til félagsmálaráðuneytisins getur
mögulega verið undanfari þess að
þessi málaflokkur komist á forræði
sveitarfélaganna. Við höfum flutt
tillögur í bæjarstjórn um að leita
eftir viðræðum við ríkið um þetta,
en ekki haft erindi sem erfiði. Fram-
koma samfélags við þá sem þurfa
aðstoðar með er nokkurs konar
spegill á samfélagið. VG vilja að
Kópavogsbúar geti litið í þann speg-
il og verið ánægðir með það sem
þeir sjá.”
- Launamál bæjarstarfsmanna
hafa mjög verið í sjónmáli, m.a. hef-
ur ekki gengið vel að manna leik-
skólana. Minnihluti bæjarstjórnar
hefur gagnrýnt þetta ástand, en er
það ekki bara svo að vegna þess
að atvinnuástand er svo gott í land-
inu þá fer fólk bara í betur launuð
störf? Er einhver önnur leið til en að
hækka laun bæjarstarfsmanna?
“Laun á vinnumarkaði eiga að
vera kjarasamningaatriði. Hið
opinbera getur samt haft heilmik-
il áhrif á rammann sem umlykur
gerð kjarasamninga, og sannarlega
getur sveitarfélag haft mikil áhrif
t.a.m. með aðbúnaði, viðmóti og
fleiru. Svigrúmið sem samningar
gefa þó, hefur hvergi nærri verið
nýt til fulls. Kópavogur er sveitarfé-
lag sem stendur ágætlega fjárhags-
lega og hefur þess vegna bolmagn
til að gera betur en margir aðrir.
Bærinn hefur hins vegar valið að
vera í samfloti með launanefnd
sveitarfélaga, og getur þannig skýlt
sér á bak við þá. Við höfum lagt til í
bæjarstjórn að bærinn segi sig frá
þessu samfloti og semji sjálfur við
starfsmannafélagið og þau verka-
lýðsfélög sem okkar fólk er í og taki
þannig upp sjálfstæða og metnað-
arfulla launastefnu fyrir sína starfs-
menn. Nú nýverið var slík tillaga
felld í bæjarstjórn. Auðvitað hefur
atvinnuástandið í landinu áhrif, en
þá er einmitt tækifæri til að bretta
upp ermar og leita nýrra leiða.”
- Ertu sammála áformum um að
byggja óperuhús í Kópavogi? Á að
hyggja að annari staðsetningu en á
torfunni við Gerðarsafn, Bókasafnið
og Salinn?
“Ég vil gjarnan að það verði
byggt í Kópavogi. Aðkoma bæjar-
ins þarf að vera með þeim hætti að
sveitarfélagið beri ekki um aldur og
æfi allan kostnað af uppbyggingu
og rekstri. Þar þurfa ríki og jafnvel
sveitarfélögin í kring að koma að
með framlögum. Þá getur aðkoma
einkaaðila að málinu skipt veru-
legu máli, en hún má ekki stýra
því hvort eða hvernig óperuhús
verður byggt. Staðsetningin skiptir
líka máli. Ég hef bent á að það geti
verið erfitt að koma húsinu fyrir
á Borgarholtinu, og að þar sé lítið
pláss. Ég hef m.a. bent á mögulega
staðsetningu vestast á Kársnesinu,
þar sem nú er hafnarsvæðið. Þá
hef ég einnig bent á að skoða þann
möguleika að setja húsið niður
við Kópavog, á hluta þeirra lóðar
sem nú hýsir Kópavogshælið. Eins
hefur verið bent á möguleika eins
og Nónhæð og fleiri staði, jafnvel
Glaðheimasvæðið. Alla þessa mögu-
leika á að skoða með opnum huga,
og hönnunarsamkeppni og rekstr-
armódel ættu að skoða alla þessa
kosti.”
Íbúalýðræði og
íbúakosningar
- Ertu sáttur við ákvarðanir meiri-
hluta bæjarstjórnar Kópavogs í
skipulagsmálum á þessu kjörtíma-
bili? Ekki verður byggð stórskipa-
höfn á Kársnesi, ákvarðanir um
háhýsabyggð á Nónhæð hafa verið
dregnar til baka og allt virðist vera í
óvissu um uppbyggingu á svokölluðu
Gustssvæði. Hefur verið farið offari í
skipulagsmálum í Kópavogi?
“Ekki í öllum málum. Vinstri
græn hófu baráttu fyrir breytingum
á Kársnesinu á árinu 2001. Við höf-
um verið sjálfum okkur samkvæm
í þeim breytingum sem við viljum
þar, og höfum lagst gegn auknum
umsvifum kringum höfnina eða
stækkun athafnasvæðisins. Við höf-
um stutt við baráttu íbúasamtaka í
Lundi, Nónhæð og á Kársnesi. Það
hefur verið gleðilegt að sjá hve íbú-
arnir hafa látið sitt nærumhverfi sig
miklu varða. Þetta er ein birtingin á
íbúalýðræði eins og við höfum oft
talað um.
Bæjaryfirvöld mættu hinsvegar
oft hafa meira frumkvæði þegar
kemur að íbúalýðræði, jafnvel með
íbúakosningum um mikilvæg mál.
Það getur ekki verið meiningin í
nútíma samfélagi að fólk fái tæki-
færi til að segja sína skoðun á 4ra
ára fresti en eigi svo bara að “halda
í sér” þess á milli. Bæjarbúar verða
líka meiri þátttakendur í svoleiðis
samfélagi, og það er væntanlega
það sem við viljum.”
- Er gott að búa í Kópavogi?
“Fyrir flesta er það svo. Við vin-
stri græn viljum gera bæinn góðan
fyrir alla, hvort heldur er aldraða,
öryrkja, heilbrigða eða veika. Það
verða allir að geta sagt: Það er gott
að búa í Kópavogi,” segir Ólafur
Þór Gunnarsson bæjarfulltrúi.
Hvergi verri staða hvað varðar
hjúkrunarrými en í Kópavogi
10 Kópavogsblaðið DESEMBER 2007
Ólafur Þór Gunnarsson bæjarfulltrúi á fundi með samflokksmönnum
í VG.
ÍS
L
E
N
S
K
A
/S
IA
.I
S
/O
R
K
4
01
67
1
1/
07
or.isTakið þátt í jólaleik Orkuveitunnar á www.or.is
Hlýjar og bjartar hátíðarkveðjur
Kópavogsbær hefur fjárhags-
legt bolmagn til að gera betur
en margir aðrir í launamálum.
Bærinn hefur hins vegar valið
að vera í samfloti með launa-
nefnd sveitarfélaga, og getur
þannig skýlt sér á bak við þá.
Við höfum lagt til í bæjarstjórn
að bærinn segi sig frá þessu
samfloti og semji sjálfur við
starfsmannafélagið og þau
verkalýðsfélög sem okkar fólk
er í og taki þannig upp sjálf-
stæða og metnaðarfulla launa-
stefnu fyrir sína starfsmenn.